السلام عليكم
إختي وحي القلم ....
المهم تقتنعين بتخطيطج للأيام عشان ترتاحين فيها أكثر
للحين مصره على رايج !!!!
ترى طريقتي مفعولها أكيد وامجربه ويا دموع قلم
اتشاوري ... وفكري بالموضوع !!!
أنامل قلب
أنتظر هالعوده عزيزتي
بس لا اطولين
طفلة الواحات إلي نشتاق لها بكل زمان
حقوق تطبيق طريقتي محفوظه لحلم الطفوله وأصدقاءها المقربين بس
بس بعد ما بنبخل فيها على أهل التربية ومن يرغب من القبائل المكروفه بالشغل
برد أعقب ....
الحين
أوعي تغيري المحطه .... فاصل ونواصل
لو كثرت عيوبي بعينك تباهيت .... أبقى الوحيد إلي عفس لك مزاجك
طفلة هالزمان المتفائل
وينج !!! تولهت عليج دبوووووووووه
والله هالايجابية تغير كل شيء بالحياة ....
الإراده تلعب دور كبير والتخطيط المنظم يقدر يغير أسلوب ونمط تفكير المنقود
بس بطريقة ما تتعارض مع تقاليدنا وقيمنا ....
وعلى سالفة حوي البيت .... نفس تفكيري ومنطقي والله !!! بلا صالات بلا مخاسير
وحتى التلفزيون حلو ....حتى أفلام الرعب زايده هالأيام على قناة تووو .... وآثارها كوابيس جاركم الله
طفله كل يوم تعالي
لو كثرت عيوبي بعينك تباهيت .... أبقى الوحيد إلي عفس لك مزاجك
عندي سؤال للشباب !!!
ليش ما تشاركون بهالموضوع ؟
يعني هل أوقات الفراغ مالها وجود عدكم ؟؟
وكيف تقضون أيامكم ؟
المهم : موضوعي الثاني أحسه مهم جدا جدا
وخصوصا إنه هالظاهره زادت نسبتها واااايد هالأيام
واحتلت المقاهي اهتمام الشباب أكثر من الشواب
وصار الشاب يعلل يلسته عالقهوه مع ربعه بحجة ...
إن زين أنا ما أدخن ..... أنا بس أشيش !!!
سؤالي .... باعتقادكم ما هو السبب الذي يدفع الشاب لظاهرة التدخين والشيشه ؟؟
لو كثرت عيوبي بعينك تباهيت .... أبقى الوحيد إلي عفس لك مزاجك
انا ما ادري اذا للسهر دخل في كيف بجاوبج على هالسؤال .. بس من الحين اقولج انا ابري ذمتي عن حد يضن فيني سوء
يوم قريت سؤالج .. قلت فخاطري على طول : احس التدخين شي حلو لان:المشاركة الأصلية كتبت بواسطة حلم الطفوله
1- مع كل الانذارات الي تقراها الناس بعدها الاوادم ادوخ!
2- و بالرغم من الاثباتات و "الحقائق" والاموات وسائل التوعيه الي تمر علينا كل يوم وكل ساعه, الناس ماتودر التدخين بالعكس كلماياينهم يزيدون!
فانا اقولج ميتين بالاميه اكيد التدخين شي حلو
والي ياكد "نظ/ضـرتي" هو ان مستحيل مستحيل مستحيل مستحيل اذا دخلنا بيت واستجوبنا الناس الي فيه مستحيل نلقى بيت كمن حد من اهله وخصوصا الاولاد ما يربو يدوخون / او انهم يدوخون بالفعل!
اقول ..ترا الحين الساعه اربع الفير
السلام عليكم
عزيزتي تحفه
اختلاف الرأي لا يفسد للود قضيه .... بس احساسج بإنه التدخين شيء حلووو .... عز الله كدينا خير
تحوفتي الغاليه
أنا وياج إنه الناس تسمع وتشوف التحذير على كرتون الجقاير ابنفسه وبعد ادخن وبشراهه فضيعه
ووياج إنه أغلبية الشباب جربوا التدخين والشيشه وما يخلا بيت من المدخنين
وحتى لو مايدخنون جدام أهلهم ويسوون نفسهم أبرياء بتفضحهم ثيابهم لمخبقه بسبة الجقاير والمعفنه من ريحة الدخان
بكل هالأشياء أنا وياج ...
بس والله التدخين ضار مب بس بصحة الانسان نفسه ....
أهله المحيطين فيه .... مرته وعياله ....لأنه يقولج حتى الحامل تتأثر هيه وجنينها ويمكن تحصل تشوهات للجنين أو أمراض مستقبليه وخصوصا الربو وضيق التنفس
وبعد مهما ترددين هالكلام جدامهم بيقولون ندري !!! ويدخلون من إذن ويطلعون من الإذن الثانيه
بقولج موقف استوالي يوم كنت بالاعدادي ....
