فلــــــــــزي

**عمة العيم** · 05-02-08 ||, 09:58 PM

السلام عليكم ورحمة الله وبركاته

الاسبوع اللي طاف سرنا البر (المزرعه)

و سوينا هاك الفلزي

اللي كلنا صبوعنا من وراه

لذييييييييذ

و اكيد مع الحميض (تروشو) غـــير!!

(^_^)
...

**طير الغرام** · 05-02-08 ||, 10:08 PM

أول مره أسمع به
ويعله بالعافيــه

:

الجو شكله رهيــب وتصويرج نااايس =)

**مزايا** · 05-02-08 ||, 10:29 PM

شو يعني الفلزي ؟

**قرموشة** · 05-02-08 ||, 11:00 PM

أحح جي الفلزي ولا بلااااش D=
أمس كـلت منه في مزرعه يدوووه | ويالكـرك صدق يميي
بس تعالي عمووه نحن نسمي الحميض تروشاا xD ليش انتو تسمونه تروشو لول
:
حلوة الصـووور D= ~ شوقتينااا لسيره للبر ووو يمعه الاهــل
تسـلم عدستج على هـ الصور
.
.

**عمة العيم** · 05-02-08 ||, 11:08 PM

ههههه

تسلموووون

قرموشه البستكيين يقولون تروشو....انتوا غير الظاهر هههه

(^_^)
...

**ألم ترى** · 05-02-08 ||, 11:12 PM

يوعتيني يا عموووه !

شكرآ ع الطرح

**عمة العيم** · 05-02-08 ||, 11:20 PM

حياك الله الم ترى

لا تخليني احلف الحينه

الاسبوع الياي معزوم عندنا عالفلزي

لا تردني

(^_^)
...

**مزن هتان** · 05-02-08 ||, 11:44 PM

وينه عمي عن الفلزي

عموه
كل يوم حد ظاهر لنا ابـ فلزي غير
شكل!! ما عرفنا الحين منو الصح؟

**ألم ترى** · 05-02-08 ||, 11:45 PM

شوووووووووووووو !
لا تردني اونه

انزين هالفلزي عليه مهياوه ولا شو بالضبط ؟
والله اموت ع المهياوه انا
فديت الخبز الوقافي انا

**ا ل غ ل ا** · 06-02-08 ||, 01:44 AM

لازم يعني يا عموه تعمليلي الإغراءات دي وأنا في بلاد الفول والكشري !!!

أقيب فلز من إيين أنا بأه !!؟
الله يذكرها بالخير أم ربيعتي دومها تسويلي تدريبي أموت عليه وعلى المشاوة ^_^

حتى أنها تقولي أنتي لو طلعتي عيميه زين جان يوزناج من الأهل ههههههههه =)

حلوة الصور عموه ^_^ ما نتحرمش =)

**ايه احبك** · 06-02-08 ||, 08:54 AM

لووول عموه ذكرتني بايم البازار يوم اول مره اكتشفه لووول اربيعتي تقولي تعالي اكلي فليزي من بوثنا جانا اقولها شو ها عيش جان اتقول لا ها خبز قلت لها محلى جان اتقول لاااااخبز ويا مشاوى قلت هااا خير ان شالله ^^; لوول

**عمة العيم** · 06-02-08 ||, 01:28 PM

هههههه

ضحكتوني غربلات بليسكم

مزن هتان جي شو شايف انت بالظبط؟ لالالا فلزي مالنا هو الاصلي الصدقي مال بستك خخخخ

ألم ترى عاد انت شو رايك فلزي شو يحطون عليه غير المشاوه؟ يحطون عليه نوتللا عادي فالك طيب جان تبا نوتلا بنرش عليه نوتلا عشان خاطر ضيفنا بس فلزي= كريب مال العيم ههههه

الغلا.... ييبيلي حمام محشي و انارب و عسليه...وانا بطرش لج الفلزي فالج طيب كله ولا الغلا....

ايه احبك...لو ماجربتي بتكونين خسرانه هيه قلت لج انا عاد...

(^_^)
...