دير دياري ~ يوميات

[بنت الدلع]

سلااااااااااااااااااااااا اااااااااام

اشتقتتتتتت لكممممم واااااااااااااااايد

واشتقت لدييير ديااااري واااااايد

حاااالياااا انا في قطر
البارحه وصلت
وباجر برد بلاااااادي العزيييييزه

وبستعد لامتحانااااتي

وااايد فالحه عندي امتحانات فااينلز ومسافره

شكراااااا لكل سأل عنيييي
احس من زمااان ماحدرت الواحات
بس والله موووول مايرحمووون اساااتذتنااااا بروجكت ورااااا بروووجكت

[أنامل قلب]

^ ربي يوفقج اختي ، وترديلنا بالسلامه ..

,

اليوم : أمس !
المود : .... ~
الموضوع :

أمس كان يوم مزحوم جدا ، للحين ماني مستوعبه إني شفت واحد مكلبجينه !
احساس كريه والله ، خاصه إني تفاجأت فظهرت مني ردة فعل عبيطه ، جي صديت عاللي معاي
وانا اقولها : امبيــــــه كيف جي !!!

فـ عقب لمن مر من جدامنا تم يطالع بشكل غريب ، ااااخ قفطه اتخيل لو سمعني والله فضيحه ،
بيتحراني أحط عليه وانا قصدي استنكر عالشرطي والمنظر ككل ><

صدق صدق صدق غلط جي يمشونهم جدام الله وخلقه ، المفروض يراعونهم شوي ، ماحب جي !

,

اكتشفت امس صفه فيني ماكنت اظنها جي لهالدرجة ! بس احيانا صدق الاقي شغلات تنرفز ،
+ مشكلتي اني عادي لو وصلت حدي تلاقوني امشي عن الشخص اللي يقعد يكلمني ، اللي اونه يتكلم !

اعتبرها وقاحه ان يطلبون شي جي ، واسمحولي عالكلمه بس صدق بعضهم حتى اسلوب ماعندهم ،
وبعدين عشان لا اكون من اللي يسكت عن حقه بتكلم بأدب مره ومرتين وبس ، سار الموضوع كان بها ،
ماصار فيزاهم الله خير ومع السلامه ، مو ملزومه اعيد الكلمه كذا مره ، ولاني ملزومه اجابل شي ماحبه ..

حلو ان الواحد يملك جرأة وياخذ راحته ، بس ما ينسى حدوده !
+ أحلى شي إني سيده طلعت عنهم ، ولا إني أدخل عمري بصدعة راس مالها معنى ^^

,

اممم تميت اكلم صديقتي من اول ابتدائي ، يايلها واحد ومحتاره ماتعرف تجدم محاسنه على عيوبه / اللي تحسبه فيه وابـ هله ،
اقولها بعد ماتدرين اول مره تشوفينه ويشوفج اكيد بيرتبك ، تقولي أي مرتبك كان جريء بزياده =$
وانا ماروم حاليا احط عليها وايد ، عساس لا أأثر على رايها ، والله يكون بعونها =)

تقولي انامل قلب قولي شو اسمه ، اسألها اسم منتشر "وحطيت ابـ بالي محمد" / ردت علي اسم مركبببب لول
قلتلها لا تقوليييـــــــن ليكون عبدالقادر عبدالجليل / اوني احاول استهبل ، تمت تضحك اونه لاااااااا شو كل هالطول ^^"

وااااااايد احاتيها ، وبنفس الوقت امممم صدق افكر استخير معاها لول ، ماكنت ادري بس مره قالولنا ان يصير أظن ،
+ صدق هالمواقف تكون شي لا تحسد عليه الفتاه ..

,

ربي يوفقها وييسرلها كل أمرها ويعينها ، ويبارك لها بنصيبها ~ ..

