<font color='#F660AB'>
</p>
الحلقه التاسعه : </p>
</p>
مبارك توه راد من العزبه وهو مستعيل راح فوق علشان يتسبح ويشوف محمد في المقهى ويعرف اخر التفاصيل منه ... يوم خطف من الصاله سمع </p>
صوت نسوان يقول في خاطره اووووف من عندنا الحين كيف بخطف غرفتيه بدون ما اسلم والله حاله ... سوى على تلفون البيت شلته البشكاره </p>
البشكاره : الوووووو </p>
مبارك حشى تقول تكلم واحد اخر العالم : حووووه بلاج تصارخين </p>
البشكاره : با با مبارك شو ريد </p>
مبارك : روووحي سكري باب الصاله تيكااا بسرعه</p>
البشكاره : ليش ما ما عليا مناك هههههههههههههههه</p>
مبارك : عل ما يعلاء شانش قووولي امين روووحي سكري الباب وان قلت مبارك قالي بذبحش في المقصب</p>
البشكاره : لا لا مافي قووول انا الحين روح سكر باب </p>
مبارك : ما تيبش غير العين الحمراء انتي </p>
البشكاره : شو هزا دوووم سوي قرقر مشان انا </p>
مبارك : يله روووحي المقصب يترياء تراه </p>
البشكاره : شو هزا كلام انته مزنون </p>
مبارك : بعد لين العشره ان ما رحت .... واحد ثنينه .... ما حس الا ان السماعه مسكره في ويهه هههههههههههههههههه</p>
نزل من السياره مستعيل وركب الدري يربع ودخل غرفته وسوى لمحمد تلفون </p>
مبارك : هلاااا بطش والرش يا بو قسيم </p>
محمد : بك حي الله يعطيني خير ذي اليوم اليله ترحب </p>
مبارك : هههههههههههه افااا ني دوووم رحبك الا انته ما تحس </p>
محمد : اهااا هههههههههههه حيك </p>
مبارك : ايه خلصني ويش اخر المستجدات اه ؟؟؟؟ بسرعه </p>
محمد : وني قووول من الصبح على شو الترحيب </p>
مبارك : قووول عني فارررق عدوك </p>
محمد : رمست الريال وبيرمس مرته وبيرد لي الخبر اليوم انشاء الله </p>
مبارك : قووول والله </p>
محمد : حشى يا ذي بكذب عليك يعني </p>
مبارك : حشاااااااااااااااااااك </p>
محمد : توك ولا بسكر التلفون في ويهك </p>
مبارك : افاااااا</p>
محمد : لا افااا ولا غيرها انته ما تنعطا فيس على قولك </p>
مبارك : هههههههههههههههههه </p>
محمد : تعال انته الحين شو بتسوي بتروح المقهى سيده ولاا؟؟</p>
مبارك : لاااا بتسبح وعقب بلقيك في المقهى تيكاااا</p>
محمد : نهي </p>
مبارك : شووووو ؟؟</p>
محمد : سوري ههههه تيكااا</p>
مبارك : هههههههههه يله باي</p>
محمد : باااااااااايو</p>
</p>
مبارك تذكر سالفه محمد الي ما قالها محمد كل يوم يسولف وكنه ما فيه شي اكيد شي عادي ولا بيقولي وانا الحين بروحي في مشكله عقب بتخبره يوم </p>
بتفيق ..وبعرف السالفه كلهااااااااااا من اولها لأخرها ............ تسبح مبارك وتعطر وتكشخ وراح المقهى من العيله حتى ما تغتر مستعيل بتصفر في </p>
السياره .... الحين محمد يدعيبي ههههههههههههههه ويركب سيارته ويروح المقهى يوم دخل انه محمد قاعد يتشوف التلفزيون قناة روتانا ويرسل من</p>
تلفونه رسايل والله انك فاضي يا محمد وبعده يدوخ شيشه </p>
مبارك : هووووووووووود </p>
محمد : هدى انته تخذلك ساعه علشان تي ( يقلد مبارك ) الحين دقيقه وبكون عندك انته ترياني .... يا حافظ عليك </p>
مبارك : ههههههههههههههههههههاههي</p>
محمد : يا ريال لا تمووووت علينا </p>
مبارك تم يغني : لا لا وان مت ياهلي لا تقولو من الله قولو قتيل الحب والشاهد الله </p>
محمد : استغفر ربك هههههههههههههههههه</p>
