يدا بيد .... نحو الأمل :)

[وحي القلم]

توني انتبهت لهالسطر

مادري وين كان منخش فالمره الاوليه

أكيد بيظهرنها !!! تامه ساعتين تستشور الشعر فتبغي الناس كلهم يشوفونه ( هالوقت وين اييبنه )

أنا هذا اللى أبى أعرفه

متى تتفيج تسوي تسريحه و الدوام الساعه 8 ...!!!

نحنى يالله يالله نداوم من الصبح

.
.

طفله

انزين ليش ما يمنعونهن فالمدارس؟؟ الاداره ما تقدر تحل هالمشكله؟؟

[طفلة من هذا الزمان]

وحــي القلــم ،،

الإدارة تسوي حمـلات تنظيف و تشلها عنهن ، لأنهم يحبون الألــوان والغريب الألــوان الفاقعــه فيسمحولهن بحجم معين و ألوان معينة تناسب اللبس المدرسي...


بس انا اقــول يبالهن ضــرب تـرى

[حلم الطفوله]

مساء آخر امتحان لأغلى طفلة في بلادي

صدقج يا إختييييييه .... الحرام مستوي حلو وعادي !!! والله قهر

وهالأطط المغمضه إلي على قولة نفس الناس بعد ما ينلامن !!! يسيرن محل الخردوات ويخمن (عضاضات) الريش الملونات !!!

فتستوي تسريحتهن بو خمس طوايق !! حتى أحس البنت شاله قمة بناية الاتصالات عراسها !!

والله محد امغمض بهالدنيا إلا غيرنا !!! وجان رمسنا قالولنا ماماه وباباه اشترولنا !!!

هاي ماماه وباباه روحهن موضوع !!! وين أميه وأبويه وأمايه !!! حشا حتى لسانا اعتوى وثجل

المهم ... من تخلصين تصحيح وزعي بارد وأنتظرج بواحة الحش والسوالف

وحي القلم

الغاليه .... أنا يا دوب أقوم وأداوم .... وأشوف جدامي عجب عجاب !!! بس يقولج التعود يولد السرعه!

وبالنسبه للإداره .... والله تعبنا ونحن انلقط بالطابور !!! الشبرات والعقود والحلقان !!! وبعد ما يتوبن

آخرتها بنبيعهن بسوق خيري كدفاعة بلاء عن الأبهات والامهات !!( جان فهمتي هالجمله إبئي آبليني)

[وحي القلم]

فهمتها

بس تعالي شو يخص الأبهات و الأمهات على قولتج

خلوها دفعة بلا عنكم انتو أحسن.. حد قال لهم يخلون بناتهم جيه

[أنامل قلب]

:
.

أنا فئة ثانيه تخوفني .. . !

[حلم الطفوله]

أنامل قلب ........ منو هالفئه ؟؟ قولي قولي لا تخافين

[أنامل قلب]

هم فئتين للأسف ولا ادري من فيهم أشد عن الثانيه ><"

مب إلا بخاطري اذكرهم .. الود ودي انزل موضوع بكبره بس ماروم =(
تدرين يوم تكونين معلقه مابين حالة الصدمه والاستنكار ..
او يمكن عدم تقبل للشغلات اللي تلاقينها .. . !

اااااااه

..

[حلم الطفوله]

أنامل ...موووووووووووول ما ضيعتيني !!!

الله يهديهم

[حلم الطفوله]

أحبها ... أحبها


أهرع إليها بدون تفكير وأجدني ابتسم بمجرد رؤيتها

أجد راحتي بقربها ...ويسكنني الهدوء بعالمها

سر عجيب ....ذاك الذي يربطني بها ... وألفة عجيبة تجمعني بشخوصهاk_icon9:

الواحات .... ذلك العالم الذي أدمنته فصار جزءا أساسيا بحياتي

أرى الزوار فأكون على ثقه تامه بأن أغلبهم أعضاء قدامى أصابتهم لعنة ادمان الواحات فآثروا تصفحها بالخفاء

سأترك الحديث عنها لكم ...وسأرجع لأعترف أنا الأخرى بما تعنيه الواحات لي


- ما هي ايجابيات وسلبيات الواحات وتأثيرها على حياتكم الخاصه؟

- ما مدى استفادتكم منها في محيط حياتكم العامه ؟

- ما هو مستوى إدمانكم عليها ؟ وهل وردت فكرة الانسحاب منها بدون عوده؟

- ما هي المواضيع التي غيرت فيكم ؟ وإلى أي مدى كان هذا التغيير ؟

- صداقات الواحات ...ماذا تعني لكم ؟هنا سنسطر معا لنرسم أبعاد هذا الإدمان الذي أصبح واقعا في حياتنا !

