يدا بيد .... نحو الأمل :)

[شمعة أمل]

حلووووووووم
لا صدق التدخييين يظعف!! لانه شهيتهم تنسد.. ومن يوقفوون وايد ياكلوون ف يمتنون p;
وعن الحجاب مادري والله بس انا ارمس عن نفسي وعن الى اشوفه.. يعني معظم اذا مب كل ربيعاتي الى صدق مهتمين بحجابهم هم الى اهلهم ما شددو عليهم في البدايه.. يعني اول سنه ولا سنـتين خلوهم في حالهم وشوي شوي جبروهم.. بس مب انه جبروهم كـ غصب بس يعني شوي شوي عوّدو بناتهم عليه

[حلم الطفوله]

شمعة أمل !!!

يا عل جبدهم تنسد عن التدخين والأكل ودرب إبليس ....قولي آمييين :)

[طفلة من هذا الزمان]

أنـــــــــــــا ييـــــــــــــــــــــت . ماقلت لج خل الامتحانات تخلص و انا اتفيج أكثر ..

عيبني التوبك هالمرة (يعني مب رايمه تقولين موضوع ) .. صراحة موضوع ذوو شجووون ،،

[mark=FFFF99]- ما هي ايجابيات وسلبيات الواحات وتأثيرها على حياتكم الخاصه؟[/mark]إيجابياتها في كونها أول المواقع اللي ادخلها بعد ما اجيك ايميلي وكونها ملجأ لي دوووم إذا في خاطري شي .. مساحة استفيد منها في طرح مقالات او خواطر او فضفضة .. وسيلة مفيدة يعني في وقت الفراغ ووسيلة أروع للتعبير عن الرأي ....

سلبياتها .. أذكر أيام الدراسة كانت بصراحة تخرب على المذاكرة و غيره .. يعني بدال لا اجابل الاسايمنتات والبرزنتيشنات كنت اتعلث و ادش الواحاات و انسى عمري واااايد فيها ..يعني ما تحلى بعيني اكثر الا ايام الزحمة بس الحين كبرنا للأسف وخلصنا دراسة ..

[mark=FFFF99]- ما مدى استفادتكم منها في محيط حياتكم العامه ؟[/mark]
برجع

[mark=FFFF99]- ما هو مستوى إدمانكم عليها ؟ وهل وردت فكرة الانسحاب منها بدون عوده؟[/mark]
حاليا إدمان يومي .. و حدث فعلا إني انقطعت عن الواحات لفترات طويلة و متقطعة .. بعض الأسباب ماذكرها و بعضها بسبب الدراسة و الزحمة اللي صارت لي في حياتي الخاصة ..
البارحة بالضبط ربيعتي تشتكي ان ماعندها مساحة ممكن تحطي فيها كتاباتها وغيره .. ولأني أحب احتفظ بهويتي سرية عمري ما طريتلها الواحات او دعيتها تشارك فيها .. بس البارحة خبرتها اني مشاركة في منتدى من سنة 2000 تقريبا وهو المنتدى الوحيـــد اللي اشارك فيه .. استغربت .. قالت شو هالولاء ؟
لين الحين افكر هل هو ولاء ؟ او شو بالضبط اللي يربطني في الواحات .. لقيت ان الاسباب كثيرة .. منها ارتباطي بذكريات جميلة وقصص أجمل عرفتها هني ودروس و عبر تعلمتها في الواحات .. و شخوص أروع ماعتقد اني بعرفهــا لولا صدفة الواحات .. واعتزازي كبير بكل اللي عرفتهم عن طريق هالواحات وكل اللي تربطني فيهم مودة و احترام من اخواني و خواتي في الواحات ......

