دير دياري ~ يوميات

[مايهزك ريح]

الأحد ..
المزاج تمام إلى حد ما
كان اتعس ويك اند يمر عليه .. طايح في العياده 4 ساعات على المغذي ..كان عندي تسمم .. وظاربيني ابره ..
ما صحيت إلا يوم السبت !

[رمــش الغـــلا]

كل عام وانتي بخير شمعهـ ^^

شكلج استااااااانستي فالحفلة >>

عقبال مليون سنة ^^

......

ما يهزك ريح

سلامات << الله يعينكـ

[بنت الدلع]

اليوم: الأحد
المود: كالعاده sleepy

الموضوع:
معاناااااااه ليييين مانشييييت الصبح
كل مايدق الاااارم اسكره
واخر شي سويت skip لاول كلاس
لاني كنت مسطططططله
وحضرت الكلاس الي الساعه 10
ومن بعده كان عندي كلاس الساعه 11 لين 12
الساعه 12 ونص سرت عند اختي
يلست عندهاا
وشفت ولدهااااا التااااايني

فدييييييييييييييييته يوم تشله كيييف حجمه صغيييييييير
وااااااااايد كتكووووت
صدق يخبل يوم تشوفونه بدون قماااط
تميت العب بسويجي عشان يصد صوبي
تم يطاااالعني فديييييته والله وفديييت عيوووونه الصغاار

وبعدين رديت الجامعه ويلست لين الساعه 3
خلصت كلاسي وصلت البيت الساعه 3 ونص
وتمييييت الا سوااالف ويا ماما ومرت اخويااا

وبعدين ماما قالت لي قصص عن بر الوالدين
so emotional والله

اتمنى اني اكون مثل ينضرب في طاعة الوالدين
!!
قلت اتمنى بس بعدني ماوصلت لهذي المرحله
احس لو شو ماسويت في حياتي
مستحيل اوفي حق ماما وبابا
بس i hope انهم يشوفوني مثل مايبون
واهم شي اكون the best ومافي مجال للمقارنه بيني و بين قريناتي

والحين يالسه افكر شو اسوي
بحاول اني اتفيج وابدا في my essay

wish me a good luck

[شمعة أمل]

تحفه
اويه ماث مره وحده.. ماتخيل اني امتحن شي يخص رياضيات كل سنه في يوم ميلادي!

مايهزك ريح
سلامات ماتشوف شر!!!!

رمش الغلا
وانتي بخير




اليوم الاحد
المود مب اوكيه
الموضوع
مع اني رقدت لـ 8 ساعات بس نشيت من الرقاد وانا تعباااانه ماعرف شو بلايه اليوم.. تريت لين ما امي ردت البيت وبدال ماسلم عليها سيده قلتلها شو رايج في ميلسنا عقب داومت وليتني ماداومت..
سواقتي كجره.. تدرون يوم تسوقون وجي عيونكم تغمض شوي وبترقدون
بعدين داومت ونفس الحاله.. وعيوني تعورني من الليتات في الجامعه
رديت البيت من وقت ورقدت من 11:30 - 1 وبعدي ماشبعت رقاد

احس اني بزجم.. لانه من كم يوم وانا أعطس

من كثر ما فييه رقاد كنسلت الاجتماع الى عندي اليوم العصر وماسرت المحضاره & الكلاس المسائي >_< قلت حق وحده من البنات تخبر الابله اني مريضه .. يمكن ماتحطلي ابسنت؟

أفكر أكنسل الجم باجر بعد مافييه اسير ولا بتسويلي بوت كامب

[المزوحي]

مايهزك ريح ماتشوف شر، سلامتك ...

اليوم : الاحد

المود : مب لين هناك

الوقت 9:30

قمت على الساعه 6:15 وظهرت من البيت 6:45 ووصلنا بحمد الله ... وكالعادة شغل، روتين، بس اليوم بزيادة

بداية السبوع .... تغديت في الدوام، رديت البيت رقدت نص ساعه .. قمت صليت العصر وسرت العيادة ..

لأنه بلاعيمي وأذني .. أحس بألم كبير ... وصرفوا لي الادوية ..

سرت اشوف سيراميك ...

خلاف مريت الفستفال آخذ شغله ... ورديت البيت تعشيت ...

والحينه دخلت الواحات اكتب لكم دياري ..

وووو


بس يبالي سبوح ...

[مزن هتان]

اليوم: الأحد
المزاج: عااااادي

الموضوع
ربيعاتي وايد دلوعات، كل شوي أقعد أراضي فيهن
كل وحده تغار من الثانيه اشق عمري يعني ؟!!
اليوم طلعنا أنا و خواتي غيرنا جو لأن بالويكند كلش
ما طلعنا، كنا ابـ فستيفال نحن بعد

كنت قاعده مع ربيعتي، طرشت لي الثانيه مسج و هو:
ادري لو غبت عنكم ما كن غاب عنكم شي
ترى النخل لو طاح تمره ماكنه صاب النخل شي
^^ ويهي عورني

end of the DAY
أحب ربيعاتي وايد و ربي لا يفرق امبينا

[تحفه]

مايهزك سلامااااااات.. ماتشوف شر والله
ودر الالبان شويه واكتف بالاشيا الخفيفه وان شاء الله تنش بسلامه بسرعه



شمعه : لول صار شي عادي XP

[تحفه]

هي صح مايهزك يمدحون ماي اسمه ماي مرقدوش .. ريحته خاااااااااايسه بس مفعوله سحري لول! مادري وين ممكن تحصله نحنا ايبونهلنا من البحرين

[مايهزك ريح]

الله يسلمكم من الشر اخواني ..