[أنامل قلب]

:
.


- ما هي ايجابيات وسلبيات الواحات وتأثيرها على حياتكم الخاصه؟

ايجابياتها :

ـ انها تمنحني الفرصه يوميا لابداء نفسي وعيش ما أنا عليه بشكل أو بآخر .. . !
ـ انها تمنحني الفرصه يوميا لتبادل المنفعه مع الغير أكان بخير أم ما يقل عنه بشكل أو بآخر .. . !
ـ انها كالماء بنفعها .. وكـ حاجتها للرعايه حتى لا يشوب مذاقها ولا نقاءها شيئا .. . !
ـ انها بي أسرة الجأ إليها دوما .. . !
ـ انها تحوي هذا الكم الطيب من الشخوص والأفكار والأقلام المميزه .. . !

سلبياتها :

ـ انها تأثر عـ نفسيتي بالسلب لمن ألاقي شغلات محدده .. . !
ـ انها بالنهايه مسؤوليه أقصر بحقها .. والضغغط اللي انحط به أحيانا .. . !
ـ انها تشغلي أحيانا عن أولويات يجب تقديمها .. . !
ـ انها ادمان .. . !

- ما مدى استفادتكم منها في محيط حياتكم العامه ؟

استفادتي منها على صعيد أنامل قلب الخاص اولا ..
وبالتالي فهو يترك بحياتي الخاصه كذلك الأثر الكبير وجدا .. . !

ياما أييب طاري الواحات خارج اطار الواحات ..
وياما انسئل عنها .. لأتساءل بدوري كذلك .. . !

- ما هو مستوى إدمانكم عليها ؟ وهل وردت فكرة الانسحاب منها بدون عوده؟

مدمنه عليها بشكل يجعلني ان لم اتفقدها بيوم .. وكأني لم اتفقد احد اطراف الاسره .. . !
وعن الانسحاب .. فنعم كثيرا .. كثيرا جدا ..
لكن باذن الرحمن ما بنسحب وبقد عـ جبد الواحات لول ..
حاليا على الأقل .. !

- ما هي المواضيع التي غيرت فيكم ؟ وإلى أي مدى كان هذا التغيير ؟

اممم .. ما أملك تحديد المواضيع لأني وبصراحه لا أملك الدخول على موضوع ولا أكتسب منه شيئا ..
يعني بتعبير آخر .. كل المواضيع نثيرني بشكل ما .. وكلها أنتفع منها ولو بتفاصيل صغيره .. . !
مهمن كان الموضوع بنظر الغير خفيف .. الا والاقي به شغلات ..
يعني نحن اهني بالنهاهه نتواصل مع ارواح وافكار وخواطر ..
نتأثر ابها بالشكل اللي نحدده اولا .. ثم بالشكل اللي يحدده الغير .. وهذي وجهة نظر .. . !

- صداقات الواحات ...ماذا تعني لكم ؟هنا سنسطر معا لنرسم أبعاد هذا الإدمان الذي أصبح واقعا في حياتنا !

هممم .. بصراحه .. لست ممن يحبذ التواصل مع اهل الواحات خارج اطار الواحات ..
مش لكوني أحب ولا ما أحب اتعامل مع خواتي .. لكن اممم .. مادري ..
ونادر ماتلاقوني اطلب التواصل خارجه بذاك الشكل الكبير ..

ممكن ودي واحترامي لخواتي يدفعني لبعض انواع التواصل ..
لكن بشكل عام .. أجدني بعيده لسبب أجهله .. أو اتجاهله .. !

مع العلم .. وعلى نقيض ذلك ..
أفكر اسولي عزيمه واحاتيه ..

هذا من ناحية التواصل خارج اطار الواحات .. فيما عدا اختي دموع قلم ..
أما إن كان القصد بالسؤال الصداقات بشكل عام .. فتواصلي مع العضوات داخل الواحات طيبه ولله الحمد ..
هي خفيفه لكوني خفيفة الاختلاط .. لكنها مميزه بتميز اصحابها حفظهن الرحمن ..

:
.

:
.

يزاج الرحمن خير حلم الواحات ^_^ ..

متابعه بود .. .

:.

