يدا بيد .... نحو الأمل :)

[أنامل قلب]

:
.

متابعين متابعين :)
الحمدلله عالسلامه .. نورتي الواحات ..,، !

:.

[حلم الطفوله]

امنوره بوجودج عزيزتي

تدرين أنامل .....

بما إني معلمه .... واجهت موقف صعب جدا مع طالباتي ....

تخيلي يالسه أشرح وفجأه يتحول الموضوع للتدخين .... وأخبرهم بأخطاره

توقف وحده وتقولي .... معلمه أنا أبوي يدخن باكيتين باليوم وريحة بيتنا دخان ريج ، كيف أقدر أقول لأبوي إنه هالشيء خطر وأنا أتوقع إنه يعقطني ( يعني يفرني ) بأي شيء جدامه جان طريت له هالموضوع


بأمانه ما عرفت كيف أجاوبها ...هل أقولها انصحيه بأسلوب حلو وأنا ما أضمن هالشخص لما تلعب الجقاير بعقله ساعتها أو إني أقولها اسكتي عنه وريحي عمره ...

قلتلها .... ادعيله بالهدايه بصلاتج وإن شاء الله بيترك هالعادة السيئه لأنه الدعاء الصادق مستجاب
وخصوصا إذا كان من ابنه تحب أبوها مثلج

نشت الثانيه .... معلمه الحين الجقاير مال أول .... الحين الغليون طالع سوقه هالأيام ....خوالي كلهم يدخنون غليون ولما أميه تنصحهم يقولولها صخي لاه .... ها أحسن من الجقاير !!!

معلمه إنتو تعلمونا شيء وإلي نشوفه شيء ثاني

وأنا جيه

نشت الثالثه ... معلمه تدرين إنه هالشيء بصالحي !!! يعني إذا كنت أبا شيء من أبوي أترياه لين ما يدخن وتهدى أعصابه علشان أطلب منه إلي أباه .... والله بحياته ما ردني بإلي أطلبه لأني أعرف أستغل الفرصه

سبحان الله رب ضاره نافعه .... يعني وصلنا لمرحله نعلم عيالنا اقتناص الفرص!!!

وبالأخير وبعد ما دق الجرس يتني بنت منهاره من لصياح .....

معلمه تدرين ....أنا اكتشف إنه أبويه يدخن بالصدفه ... كنت رايحه الموووول وشفت أبوي يالس ويا ربعه وكلهم يدخنون ... ومن هاك اليوم مب قادره أحط عيني بعينه .... أحس إنه أبوي نزل قدره بقلبي بهالشيء ....

بالله عليج يا أنامل ....

هالأجيال تشوف قدوتها جيه .... فكيف تبغونا نتصرف وياهم ونحن نقولهم عن الشيء الغلط إنه غلط

والواقع السلبي جدامهم يقول العكس

اكتفيت بإني أقول لهم إنه عادة التدخين ضاره ولكن من تعود عليها من الصعب أن يتركها بسهوله ..وإن شاء الله بدعواتكم الصادقه بيتركونها

عقب قلت في نفسي .... إذا حجت البقر عقرونها