مبارك : استغفر الله ميت مره شي في الخاطر غير </p>
محمد : لا حووووول حتى ما يطلعها من الخاطر </p>
مبارك : محمدووووه لا تخليني افرك برا المقهى الحين والله انك ترفع الضغط </p>
محمد : لا اله الا الله ياك الضغط الله يساعدك من متى ؟؟؟ </p>
مبارك : من يوم عرفت واحد اسمه محمد </p>
محمد : امممممم قد مر هذا الاسم في بالي مره بس منه هو ما اتذكره يوم بذكر بخبرك </p>
مبارك : يا ريال بسك عااااد تراك ميقه ههههههههههههههههههههههه</p>
محمد : هههههههههههه وانته كسرتين </p>
مبارك : تووووك ريال </p>
محمد : ثرني اول حرمه ؟ </p>
مبارك : لا مب حرمه تقول هنديه معرس عليها ريالها وثايره بشرها هههههههههههههههه</p>
محمد : هاهاهاها باااااااااااااااااايخه </p>
مبارك : ههههههههه حلوه غصبن عنك </p>
محمد : ليش عااد </p>
مبارك : لني انا مبارك خويك الروح بروح قالها يعني تعطيها ليت اخضر </p>
محمد : هههههههههههههه عاااش والله مب هين بررروك </p>
مبارك : بروك اصغر عيالك ولا يا ريال استحي شوي هههههههه</p>
محمد : حشى ما حد يقدر يدلعك بعد ياخي متى بتطور وبتبدى تدلعني ؟؟؟ اووووف</p>
مبارك : ادلعك ؟؟؟ ويش اقولك انزين يوم بدلعك ؟؟؟</p>
محمد وهو يرقق صوته : حموووووووووووووودي</p>
مبارك : ههههههههههههههههههههاهاي </p>
محمد : هاهاه في عينك قالولك انا مضحكه قدامك اه </p>
مبارك : ههههههههههه انته اكبر مضحكه لو اسمك حموووووودي</p>
محمد : هاها خلاص ماابى اسم حمووووودي خيره منه </p>
مبارك : ههههههههههههه حموووودي</p>
محمد : بروووكي ( ومغط لسانه علشان يغايضه ) </p>
مبارك : ايهااااا منقووود </p>
محمد : منقوود عند من ؟؟؟</p>
مبارك : منقوووووووووود عند الهنووود</p>
محمد :هههههههههههههههههه</p>
مبارك : محمد </p>
محمد : عونك </p>
مبارك : يمكن الحين موزه حرمه سالم كلمت ساره صح </p>
محمد : يمكن </p>
مبارك : شو بيكون ردها ؟؟؟؟ </p>
محمد : ما ادري حالي حالك </p>
مبارك : انا ونيت والونه خفيه سقيم الحال وجروحي دمايا جروحي بالحشى جروح طريه على خل رمى قلبي رمايا حسين الون بو عيون غضيه من الايواد </p>
احشام وعلايا صغير السن والمشيه وطيه ومحلى ذيك صفات الثنيا .. نعيم الخد مقرون الحيه انا هذاك الي ساكن حشايه سكن الفواد له في الروح </p>
ليه تمنيته وهو غايت منايا تبلني هوى حبه بليه بلني في هوى غيره بلايا لو ما البعد شوفه شويه يريح القلب ويتكامل عضيا ... انا برسلك يا محمد خويه</p>
جدى خلن وبرسله وصايا ..حبيب الروح بكتبله وصيه يصون العهد لين اخر نهايه انا يا زين لك صافي النيه وقلبي يا ملى صافي النويا فلا غيرك </p>
تراني له بغيا ألين انحط في لبت حصايه انا لك يا حياتي كالهديه فلا تبتاع ابدان يا رجايا سلامي لك وهذا لي عليه وارجو منك سمحان الخطيا </p>
</p>
محمد : حليـــــــــــــــــــــل ه </p>
مبارك : محمد </p>
محمد : هلا</p>
مبارك : اتحداك الحين ني بقول قصيده وانته رد عليها </p>
محمد : وانا قبلت التحدي </p>
مبارك : يله وهذا الي عندي </p>
يا مذال الروح قدامي *** اببتعد عن دربك وشوكه </p>
اببتعد وشكوتي نوحي *** لي يبات يصيح وناته </p>
ابدوس القلب وجروحي *** لين تتوب من عوقه </p>
عوق الي في الدم شعالي *** لي يسير في قلبي وشريانه </p>
