<font color='#F660AB'>
</p>
الحلقه السابعه : </p>
وصلنا يوم مبارك مب قادر ينام ولا ياكل ولا يسوي شي مفيد يعني انسان ما له قيمه لن ساره ما سمعته او عطته فرصه انه يقوله من الي كان عنده </p>
ليش يا ساره انا الي احبج والي ما بتخلا عنج لو تجافيني ميت عام بترياج وبقنعج تسمعيني لني احبج حب ما اقدر اخليج تهدمينه في ساعه انتي مب قادره</p>
تستوعبين انج ترمين قلب يحبج .......بس شو الحل هي عنيده بشكل كبير ..... الحين انا بروح اصلي صلاة العشاء وعقب بنتلقى ني ومحمد في المقهى</p>
وبندور حل ...راح مبارك وصلى العشاء في المسيد وسوى لمحمد تلفون علشان بتلقون و اتفقو يتلقون في المقهى ..</p>
مبارك : السلام عليكم </p>
محمد : وعليك طول ذنيك ههههههههههه</p>
مبارك : شحالك بو قسيم ؟؟</p>
محمد : بخير انته شحالك بو العريك ؟؟ وليش منتفخ اليوم ومعصب وحلتك لله وين الفشره والركزه الاوليه الي تطيح البنات ؟؟</p>
مبارك : وينها ؟؟ راحت ما بقى منها شي ... العب والخريط راح يوم يى شي اسمه العيب ولا ما تعرفه ؟؟؟</p>
محمد : بو العريك شو الي مستوي ... تهديتو ولا شي ؟</p>
مبارك : اهاا استوت مشكله والحين اكثر من اسبوع وهي مب راضيه ترد على اتصالتي خبرني يا محمد ويش الحل تراني تعبت وبغضت الدنيا وما فيها</p>
محمد : لا تقول كذي يا بو العريك كل شي وله حل ..بس انته خبرني السالفه كلها ولا تخبي عليه شي </p>
مبارك : ما طلبت بخبرك السالفه وما فيهااااا >>>>>>>> وخبره السالفه كلها ولا خبى عليه شي </p>
محمد : اهااا كذي السالفه </p>
مبارك : ويش الحل الحين .....فيدنا دخيلك تراني انا ما كلمتها بروح فيها </p>
محمد : هههههههههههه مب لين هذي الدرجه صح انته تحبها بس ما بتوصل انك تقتل عمرك علشانها </p>
مبارك وهو خانقته العبره من كلام محمد الي ما يعرف ويش معنى الحب وبلاويه .. تشوف برا على القمر الي منور اليل وتم يشل بصوته الي يحمل</p>
نغمة الحزن و الهم الي في قلبه الي تم مسكها ولا طلعها طول الاسبوع بس الحين وصل حده بس ما اقدر استحمل : اشتكي يا بوي من همن ضواني</p>
زارني وقت المساء عقب العشيه حل بيه الضيق والهم اعتراني وسلات العبرات من عيني دميه من سويى صاحبي بت سهراني لا اذوق النوم </p>
والحاله رديه صاحبي بالحسن هو سيد الغواني ادعج العينين معسول الشفيه له معنق مثل ما عنق الدماني والخشم كالسيف والعين احوريه </p>
ثيبني يا بوي من هم ضواني زارني وقت المساء عقب العشيه . </p>
</p>
يوم انتبه ان الكل الي في المقهى يصفق ومحمد الوحيد الي ما صفق لنه يعرف ان مبارك يوم شل ما قصده يسمع حد وانه شل من كثر الهموم الي تراكمت</p>
في قلبه ولا قدر يستحمل محمد تندم لنه قال الكلام الي قاله لمبارك ......مسك ايد مبارك ومطه برا المقهى </p>
مبارك : حوووووووه وين رايح بي</p>
محمد : بخطفك هههههههههههه وبخلي اهلك يدفعون لي فلوس ههههه</p>
مبارك : اونه برفسك رفسه بخليك توقع طايح اسبوع في الدختر هاهاهاه </p>
محمد : افاااا خويك ترفسني </p>
مبارك : وانته لويش تخطفني ؟؟</p>
