مجموعة إنسان !

[ألم ترى]

سلام عليك اخوي
ادري انت مستغرب من هالموضوع وايد !
وانا بعد مستغرب منك وااااايد
لا تقولي ع الخاص انا ماعندي شيء خاص


الكل يعرف مجموعة إنسان سواء بتواصلك او اضافاته وحتى مواضيعه
لكن اليوم الأخ مجموعة إنسان متغير !
قسم بالله احس بشيء من متى ولكن ساكت
واقول ماعليه باجر بيرد وبيشارك ولكن التسويف يرد مره ثانيه
فقلت اليوم يوم يا ألم تشاهد


ربي يشهد لو مش المعزه اللي ف قلبي تجاهك
جان مانزلت فيك هالموضوع واخترتك انت بالذات
ما ادري احس إني زعلتك بطريقه او بأخرى
ياخي ف الحالتين انا اسف ولكن رد مثل ماكنت يا مجموعة إن سان

[مجموعة إنسان]

حبيبي والله ألم ترى ,,


والله أني مب زعلان من أحد .. ولا شاي بخاطري على أحد

بالعكس والله انكم عزيزين وغالي علي كلكم..



والله يا ألم ترى والله شاهد علي أني مب زعلان منك ياخي ,,
بالعكس انت لازم تزعل مني على القطاعه ,,


و عن سبب غيابي ,,
الله يطولي بعمرك ,,
كان عدنا عرس ,, وخويك الوحيد في إجازه من الأولاد ,, وطبعا انا اصغر واحد .. يعني شغال دريول طول الإجازه ,

تصدق ان في يوم طلعت من بوظبي وييت راس الخيمه ,, ونفس اليوم رجعت بوظبي ,, واليوم اللي عقبه سرت دبي ورجعت بوظبي ومره ثانية سرت دبي ورجعت بوظبي ..

صدق تعبت والله ذيك الفتره ,,


وهذا الأسبوع كان نص اسبوع دوام في الجامعه ,,
والحين انا راجع بقوة معاكم ,, والدليل .. اني شليت المخفي بعد ما ألم ترى عطاني مخالفة 10 ألاف وحجز شهر ,,






كبييير والله انك كبيييييير يا معاذ


دومك راعي واجب ,,, وانا موجود الحين ,, خذ راحتك وطلع حرتك عالعام ,,
بس بشرط ,, بدون طراقات ولا ير شعر ولا عض .. وراس براس مع الشهود





أخوك وصديقك \
محمد

[خيال الحب]

عن يزعل بس

تبيني اروح له العين وادقدق فيه هناك هااااااااااااااااااااع


وصدقــك ياخوي معاذ مجموعه انسان وايد متغيررررررررررر


يمكن يحب الريال وحبيبته ماتخليه يشارك


مجموعة انسان انته تنحط ع الجرح يبرى

ونترقب رجوعك وسوالفك بالواحات لانه لها طعم غير

وخل قلبك كبييييييييييييييييييييييي ير

اخوك بن الحب

[وحي القلم]

الحمدلله على السلامه يا مجموعة انسان

^_^

[مجموعة إنسان]

خياااالووو

غير نك نيمك ,,,
كل ما اشوف اسمك اذكر الجامعه ,,

المهم اذا بعدك ما اخذت الشهادة ,, قبل ما تفكر انك بتينا العين خبرني عشااان نترياك ونفازعك ونسويلك بارتي على كيفك ,,
الديجي موجووود ويتريا الإشاره ,,

وعلى طاري الحب ..
ياخي انت تيبني عالعووق ..
انا هالأيام قلبي جمعية امشي واحب ,,

[مجموعة إنسان]

الله يسلمج من كل شر وحي القلم ,,

يللي لين الحين مضيع بينج وبين هذي دموع القلم ,,

[أنامل قلب]

:

السلام عليكم ..

باختصار أخونا الكريم ألم ترى قال اللي بغينا نقوله
لكن لسبب أجهله آثرنا السكوت .. !!

يمكن الفشله ومخافة القفطه ..

