نيو لوك

[المزوحي]

مرحبا ملايين

وش حالهم ؟؟

بتكلم عن نيو لوك .. في ناس تحب شكلها سواء في اللبس او الشعر .. بغض النظر عن عمليات

التجميل اللي تستوي بالهبل الفترة الأخيرة سواء الجنس الخشن أو الناعم ..


يعني في شباب يحبو يغيرون طريقة اللحية كل شهر .. حد مثل ماهو من سنتين ..

حد كل اسبوع ... اعرف واحد من ربعي كل اسبوعين شكله غير .. مرات يربيها ومرات قفل

ومرات سكسوكه .. الخ

في ناس الكندورة يحبونها بشكل او لون معين وحد يحب يلبس كل موديل ....


البنات .. حد استايل معين في العباه مثلا أو اللبس .. وحد ستايله خفيف وساده ..




كيف تحبون تكونون أو كل كم تغيرون وفي شو تهتمون أكثر ؟؟؟

شو النصايح أو الأفكار اللي عندكم لبعض ...

في الموضة


ملاحظة: أنا ما اتبع الموضه بالحرف ... لأنه مب كل شي بيكون حلو

[مجموعة إنسان]

شو يعني موضه ؟؟


لان انا ما اعرف شو يعني ,, مثلا اذا على اللبس البس اي شي اشوفه ,, مو مهم شو يكون .., المهم ان شي يكون اوكي

بس اذا عن لوك اللحيه
انا في المناسبات الرسميه لحيه ,, بس الأيام العادية يعني اغير ,,

بس انا من النوع اللي مثلا اتحلقت اليوم ,, ثاني يوم طلعت اللحية ,,
تصدق الحين الحلاق بنفسه يتصل فيني يقولي ها ما جيييت اليوم !!
يخرب بيته يعرف متى اتحلق ؟!!


بس مثل ما قلت فوق ,, انا مب من النوع اللي يحاسب شو يلبس ,,

[المزوحي]

في ناس على الطلعه والدخله يحتسبون، ويكن نلاحظ هالشي على فئة الشباب أكثر عن المتزوج ...

ويهتم في كل كبيرة وصغيره ... من الغترة للنعال .

[غموض الامنيات]

انا اشوف كل شي تلبسه وانت ترتاح لخ هو هذا الموضة .. لانك انت اللي تلبس وترتاح مش شرط الناس

تخبرك .. وبعدين انت تعرف شو اللي يناسبك والالوان اللي تريحك . كل اللي يعجبك والبس اللي

يريحك ومشكور لاهنت

[مجموعة إنسان]

المزوحي
بسألك

انت اكيد تاخذ الجنز من مكان والتيشيرتات من مكان والجواتي من محل ..
شو احسن محلات لكل شي من هذي الأشياء
قصدي

الجنز من اي محل تاخذه ... الخ

[رحيـق]

أنا بصراحه أحب التغيير... مب لازم امشي عالموضه ...


بس المهم أغير ويكون التغيير حلووو....

وما أحب أقلد حد في التغيير...أحب أكون غير...


بس ترا التغيير يغير المزاج والنفس بعد...

حلوو التجديد بين فترة وفتره..

[عمة العيم]

الموضه مثلا هالسنه

درجات الازرق
درجات الذهبي و الوان ترابيه و درجاتها
درجات الاخضر الزيتوني
و البنفسجي الفاتح و القرمزي
و الاسود

هذه الالوان ممكن تقولون ماتناسبني عسب امشي عالموضه
انا اقول انه كل انسان يليق عليه كل الالوان لكن لازم تعرف شو الدرجه اللي تناسبك
مثلا انت ابيضاني مايناسبك الاصفر انا بقولك يناسبك بس اختار اصفر غامج مايل للبني هذا يناسبك لان الاصفر الفاقع يليق على السمر

على هالاساس يعني

مثلاً موضة هالسنه الكاروهات يعني القطع اللي فيها خطوط بالطول و بالعرض شرا مربعات جي

مثلا انت تقول مب حلو البس لبس جي بطلع جني لابس بيجامه.......انا بقولك مب لازم تلبس لبس كامل كله بهالقطعه اختار ربطه من هالقطعه او كاب مثلاً (ارمس عن الشباب لانك انت منزل الموضوع يالمظووحي خخخ)


الحينه مثلا موضة الاحزمه الرفيعه......انت تقول الحزام الرفيع مايناسبني لأني عريض و متين.......انا بقولك اختار المكان الصحيح لهالحزام تحطه على تحت شوي ولا على فوق الانسب لو شوي عريض انت او متين شويتين تحط الحزام في نهاية البطن من تحت ماترفعه و ماتحط الحزام تحت البطن!....ولو عندك كرشه بقولك مايناسبك الحزام ابتعد عنه....

يعني هالشي يباله نظره فنيه خخخخ تفلسفت وايد صح؟

هي تراني ماخذه كورس في الفاشن ديزاين بخبركم كل شي (^_^)


...