محمد : انته اصلن من يقدر يخطفك المافيا بكبرها ما تقدرلك ههههههههههههه</p>
مبارك : هههههههههههه</p>
محمد : رواح بنروح المبزره وهناك بنقعد وبدور حل لمشكلتك اضني اني لقيته بس يبله شوي تكتيك </p>
مبارك : اهااا وعلى حساب من ؟؟</p>
محمد : يا حافظ طبعن على حسابك لني انا تكرمت وتنازلت وبفضي وقتي علشان احل مشكلتك يعني لازم على حسابك اوكيه </p>
مبارك : اوكيه ..حشى في حياتي ما شفت ابخل منك بس المهم انك تحل مشكلتي وبعطيك الي بغيته </p>
محمد : اهااا توك الحين يله رواح بسرعه عدك ما غيرت رايك </p>
مبارك : يله هههههههههههه</p>
وراح المبزره ومن راحو ومحمد ساكت يفكر ويتكتك على قوله مبارك يتشوف فيه متى بييب حله الي اونه بيحل المشكله </p>
محمد : لقيتها مشكلتك من الحين اعتبرها انحلت </p>
مبارك : شو الحل ؟؟؟؟؟؟</p>
محمد : على حسب فهمي من شرحك على البنت الي عندك ساره ما تعرف ان الي عندك عليا يعني ما تعرف شكلها</p>
انته قولها ان هذي اختك ولقيتها في السوق وطاحت السالفه</p>
مبارك : يا الذكي كيف بخبرها وهي مب راضيه تسمعني ولا ترد على اتصالتي </p>
محمد : انا اعرف </p>
مبارك : هاه كيف ؟؟</p>
محمد : تعرف البنت الي عندها يوم في السوق </p>
مبارك : اهاا شو فيها !!</p>
محمد : هي هذي بتكون الحل بينك وبين ساره </p>
مبارك : انا مب فاهم شي لو تكرمت وسمحت تقدر تفهمني </p>
محمد : انا بقولك </p>
مبارك : قوووووووووووول </p>
محمد : تذكر سالم ربيعنا الاولي الي الحين بيعرس وعزمنا </p>
مبارك : اهاا شو دخله في موضوعنا ؟؟</p>
محمد : هو الي بيعرس بالي عند ساره ( مهره )</p>
مبارك : اهااا ...بس كيف بتقوله يرمسها</p>
محمد : هذي خلها عليه </p>
مبارك: شو بتقوله ؟؟؟؟؟؟؟</p>
محمد : بقوله انك تبي موزه ترمس ساره في الموضوع انا اقدر اقنعه واخليه يقنع الي بعرسبها </p>
مبارك : انزين متى بترمسه ؟؟؟ اليوووم ولا</p>
محمد : الحين العرب نيام الصباح رباح بكره برمسه وبخليه يستعيل ويرمس حرمته شي غير تبى ؟؟</p>
مبارك : لاااااااا بس اريد اسمع صوت ساره بس .</p>
محمد : دخيلك خبرني صوتها حلوووو ولا ؟؟</p>
مبارك : وانته شو خصك في صوتها ؟؟ لا يكون تريد ترمسها</p>
محمد : افااا يا بو العريك انا من متى اترياك تعازم عليه علشان ارمسها بس ما قلتي ولا عزمت</p>
مبارك : انته من صدقك والله لرفسك الحين صدق واخليك تذكر لبن امك يوم شربته وانته صغير</p>
محمد : هههههههههههههههه اووووووه يمكن شربتها وانا كبير بعدني حتى الحين ترعاني وين بتروح وليش ومتى بترد ..حشى حشره دوووم فاكه محضر</p>
كل ساعه تستجوب واحد من خواني ههههههههههههه </p>
مبارك : هههههههه الله يساعدكم انا امي عني فداها وفدى روحها دوووم تهويس فينا ما تقول ريال ونسد عمرنا </p>
محمد : يعني في الهوى سوى ههههههههههه</p>
مبارك : ههههههههه</p>
محمد : نرجع لمحور حديثنا ( اونه يحاكي محمد الصيرفي ) على سالفه الي تحبها انا ما ابى اتنازل واكلمها الي عندي مكفيني وموفي</p>
مبارك : كل اسبوع ترمسلك وحده كل حد بيحثق الا انته بتتم كذيه </p>