[mark=FFFF99]- ما هي المواضيع التي غيرت فيكم ؟ وإلى أي مدى كان هذا التغيير ؟ [/mark]
في ماوضيع غيرت لي رايي بأشياء في الدنيا .. مواضيع اكتشفت فيها رايي الخاص .. ومواضيع تعلمت منها معلومات يديدة .. ومواضيع اكتشفت فيها طرق تفكير ناس .. ومواضيع علمتني لغة و أسلوب في الكتابة .. ما بحدد هالمواضيع لكني قلت نوعيتها .. جاوبت ابله حلوووم ولا بعدني؟

[mark=FFFF99]- صداقات الواحات ...ماذا تعني لكم ؟[/mark]
الكثيـــــــــــــــــر.. إجمالا .. الصداقة بالنسبة لي أكثر علاقة أقدرها واحافظ عليها في حياتي عامة .. وفي الواحات تعرفت على أشخاص أكن لهم تقديــــــــــر و إحتـــــــــرام كبير .. أشخاص كان لهم أثرهم حتى في حياتي الخاصة .. بدونهم أنا .. ماكنت بكون أنـا اليوم .. و كل يوم أشكر الصدف والأحداث اللي جمعتني فيهم وعرفتني عليهم ....
وهن معروفــات يعني و غنيات عن التعريف ..........................


لي عودة للتعديل

[حلم الطفوله]

عزيزتي طفله

دايما أردد هالسؤال بخاطري !!! أنا منو دزاني عالواحات وخلاني أتعلق فيها هالكثر !!

وزين يوم اكتشفت إنه هالإدمان ظاهره صحيه عند الأغلبيه

الحين دوري عشان أجاوب ...

ما هي ايجابيات وسلبيات الواحات وتأثيرها على حياتكم الخاصه؟

ايجابياتها ... الواحات أول وآخر منتدى أفكر أنضم له ... عرفتني على أشخاص أعتز بمعرفتهم ، وعتني على أشياء كانت غايبه عني ، علمتني إنه الخير موجود بنفوس الأعضاء الطيبين ، ووقفاتهم وياي أشكرهم عليها وااايد
سلبياتها : السلبيه الوحيده هيه ظاهرة ادمان الواحات !!! يعني لازم أشوف الصفحه الزرقاء أول ما أدش النت

- ما مدى استفادتكم منها في محيط حياتكم العامه ؟

يعني ساعات أقولهم في البيت أخبار وأشياء فيسإلوني عن مصدرها !! وساعات أشوف أماكن ارتبط فيها الأعضاء فتلاحقني حتى في طلعاتي ، وتعرفت على أشخاص نسبة العقل والرزانه والطيبه في تعاملهم وأخلاقهم تفوق الوصف ، وتحليلي للأمور وتفهمي للواقع صار أكثر من خلال آراء ومواضيع الأعضاء

- ما هو مستوى إدمانكم عليها ؟ وهل وردت فكرة الانسحاب منها بدون عوده؟

ادماني عليها كبير ، أحس أحيانا إني عايشه بالواحات أكثر من بيتنا

فكرت ويتني فتره هديتها بس حسيت إنه فيه شيء ناقص بحياتي !! وما زالت فكرة الانسحاب وارده خلال هالفتره وتزن بإذني واااااايد بس حلوووووم غامضتني

- ما هي المواضيع التي غيرت فيكم ؟ وإلى أي مدى كان هذا التغيير ؟

أول ما دخلت الواحات أدمنت مواضيع صدى الونه ....صدق إنه كان وااايد يعلق على (قلمي) أيامها !! ( ما استوت كلمه قلتها في ردودي ) بس بعد يعتبر من القمم إلي من المستحيل الوصول لمستواهم
ومدى التغيير كان للأفضل طبعا واكتشفت إنه فيه شواب بالواحات متمسكين بالموروث


صداقات الواحات ...ماذا تعني لكم ؟

اكتسبت صداقات كثيره بالواحات ، إخوان وأخوات مستحيل أنسى مواقفهم ووقوفهم وياي

أول الناس كانوا أنامل ودموع قلم وزمان الصمت ....بصراحه مفتقدتنهم وااايد بس ربي يوفقهم بحياتهم

وقلوب دبي ما أنكر موقفه لما صمم توقيع للدعاء للوالده أيام مرضها ..ربي يجعله بميزان حسناته

بس بعد انقرصت من انسانه واكتشفت إنه الظاهر عكس الباطن والله يهديها

[شمعة أمل]

آميييييييين!!

