دير دياري ~ يوميات

[مايهزك ريح]

الله يبارك في حياتج ..
لازم بستانس .. لأنه صدق قهر اداوم والجماعه رقوووووود لا ويتصلون لي ويغايضوني بعد .. >_<"

[مزن هتان]

اليوم : من صباح العيد الين هـ الساعه
المزاج : حلو الحمدلله

الموضوع

طلعنا و استانسنا و استمتعنا بكل دقيقه طول الفتره
بس مكان خالاتي كان مبيّن 3 مسافرين زيلامسي و وحده الكويت !
و ردوا بالسلامه الحمدلله

من البارحه نخطط لـ يوم اليمعه بإذن الله تعالى، و اتمنى ما يسافر بابا قبل
عشان نستانس اكثر و بعد يجهز و يرتب لنا =)

[مزن هتان]

اليوم : من الخميس لين البارحه
المزاج : خوف + صياح + وناسه + راحه

الموضوع

الخميس 8:40 بعد العشاء تعبت أم سيف، 9:30 وصلنا المستشفى
1:20 دقيقه دخلوها العمليات للتنظيف و فقدت دم وايد و صحت صياح
العمليه بسيطه بس مادري حالتها كانت فضيعه حسيت اني بفقدها، حبيبتي
2:00 طلعوها من العمليات 3 و شوي وصلت بنت خالي
4:00 الفير وصلنا البيت أنا و أختي بعد مل تأكدنا انها رقدت
اليمعه 7:30 الصبح قعدتنا شوق 9 طلعنا 10 وصلنا البداير
أبوي و عمي و ولد عمي كانوا سابفينا و ناصبين الخيام و بنات عمي وصلوا
بعدنا و استمتعنا وايد وايد لين بعد صلاة العشاء7:30 شلينا أغراضنا و ردينا
و طول الوقت كنت اتواصل مع أم سيف و اتطمن عليها و أخوي ما قصر قاعد معاها طول اليوم
بس أختي تقول انه ريلها معصب عليه أونه كيف تسير عنج فطام
نعم يعني ؟؟؟ اون اتصلي فيها هاي دبوووه بتفاهم معاها بس أختي سوت له طاف
10:30 وصلنا المستشفى أنا و أختي تعشينا مع أم سيف و أنا طلعت رديت البيت
12:00 رقدت و الساعه 1:00 اتصل أبوي عشان أوصله المطار
رديت البيت 1:30 رقدت و راحت عليه صلاة الفير ناشه 10:00 على اتصال أم سيف
تقول تعالي تريقي معانا "متفيجات عزيزاتي" ما رحت لهم الا قريب الـ 3:00 خلصت أوراق
خروجها و ردينا البيت و رديت طلعت أمر على أمي و خواتي من بيت يدي
تعشينا 7:30 و المساء أخوي شل أم سيف يوصلها البيت

و بس !

[مــهــابه]

^
مآتشوف شر

تستآهلون سلآمتها ..

[مزن هتان]

اليوم : ...
المزاج : تمام ولله الحمد

الموضوع

صح أنا أعز ناس و أصاحب ناس و أتعرف على اشخاص مثلا يجذبني فيهم شيء
مثلا تشابه بالميول و كـ شخصيه و الا أخلاق و غيره !

بس في 5 أشخاص لو يسألوني ليه أنا ارتاح معاهم و الا أحبهم وايد بقول مادري !
وحده من الـ 5 موظفه معانا حتى الموظفات اللي معاي لاحظوا و بدوا يتحسسون

الثانيه موزه ربيعتي أنا ما راح أقول شـ اسوي بس بعد ربيعاتي الباقيات
يغارن ليه أنا معاها هـ الزود

ثنتين من بنات المنتدى ما عرف شلون تعلقت فيهم، لو انه علاقتي فيهم بسيطه
و ما تتعدى هـ الشاشه !

[مــهــابه]

.

.


اليوم :

الآربعآ ..


المزآج :

مكتئبه


الموضوع :

مآعرف شـ فيني ؟

مش طبيعيه آنا ، آحس اني مشوشه وضآيعه ، صآيره وآيد آحاتي وآيد آوسوس ..

ووآيد آفكر بعد ..

لكن مآريييد آبين لهم ==> آخاف انهزب لوول ..

وبعد صآيره مهمله ، الحسآسيه والكحه من العيد العود لليوم ماراحت ، ومسويه طآف لآ آروح العيآده ولآ آراجع ولآشيآته

آحس حتى الويك إند مايسسسدني ..

مآتهنى به ..

.

.