مش لمجرد قلة التواصل فعاذرينه
لكونه كشف السبب أكثر من مره ..
لكن بالنسبة لي والله أعلم أحس به متغير
من ناحية طريقة التواصل مع الغير عدنا بالواحات .. !!

مادري والله ..
بس متغير :/

:

الله اعلم ..
لكن مثل ما سبق وذكر عمي ..

اعذرنا عالقصور ولا تحرمنا تواصلك الطيب
اللي كنا ولازلنا نقدره ونكن له كل وجل الاحترام والتقدير ^_^ ..

محلك ما يسده غيرك أكيد ..
فالحمدلله على العوده اللي نرجو إنها تكون عوده بمعنى العوده ..
لشخص مجموعــــة إنســـــان .. !!

لا هان الرحمن قدرك ..
والمعذره منكم .. !!

اختكم أنامل قلب ..

...

[مجموعة إنسان]

هلاااا والله انامل قلب

اخبارج ؟؟
اول شي مبروك الترقية .. بصراحه تستاهلين والله وعساج دوم عالقوة ..



وثاني شي ... ماعلييييج انا مو متغير ولا شي ... بالعكس والله ,,
هذي حياة الدريولية اللي عشتها في الأجازة لعوزتني شوي ,,

بس ماعليج الحين ,, انا الحين online
وبرجعلكم بحشرتي

[مجموعة إنسان]

والله وجودي معاكم يخليني مبتسم دوم

[أنامل قلب]

^^

عساها دايمه عـ قلوبكم أخوي ^_^ ..

+ الحمدلله نحن عايشين ..

وبخصوص تهنئتك فتسلم أخوي .. !

بس أحب أوضح إنها بنظري ما تعتبر ترقيه
كثر ما إنها توضيح وترتيب لمهام البعض
للمحافظة على الشكل العام والتنظيم المحبذ والخ .. !!

أما فحوى معنى الترقيه فهي أبعد بكثير بنظري هنا ..
ولا جان صبغناكم كلكم بالاحمر .. !!

ما شاء الله عليكم وربي يحفظكم جميعا ..

والمعذره .. !!

...

[ألم ترى]

عدكم إياه !


ع كيفك انته تتحرى
اونه يوم تبا تشارك ع كيفك ويوم ماتبا بعد ع كيفك
لا ياحبيبي انته ف قسم مكافحة المتعايزين !
خيييييييبه هاي قويه صح ؟


الحمدلله إنك مب زعلان وهذا اهم شيء عندي
ربي يحفظك ويسعدك ف الدارين
بس ها نبا نشوف حركات شوي منه ومناك
وخل عنك سوالف الحب تراااه بتهلك !

[ايه احبك]

الله يسلمكم مجموعة انشان XP معلين شقايل يتغلى بس ما يليق عليه موليه XP
ولكم باك يا اخو الجميع صدق محد كان مهتم بالأعضاء غيرك ^_^
لكن من ناحية الربشه انا مكفيه وموفيه بعد هيهيهي XD

[مايهزك ريح]

هيه والله من زمااااااان ما شفت اسمه في الواحات ..
وينك رديت للجامعه وللأرف .. الله يعينك ..
وتعال .. خيالو اتخرج وما قالنا ..
انزين يا سعود .. ادري انك ما تبا تعزمنا بس وين بتسير .. وراك وراك خخخخخ

[مــهــابه]

ولكــم بـاك أخويه مجموعه انسـان


وفعـلاً نحـن نفـتقد مشاركاتك وتواجدك فـ الواحات ، والجو اللي كنت مسونـه . . .


بإنـتظار مجموعه الأنسـان اللي نحـن نـعرفـه . . .


وموفق :)

[مجموعة إنسان]

صدق المثل اللي قال " انا سبب نفسي بنفسي ,, جبت صبعي فوق عيني ""
هذا جزا اللي يلعب بالنار مع الم ترى ,, يسويله زوبعه ,

اسمحلي أخوي ما بكررها مره ثانية ,,
هع هع هع