[شمعة أمل]

الموضوع الأول : من وجهة رايك الشخصية ..... كيف يقدر الانسان يستثمر أوقات الفراغ ؟
الحل يعتمد على الشخص وامكانياته وقوانيـن أهله.. انا الحين عندي وقت فراغ فضيـع بس مول مب يالسه أسوي شي مفيـد
طريقه حلوه تقضون وقتكم فيها هو الطبخ.. العزاييم (الحين صيف سوو pool party &bbq) .. القراءه.. الرياضه.. تنظفون كبتاتكم وتعطون الفقرا ثيابكم الجديمه.. تبدون مشروع خيري (في الصيف بيت عمي يسون اشياء وفي نهاية الصيف يسون معرض خيري)
بس في نفس الوقت الجو حرررر حررر عندنا واحس انه هالشي يخرب.. غير انه نحن بنات >_<
واذا عندكم يهال اشترولهم حيوان.. مسؤولية الاهتمام في الحيوان كبيره.. احيد في الصيف اول ماشترولنا جلاب كللللللل يوم نحن برع عندهم نمشييهم نسبحهم ماخلينا شي..
وبعد طريقه ثانيه هي انكم تتعلمون لغه يديده!!

سؤالي .... باعتقادكم ما هو السبب الذي يدفع الشاب لظاهرة التدخين والشيشه ؟؟
أنا برمس عن شباب جامعتنا لاني سألتهم هالسؤال.. ترا شو يستوي.. يشوفون ربعهم يدخنون ولو مايدخنون معناته هم مب كوووول!! وبعدين يدمنون عليه.. ومن ناحية البنات.. يدخنون عشان يظعفوون ويوم يبون يودرونه مايرومون عشان يمتنهم


سؤالي يقول :
1- إنتي كبنت شو رايج بهالشيء صح وإلا غلط ؟ وهل هالقصه بتخليج تكونين جميله بنظر الكل ؟
هو غلط بس في البدايه صح.. بقولج ليـش.. يعني انا برمس عن نفسي وعن شي من ربيعاتي..
أول ماتحجبنـا كنا نطّلع القصه .. الخ وبس كنت البس الشيله في البلاد.. من اسافر اعقها.. مول ماكنت ماخذتتنه بجد.. وهالشي بس دام سنـتين.. بس الحيـن متحجبه الحمدالله وماحط غير مكياج خفيف ومرات ماحط شي! مع العلم انه اهلي مب مشددين.. يعني لو انا قررت أعق شيلتي فـ هالشي راجعلي.. بس لانه هم خلوني في حالي في البدايه وخلوني آخذ قراراتي بنفسي الحيـنه انا مقتنعه بـ حجابي ومستحيـل أعقه!
والقصه الثانيه عن بنتيـن أعرفهم.. سيده تحجبو وعقبه بشوي تنقبوو.. وفجأأأأأأأأأأأه .. عقوو النقاااب .. وحده عقت النقاب بس تمت متحجبه ومن فتره لـ فتره اتطلع قصتها.. والثانيه الله يهديهااااا مادري ليش تحط الشيله عـ راسها لو كل شي طالع.. رقبتهاا طالعه نص راسها طالع.. ميك اب يلمع من بعيد
يعني الى انا احاول اقوله انه في اول سنه يفّضل لو الاهل مايشددون على البنت وايد ويخلونها هي بنفسها تتقتنع بحجابهااا
وعن هالبف الى يسونها الصراحه وااااااااايد يضحك ومول مايعيبنييييييييي!!!!!!!!! ترا الشباب الخليجين يتحرون كل بنات دبي جييي.. لانه يوم كنت في الجامعه ياني واحد وقالي سعوديه؟؟؟ وانا هاه لاء قطريه؟! لاء عيل شو؟ مستحيل إماراتيه لانج ماتلبسين الشيله مثلهم!!
اسميني ضحكت.. بس تم يقولي انه هالستايل الشباب يعيبهم.. اونه حلوو يغريهم

2- إنته كشاب !! هل تفكر ترتبط بوحده الكل شاف كشتها قبلك ؟ وشو رايك بالموضوع ؟
أنا اشوف انه وايدين عادي عندهم

[شمعة أمل]

- ما هي ايجابيات وسلبيات الواحات وتأثيرها على حياتكم الخاصه؟
ايجابيتهااا انه تساعد ويا الملل + شي مواضيع حلوه ومرات تتعلمون أشيـاء يديده + تشوفون انواع مختلفه من البشـر ومن هالشي تتعلمون كيف تتعاملون ويا الناس + تتعرفون على ناس طيبووبيين وأموريين نفس صديقتي حلم الطفوله