مـآعرف =(


همسه :

لآتغييييب آكثر " حبيبي " ..
آخاف آموووت من الحنين .. ~ ! ..

[مزن هتان]

اليوم : الاربعا
المزاج : عادي

الموضوع

أنا بالدوام بس عقلي الباطن قام يشتغل على أني بالبيت !
و أحس ان عقلي خفيف بسم الله عليّه

[مزن هتان]

اليوم : الاربعا
المزاج : عادي

الموضوع

ماكو حل للنسيان معاي ! المدير سقط سهواً مدري شلون نسيت
نسيت محفظتي اليوم بعد بالبيت فديت أبوي لو يكون موجود يجيبها لي

[مزن هتان]

اليوم : البارحه "الاثنين"
المزاج : حلو

الموضوع

البارحه قلنا بنكسر روتين بعد الدوام أنا و زميلاتي، و حده تجدمتنا
و الثانيه قالت لي مزن بنسير بيتكم حطي سيارتج و تعاي معي
رحنا فستيفال اول تغدينا ابـ توني روماس و بعدها سوينا شوبنج عالسريع
و عن خاطرنا =)

صج تغيير، اقول حق ماما اغير شوي عن ويوه اللي بالبيت
رديت قريب المغرب تعبانه و بعد صلاة العشاء رحت نزلت سيارة ابوي المطار
وصلت حطيت راسي و لا ادري بالدنيا

[دمعة شوق]

اشتقت اكتب يومياتي :(

[مزن هتان]

اليوم : الثلاثا "البارحه"
المزاج : حلو الحمدلله =)

الموضوع

البارحه رحنا الرمله شلينا الدراجات من متى الصغاريه يحنون على أبوي
المكان فاضي و هادي خذنا راحتنا وايد =)، بس اختي تذكار و عهود بنت اختي
اونه بيلعبون شلوا الدراجه تجدموا شوي و الا ينجلبون
أمي و أبوي فديتهم والله شلون ركضوا صوبهم و أنا و خواتي و لا ندري بالدنيا
الحمدلله ما صابهم شي. عقب أبوي شنو قال أونه خلاص ماكو دراجه بعد
ماما قالت ما يحتاي هاي شي عادي ما خلنا نصك الدراجه و ردينا البيت
و ما خلاهن بحالهن ياي صوبنا اونه تذكار و عهود نشوا اشوف
تقدرون تمشون تحركوا جدامي عشان اتأكد


كيف يحاتي هـ الابو

[مزن هتان]

اليوم : الخميس
المزاج : الحمدلله رايقه

الموضوع

يبدأ الضغط من اليوم بعد المغرب، أبوي بيسافر !
مشغول بالي على رفيجتي الشينه اطرش لها مسجات و ما ترد اونها زعلانه
و ام سيف تقولي هاك اليوم ان تحاجيها و خبرتها بعد انه كانوا مسوين لها جراحه
من صجها زعلانه بكمل شهر ما كلمتها
مادري شكلي بطيب خاطرها، لازم اروح لها بس بفاجئها =) برتب مع أختها

[مــهــابه]

اليوم:

السبت..


المزاج :

فرح ، خوف ، ترقب ، .... الخ


الموضووع :


يا عُمر توّي أعيشه ،
لوَّن إحساس ٍبـ صدري ..
وصرت أتمنّى لقاهـ ..!
عدٍّي يا وقتي و جيبه ،
قرِّب أحلى ايام عمري ،
خلِّني أحيا معاهـ !



الف الحمدالله والشكرررر ..

هاللحظه تريييييتها وااااااايد والحمدالله ..

الحمدالله انه الله عوضني عن كل شي كان مب حلو في حياتي..

شعووور ماترجمته الا ' دمعه فرحه ' خبيتها عن الگل ..
صح هالشي يفرررح لكن بالنسبه لي حلللللم عمري..


.



.

[رمــش الغـــلا]

اليوم ..

الاحد ، أول أيام الأسبوع


المزاج ..

مستانسة على خوف على ترقب ..
بس ان شاء الله أكون ماشية عالخطة صح =)


اممممم الدوام متعب جداّ جداً !!
التدريس مهنة وايد متعبة !

آآه متى يطوف هالشهر على خير .. وأرتاح .. والله يرزقني بالفرحة اللي اترياها من شهور ^^

...

لكم وحشة هل الواحات ..~

[حلم الطفوله]

هيه والله

لكم وحشه يا أهل الواااحااااااات

لكل شخص عرفته بهالمكان ...ولكل شخص غاب ..ولكل شخص مازال

الله يوفقكم وين ما تكونون :)