[ الهلال الأحمر ]

[ملاك الروووح]

::



إشحالكم يا حلوين ؟

عساكم بخـــــير ؟!






طبعاً من أول ما خذت كنوووونتي .. ما نزلت أي صوره في الواحات !

كنت متهايزه بصراحه ..

بس من كمن يوم كنا نرمس عن التصوير في الدوام..

واكتشفت انه بطل مسلسلنا ( راعي المج ) مصور بعد !!

وأصر انه يشوف صور من تصويري .. ف طرشت له كمن صوره !!

ورده علي هو اللي شجعني وحمسني .. وخلاني أنزل صوري في الواحات ..

لأني ما كنت أحس انه مستواها .. يليق بعمالقة التصوير عندنا !







طبعاً أنا من زمان كان خاطري أتطوع ف جمعيات خيريه او ف أي مركز ..

والحمدلله من شهرين تقريباً تطوعت ف جمعية الهلال الأحمر في دبي ..



وكانوا منظمين لنا .. حفله تعارف .. تضم متطوعات بوظبي .. ودبي ..

رتبوا الحفله هاي ونظموها ف الكروز ف مطعم البوم ..

و واااااااااااااااااايد استانسنا بصراحه ..





وطبعاً تعرفون مس هذربانوه يعني احم احم

طلعت من لقاء هالكمن ساعه ب 13 رقم ..

اختي تقولي ماشاءالله عليج .. ما خليتي حد الا وتعرفتي عليه ..

بس والله اني أيلس شوي أسولف ياهم ..

وعقب ياخذون رقمي .. شسوي ف عمري يعني

<< لا تتفلسفين وايد ذليتينا راويهم الصور بسرعه




يالله بخليكم مع الصور ..


ما أذكر والله إذا كان هذا اللنج اللي ركبناه ولالا لووووول




كنت أبي أصور الطاوله هنيه .. و شي وحده زلمه قهرتني ..

< خيالوه صلحتها وييييو هع






يالسه ما تخوز .. قلت لها لو سمحتي أبي أصور .. ممكن بس ..

جان تقولي ماعندي مشكليييه حبيبتي .. فيكي تصوريني أنا كمان !

شو أبا فيج أنا من زين ويهج الحين !

جان أجاملها وأصورها .. وكل ما أشوف صورتها في الكيمره الحين أنقع من الضحك عليها

كان يبالي أحط صورتها هنيه عشان تتأدب لووووول





وعقب ما خلصنا سرنا فوق ..

أقول حق اختي مادري ليش حسيت المكان جنه عرس صعايده في فلم مصري !!



الجو كان فظيييييييييييع ..

ووايد استانسنا .. كانوا مسوين مسابقات وفعاليات ..





محمد ..

ياحليله كل صوره مغمض عيونه فيها .. ويلست أصوره وأصوره وبعد يغمض عيونه

طفرني !




الفيوز وايد حلوه من هناك ..














وهاي اونه صور فنيه من هناك













وشي صوره وايد عايبتني .. بس بظلمها لو حطيتها مع هالصور ..

ف بنزلها ف موضوع مستقل أحسن







هاي الورده من وحده معجبه




الخلفيه ما تساعد .. لووووول بس حبيت الاضاءه

صورتها عالسريع وانا امشي طبعاً !

و وزعوا عقب علينا هالهدايا الرمزيه ..

كله هاند ميد .. وايد عيبني!

الأرامل مسوينه .. وكانوا يبيعونه .. والريع كون حقهم ..



::

وباب التطوع مفتوح .. للي حابين يشاركون ويانا ف أنشطة الهلال الأحمر ..

بيكون في تنسيق بينهم وبينكم أكيد .. ف المناسبات اللي يحتاجونا فيها ..

وكل شي بأجره أكيد .. الواحد ما يبا غير الأجر من الله سبحانه وتعالى ..




:

تسلمون على متابعتكم ..

وأشكر كل من وصل لي هنيه بالسلامه

واتمنى انه الصور تنال اعجابكم ..

