اليوم : الثلاثا
المزاج : الحمدلله على كل حال
الموضوع
بسرعه أعصابي تفلت
ماحب لما أحد .....
و لمن أسوي شيء و اندم عليه، و أحساس بايخ ....
هل ... و إلا ... ؟
"يا رب"
اليوم : الثلاثا
المزاج : الحمدلله على كل حال
الموضوع
بسرعه أعصابي تفلت
ماحب لما أحد .....
و لمن أسوي شيء و اندم عليه، و أحساس بايخ ....
هل ... و إلا ... ؟
"يا رب"
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاربعا ..
المود : .... .... .. ... ....
الموضوع :
سبحان الله ، ما يحسون فعلا إني ماخذه الليسن إلا لمن أقولهم : لا ما قدر أوصلكم ،
بس الوقت اللي نكون حاضريلهم فيه ، ما يفتكرونه ..
الطريف ، إن هالحكايه تتكرر وايد فينا كلنا باختلاف الأطراف ، بس ياليتنا نفتكر ..
~
اليوم الصبح مريت ع رفيجتي بعدما ضيعت الدرب كالعاده ، ماكنت ادري إن العوير جي كلها مزارع كنه !.
والحمدلله يوم ان الناس فيهم خير ، صج انهم ما دلوني عدل عالدرب بس ولا إني أتم ماشيه كـ ضايع سبيل XP
وعقب بين السوالف والضحك والهموم وكل شي ، وصلنا الدوام بس بحالة شبه هستيريه ولله الحمد ،
مادري اشفيني وكأني من الخاطر مغفيه ، وربيعتي هم مثلي ، بما إني يايه من دربهم فكانت الدليني الدرب يمين ويسار والخ ،
فـ من دخلنا المواقف يايه تقولي بالغلط : لفي يسار ، وانا الخبله من قالت لفي يسار حطيت اشاره يسار ،
وإلي استوعبت فطسنا ضحك ، الله يستر من كانو وراي أكيد يقولون بلاها هذي مضيعه !.
اااخ وعقب لمن ييت ببركن ، آنا أبي أبركن عادي وإهي إلا تخليني أبركن ريوس ، وموقفين السيد مالت علينا ،
إليـ سويتلهم درب ، وبالأخير ولأول مره بركنت ريوس بشكل ممتاز ولله الحمد ، بس منظرنا كان تحفه الصراحه ،
اللهم لا شماته =#
~
بصراحه ما أتخيل شلون الناس ممكن تتمادى بهالشكل ، صدق صدق احباط نفسي !.
قمت أحسني صغيره جدا جدا جدا ..
[ وما تقدموا لأنفسكم من خير تجدوه عند الله } ..
اليوم : كان الجمعه !.
المود : .... .... .. !.
الموضوع :
1. وانا قاعده مع الصغاريه ، يقولي حمود ، اونه هيه أقولج شنو كان قاعد يقولي عبدالرحمن ،
اونه ما يستحي ع ويهه ، قاعد يطالع البنيه ابـ أناشيد طيور الجنه ويقولي شوف هاي حلوه ،
بس أنا ما قلت شي ، قتله مادري ما بقول شي !!!
عبدالرحمن كان مفتشل ويقعد يتهرب ولا اونه : ما قلت جي ، وشو ها وايد يفتن والخ ..
2. بنت عمي كانت داخله اللفت مع بنت اختها الصغيره واللي تخاف من الاصنصير بس قاعده تستقوى ،
بنت عمي : ها لطوف خايفه ، لطيفة : لا لا عادي ..
ولمن أحد يطري شي يزيغ واهي بمثل هالأماكن ، مثلا إن اللفت ممكن يوقف ،
ترد عليهم جي بانفعال : بسم الله الرحمن الرحيم ، بسم الله الرحمن الرحيم ..
أو : قولو استغفر الله قولو استغفر الله .. لول !.