تحفه انا كنت صالب على لبن .. وروب ..

ماي مرقدوش اعرفه يبيعونه في السطوه ..اعتقد كانت الوالده تشتريه بس ما اعرف لشو يستخدمونه !

[ملاك الروووح]

::

شمممممممممممممعتي

كل عام وانتي بألف خير حبيبتي

و


وعقبال المليون سنه ان شاءالله




:

عسى عامج سعاده .. وحب .. وفرح ..

وان شاءالله تحققين فيها كل أحلامج وأمانيج ..



::

فديتج

والله وكبرتي

بس بعدج صغيره !

:

( أنا متأكده اني حطيت رد هنيه من قبل وين راح )

\

[ملاك الروووح]

:

مايد

الحمدلله ع سلامتك

ألف لاباس عليك



::

مستااااااااااانسه اليوم .. ماخذه أف ..

أبي أرتاح من ضغط الدوام ..

البارحه كان عندي شغل أسبوع كامل بما انه كان عندي كورس

وما عندي باك أب عشان يسوي شغلي وانا مب موجوده

ويااااااااااادووووووووووو ب خلصت ع الوقت ..

لا وحاطيني أكتنغ مكان السكرتيره بعد .. لأنها مسافره

ما كنت أدري انها تسوي كل هالشغل !!!!!


حسيت اني أبي برييييييييييييييييك من كل شي ..

وغالقه تيلفوني بعد لأني أدري انهم بيحرقونه أز يوجول !

وفديتها ما وحشتكوه خافت علي .. تتحرى صايبني شي

:

ياني كستمر البارحه قهررررررررني

شاف اسمي ع الآي دي .. اونه لو سمحتي .. قلت له نعم ؟

اونه هذا اسمج

<< لا اسم بنت ييرانا ..!

كان خاطري أفره بالستابلر اللي جدامي .. بس أمس يايه من كورس كستمر سيرفس

ف هالتصرف بيتعارض مع اللي اتعلمته لووووول


( اسمي عاااااااااااااااااااااااا ايبني خلااااااااااااااااااااااا اااااااااااااص ..

حبيييييييييييييييييييييته للأبد .. وما بغيره .. عشان خاطر أي حد !!! )



:

[مايهزك ريح]

الله يسلمج من الشر ..
انتي شو اسمج ..
انا مرت عليه اسامي غريبه .. ليكون اسمج بينهم !
نانيس - فينوس - نيلوفر - هميان - ليوذا مادري ليوزه - فريشته -عذيجه - طريفه - بريسم - شطيطه - بوتا >> شكلي بنظرب

[ملاك الروووح]

أشوف الكل عرف الجواب عشان جيه شليت وسائل المساعده لوووووول

[مايهزك ريح]

اللي اعرفه .. اسم افسانه .. بس احيد انه هالأسم يعني الأسطوره فما اعتقد انه هو نفسه !
بس بدور

[ملاك الروووح]

ان شاءالله تطلعون بنتيجه



::

تيلفوني كان مغلق من البارحه لأنه اختي مبدله ويا تيلفوني ..

أونه عندها Pink Week .. سو تبا تشل موبايلي البنك ..

وقاصه علي بطارية تيلفونها الموتو مفضيه وانا ما كنت أدري يعني انه الموبايل مغلق

اني ويييييييي

انا طرشت مسج حق التيم ليدر وقلت لها اني سك ما بقدر أداوم وقلت لها حطيني أف

بما انه عندي 4 أفات .. ورقدت

وتوني يوم فجيت التيلفون .. عقب ما يابوا لي الجارجر ..

اشوفهم متصلين 60 ألف مره من ارقام كل الستف

ومطرشين مسجات : ملاك وينج ؟

وير آر يو ؟

طمنينا عنج ؟

بتداومين اليوم ولالا ؟

ستين ألف مسج بعد

جان أتصل بهم .. اونه انتيييييييي وييييييييييييييييييين

خوفتينا عليج .. ومادري شو

قلت لهم اني مطرشه مسج .. اونه لا ما وصلنا

وحليييييييييلها التيم ليدر غمضتني .. حبيتها للأبد شوي وتصيح

اونه ملاكوه اخر مره تسوين هالحركه خوفتيني عليج والله قمت احاتيج

وما طرشتج ابسنت .. قلت لهم انها مستحيل تسوي هالحركه اونه

اهم شي انج بخير الحين .. ومادري شو .. حليلها حسيتها صج متاثره !


جان أتصل ف ربيعتي على طول .. قلت لها هاه شو العلوم

تقولي انتي شو سويتي بهم اليوم ..

الفرع مشتل ع ريل وحده يدورون عليج

ومطلعين الكونتاكت نمبر مالج بعد .. مادري متصلين ف ابوي ولا اخوي لووووول

ويحاتونج اونه زين التيم ليدر ما صاحت !

وعقب يلسوا يرمسوني واحد ورا الثاني ويسلمون ويطمنون علي ..

اونه بنتنا انتي .. لازم نحاتيج



زين الحمدلله .. الله هادنها هالكمن يوم .. مستويه تحبني

وأناا دهااااااااااان سير من الخاطر .. والله ما ينفع وياهم الا جيه ..

وبتشوفون ..هذا ويهي ان ما حطتلي في الابريزل اخر السنه اكسلنت


:



:

حلو جيه يوم تحسون انه في حد مهتم وتدلعون عليهم ..