محمد : وانته ليش محتر ادريبك متغير مني يله اعترف </p>
مبارك : هههههههههههههه عني ما اغار كني تغيرت منك ....</p>
محمد : عادي انته عقب بتطب ساره وبتعرس بعليا يعني لعبت عليها وبتعرس وبتيب عيال وبتنسى ساره الي رمستها </p>
مبارك : محمد لا تقول هذا الكلام ثاني مره انا يوم حبيت ساره ما فكرت لو لحظه اني اتركها انا ما رمستها الا لني اريدها وبعرسبها لو شو يصير</p>
محمد : اهاااا حلوووووووووو دفاع قوي بس بنت عمك الي بتعرسبها كيف بتقول لهلك انك ما تبها ؟؟ وانته بروحك خطبها ومملك عليها </p>
مبارك : شي عادي بطلقها وطاحت السالفه </p>
محمد : شو بيقول عمك اكيد بنته فيها شي علشان تطلقها وتعرس بوحده غريبه لهي من قبيلتك ولا تعرفونها </p>
مبارك : ما فيها شي الحين كل واحد يضويله وحده يا سوريه ولا مصريه ولا هنديه ولا سكنيه ومن كل طايفه وقبيله الحين كله عادي</p>
محمد : اهاا عادي بس في قبيلتك انته مب عادي انته قبيلتك معروف بطبعها وعادتها وتقليدها البنت لولد عمها وولد عمها ما ياخذ غيرها</p>
مبارك : وانته ويش دراك يا الخبل الحين الشيبان يعرسون بمصريات وغيرهن وحتى البنات غدن ما يعرسن بعيال عمهن يعرسن بالي يبنه</p>
محمد : هذي مشكلتك وانته الي بتحلها انا برمس الريال وبشوفه شو يقول وبردلك خبر اوكيه</p>
مبارك : اوكــــــــــــــــــيه </p>
محمد : يله ودني بيتي تلفوني في السياره اكيد امي حرقته من كثر ما سوت تلقها قالبه الدنيا فوق تحت هههههههههه</p>
مبارك : هههههههه يله </p>
محمد ومبارك في السياره في الطريق لمرخانيه ومبارك من اصبح يهويس بساره هي الحين مرتاح ولا لا حزينه ولا فرحانه تبكي ولا تضحك</p>
تشتقلي ولا لا تاكل ولا حارمه عمرها من الاكل ؟؟؟؟؟؟؟؟ ميت سؤال بس وين الي يجاوب عنها ماحد يجاوب عنها وينج يا ساره اشتقتلج</p>
كيف اليوم بنام بدون ما اسمعج تقولين لي تصبح على خير وبسويلك بكره .....هذا الي يخليني اعيش اني بسمع صوتج بكره</p>
بس الحين ما عندي امل اني اسمعج او اشكيج الحال واقولج اني ما اقدر استغني عنج وينج بس من يرد على شوق مبارك وشجونه الي مب قادر قلبه</p>
انه يستحملها او انه يعبر عنها </p>
محمد : مبارك </p>
مبارك : .............................</p>
محمد : مبارررررررررررررررك</p>
مبارك : هاه هلا ؟؟</p>
محمد : قولي اخر قصيده كتبها </p>
مبارك : بشكيك يا بو صوت مياس *** يا من دعيت الحال في شجوني</p>
&n bsp; كل ما تمر الدقايق والوقت بلا قياس *** حسرتي تزداد ويش تقول لو شفت حالي </p>
&n bsp; جرحي ينزف ويشمت بي من بلا احساس *** ما درى بلوعة الحب و الاشواقي </p>
محمد : صح لسانك </p>
مبارك : صح بدنك </p>
محمد : متى كتبت هذي القصيده ؟؟؟؟</p>
مبارك : ههههههههههههه والله انها توها من قلبي تطلع ادري منقعه ومب موزونه عدل بس والله من الخاطر طلعه</p>
محمد : انته الحين تشوف هذي مب موزنه وهي الحين من قلبك تطلع لو شفت قصيدي شو بتقول ههههههههههههههههههه</p>
مبارك : وانته من متى تكتب شعر ؟؟؟ لا يكون تحب من ورايه ؟؟؟! </p>