3. أحمد من صغره واهو وااايد يندمج باللي حوله ، خاصه بالتلفزيون ،
حتى امه ماتخليه يشوف أي شي لمن كان اصغر ، مثل سوالف الباتمان وغيره عن يعفدله من فوق شي ،
مثلا يكون قاعد يشوف الشخصيه قامت تتحرك وتركض يقوم معاها ،
ومره ما أذكر أي رسوم كان قاعد يعق هدومه ، وهذا جدام التلفزيون هم قاعد يعق هدومه من غير لا يحس !.
بسم الله شلون كل ياهل يظهر ابـ شكل ، بس تعالو شوفوه من الصوب الثاني كيف يشد حيله مع خواته ،
اهو الوحيد بين اربع بنات ما شاء الله ، من يظهرون ولا ايون مكان يقعد بالأول يتأكد إن كلهم قاعدين معاه ،
يعني مسوي فيها ريال البيت من الحين ، حتى عادي ايرهم من ايدهم وما يحب أحد يلعوزهم !.
4. يحليلها بنت عمي وأخيرا يابت بنت بعد ثلاث اولاد ، الحمدلله ،
وربي يسهل ع اللي يايين بالدرب ، ويسلمهم جميعا ..
5. سوالف اليهال حلوه ..
[ وما تقدموا لأنفسكم من خير تجدوه عند الله } ..
اليوم : الجمعه ..
المود : .... ...
الموضوع :
مادري كيف ، فجأة يصيبنا كل أشكال وألوان الارتباك ، الخوف ربما ،
وفجأة نصير ما نفتكر بكل ذلك ..
[ وما تقدموا لأنفسكم من خير تجدوه عند الله } ..
اليوم : الاثنين
المزاج : عادي
الموضوع:
أحاول أمسك نفسي كثر ما أقدر، خايفه يكون في شي !!
نفسيتي كلش بالحضيض استغفر الله يا رب، مو قادره أسوي حاجه
البارحه قبل لا أرقد يتني مرت أخوي تقيس لي الضغط زين ما انجلطت، احم
مع انه ما فيه ضغط بس وايد كان مرتفع، الله يستر
دعواتكم
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الأثنين ..
المزاج : متردد ..
الموضوع :
ما ابا اتم في الصيف بروحي .. عن يسوون لي فيلم Home a lone جزء يديد ..
اليوم حاولت ويا مديري على الأقل اكون ويا الأهل اسبوعين وارد .. بس ما اتم شهر كامل بدونهم ظيج ..
حتى اخويه عزم يسافر هو والصغاريه .. يعني ما حد بيتم ..
مديري وافق على اسبوعين لأنه هو روحه بيطلع اجازه ..
احين لازم اركض ادور حجز على نفس الطياره ..
ادعولي احصل !!!![]()
اليوم : الثلاثا
المزاج : ماني رايقه
الموضوع
كلش مو ناقصه أنا زعلات
وصلت الدوام جيكت عـ مبايلي أشوف واصلني
مسج من رفيجتي تعاتبني !! شو السالفه ؟ و من حجيها انه اهي ادق
و انا ما رديت !! متى هالحجي مادري
ليه الناس أحيانا ما تقدر، صحتي و نفسيتي هـ اليومين مش ذاك الزود
قريت مسجها اليوم وايد ضايقني صج حسستني بالذنب
ماحب أحس انه رفيجاتي زعلانات و الا ضايجات مني
والله انه ام سيف "اللي هي أختي" تتصل ما ارد عليها
أمي كل شوي تتصل فيني طول ما أنا فالدوام، اونه أخاف يصيبج شي
و اللي يقول خذي اجازه مرضيه، عاد انا كلش و لا قعدت البيت "تجيب المرض"
بيود عمري الا هو اسبوع و بعدها تراني طالعه اجازه ان شاء الله
أحسن حل اني أغلق مبايلي هالفتره بعد فترة الدوام
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
^
الله يعينج اختي مزن .. انا ساعات تيني نفس الحاله .. اغلق الموبايل وافك راسي من الصدعه ..