[بنت الدلع]

الله يسلمج حبيييبتي
ويوفق الجميع ان شاء الله

ماعليه صدمه وتعدي ^_^

-----

وردينا البلاد
وردينا حق البروجكتات والامتحانات

امس في قطر كان يوم جميييييل جداااا
وضحك عالآخر

احلى شي ان سوينا فيشل عند خبيرة تجمييييل
فنااااااااانه

اول شي قلت مابا اخاطر
بس بعد ماشفت بنت عمتي والنتايج الي على ويهها صدق غييييييييير
ماشالله جيييه ويهها صار نظيييييف ومنوّووور
واهم شي انه مافيه بخار وخربطان وهالسوالف

كلها كريمات وسوالف طبيعيه من Kenzo
بس صدق فيشلهم Amaaaing
تحسون ان الويه جيييه فررررررش من الخااااااااااااطر

كله ولا في ديوتي فري كيييييف خبلووو بيييييي الصغااااريه
مب صغااار صغاار يعني جيه قوم 9 - 11
بس ذبحوني

واحم
في اشياء اذا الله راد بتصير وان شاء الله يمر الموضوع على خييير

شوي خايفه.. شوي مرتبكه .. شوي زعلانه.. شوي فرحانه
مادري جيييييه احاسيس واااايد متلخبطه
وبعده الخبر ماوصل البييييت

ما اتخيل ارد البيت وماما تكلمني في الموضوع

[مزن هتان]

اليوم : الاثنين
المزاج : عادي

الموضوع : معاريس = مخاسير

ما نخلص من عرس و الا و نحاتي اللي بعده، يا انه الحريم و ما وراهم الا الخسر
غير عرس اليوم عدنا عرسين الشهر اللي جاي ولد خالتي و اللي عقبه أخوي
أمي و أبوي يدورون الشقى "5 ايام قبل عرس أخوي مسوين ريوق + غدا و عشا
حق كل بيت أهل أبوي + أهل أمي في بيتنا"
أنا و خواتي شارين كل وحده تقريبا 7 قطع حق الخوار غير الدراريع الجاهزه اللي
راح ناخذهم أمي تقول لازم فاليوم نلبس 3 نفانيف.
كل وحده 15 نفنوف !! استغفر الله، نحن وين بنروح من عقاب الله "تبذير هذا"

[مــهــابه]

^
ذكرتـيني بـ صيـف 2007 ، كـآنوا اخـوآني الـ 2 معـرسين جـمآعـي واحد 7-7 وواحد 8-7
ونـآسـه لـكن كـرآف وتعـب ، و صيف حّــر

الله يـتمم لـه ع خيـر وعقبـآل البـآقين
.
.



الـيوم :

الأثنيـن


المـزاج :


مشـتآقـه لـ نبض قلبـهم


المــوضوع :



آنــا ( مشـتآق ) /
آخلـي " وسـآدتي " صّـــدرك

.

.

[المزوحي]

اليوم : الاثنين

المزاج : عادي

الموضوع : عيادة الاذن والانف والحنجرة

سبب الزيارة، عندي مشكلة انا والوالدة في الاذن ... والمشكلة هي يسمونها Hyperacusis يعني اسمع الاصوات

بضجر ... من اي شي أتألم .. من صوت الناس اللي يتكلمون بصوت عالي - صكة الباب وباب السيارة بقو

تقرقيع - هرن المواتر ... الخ

وكنا نتريا الدكتور إيي من بوظبي وفتح له عياده في دبي وهو اليوم مب موجود ( اظن يكون يومين في السبوع او مره )

مادري، اليوم عندنا موعد تخطيط سمع، يبون يشوفون قوة التحمل من الاصوات اللي نسمعها من خلال الهيد فون

والنتيجه بيقراها الدكتور في الموعد الياي ان شاء الله خير



http://en.wikipedia.org/wiki/Hyperacusis

[أنامل قلب]

^ يمكن أنا بعد فيني هذا ، لأني صدق ما اتحمل الصوت العالي ،
يعني عادي نكون بمكان انا الوحيده فيه ساده اذوني ومحتشره ، اما الباقي ولا كأنه !
وصدق اكون مو قادره اتحمل الصوت ، احس الطبله بتنبط ^^"
حتى من صغري اتيني حالات عوار الاذن ، الله لا يبلاكم !

+ صوتي بعد بسرعه يتعب ، يعني مثلا لو تميت ساكته ،
احس بصوتي جي ممسوك وكأني قاعده من النوم ، أو مادري ، مو عارفه شلون اشرح !

