صباح الخير يا هل الواحات
اليوم : الثلاثا
المزاج: هادية و رايقة اللهم لك الحمد و الله يديم هالشي يااا رب
الموضوع:
يقولون اني استويت موظفة
من يومين تي الواحات على بالي بشكل مب طبيعي ، لدرجة إني قمت أدخل الواحات في الدوام و مديري يوم يدخل فجأة أفز و أسكر الصفحة من زيغتي لأني أكون مندمجة >.<
بس الحمدلله إنه أمس سافر و الحينه أروم أكتب رد عدل و أتفلسف =p
اممم اليوم إن شاء الله بسير دبي مول معزومة على افتتاح =P و بالمرة بسير أتغدا ويا أميه "أفتقد هالشي وااايد" من عقب ما داومت و دوامي يخلص العصر
أحس إني من زماااان ناسية الدنيا باللي فيها .. ناسية أغلب ربيعاتي ومب متفيجة لحد من كثر ما أحس بتعب و إرهاق
و باجر إن شاء الله بنحتفل باليوم الوطني و أنا المسؤولة في إدارتي عن هالسوالف لأنه كل اللي ويايه أجانب :s
أمس سويت لهم توزيعات و اليوم بنرتب المكان و باجر بنحتفل إن شااء الله
وااااااايد تولهت على الواحات و أهلها .. يوم فجيت موقع الواحات حسيت إن ذاكرتي بدت تسترجع الأشياء الحلوة اللي اختفت فجأة من حياتي
مهابتي ، مزن، شواقة ، حلوم، شمعة أمل ، الياه، تحفة، بنت الدلع، دمعة ، الغلا، رمش، إلا أنا ، طير الغرام ... "سامحوني إذا نسيت حد" ==> أحبكــــــم وايد
ــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}
رد مع اقتباس
مواقع النشر (المفضلة)