محمد : هههههههههههه يا ريال والله استحي اقولك </p>
مبارك : مستحى الكذب طبه يله قولي القصيده وعلى من </p>
<p align=right>محمد :</p>
<p align=center><span lang=ar-sa>تهــــــــــــــــنا في دروب الهــوى*** وقســـى عليــــنا شـوق العذارى</span></p>
<p align=center><span lang=ar-sa>دمـوع هــــــلا يل بكت بكـــل*** الحروقي تسأل ليمتى هذا الجحودي</span></p>
<p align=center><span lang=ar-sa>اسمع هذا وذاك وفـــــــــلان*** الهــــوى كـــله جــــروح وبـــــــلاى</span></p>
<p align=center><span lang=ar-sa>خــلك قوي عند الشــدايد*** يســــــتند عـــليك ضــعيف الكلامي</span></p>
<p align=center><span lang=ar-sa>شعرا ترى يبني ويهدم*** أنت كمل مســـــير نســـــــــى</span></p>
<p align=center><span lang=ar-sa><font size=4>وأنا خلني في همومي*** ألتمس قــلب حنوني</font></span></p>
<p align=center><span lang=ar-sa><font size=4>مسموح لو في قلبي كلام***ويش يفيده أنسان نسى؟</font></span></p>
<p align=center><span lang=ar-sa><font size=4>أقســى يا قلبي وأرسى***في شواطى الامان الهدومي</font></span></p>
<p align=center><span lang=ar-sa><font size=4>وهذي النهايه والختام*** أكمل طريق به القلب هــاني</font></span></p>
مبارك : كلامها حلو بس مب موزونه موووووووووول</p>
محمد : مب لازم موزونه المهم انها تكون من الخاطر طالعه ومب علشان مدح العرب وغيرها </p>
مبارك : والله انك مب هين انته وراك سالفه خبرني ويش سالفه القصيده </p>
محمد : بعدين كله في وقته حلووووو الحين قدنا عند دوار السفينه وما شي وقت بكره بنتلقى في المقهى وبخبرك السالفه اوكيه </p>
مبارك : وليش مب الحين </p>
محمد : لا تهيج جروح كانت نايمه *** وتفطر قلوب بالحب ضايعه </p>
مبارك : محمد كله فيك ولا تخبرني اسميك مخوة بووووووووووووش</p>
محمد : مب مخوة باااااااااااااااااعر على قولكم </p>
مبارك : ههههههههه حدك ابونها رمستنا رحيمه </p>
محمد : اهاا حلووووووه ولا تزعل </p>
وقفو في بيت محمد </p>
محمد : شي في الخاطر ؟؟؟</p>
مبارك : سلامت راسك فديتك </p>
محمد : يله فداعت الله </p>
مبارك : فداعت الرحمن </p>
راح محمد ومبارك يفكر فيه كيف هذا الا نسان خويي من انا صغير في الخير والشر ولا يخبرني الي في خاطره سميك ريال خو شما يا محمد لو فيه</p>
تعب الدنيا وهمومها ما يشتكي ولا يبين لناس انه فيه شي ولا القصيده والكلام الي قاله يبين انه وحده في حياته بس من هيه ؟؟؟ والله انه هذا الريال</p>
محيرني من كثر ما يكتم وليش انا افكر بغيري انا بروحي اريد من يفكر فيه وبمشكليه الي انا بروحي مب قادر استحملها او ا فكر فيها بكره هو بيخبرني </p>
بالسالفه وما فيها ليش احرق اعصابي ......</p>
</p>
بنرد لساره الي مب راضيه تاكل ولا تشرب ولا تخبر حد بالي فيها وما تكلمهم ولا تريد انها تسمع شي منهم وامها خايفه عليه بس ساره في حاله </p>
مب مخليتها تسمع نصيحه الحين تشوف كل الي عنده ذياب وما فيهم امان عقب مبارك الي حبته واغلته اكثر من روحها وبعدين لقته عند وحده غيرها </p>
