ناوي اشتريها

[المزوحي]

عيون الليل صح الرنج انتشرت بشكل كبير، ويمكن موضوع الكونتراكت، هو اللي يشجع الناس إنه يقتنون الموتر

مثل البي ام كذلك ووو الجاكوار ...


ملاااك ..صدق احب الاكس فايف، بس موديل 2008 انتشرت بشكل كبير ، لكن هذا مايمنع إني امتلكها ..

[ملاك الروووح]

:

هلا المزوحي ..


هيه انزين ..




في ناس يقولون لك أنا ما أحب أسوق سياره منتشره وايد وكل حد يسوقها

بس أحس مول ما يخصه يعني !!


انت ما يخصك ف غيرك عليك بنفسك وبس ..

شوف السياره اذا عيبتك وحسيت انها تناسبك ..

وحبيتها .. خذها .. ولا تسوي سالفه حق حد ..




أهم شي الواااااااااااااحد يكون مقتنع بالسياره اللي ياخذها @@


يعني احيد أبوي يوم خذ الفتك ..

اتخييييييييل وهو راد من الوكاله يسوق الموتر ..

خطف ستيشن عنده جان يقول هالمواتر ولا بلاش !!

لأنه كان خاطره ف استيشن بس أخوي قص عليه طبعاً

لانه الشباب يحبون النيسان أكثر وخلاه ياخذها

وشلها الحين من ابويه بعد

[المزوحي]

الأكس فايف حبي الأول .... ههههه قبل ماتنتشر الرنج .. حتى اذكر كنت باخذ مستعمله، مع إني ما احب

موتر مستعمل ...

ربيعي كان بياخذ الأكس فايف قال 6 سلندر مافيها شي فخذ أودي كيو سفن ...

[ملاك الروووح]

ما الحب الا للحبيب الأولي !




حلوووووووووه الاكس فايف بصراحه





بنت عمي يوم قررت تاخذها .. كانت تبا الـ 6 سلندر

بس اخوانها تموا يحنون ويزنون ع راسها عشان تاخذ 8 ..

طبعاً عشان هم يسوقونها

بس قلت لها انتي بنت ومالج حايه يعني ف 8 .. خذي لج السته أحسن


ولد عمي ضحكني اونه فلانه انتي ترضين اخوج الشباب يسبقونه !!

<< نعم .. انته اشلك انزين موترك هو !

:

الكيووو سفن

اممم

للحين انا مش مقتنعه فيها ..

أحس جنها باص

يعني حق عايله هي أوكي تنفع

بس حق شاب .. اممم احس شكله بيكون غلط فيها ..!

حلاته يوم تسمت ب نيسان ولا اكس فايف

[شمعة أمل]

تعرف شو رايي
لا تاخذ سياره على حسب راي الناس.. سير الوكاله وخذلك تست درايف وبعدين بتعرف اي سياره تناسبك

يعني مثلا
انا الحين اسوق الرنج.. ماحبهـا لانها كلحد ع شارع يسوق رنج.. لكن.. ك سيـاره.. ماشي أحسن عنها في السواقه.. انا سقت سيايره مختلفه.. والصراحه سواقة الرنج ماشي أحسن عنها ووايد دقيقه .. أحس انه في السواقه برفكت.. بس كـ شكل انا ماحبها ..
واستغرب انه في الردود اشوف بعض الاعضاء كاتبين انه الرنج تخترب وجي.. هالشي غلط.. ما جد ودينا السياره الوكاله لانها خربانه .. بس نوديها يوم عندها سرفسس


وعن الاكس فايف.. ربيعة اختي عندها ووايد تمدحها .. واختي تقول انها حلووه من داخل..
بس بعد على حسب الشخص.. يعني ربيعات امي.. وحده كرهة الاكس فايف والثانيه تعشقه وبعد بتشتري لبنتها اكس فايف!


كل شي يعتمد على الشخض
ونصيحتي لك تاخذ تست درايف وتشوف انته شو عايبنك.. ويوم تاخذ السياره لا تاخذ البيسسك اوبشن يعني أرخص وحده.. خذ الى في النص او احسن شي..

[المزوحي]

ملاك .. أحيانا مكينة السته تكون أفضل عن الثمانيه من ناحية الخراب، ومع هذا تلقين مواصفات حلوه في الثمانيه

الكيووو سفن في كراسي في الدبة بعد .. وحتى الاكس فايف فيه أوبشن كراسي ورا ...

[المزوحي]

شمعة أمل ... يمكن بعتمد عيل على استخدام الآدمي ...

إذا السواقة نظيفه، وصيانه مستمره في الوكالة ممكن تعيش ومافيها مشاكل ...

بس الاكس فايف داخله مزاجي أكثر، ومع هذا بشوووف الهنتين