يدا بيد .... نحو الأمل :)

[أنامل قلب]

:
.

بالبداية أعتذر لكوني آذيت كتفك ..
صدقا المعذره بس ماكنت متوقعه انك بترد بهالوقت .. !

:

أخوي عايش وهم ..

وصلني القصد من نثرك ولا إشكال بغايتك ..
بالعكس نقطة جدا مهمه طريتها أخي ..

أن نقبل على الاسباب والكيفية اللي قادت المرء لمحل ما ..
بادراكنا أن هذه التلة ماوجدت إلا لآثار خارجية .. وطبيعة خفية تحتويها .. !

لكن أخي ..
هي كفتان يجب علينا الكشف عنهما دوما .. وهذا ما أطلبه ..
أن يدرك المرء أن هذا الدرب يقوده لكذا وكذا وكذا من المحال .. !
وأنه بالمقابل ما سرى بهذا الدرب إلا لغاية .. ولم ينقاد لهذا المسلك إلا لأسباب ..

فلا يمكن أن تكتمل المعادلة بغير الـ كفتان .. !

:

اختك معك بما تقول .. بالعكس ماكنت لأفكر بغير ذلك ..

فـ نعم كثر من يتشدد بابداء رد فعل يزيد المرء تمسكا بعلته ..
مع العلم بان كل ممنوع مرغوب وهو شأنهم بالنهاية كما يقال .. !

+ رغم ان الاغلب يعاكسني الرأي بكون ان باللين ممكن نتعامل مع كل العلل ..
الا أني لازلت أجد الأمر كذلك .. بـ أن تأتي المرء من باب تأنس إليه نفسه .. !

لكن "بخصوص الادمان على السجاير" فهو فعلا ليس بالامر الهين ..
ولم أود أن ينظر إليه البعض اصحابه كمن يقوم بأمر لا يسيئه الوقوع به
فهي تجربة يملك زمامها بالنهاية .. !؟

:

اختلافي مع شخصك كان من هذا المنطق لا أكثر ولا أقل ..
وعن الادمان ككل فكل منا يملك ما يدمن عليه ..

إلا ان ادمان عن ادمان يفرق ولو ان نفسياتنا كـ مدمنين
أقرب ما يمكن أن يكون حيال ماندمن عليه .. !

:

احترامي وتقديري الدائمين لهذا القلم ^_^ ,،
واعذرني على المداخله الثقيله أخي ..

هي شغله اختلجت فكري وانا اقرا تعقيبك ..
وبالتالي ماحبيت أمر بلا تعقيب يسد حاجة بنفسي .. !

اختك أنامل قلب ..
والمعذره مره أخرى على اشغالي لوقتك ..
وردي السريع .. بس الكل نيام وجني اسمع اصوات غريبه واحد يمر حذاي .. !

اعوذ بالله من الشيطان الرجيم .. بسم الله الرحمن الرحيم .. !!!

:.

[حلم الطفوله]

مساء الورد


المشكله إنه التناقضات إلي نعيشها بمجتمعاتنا العربية الاسلاميه أكبر من احتمالنا ...

بتقولون شو بلاها حلوم امخرفه !! شكلها فيوزاتها ضربت

وبقولك إنه هالتناقضات هيه السبب ...

الحين الأبو والأخو يدخنون .....كيف نخلي الولد ما يدخن !

الأبو ما يشوف ويه المسيد .... كيف نقدر نقنع الولد يصلي !