شو الحل الحين روحي تعبت ومب قادره تستحمل اريد اشكيه على الي سوه فيني بس مب قادره اسوي شي اريد اخبر حد عن الي فيه بس لساني ما ينطق</p>
حروف ولا كلام همومي من كثر ما هي في القلب تشتاق للي سبب تعبها ترتاب من كل الناس حتى لو هو ام ولدها شو تقول بحب في وسط قلب</p>
واعماق اريده عندي وهو كل العذاب اريده وهو مسبب الارهاق اريده وهو غايتي والمراد واريده وهو عيني والا هداب احبك وهو روحي وكل ما فيه</p>
من اتعاب .... تتعب النفس وليتها عند رب العباد يسترحم بها كل من بها حزن وافراق ..... ليته يحن ولا يرميني اكثر بعجاب خلني اسمع صوت من </p>
قلبي وروحي صار ..........(ليتك لعيني قريبه كان بسهر ونومي في جفني حرام عمري عطى بصفيبه ما يضيع العمر دامك عله غرام ... انتظر متى</p>
على الفرحه تجي ودنيتي في ناظري بقربك تزين طرفي اشتكي شوق بالله شا اسويبه ما بقى بها لعمر كثر الي راح وشوفتك يا شوق تبني الجراح ...)</p>
</p>
مسكت ساره التلفون وسوت لموزه علشان تيها لنها خلاص وصلت حدها خلاص ما اريد اعيش في دنيا مبارك بيكون مب ليه </p>
ساره وصوتها تعبان : السلام عليكم</p>
موزه : مرحبااا هلا وين القاطعه ما تسويلي تلفون ولا منك ولا اليك ولا هم يحزنون </p>
ساره : موزه ابج تيني انا تعبان وابى ارمسج لني خلاص مب قادره استحمل ( تتكلم ساره وصوتها رايح لنها خنقتها العبره )</p>
موزه : عسى ما شر فديتج عله في عدوينج ولا فيج الحين بيكم</p>
ساره : لا تبطين عليه وتعال سيده غرفتيه لنه ما حد في البيت غير امي فاطمه </p>
موزه : انشاء الله يله باي </p>
ساره : باي</p>
</p>
موزه من ركبت السياره وهي تقول للدريول اسرع اسرع حشى لو في سباق كان فازو وبعد حطمو التيم فيه والدريول يدعي بموزه </p>
موزه : انته شو تقول من ركبنا وانته تكلم عمرك لا يكون خرمت </p>
الدريول : انته دوووم سوي زنجال شو هزا ( ورد يرمس عمره ) </p>
موزه : عني فارقك ادريبك تدعيبي عل دعاك ما يخطاك قووول امين </p>
وتمو يتهدون موزه والدريول حتى وصلو الشعيبه والدريول لو بيده كان فر موزه في الطريق وشرد منها </p>
نزلت موزه من السياره وهي معصبه على الدريول </p>
موزه : والله انا ليش معصبه على هذي الاشكال الي ما تسوى والله حاله حتى هذا علموه كيف يسب ويرادك في الكلام الله ينطب هذا الويه تقول ويه</p>
عيوز طلعه من قبرها </p>
يوم تشوفت ان يدت ساره فاطمه قاعده في الحوش لن الجو حلووو العصر </p>
موزه : السلام عليكم </p>
فاطمه : وعليكم السلام ... مرحبااااا بنتي شحالج عساج بخير وشحال هالج عساهم بخير وعافيه عساكم ما تشكون من باس ولا شي </p>
موزه : هههههههه كلهم بخير وعافيه ما فيهم شي يترقصون </p>
فاطمه : عساه دوووم يا بنتي قربي بتتقهوين عندي </p>
موزه : قريب بروح لساره فوق تترياني </p>
فاطمه : بلاه هذي البنت لا تنزل ولا نشوفها ولا تاكل ولا تذوق حياه والله بنبتليبها مريضه </p>
موزه : لا ما فيها حوف ولا شي بس دراسه تشغلها وايد هذي الايام وهذي كل السالفه</p>
