الامارات اليوم تطالب ضاحي خلفان ....

[وحي القلم]

الله يعلم

ما تدري يمكن يكون الموضوع أكبر من ضاحي

بس هو حاول أنه يسوي شي

(( من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان ))

[أنشودة المطر]

ضاحي خلفان "رجل" ما شفنا منه الا كل خير
و يكفي أنه الوحيد اللي يدافع عن حقوق المواطنين في هذي الأيام
و له هوية وطنية واضحة و قوية

و أشوف أني مهما قلت ما بقدر أوفيه حقه

ضاحي خلفان من رجال محمد بن راشد و الشيخ محمد ما يختار رجاله "سدىً"

هـ الإنسان ع آخر أيامه ما خلّى حد ما تهجّم ضدّه
يعني صار هوه نفسه جهه إعلاميّه وجهه قضائيــه
وكل شي.. سوبرمان

و جريدة الإمارات اليوم ما بقول عنها أكثر من اللي قالوه الأعضاء اللي قبلي:

[ جريدة الإمارات اليوم ] تـضخم الأمور وتعطيها أكبر عن حجمها

الإمارات اليوم اي شخص يتصلهم ويقول
انا استوالي كذا.. كتبوا على طول!.. انزين يمكن يتبلّى او يبالغ!

عبداللطيف الصايغ طلع عـ الهوا وتهجّم
يعني ترد الغلط بـ غلط؟؟.. في رأيه هاي صراحه وشفافيه
بس انا اشوفها مصاخه

و في هذا الموضوع "يقال" أن عبداللطيف الصايغ اشترط أنه ضاحي خلفان ما يشارك و لا يتكلم!!!
"وين الصراحة و الشفافية؟؟!!"

[web]http://www.uaeec.com/vb/showthread.php?t=64342&page=2[/web]

يوزعونها بلاش مادري ليش

فيها وايد خراريف

توزع ببلاش لهذا السبب في رايي

هل سيــقف القــانون مع رجــل القانون ؟!

هذا اللي لازم يستوي

لماذا صرح ضاحي خلــفان بتلك الادله من دون أي دليل ؟!

أنا متأكدة أنه ضاحي خلفان ما بيتكلم في شي إلا إذا كان متأكد منه...هذا اللي عودنا عليه دايما

’’’’’’’’’’’’’’’’� �’’’’’’’’’’’’’’’’� ��’’’’’’’

هذا الموضوع ذكرني ببرنامج عمرو خالد
ما أذكر أسمه بس كان من كم سنة عن اتفاقية بين شرطة دبي و منظمة بريطانية
"عن مكافحة المخدرات" و عمرو خالد وياهم

في بداية الحلقة عمرو خالد قال أنه مرة في إحدى الجرايد البريطانية في أحد أهم عناوينها
مكتوب أنه "شرطة بريطانيا" لازم تتعلم من "شرطة دبي"!!

بريطانيا تتعلم من دبي!!

ما أدري هل كلمة شي "مشرف" تكفي لوصف هذا الخبر؟!

مهما صار شرطة دبي معروف أنها متميزة على مستوى العالم
و الأخ اللي "قال" أنهم ما ردوا عليه لازم يراعي الظروف
و الحالة الجوية اللي كانت تمر بها البلاد في هذاك الوقت

و جل من لا يسهو يا حلوين

[عذبة الروح]

بـ اختصار ...

كافي انه ريال والنعم فيه
و
بصمته هي رمز الأمان للدوله

ربي يحميه & يعله ذخر لنا
والسموحه

[أنامل قلب]

:

السلام عليكم ورحمة الله وبركاته ..

عيبني الطرح بطريقة تناول بعض الأعضاء للموضوع ..
اخوي اسهر معي ليله ما قصر وكملت عليه وحي ما شاء الله ..
وما ننسى التفاعل الطيب من أنشودة المطر والبعض الآخر ..

فجل الشكر لكم جميعا :)

:

تدرون شنو ..
الحلو بالموضوع ان بالنسبة لي ماكتفى بطرح الوقائع والآراء ..
لكن ضم وتخلل أبعاد ثانيه أفدت منها جدا ..

والاكيد إني استمتعت بالمرور من هنا ^_^ ..
فيزاج الرحمن كل خير اختي مزايا ..

وصان قلبج مما كره ..
يارب .. .

:
:

كل الود والاحترام ..
اختج أنامل قلب ..

...

[ملاك الروووح]

::

السلام عليكم ورحمة الله وبركاته ..


أول شي أحب اقدم تحيه تقدير للأعضاء اللي شاركوا في النقاش ..



:

وثاني شي أبي أقول وجهة نظري ف هالموضوع ..


أنا أشوف انه الموضوع خذ أكبر من حجمه بوايد !!

:

ضاحي خلفان .. لو ما كان عنده أي أدله على الاتهامات اللي وجهها للجريده ..

أعتقد انه لازم يطبق عليه القانون .. لانه هذا يسمونه قذف ..

والاتهامات هاي ترى مش بسيطه !

وشرات ما قالت المعيني في الجريده ..

لو كان عنده هالادله والاثباتات .. ليش ما استخدمها .. وكشف هوية المرتشين هييل من قبل !!

بما انها ضمن اطار صلاحياته كمسؤول للقياده العامه لشرطه دبي !

ولا كان المفروض حد يسيئ لهم .. عشان يردون عليهم بأسلوب ( وحده بوحده ) !!



::

الامارات اليوم .. جريده يديده ..

وأكيد موضوع شرات هذا بيكون ماده دسمه لها ..

عشان تكسب قراء أكثر ..

وعشان تلفت الانتباه ..

ف مستحيل يفوتون نفس هالفرصه .. عشان الاعلام يسلط الضوء عليهم ..

وهالشي طبعاً حصلوه مثل ما نحن شايفين ..

واكبر دليل انه يالسين نرمس الحين عن الموضوع !!



::

ضاحي خلفان .. ما قصر ..

وله بصمات واضحه ومميزه أكيد ..

وله انجازات وايده ..

بس ما أعتقد انه الموضوع يسوى يكبرونه جيه !!

وهالشي يسيئ له بشكل خاص ..

كان بامكانه يشرح ظروفهم .. ويقول الاسباب اللي خلتهم ما يردون على الاتصالات ..

وكان بيحرج الجريده بأسلوبه .. والناس كانت بتعذرهم أكيد ..

لأنه الظروف الجويه هاي كانت تمر بالدوله كلها .. ف كنا بنتفهم هالشي ..

لكن انه اييهم بهالاسلوب ..

ويهدد ويتوعد .. ما أعتقد انه تصرف يليق بحجمه !!



::

عالعموم ..

بنتريه وبنشوف شو آخرتها وياهم ..

والسالفه بتتفركش والناس بينسونها عقب كمن يوم ..!

مجرد ظاهره .. وبتختفي !!

::