يقولولنا لا تاخذون من الأقارب لاحتمالية تشوهات الأجنة ...بس العادات تحكم

يقولون لا تدمنون الحلويات لأنه نسبة السكري في مواطنين الإمارات زايده .... وجمعياتنا مب امقصره ...جيف ما تبانا نخم منها

لو فكرنا بهالمواقف اليوميه .... لوين بتودينا ؟؟ وشو الأضرار إلي بنخسرها في ظل استمرارها؟

بس بعد مب كل شيء يقولولنا إياه يعتبر صح ولا كل شيء يسوونه لكبار بيكون مثالي ولا كل شيء سلبي بنتجنبه من أول مره ولا كل شيء بنشوفه جدامنا بنجربه بدون تفكير

يمكن صيغة الأمر إلي تصحبها أقوال لكبار والأصدقاء إلي يعتبرون نفسهم عقلانيين وقادرين على استيعاب نقاط الضعف عند المراهقين من أول مره ...تخلي هالشاب يزيد بعناده ويضر نفسه

ويمكن مقولة ...نحن نحبك ونخاف على مصلحتك فودر هالشيء لأنه غلط .... تخليه يعاند أكثر لأنه يكتشف إنهم يحاولون يلعبون عليه بطريقة عقلانيه بس مكشوفه بنظره

ويمكن أحيانا أسلوب الأمر والنصح ينفع من أول مره ....

هاليمكنات ( جمع يمكن) تحتاج لأسلوب يناسب الشخصيه إلي جدامنا ....وشخص ناصح يتقبله الشخص المنصوح ....


برجع للتعقيب على الردود

[حلم الطفوله]

مساء العسل

شو رايك ؟ منتج طبيعي وفوائده صحيه ومن زود ما هو صحي صار غالي هالأيام

أخوي عايش ...

إضافتك للموضوع بروحها موضوع مستقل بذاته ....

ومقارنتك لمضار السكر والتدخين يكشفون عن أسلوبك الحكيم في التدرج وتفصيل أضرارهم بشكل ينفرنا من هالمنتجات إلي ضررها يسلب صحتنا بشكل تدريجي وبدون ما نحس

ولو قسنا هالمضار على أشياء ثانيه بنوصل لنفس النتيجه .... إدمان نعرف إلى أين سيقودنا .... إلى مشاكل صحيه ونفسيه تؤدي للموت البطئ ...ولكن بطريقه بشعه !

طريقه تسلب صحتنا تدريجيا .... وتصيبنا بأمراض تسكن كل عضو من أعضائنا ...والطريف بالأمر أن ذلك كله يحدث بإرادتنا !

ولكن .... على الرغم من معرفتنا لهذه المضار ويقيننا بحدوثها إن استمرينا بتعاطيها ....إلى أين سيقودنا ؟؟ الله العالم

مشكلتنا يا عايش .... إنه عرج لعناد في هالجيل موروث أبا عن جد .... ويا ويله ويا سواد ليله إلي إيينا ويقوللنا هالشيء إلي تسويه غلط ...

أقل شيء انسويه ... نسمع من إذن وانطلع من الثانيه من باب التطنيش لا أكثر

أو ... انعصب ونحرق بأعصابنا ونعاند بطريقه تضرنا نحن أكثر من غيرنا

لأه احتمالية إنه يأثر فينا الآخرين للأفضل غير وارده ..... روسنا يابسه

إلا من رحم ربي .... وبعد قابلية الشخص نفسه للتأثير والتأثر ورغبته بالابتعاد تلعب أكبر الدور

عايش وهم .... مشكوووور وااااااايد على الرد

وإن شاء الله يجعله في ميزان حسناتك بيوم القيامه


أنامل قلب ...

استلمتي عايش وهم ....

وما تركتيلي شيء

مشكوره عالتواجد حبابه

[طير الحب]

لي عودة كلام وايد كنت بقوله بس ما عندي وقت فاطبقه في عائلتي ا لصغيره وكل من يود الاهتمام بصحته

[طير الحب]

السلام عليكم...