فاطمه : حليلها الله يساعده ما قسمت لخوها سهيل الي مب همنه شي غير السياير وصاقط في الثانوي مرتين الحين ما لقى شغل غير في الجيش</p>
موزه : اهااا ... خالتيه برايج انا بروح لساره فوق يله شي في الخاطر </p>
فاطمه : لا عني ما بلاج سلامتج ردي السلام على امج وبوج وهلج مناك كلهم </p>
موزه : يبلغ </p>
وراحت موزه فوق عقب ما وقفتها فاطمه ساعه راحت سيده غرفة ساره ودقت الباب</p>
ساره : من ؟؟</p>
موزه : انا بطلي الباب</p>
ساره وهي تبطل الباب : مرحبااااا ليش تأخرتي </p>
موزه وساره يتويهن بالخشم </p>
موزه : والله من الصبح اتهاد انا والهندي وعقب يدتج ما قصرت وقفتني ساعه </p>
ساره : اهااا</p>
موزه : ساره ليش شكلج كذي ضعفتي ذاك اليوم في السوق تضحكين وفرحانه والحين كله تبكي ومسكره على عمرج الباب ليش شو الي استوى في السوق</p>
وخلج كذيه مب مثل اول ؟؟؟ خبريني يا ساره علشان اسعدج والله مب قادراشوفج تذبلين قدامي وما اقدر اسوي شي خبريني</p>
ساره تمت تبكي راحت موزه وحضنتها وتمت توسيها لين ما هدت </p>
موزه : الحين هديتي وارتحتي شوي خبريني السالفه </p>
ساره تمت تقولها السالفه من اولها حتى اخرها وصوتها متقطع ومب واضح لين هناك بس موزه كنت تفهم لساره ولا تقطعها يعني مخليتنها على راحتها</p>
موزه : هذي السالفه الي مخلتنج ما تاكلين ولا تنامين ولا تسوي شي</p>
ساره ما ردت بس دموعها ردت على الي قلته موزه </p>
موزه : ساره دامج تحبينه ليش ما تعطينه فرصه وتعرفين من الي كان عنده ؟؟</p>
ساره : ما اقدر</p>
موزه : ليش ما تقدرين</p>
ساره : ....................</p>
موزه : انا بقولج ليش لنج تخافين انه يكون خانك وتنجرحين مره ثاني مثل ما جرحج حمد صح</p>
ساره : ....................</p>
موزه : ساره لا تتسرعين مبارك يحبج ولازم تعطينه فرصه انتي بروحج تحبينه عطيه فرصه واذا غلط سامحيه لنج يوم بتحبين واحد تحبينه بعيوبه</p>
وبحسناته لازم تعطينه فرصه هذا من مسلحتج ومصلحته </p>
ساره : بس يا موزه </p>
موزه تقاطعها : لا بس ولا غيره انتي قلتيلي انه هو قال انه يبى يشوفج لو من بعيد ليش بيخليج تشوفينه حد وحده ثانيه اكيد هذي وحده يعرفها ولا اخته </p>
مبارك يحبج وانته بعد تحبينه عطيه فرصه يقولج الصدق وحتى لو كذب عليج مصيرج الا بتعرفين الصدق </p>
</p>
</p>
تطورات من كل طرف هل ساره بتسمع مبارك وبترد على اتصالته ومبارك شو شعوره ومحمد بعد شو سالفته ........</p>
هذا بتعرفونه في الحلقه اليايه .........</p>
</p>
&n bsp;
&n bsp;
&n bsp;
&n bsp;
&n bsp;
&n bsp;
مع تحياتي اختكم : </p>
&n bsp;
&n bsp;
&n bsp;
&n bsp;
&n bsp;
&n bsp;
&n bsp;
&n bsp; <img height=19 src="file:///c:/documents%20and%20settings/welcome/my%20documents/my%20webs/cupidarrow.gif" width=31 border=0> عيووون الوضيحـــــــي <img height=19 src="file:///c:/documents%20and%20settings/welcome/my%20documents/my%20webs/cupidarrow.gif" width=31 border=0></p></font>
رد مع اقتباس
مواقع النشر (المفضلة)