ابنساك وبنسى خوفي *** خوفي من بعادك وخسرانه </p>
لكن ما يفيد الدمع والشوقي *** دامك ما وفيت بعهدي وميثاقه </p>
ابى اعز القلب من خواني *** لي خان دربي بعيون ضحاكه </p>
اركع في حبه وانهاني *** وهو يرميني رميت كلابه </p>
ماله سنع وحشماني *** ماهو في كاري وكار طلابه </p>
اضحك وكون فرحاني *** عسى يجيك ما جاني ارضافه </p>
</p>
مبارك : ههههههههههه في عيني اذا طلع منك شي يا محمد </p>
مبارك يضحك على محمد وما درى انا محمد بعده شاعر وعزم محمد يتحدى الزمن ويطلع الي في خاطره لو مره بالشعر </p>
محمد : من يغار اذا مر الفرح يمه *** يشاكيه ليه نساه ودعى همه </p>
ليه تنزل دموعي والدموع منه *** وليه تنزف جروحي والجروح عله </p>
كلن له بالهوى سنه *** وانا فرضي من الحزن والهم بلوه </p>
في لليل والقمر نوره *** تضيع قلوب في الظلام نشوه </p>
من عذاب القلب من خله *** يرتجي من سقى الروح سمه </p>
سم الي في الموت مضمونه *** ما به رجوع ولا طوعه </p>
ليت في الهوى اقضاه *** واشتكي من صاحبي شكوه </p>
لجل يرحم قلبي برجواه *** ويبدل قلبي عقب حبه بغيره </p>
ويمحي من العقل ذكره *** وينسى انه مشى في طريقه بحسره </p>
</p>
مبارك فك ثمه وتم ساكت ...محمد طلع شاعر والله انه ما فيه حيله وعدها موزونه عدل </p>
مبارك : صح لسانك يا الشاعر</p>
محمد :..................</p>
مبارك : محمد </p>
محمد : ... هلا</p>
مبارك : بلاك </p>
محمد : شو فيه اترقص على طرف ما فيه حوووف هههههههههههههههه</p>
مبارك : لا كان ويهك يطلع الي فيك شفت فيه حزن وهم اول مره اشوفها فيك اول مره احسك حزين وكاتم في قلبك واول مره اشوف عبره في عينك</p>
الي كانت كلها ضحك ....وين كنت مخبيه يا محمد ليش ما صافيتني اه .. ولا انا مب خويك الي اصافيك بكل شي صغيره وكبيره ... وانته</p>
.... طلعت اناني تحب نفسك ولا تخبر حد ما تخلي حد يشاركك همك لهذي الدرجه تحب نفسك ...... </p>
محمد : ....................</p>
مبارك : يا ريال طلع الي في قلبك ليش كاتم ليش ليش قولي</p>
محمد : ................</p>
مبارك مسك محمد من كتوفه وتم يهزه : محمد انا مب خويك ولا رد عليه </p>
محمد ما رد بس دموعه ردت على الي قاله مبارك رد على كل كلمه وعتاب انا الي ما يهزني جبال حركتني يا مبارك انا الي اشوف الموت ولا تهتز </p>
شعره من جسمي انا االي ادوس قلبي وامشي في طريق شوك كله الم وصياح وحزن وهم ولا اصرخ ولا اطلع همس انا اذا تحرقني عيوني من الدموع</p>
اتجهلها واحرق عيوني واخليها تضحك غصب عنها ليش يا مبارك هزيتني ليش وانا الي كنت كتله من الثلج ما تذوب ...</p>
مبارك قرى الي في عين محمد من كلام وحضن محمد بقوه علشان يحسسه انه ما غلط يوم طلع الي في قلبه من سنين ولا ارتكب جريمه </p>
المشكله انه ما يحب يثقل على غيره حتى لو كان اقرب الناس له ما يحب يحزنه يحب يحزن ابروحه بس ...........</p>
مبارك : ليش ما قلتلي يا محمد ان السالفه كبيره ومأثره عليك ليش .؟؟ وانا الي احسب انها سالفه عاديه وانك بس تريد تنسيني الي فيه شوي واثريك</p>
متحمل هموم اكثر مني وبعدك تحل مشكليه ... وخنقه العبره مبارك بس ما طلع دموعه قدام محمد علشان ما يحس الي في مبارك من الوم الي في نفسه</p>
لنه ما فكر في رفيقه وفكر في نفسه بس .... ومحمد الي كان يشل همومه هو نفسه مبارك ما تعنى وسأل مره وحده محمد اذا كان فيه شي</p>