سلبياتها الاعضاء الى وايد فضووليين فس حياة الناس الشخصـيه!!!!!!!!! (كونو فضوليين عادي بس تتدخلون في خصوصيات الشخص نفس هي بنت منو ووين تعيش فـ هذا مبالغ الصراحه) .. والاعضاء الى يطلعون رمسه عن الناس .. والأعضاء الى ينغزووووون يااااااا كرهييييييي لهم!!!!!!! (لو عندكم شي تقولولي اياه قولوه في ويهي مب تيلسون تنغزوون) .. وسلبياتهاااااااا انه مرات يمسحون ردود ولا يغلقون مواضيع بدون سبب مقنع


- ما مدى استفادتكم منها في محيط حياتكم العامه ؟
مممممممممم مب وايد =s

- ما هو مستوى إدمانكم عليها ؟ وهل وردت فكرة الانسحاب منها بدون عوده؟
أنا أدمن عليها يوم الناس يكونون طيبين ويايه ويعاملوني عدل.. بس من حد ينغزني برمسـه ولا اسمع انه حد قايل شي عني وهالشي 100% غلط أزعل واطلع من الواحات لـ فتره ليييييين ما أبّرد فؤاادي مثل مايقولوون.. مب لازم اتم في مكان لو محد يعاملني عدل.. ف عشان جي اختفي من فتـره لـ فتره :)
يعني ترومين تقولين أدمن عليها ادماااااااان يوم تكون حلوه


- ما هي المواضيع التي غيرت فيكم ؟ وإلى أي مدى كان هذا التغيير ؟
ماشي موضوع غيـر فيني


- صداقات الواحات ...ماذا تعني لكم ؟هنا سنسطر معا لنرسم أبعاد هذا الإدمان الذي أصبح واقعا في حياتنا !خارج الواحات ماعندي غير 2 بس داخلهااا احبهمممم من كل قلبي مع اني ماعرفهم معرفه شخصـيه تقريبا عشر بنات وايد احبهمممممممم

[حلم الطفوله]

مساء الورد

انامل قلب ... وأنا بانتظار العوده أكيد ...واموفقه يارب

شمعة أمل ...صديقتي

بصراحه أخجلتيني وجان يستوي ويهي طماطهشكرا صديقتي

بالنسبه الموضوع الأول : وقت الفراغ لازم نستثمره بشكل مفيد ... ونصايحج وااايد مفيده ، بس الجو مووول ما يساعد هالصيف

موضوع التدخين : لا والله !!! الحين الجقاير اتضعف !! إلي أشوفه العكس الصراحه ...

وشباب جامعتكم صدق كووووول بس بناتكم أكول ( يدخنن عشان يضعفن أونه)

موضوع الحجاب : تدرين الحجاب فرض على كل مسلمه ... بس بهالزمن القابض على دينه كالقابض على الجمر

حلو الوحده تسوي الشيء وهي مقتنعه وخصوصا الاقتناع بشيء فرضاه علينا دينا وصان فيه المرأه

تدرين شمعه !! كلمة مب متشددين بعدها اترن بإذني ..... لازم الأهل يكونون متشددين بهالسالفه

يعني الحين لو وحده غيرج مثلا ... بتقول شو كالفني أسوي شيء أهلي ما يحاسبوني عليه !!

صدقيني يا شمعه ... يمكن تحسين بعض الأهل مب متشددين لأنهم متأكدين من تربيتهم لعيالهم

مثلج مثلا ... اقتنعتي بالشيء لأنج متربيه صح وتعرفين الصح من الغلط والحلال من الحرام

قولي لأبوج ... تقولك حلم ... ربي يحفظلك شمعه لأنها عقل وثقل وكلها وعي( ويا بختك فيني)

[أنامل قلب]

:
.

بالنسبه لأنامل قلب ..
فلها عوده أكيده ..

بس ادعولي اخلص البرزنتيشن اللي باط جبدي قبل .. !

ويزاج الرحمن خير الدنيا والآخره عاهتمامج الطيب وحرصج الاطيب ..
لاهان العليم قدرج ولا كدر خاطرج .. باذنه ..
حلمنا =)

:
.
..

[شمعة أمل]

انا وينييييييييي عن هالموضوووووووووع

صبري علي بيمّع كل الاسئـله وبرد عليج في رد.. لي عوده