they should give me some space
مزن هتان (13-06-10 ||)
اليوم : الاربعا
المزاج : worried
الموضوع
أم سيف سقطت مره ثانيه ! ربي يعوضها ان شاء الله
طول عمرها راح تظل دلوعة هـ الحرمة
امممم البارحه كنت حلمانه بحلم حلو =) خبرت ماما فسرت لي اياه غير عن التفسير اللي فسرته بنفسي
بس بعد تفسيرها خير بإذن الله تعالى. و اليوم بعد حلمانه أحس انه مرتبط بحلم أمس "اللون متواجد بالحلمين"
الحلو بـ حلم اليوم اني كنت متوسطه أخواني العود يميني و الثاني يساري
بكمل الحلم حق أمي أول ما تنش، خير اللهم أجعله خير
دايما أنسى أحلامي، مستغربه انه الحلمين تامين في بالي !
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
^ الله يجعله لها طير من طيور الجنه ، يشفع لها يا رب :)
الله يجعله خير و يرزقج اياه يا رب
لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}
آمين يا رب، شكراً
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاثنين
المزاج : =)
الموضوع
صباح الصحه
مستانسه و لله الحمد، و ربي يونّس خواطركم و يرسم الابتسامه على وجيه جميع خلقه
الصبح كنت عند أم سيف قعدت اتريق معاها، بعد الدوام بروح لها على طول
أمس طلعت من الدوام و رحت لها قعدت معاها لين عشر و نص،
بابا اونه نحن لنا حق بعد خلينا نشوفج، راح تمل من ويهي بس اصبر شوي.
اليوم بيرخصونها من المستشفى ان شاء الله تعالى، و راح تقعد عدنا لين ترد لها عافيتها
صار لها 3 أيام بالمستشفى، نستحق سلامتها.
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
تسـتـآآهليـن سـلآمتهـآآ يـآمـزن
والله يعوضها آن شآآءالله
,
قـُلــوْبّ تُـرِيــدْ وَ رَبّ يـشَـآءْ } ~
ربي يسلمج يا دمعه، و يعوضها
اليوم : الخميس
المزاج : عادي
الموضوع
صايره أرقد وايد، ما اشبع رقاد
امممم قاعده أدور لي أنا و خواتي الثنتين تذاكر على نهاية هالشهر
لايعه جبودنا استغفر الله، بعدني ماخذت موافقة بابا
الله يالدنيا مزن تبي تسافر =P
قطعت خدمة البلاك بيري =)، أمي معصبه
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : الاحد، البارحه
المزاج : أي شيء
الموضوع : جبروت ليلى
أحيانا أحس ماما فيها جبروت "الله يحفظها"
نخاف نحاجيها ان قلنا كلمه ما عيبتها يا انه يجينا شيء أبد ما يعيبنا أو انها تتعب
الواحد ما يسر يصارحها، عاد انا ما عرف امسك لساني اذا عندي نقطه عـ شخص
لو منو كان جدامي، فـ لما اقولها شي انطق طق و تزعل مني صج.
حتى من فتره مسكتها من ايدها اقولها ماما قولي انج مسامحتني أخاف أموت كفختني
يمكن أنا بنت عديلتها، بديت أشك بالموضوع
قبلي أنا يجي أخوي و فرق امبينا سنه "فالجنسيه مكتوب انه مواليد 86 و أنا 87،
بس فالجواز حاطين له 87 شهر 6 و أنا 87 شهر 8" أكيد أنا بنت ريلها و ماتبي تقولي
=) زاده اشوفها مخلتني شرى الدريول عدها و مستحيل تظهر مع حد الا في ظروف قاهره
سافرت اسبوعين أنا، يخبروني حريم أخواني انها ما طلعت أبداااا
من رديت كل مكان تبي تسير، البارحه جانت تبانا نتعشى في فرايديز قلت لها ماحب أكلهم الا بمزاج
موتره البيت ليلى، اتصل فيها من متى غالقه مبايلاتها، توها ردت عليه
اسألها ها بتسافرين اليوم تقول لأ، بس كذا الدعوه عناد ليس إلا !!
"حريم يغيرون رايهم بدقيقه، اتوقع الساعه 12 تقول ودوني المطار"
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
الذين يشاهدون الموضوع الآن: 44 (0 من الأعضاء و 44 زائر)
مواقع النشر (المفضلة)