صباح الورد اولا....تعرفين لو قبل كم يوم رديت كنت برد بقمة التشاؤم...طول عمري حاطه ببالي هدف أكون سعيدة مثل بوليانا وأزرع السعادة بس يوم بلحظة اي شخص ويهشم هالمفاهيم ولوكان هالشخص قريب وايد هنيه تكون الصدمة ...مهما كانت الضغوطات أكبر خطأ انه نتخذ من شخص ما شماعة نعلق عليها أخطانا...تعرفين ما احب نحنا كمسلمين انه نوصل لمرحلة الإكتئاب لأنه أحس انه عدنا كتاب الله بس صدقا ما تعرفين الحياة شو تكون فيها من مفاجآت وسبحان الله اللي يغير من حال لحال...بس اليوم أقول لنفسي أنا تغيرت وبغير من سلبيتي بس لا انكر اني بعض الصدمات تترك شخصية الانسان هشة لفترة من الوقت...خربت وايد...بس غلط كبير ننزف صحتنا وحياتنا لأجل أشخاص مستمتعين بحياتهم متناسيا كلمات كالرصاص حطمت الكثير من القيم الي بنديت على مدى عقود.

[حلم الطفوله]

مساء الطيب للجميع


طير الحب ....

الاختلاف بهالزمن صار عادي عزيزتي............. مع التغيرات إلي نشوفها والمفاهيم إلي تغيرت لازم تتوقعين أي شيء ...بس الحلو إلي فيج وإلي مب موجود في غيرج هو تصميمج على المحاوله واتخاذ الخطوه الأولى للتفاؤل وخلق السعاده لج ولمن حولج ، هالخطوه مهمه بس ما تضمنين قابلية الآخرين للتقبل والتغيير ...

بعدين النفسيه والوسط المحيط فيج والظروف لهم دور كبير في خلق التفاؤل والتشاؤم ، وهالاكتئاب والرضا والقناعه بالقسمه والنصيب محتاج لانسان يوقف وياج ويساعدج على عبور هاللحظات بإيجابيه وما يزيدج بهمومه ومشاكله ويقولج أنا بعد !!!

كلمة أنا بعد !!! هاي مدمره

تدرين .... أحلى شيء برسومنا الجديم المعاني الساميه والقصه الهادفه !!!

يعني بوليانا علمتنا لعبة السعادة وتخطت كل مشاكلها بإيجابيه

بس هالأجيال الله يعينهم !!! شو بيتعلمون من الرسوم غير التجتيل والتكفيخ


طير الحب .... يا بخت عبادي وحور فيج

[حلم الطفوله]

اليوم عندي سالفه

والسالفه وما فيها تقول


قضية الحجاب

يمكن كلامي ما يعيب البعض !!! بس لازم نتكلم عشان نعرف منو الصح فينا

بس هل لحجاب فيه صح وغلط !! أو يدخل بدائرة الحرام والحلال ؟

خلونا نبدأ من الأول ....

كلنا نعرف إنه كل شعره جمره ....

وكلنا نعرف إنه نحن مسلمين وعرب وخليجيين واماراتيين

والحرام والحلال تلتزم فيه من خلال ما ورد بالقرآن وسنة الرسول الكريم

بس إلي ما أقدر أستوعبه !! لما أشوف حرمه طول وعرض سايره السوق وامطلعه قصتها !! وين نحن

وبعد بنات ثانيات ستيرات ما شاء الله عليهن ورافعات شعرهن وامسويات خيمة نمر بن عدوان !!!

فيه آيه حرمت رفع الشعر .... بما معناه ... رؤوسهن كأسمنة البخت !!! هالبخت هو تسريحة البف!!

علهم إن شاء الله يرشونكم ببف باف قولوا آمييييييييييييييين

بالعكس .... الستر زين !! والله جميل يحب الجمال أكيد .... بس هالقصه حراااام !!

لا تقولون بناتنا صغار !!! هلصغار بيكبرن و(بيضرن ) يعني بيتعودن على هالشيء يوم بيكبرن

يعني من شب على هالشيء شاب عليه !!!