........... </p>
مبارك : يله خبرني السالفه كلها </p>
محمد : بخبرك بسالفه ... من وانا صغير احب بنت عمي وهي تحبني بس كان عمي يبالها واحد تاجر ولا دكتور ولا موظف معاشه 10000 ولا</p>
واحد من الكباريه الي عندهم اصل وفصل ..... وانا كنت اعرف رأيه فيني واحد راعي سوالف ما وراه شي بلا شغله ومشغله وهو مهما تكلم وضحك</p>
عندي مستحيل انه يزوجني بنته لنه يبلها مستقبل مشرق على قوله ... انزين مضت السنين ومن سنتين انا قلت بخطبها والي يصير يصير</p>
ويت اخطب عندهم تعرف شو كان رد عمي ؟؟؟</p>
مبارك : شو؟؟</p>
محمد : انه ضحك عليه وعياله كلهم كانو عنده يضحكون وقال انها مخطوبه لواحد ولد تاجر انا ما صدقته قلتله انها هي ما قلتلي شي ولو خطبوها</p>
بتقولي ليش تخبي عليه ؟؟؟ والي زاد من ذلي انه رد وضحك ثاني مره وبصوت اعلى ..والتفتت فيهم واريد واحد يكذب الي سمعته الكل نزل راسه </p>
وتجاهلني كني مب موجود والكل كانت ضحكه في عيونهم ما طلعوها في ثميهم وعيونهم كلها مكر و كره وانا الي احسبهم يحبوني وعيال عمي </p>
ولي معزه في قلوبهم ... التفتت صوب عمي وقلتله اريد اكلم ريم قالي شو تريد منها ؟؟ قلتله اريد اكلمها اذا ما فيه مانع </p>
قال لواحد من عياله يقولها تي .... ويت تنزل في الدري كنها اميره اذا شافها البدر ابروحه يستحي وينسحب لا ينذل قدامها ومشت ومشت لين وقفت</p>
قدامي وقالت من طرف خشمها : هلا ... خير شو تبي مني قلنلها : صدق مخطوبه قالت وبعيون بارده ايوووه مخطوبه </p>
قلتلها ليش ما خبرتيني ... ليش كان ما يت اخطبج ... تعرف شو قالت </p>
مبارك : لا تحرق اعصابي قولي شو قالت </p>
محمد : قالت اريد اذلك اريد امحي الضحكه من ثمك وعينك اريد الحزن مغروس فيها اريد الهم والتكدير والضيق يسكن روحك </p>
اريد الجروح والالم تقطع قلبك .... قلتلها : انا اذا اشوفج حزينه امحي الحزن من عينج واعطيج كل الفرح من عمري وانا الي احبج اكثر من ما تحبين انتي</p>
نفسج .... ليش انا شو سويت لج اه غلطت عليج ولا شفتي مني شي ؟؟؟؟ اه خبريني ......قالت بكل برود :لا ما غلطت تعرف شو الي ما احبه فيك </p>
قلت : شو ؟؟ قالت : انك دوووم فرحان وانا ما احب اشوفك فرحان وبس هذي هي كل السالفه ههههههههههههههههههههههه</p>
وضحكت وضحكو اهلها عندها حتى عمي ضحك عندها تعرف شو سويت يا مبارك ؟؟؟؟؟ وهني يبكي محمد ويكمل وصوته متقطع : ضحكت عندهم</p>
وضحكت وبعدين شليت نفسي ومشيت رحت وانا شايل احلامي الي من انا صغير اكبرها عندي وابنيها فجأه القاها تنهدم بلحظه وعلى ايد من اغلى </p>
واعز انسانه في حياتي والمشكله قلبي ما عافها عقب قسوتها عندي وظلمها لي كيف قدر قلبي يسامحها كيف ؟؟؟؟ ليش انا اكون الي استسمح منها </p>
وهي الي غلطت عليه ؟؟؟ هذا الي سويته قدام ما اطلع من بيتهم استسمحت منها وطلعت </p>
مبارك : ليش يا محمد ؟؟؟؟ تستسمح منها ؟؟؟ انته ما غلطت </p>
محمد : قلبي جبرني قلبي شو اسويبه اعيش بلا قلب اه ؟؟؟ جوبني </p>
مبارك : ...........</p>
محمد : جوبني </p>
مبارك ما جاوب بكلام جاوب بدموع دموع ما كان يريد محمد يشوفها </p>
محمد : ليش جبرتني يا مبارك اطلع الي في قلبي ليش شوف هذا انته حزنت وبسببي</p>