[حلم الطفوله]

وعليكم السلام

أنامل قلب ....شاكره وجودج وتفاعلج مع الموضوع .... بس اعزميني عالعزيمه الواحاتيه ولا تنسيني :)


أعزائي

فكرت بفكره وحابه آخذ رايكم فيها ....

أي عضو أو عضوه عنده موضوع وخاطركم تناقشونه ....طرشولي عالخاص عشان أصيغ الفكره وأطرحها بهالموضوع

أحس استوى عندي جمود فكري !!!

[مجموعة إنسان]

- ما هي ايجابيات وسلبيات الواحات وتأثيرها على حياتكم الخاصه؟

برد عليكم مال سرعه سرعه
ايجابيات الواحات اسولف مع ناااس طيبين وحلوييين احترمهم ويحترموني
امزح معاهم بس والله لو حسيت اني ضايقت احد بمزحي ما ارقد لازم اعتذر .


وبداية التطوع من الواحات عن طريق كلكلووش ,, ما قصر والله ,, والحمدلله فرق بين شخصيتي امس واليوم والسبب التطوع

والسلبيات اللي احس ان واايد ناس هني احسهم يفكرون فيها اني انا ابي اقردن البنات (سوري عالكلمه ) بس هالصدق ,,


- ما مدى استفادتكم منها في محيط حياتكم العامه
الحمدلله وايد استفييد من الواحات من خلال اقتباسات حرفية اقولها برع الواحات ,, وبعد ان الحين انا مصور هاوي اتعلم تصوير
وشغلي في التطوع ما يكون بس شغل بعد اشتغل مصور لتكاتف


- ما هو مستوى إدمانكم عليها ؟ وهل وردت فكرة الانسحاب منها بدون عوده؟
ما فكرت بهذا الشي ,,
لاني ما ابي اخسر احسن اخوان تعرفت عليهم ,,




- ما هي المواضيع التي غيرت فيكم ؟ وإلى أي مدى كان هذا التغيير ؟
مممممم
ماذكر بالضبط شو المواضيييع بس في مواضيع
مثل موضوع الكتب مادري شو اسمه
نسيت اسمه هالموضوووع
اللي في واحات المواضيع القيمة
خلاني اشتري واااايد كتب واقرأها





على فكره مافي حد يعرفني اللا وخبرته عن الواحات ,,, مسوي دعاية لكم

[مــهــابه]

ما هي ايجابيات وسلبيات الواحات وتأثيرها على حياتكم الخاصه؟


~ أيجـابيـاتها : طـورت جـداً كتاباتي ، صرت أشاور ناس ، أخذ برآي ناس ، حسيت انه التواصل مع الغير ينمي من ثقافه الشخص أولاً . .


سلبياتها : ممم أشيـا وايد تـصير منها تـطفل الـ غير ، يعني اشيا لا حبذا اني أذكرها



- ما مدى استفادتكم منها في محيط حياتكم العامه ؟


~ عـرفـتني عـلى ناس قـلوبهم طـيبه ونقيه مثـل [ الثــلج ] وأتـشرف بـ معرفـتهم ، وبـعد شفـنا ناس من الفئه الثـانيه وأسـتفدنا منهم بـطريقه أو بـ أخرى ، يعني تعاملنا معاهم عـَلمنا أشيـا وايد


- ما هو مستوى إدمانكم عليها ؟ وهل وردت فكرة الانسحاب منها بدون عوده؟

حسـب المزاج ! . .

أحيـان ما اقـدر أفـارجها ، وأحيـان أحس اني لازم أكـون بعيد عـنهـا ! . .


- ما هي المواضيع التي غيرت فيكم ؟ وإلى أي مدى كان هذا التغيير ؟

~ ممم وايد مواضيع ! ..

- صداقات الواحات ...ماذا تعني لكم ؟


تـعني لـي الكثـير ويـكفي أنـي عـرفـت فيهــآآ ناس طيبين


شكراً [ حلــم ]