سووو إلي تبونه في البيت .... بس جدام الناس وبالأسواق هالشيء يعتبر حرام

سؤالي يقول :

1- إنتي كبنت شو رايج بهالشيء صح وإلا غلط ؟ وهل هالقصه بتخليج تكونين جميله بنظر الكل ؟
2- إنته كشاب !! هل تفكر ترتبط بوحده الكل شاف كشتها قبلك ؟ وشو رايك بالموضوع ؟

[الاسطوري]

^
تعليق سريع الحجاب أداة للنجاة من التحرشات، والمتحجبة لها إحترام وين ماتروح أما السفور فلازم
تتحمل اللي اييها، سالفة الكشه أم طابقين هاي ما برمس فيها وايد بس صايره
ماصخه بزياده وأشوف في أمور بعض البنات مايحسبن
لها أي حساب مثل الميكاج
والخلخال!

[وحي القلم]

حلم الطفوله

صدق هالشي وايد منتشر عندنا

و مادري شو اللى يعيبهم في هالحركه جنه الوحده فيها راسين مب واحد

هذا من غير القصه و لفة الشيلة اللى ما تغطي شي

تيج البنيه شعرها ظاهر من جدام و من ورا.. مادري شو الفايده

هذا عن الشيل بس.. ولا العبي يبالهن بروحهن رد ثاني

الله لا يبلينا

[حلم الطفوله]

الأسطوري

نورت الموضوع اخوي

هيه والله صدقك ...إلي تحشم مذهبها وبتتحجب محد بيقرب صوبها

المشكله إنه هالمكياج والكشه أم طابقين مكانهم مب بالأماكن العامه !!!

أحس إنها طريقه تنزل من مستوى البنت واااااااااااايد وجنها تقول للكل شوفوني أنا حلوه !!! أمحق حلاه

الله يهديهن وريردلهن عقلهن إن شاء الله

وحي القلم ... صديقة ربيعتي

أكيد بيظهرنها !!! تامه ساعتين تستشور الشعر فتبغي الناس كلهم يشوفونه ( هالوقت وين اييبنه )

المشكله يا وحيوتي ....كيف ظهرت من باب البيت و هيه جيه !!! يبالها ملاس سفير وإلا عصايه امحنايه

اللهم لا تبلينا يا رب العالمين

الله يهديهم

[حلم الطفوله]

طير الحب

يقولج إنه الكاكاو له تأثيرات إيجابيه عالحاله النفسيه للشخص ... وفق دراسات ثبتوها علميا !!!

وبالنسبه للنصيحه !!!

كم بتنصحين ومنووو بيتقبل بهالزمان !!! مع إنه الساكت عن الحق شيطان أخرس

المشكله يا طير انه السالفه انتشرت بشكل فظيع !! وكأنه سيرة المولات صارت عروض أزياء للبنات


يعني الحين .... السفر لبلاد أجنبيه يعتبر عذر إني أتخلى عن عباتي !!! أحس العباه لها هيبه أكثر

وكافي لما تشوفين نفسج تبتسمين وانتي تشوفين هالحريم المتبرقعات بالسفر ...تحسين إنه الدنيا بعدها بخير

أحس عمري عيوووز خيبر يوم أتكلم !!! بس والله هالسوالف تقهر

[طير الحب]

سكر...سكر...سكر


أكثر الناس يوم يضايجون يأكلون كاكاو بس انا ما احبه وعلاقتي بالسكريات أشبه بالعدواة بس ما فكرت اقرأ شو علاقته السكر بالحاله النفسية او العصبية لدى الاشخاص وكيف انها ممكن تريحهم اذا كلوها...انا مشكلتي صار الاورنامين سي ادمان فضيع ابا اتخلص منه لانه منتج تجاري يعني ما يفيد بس ما اتحمل اشوفه جدامي وما اشربه كملت سنه عالحاله ...بس ما تحسون انه ممكن يضر حاله حال الرد بول الي انا مب مقتنعه بوجوده في اسواقنا...؟