مبارك : حرام عليك يا ريال ارحمني وارحم عمرك ليش تعذب عمرك انته اه </p>
محمد : مشكلتي اني ما اريد اشوف الحزن في ويوه الناس اريد الفرح فيهم ..لني انسان ما يقدر يكون فرحان ازرع الفرح في قلوبهم بكل الطرق</p>
واخرتها يفرحون وانا الوحيد الي ما افرح .... ويسكت محمد ويتم يبكي ومبارك يبكي عنده </p>
</p>
(في بيت ساره)</p>
ساره هي و موزه وموزه قاعده تخبرها السالفه وساره تسمعها ولا تتكلم لهذي الدرجه كان مبارك محتاج انه يكلمها اكيد عيل البنت وحده يعرفهاولا اخته ولا </p>
وحده تقربله من قرايبه </p>
ساره : موزه فديت روحج والله فرحتيني </p>
موزه : انا قتلج لازم تسمعينه بس انتي الله هداج عنيده </p>
ساره : يله عاااد </p>
موزه : ههههههههههههههههه</p>
تدخل ام ساره وهي فرحانه وتدخن الغرفه بالدخون وتقول </p>
ام ساره: موزه ما بتقولين مبروك حق ساره </p>
موزه وساره يتكلمون في نفس الوقت : مبروك على شو ؟؟؟؟؟؟</p>
ام ساره : ساره خطبوها </p>
ساره : خطبوني ؟؟؟؟؟؟</p>
ام ساره : ايوه خطبوج وابوج وافق </p>
ساره : شوووووووو</p>
ام ساره : ايوه وافق لنه يبي مصلحتج </p>
ساره : ومن الي خطبني </p>
ام ساره : عبدالله ولد عمج </p>
ساره : شووو عبدالله مثل سهيل اشوفه مثل اخويه ولا اعتبره مثل واحد اب يكون زوجي </p>
ام ساره : شو فيه عقب ثلاث شهور بيتخرج وبيغدي ضابط وولد عمج بعد شو تبين اكثر اه</p>
ساره : مستحيل اتزوجه .. حتى ما خذيتو رايي في الخطبه شو انا قدامك طاوله ولا اثاث تبون تبيعونه </p>
ام ساره : خلي الخريط نحن نريد مصلحتج </p>
ساره : انا اقولج هذا مستقبلي وانتي تقولين خريط شو خريط </p>
ام ساره : لا تطولين صوتج عاد انا امج </p>
ساره : بطوله اكثر بعد </p>
ام ساره : شووو انتي بلاج اليوم</p>
ساره : ما فيه شي فرحانه هلي يبون الفكه مني وبعد تريديني افرح ما بخذ عبدالله لو تنطبق السماء على الارض </p>
ام ساره : مب بكيفج </p>
ساره : هههههههههه بكيف من عيل بكيفج انتي؟؟؟ والله العظيم انج ما تقدرين تسوين شي </p>
ام ساره : شوووو</p>
ساره : والي ما تطولينه بيدج وصليه بريلج وانتي الي حرمت ابوي مب امي الصدقيه وبعد شايفه نفسج</p>
ام ساره : انا بعلمج اشلون تكلمين حرمت ابوج </p>
وتمسك ساره من شعرها وتصفعها صطار لين ما دارت ساره ولطم راسها اليدار </p>
موزه تمت تصارخ يوم شافت ساره ويهها كله دم وتصارخ ام ساره الي سوته انها وقفت اونها ما تبي لساره الضربه وودو ساره سيده الدختر توام في قسم</p>
الحوادث ودخلوها غرفة العمليات وكل واقف برا الغرفه ينطر متى بيطلع الدكتور ويطمنهم </p>
طلع الدكتور </p>
ابو ساره : خير يا دكتور طمنا </p>
الدكتور : ..........................</p>
ابو ساره : شو فيها طمني </p>
</p>
</p>
الدكتور ما رد على ابو ساره يا ترى شو بيكون في ساره ... ومبارك الي يحس بشي في صدره يعلمه انه ساره فيها شي ومحمد الي شايل هموم العالم</p>
في راسه شو بيكون مصير كل واحد منهم ؟؟؟؟؟ وهل في مصايب يايه ولا ...</p>
هذا كله بتعرفونه في الحلقه اليايه ...</p>
</p>
مع تحياتي اختكم :</p>
عيــــــــــووون الوضيحي <img height=18 src="file:///c:/documents%20and%20settings/welcome/my%20documents/my%20webs/thumbsup.gif" width=25 border=0></p>
</p>
</p></font>
رد مع اقتباس
مواقع النشر (المفضلة)