|| حــشــرات ~ و ~ فــراشــات ||

[مايهزك ريح]

مشكورة على الرد اختي دمعة عين ..

[ذنـيـنـي]

حلوات الصور بس يبالك فتحه عدسة اصغر عسب تظهر تفاصيل الحشرات بشكل افضل

ول دن مان

[مايهزك ريح]

ثانكس ذنيني على الملاحظة .. والرد ..
نورت الموضوع وينك من زمان ^_^

[ذنـيـنـي]

انا موجود في البيت مب مداوم اليوم لول
والله يا خويه النت حالته تعيسه و وايد يقطع لدرجه انك تكره دخلة النت بسببه

بس اليوم ما ادري شو صار فيه و اشوفه شغال بدون مشاكل من الصبح
^
ما شاء الله تف تف عن احسد عمري لول

[مايهزك ريح]

قول ما شاء الله عن يقطع الحين ..
تعال ليش ما داومت .. ما خذ اجازة من ورانا ..

[ذنـيـنـي]

اجازة مرضيه =(

[مايهزك ريح]

اجر وعافيه ما اتشوف شر .. اكيد حمى وبلاعيم .. منتشر على فكره ..

[العجيبة]

سبحـان الله !!!

وايد عيبتني الصورة الثانية ...

صورة السليويت حلوة بس الفوكس مب ضااابــط إلا في جزء صغير من الصورة ... حاول مرة أخرى ,,


وما شاء الله فيه تطوور كبيـر وملحوظ ... الله يوفقك دايما

[ماوحشتك]

:: مايهــزكــ ريح ::

ماشالله عليـــكــ
كل حشـره احلى من الثانيه
لول اقصـد كل صوره

سـ سؤال : ويـن تحصـلون كل هالـحشرات

وانا راي منـ راي ذنيـني


ياللهـ شد الهمه !
نـطمعبالمـزيد من الحشرات

[مايهزك ريح]

مشكورين خواتي على الرد ..

ماوحشتك انا كنت مصور في حديقة الفراشات في ماليزيا يوم كنت امسافر شهر في January 2008

[فرح ناز]

السلام عليكم ورحمه الله وبركاته

تصويرك حلو بس شكلك ما زلت مبتدأ ... عندك مشاكل ف
الديبث اوف فيلد او depth of field


ويمكن بعد ما استخدمت عدسة مايكرو .. علشان تطلع صورك شارب لازم تستخدم حامل ثلاثي ( ترايبود)

اذا فعلا تحب التصوير اقدر اعطيك اسامي معاهد وايدة

شنو نوع كيمرتك وشنو العدسات الي تستعملها

[مايهزك ريح]

مرحبا اختي فرح ناز ..
عندي عدسة الماكرو 105 من نيكور .. وفي هالمكان ما كنت اقدر احط الترابود لأني امشي في حديقة الفراشات .. فكانت الكاميرا hand held !
نوع الكاميرا نيكون D80 .. كل العدسات الحاليه اللي عندي من نيكور !

المشكله اني كنت مستعيل وانا اصور .. والمشكله الثانيه اني كنت حاط فتحة العدسه 3 aperture المفروض اتكون اصغر .. يعني على الأقل بين 11 والـ 16