كنا رايحين برحله بريه حوالي خمس سيايير صوب سوريا وضواحيها ....
المهم المعروف إني هاديه وما يخصني باللغابه ولا أعرف سوالف لملاسن .. ياهل فديتني
والمهم بعد .... عزمتني بنت خالتي على سيارتهم ويا خواتها .... وطبعا التغييير حلو ويمدحونه بالرحله ....
وعقب ما أشوف إلا الأبوووو يطلع هالباكيت ويولع ويدخن .... وأنا جييييه
خلص الأولى والثانيه والثالثه على أنغام نجوى كرم
وعقب جان أقوله .... خالييييييييييييه .... هالكثر الجقاير طعمها حلووووو !!! عطني بجرب وحده
ويقولج الفيلم ابتدا عقب بسيارتهم .... بناته قالوله نفس كلامي .... جان يقولهم هاي مب زينه حقكم .... بس حق لكبار
قلتله يعني يوم بنكبر بتخلينا انجربها وياك !!! ( صدق إني كنت داهيه )
يقولج الريال ازرق واصفر وجنه اخضر ساعتها .... وجان يوقف السياره وينزلني سيارتنا
ومن عقبها الريال قرر يوقف التدخين نهائيا .... وكل ما يشوفني يقولي هاللغايه داهيه
يمكن كنت سبب ...بس عزيمته كان لها دور كبير وقدر يتجاوز هالمرحله بإصرار وتحدي
وانتقل من مرحلة المزاجية والعصبيه إلى مرحلة يديده كانت بدايتهاحلوه على أهله وعياله بالذات
وبعد بكمل ...عندي قصص وايد .... لا تغيرون المحطه
لو كثرت عيوبي بعينك تباهيت .... أبقى الوحيد إلي عفس لك مزاجك
عدنا من جديد
التدخين وما أدراك ما التدخين !!!
شر من بدايته لنهايته ... والمشكله لكبيره لما تشوف إعلانات التلفزيون كيف تغري الشباب وعقب يطلعون التحذير بسرعه كأنهم يبيعون خبز وقافي !!!( أمحق تشبيه ... مووول ما يخصه)
نرجع للانسان المدخن ...
لا يختلف اثنان إنه المدخن عصبي .... ويوصل لحاله هستيريه ما يهديه منها إلا الجقاره !!!
يعني هالانسان صار ( عبد) لجقاره ...هيه الوحيده إلي تقدر تهديه وهيه الوحيده إلي تقدر ترفع ضغطه إذا تركها !!! سبحان الله
وبعد الشخص المدخن .... موته إذا حد نصحه وإلا طراله الجقاير بما لا يرضي مستواها عنده
يتغزل فيها وبشكلها وبريحتها ( مب جنها دخان ريج .... بكبرها وعبرها ما تسوى مضرب دهن عود من عند أجمل )
مشروع يباله رأس مال ( جقاره بدهن العود)
ويا ويلج ويا سواد ليلج جان سبيتي الجقاير جدامه .... يا إما بتنكفخين وإلا بتتسفرين وإلا بتنجتلين
لأنه يعتبرها شيء من خصوصياته إلي ما يسمح لأي حد إنه يناقشه فيها ( لأنه النقاش عقيم )
حياته دخان بدخان .... وبعد جان لاحظتوا إنه الشخص المدخن حاسة الشم عنده معدومه ( مفتك)
يعني لا قدر الله جان احترقت حجرته وهو فيها ... ما بيشم ريحة لانه غارق بريحة الجقاير
ليش عصبت !!
امبلى انته عصبت !!
والدليل إنك الحين قررت إنك ترد برد تهاجم فيه صاحبة الموضوع لأنها تجرأت على خصوصياتك !!
متأكده إنك عصبت !!
لأنك ما رضيت على الجقاره بالكلام الجارح....
بس لين متى ؟؟
هالعصبيه بتخليك تاكل بعمرك كل ما ينطرى هالموضوع جدامك ....
وكل كلام عن الموضوع بتعتبره تهجم عليك .... بتاخذه بشكل شخصي ...مع إنه هالموضوع عام
الانسان عاقل....
وإنته عاقل أكيد ...
وكلامي مب ضدك .... ولا يقصدك بمضمونه ....
كلامي يريد يستدعي عقلك .... ويقوله هالشيء إلي أثار عصبيتك غلط !!!
اتخيل ولدك باجر ماسك جقاره جدامك ....بتقوله لأ ... ممنوع هاي خطر وأنا بنفسي ما قدرت أتركها
ابدأ بنفس ... وإترك هالعاده السيئه ...كون عاقل ...لأنه العاقل ما تغريه جقاره ادمر حياته قبل ما يبتديها
لو كثرت عيوبي بعينك تباهيت .... أبقى الوحيد إلي عفس لك مزاجك
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
مواقع النشر (المفضلة)