حلم...الحجاب تخيلي من كثر مب شاله هم الي اشوفه بالمولات ابا حد يتبنا حمله شعارها خديث رسول الله صلى الله عليه وسلم وفعلا اسعى لهالشيء...تصدقين يوم اطلع مولات واشوف البنات اقول في خاطري عيل انا اكيد في نظرهم من العصر الحجري لليوم مب قادرة اقتنع بهالعبي الي صارت فساتين ولا ابا اعرف راسعن ما يعورهن من هالقضباضات الي تقولين مركبات رأس ثاني والله شكلهن مقزز ولو يعرفون رأي الشباب فيهن لا حول ولا قوة الا بالله...والله حلم ساعات يدقني شور ارمسهم ليش جي الدنيا صايره ووين اهاليهم كيف رجل يقبل على نفسه صفة ديوث.



لي عودة.

[وحي القلم]

تدرين حلم نحنى بعد نعاني

لانه مشكله إذا يلستي فالكلاس و البنيه اللى جدامج راسها طابقين



بس بعد.. ساعات أحس أنه وايدات منهن ما يعرفن أنه اللى ايسونه غلط

يعني هي مسألة تقليد إذا كانت البنيه على ويهها

و هذا معناته أنهم يحتاجون توعيه.. بس بأسلوب حلو

لانه أغلب (أساليب التوعيه) اللى أشوفها الصراحه تنفر

البنيه ما بتتقبل النصيحه إذا كانت بهزاب و تهديد

و كل هالأساليب استفزازيه عشان جيه ما نشوف لهن أي نتيجه

[حلم الطفوله]

وحي القلم .. إن شاء الله تؤبريني على هيك حكي :)

وحي القلم .... ترى هالمشكله !!! فيه منهن وايدات على نياتهن !! يعني تحس إنه إلي تسويه عادي

بس لو فكرت شوي ....واستهدت بالله ... أكيد بتعرف إنه إلي تسويه غلط وحرام

والمشكله لكبيره ...لما تكون قدوتج مدرسة تربيه اسلاميه وهيه من قوم بو ثلاث طوابق !!!! عز الله كدينا خير

أهم شيء في النصيحه الأسلوب ....وأهم شيء في الأسلوب التدرج ...

نحن هنا نتكلم بشكل عام ....بس لو وحده فيكم عدها ربيعه جيه لازم تنصحها بأسلوب مهذب وبطريقه عقلانيه

الله يهديهن ....

[طفلة من هذا الزمان]

ياا إلهـــي .. من متى ايدي تاكلني ابغي ارد .. و الوقــت معاندني ياختي ...

ما يسوى علينا متى بنخلص هالامتحانات

المهــــــــم .. أنـــــــــــــــا ييـــــــــــــت ،،

استغرب أحيانا .. نحن نقول وحليلهم يمكن ما يعرفون .. بس هالزمن مافيه جهلــة .. أعتقد خلاص كلنا عندنا نسب معينة من العلم عن مواضيع معينة .. خصه اللي تخص دينــا ..

يعني نستهبل يوم نقول وحليلها ما تعرف .. خصة ابله الدين هذي اللي قهرتني عندكم ..

للأسف بعضنا يعرف بس مادري كيف الحرام حلو و عـادي !!

وبعد أحس أن الموضوع مع علم بعض البنات انه حتى شكــلا مب حلو و احسه - مع احترامي - لو كلاس .. صاير بس لفت انتبـــاه

حتى بين بنات المدارس اللي المفروض بعدهن - أطط مغمضه ع قولة بعض الناس - يتعمدن هالطوابق مع النصح الدايم عاطينج بو لبـــاس .. اقولج ترى الحرام مستوي حلوو و عاااادي ..

وااايد حشيت ..... الله يهدي الجميع

جان في خاطري شي عقب برد تراني .. باجر آخر يوم حق امتحاناتهم قولوا مبرووك بنأجز و بنتفيج حق الحش و السوالف