كل الود

ملاكوه



::

[جنة عدن]

ونا شايفه الصور حسيت انو مبدع هذا اللي حاطهم
والاحلى انك اظفتي لمستك الخاصه عليهم
مع المزيد من التالق
ان شاء الله نشوفك مبدعه بالمجال هذا

[قصايد غلا]

اللـــــــــــــه كششششخه أنا أبـــــــا أي وياكم


ثاانكس على الصور الحلوة ملالالالالالالالالاك

[ملاك الروووح]

هلا قصووووده

هيه واللله .. وايد كشخه



أفا عليج .. يوم يسوون فعاليات مره ثانيه

بخبرج قبل .. عسب ترتبين أمورج واتشاركين ويانا ..

بتغيرين جو وبتستانسين وايد والله !

:

الشكر موصول لج على ردج الحلو فديتج

[ملاك الروووح]

هلا حبيبتي جنة عدن

تسلمين الغاليه ..

وان شاءالله بنتعلم من المصورين المبدعين هنيه

وبتشوفون صور أحسن عن جيه ..



الله لا يخلينا من هالطله

[قرموشة]

الله شو هـ الزيين كـلـه D=
وايـد أحـب الانشطــه التطـوعـيه وأحـب أشـارك فيهــاااا ..
حـلوين الصـور مـلاااكووووه .. وتغطـيـه شامـله ماشا ءالله عليـــج ..
حـبيت صـوره الاعلام والورررده الحمـررا وآخـر صـوووره واللي فوووقهـــا .. شي شي
تسـلم ايييييييدج وكنوونتـج حبييييييبتــي ..
وان شا ءالله نشووف مـن هـ الابدااع أكـث روأكـــثثثثررررر

keeeep it up malaaak 3lroo7 =D

[ملاك الروووح]

هلا والله .. قرموشتي



الزين منج وفيج طويلة العمر

عيونج الحلوه حبيبتي ..


هيه مي تووووووووو

وأدري بج تحبين هالسوالف .. تذكرت شو يسمونه !

لوووووووول


عيونج الحلوه حبيبتي ..

تخبلت رحت فوق .. ونزلت تحت وادور على آخر صوره وأنزل وأروح فوق وأشوف اللي فوقها

لوووول كان يبالي أحط أرقام


ان شاءالله بتشوفين صور ثانيه جريب حبيبتي ..!


شاكره لج مرورج وتشجيعج ..

الله لا يخلينا

[دمعة عين]

مـاشــالله شو هالزيـــن
=)

صور حلوه ماشالله وتغطيه جميله
خاصه آخر الصور .. حبيت الزوايا فيها .. !

.
.

لا تحرمينا من كل يديدج الغاليه
ونحن في الانتظار

[ملاك الروووح]

هلا بمصورتنا دمعوه ..

عيونج الحلوه حبيبتي



وشهاده أعتز فيها من مبدعه شراتج !


وان شاءالله يعيبكم يديدي ..

<< وحده قاصه على عمرها هاه

:

تسلم لي هالطله

[عهد الوداع]

رووووعه الصراحه وحلو انه الوحده تتطوع في هاي الاماكن

كفيتي ووفيتي بالصور الغاويه

يسلموووو

[ملاك الروووح]

حيالله عهوووده


الله يسلمج حبيبتي ..




:

وصج شي حلو انج تتطوعين .. تحسين بجيمتج ..

وانج تقدرين تقدمين لو شي بسيط حق الناس .. والمحتايين ..

:

سعيده انه الصور عيبتج حبيبتي

وشاكره لج تعقيبج الحلو

[العجيبة]

ما شاء الله شي جميــــل ....


الله يوفقج دوم في التطوع + التصويـر ...

[مــهــابه]

تـغطيـه حــلوه مـــلاك


موفقه اختيه

[خيال الحب]

ياسلااااام

والله تصوير كشخه .. ماشاء الله هاا من البدايه جييي صورتي

بانتظار يديدج

كنت أبي أصور الطاوله هنيه .. و شي وحده لزمه قهرتني ..

>>هاييلا الي يقولون نحن ما انقع خخخ

[ايه احبك]

اوووووووووووووووووووب شاهزين شاهالحلاه XD
ملاوووووووووووووووكه الصور كلها اجنن وانا اؤمن انه كلها من فعاليات الكانون واختيارج لزوايا الحلوه XD

الصور الي عيبوني وايد هم
2
12
13
فناتتتتتتتتتتتك XD
تسلم الأنامل فديتج ^_^