المهم ربي يعافيكم ، وخير ان شاء الله ..

,

اليوم : الاثنين ..
المود : .... ~
الموضوع :

بالاول يـــــــــــارب و بإذن الله ما اضطر لهذا الشي ، يالله شلون !
مادري كيف جي عندهم المسألة شي هين ، صدق ما يصير ..

ادعولي !

,

سبحان الله في أشيا ما ندري بحكمتها ، وعقب لمن نشوف النتيجه نوقف ونحن !!!
تالي نذكر التفاصيل وكيف إن لكل شي سبب ، واللي ما عيبنا أمس ، اليوم بيسعدنا ، وجي !

من فتره صايره نفسيتي ما تنوصف ، مادري ابها خير ولا شي ما يسر ، ولا شلون بالضبط ،
مره راضيه ومرتاحه ، ومرات العكس تماما / وكأني مو عارفه أمشي أموري ..!

,

اللهم ارزقنا الخشوع والاخلاص لك بكل أمرنا ،
وابعد عنا الرياء ما علمنا به ، وما لم نعلم ..

~ ..

[المزوحي]

أنامل يستحسن تسيرين عند الدكتور وشوفين حالتج

[أنامل قلب]

^ ان شاء الله بس مب الحين ، احتمال عقب ..

,

اليوم : الثلاث ..
المود : .. .... ~
الموضوع :

الحمدلله أحس علاقتي بأمي قامت تتحسن من قعدت بالبيت ،
مادري شلون ، بس مثل ما يقولون دوم كانت الخلافات بينا
لكونها عنيده وانا أعند ، والأسوأ ان أفكارنا بأحيان كثيره ما تتوافق ..

اممم ، مرات تصير أشيا بديهيا محد يحب ان ينحط فيها ، بس عقب تلقونها تخلف آثار طيبه ،
وبعدين صرت أحاول ما أجادل على اللي أقدر أتصرف فيه واغض عنه فـ عادي ، وبالأخير لمن صرت
أعاند على شيء أنا مقتنعه بإنه ما يصير أو إني عالأقل ما أقدر عليه ، صارت ما تلح مثل أول ..

من صغري كنت أميل لأبوي أكثر ، ولمن كبرت صرت أحتار بأمي أكثر ،
بس من فتره شفت مقطع من فلم أظن ، وحتى بالواقع ، من الياهل يستويبه شي
سيييــــــده يروح عند أمه / وعني من صغري إلين يومي ، من يستويبي شي (صحيا)
سيده ألجأ لها وانا أحط ابـ بالي وكأنها أفكار تلقائيه [ بإن أكيد العلاج بيكون عندها ..

تضحكني لمن نطلب منها شي إهي تعرف انه بخاطرنا ،
ما تقدر بالغالب تقول لا ، بس تبوز =)

اممم ، للحين أحب راس أبوي والعوزه عادي ،
بس أمي ماقدر ، يبالي شوية جرأة !

,

بعيد عن اللي فوق ، معقولة صار عدنا
تقشــــــف لهالدرجــة بالدكاتره الإناث ..

الله يعين بس ..

[بنت الدلع]

اليوم : الاثنين

المزاج : عادي

الموضوع : عيادة الاذن والانف والحنجرة

سبب الزيارة، عندي مشكلة انا والوالدة في الاذن ... والمشكلة هي يسمونها Hyperacusis يعني اسمع الاصوات

بضجر ... من اي شي أتألم .. من صوت الناس اللي يتكلمون بصوت عالي - صكة الباب وباب السيارة بقو

تقرقيع - هرن المواتر ... الخ

وكنا نتريا الدكتور إيي من بوظبي وفتح له عياده في دبي وهو اليوم مب موجود ( اظن يكون يومين في السبوع او مره )

مادري، اليوم عندنا موعد تخطيط سمع، يبون يشوفون قوة التحمل من الاصوات اللي نسمعها من خلال الهيد فون

والنتيجه بيقراها الدكتور في الموعد الياي ان شاء الله خير



http://en.wikipedia.org/wiki/Hyperacusis

يمكن انا عندي هالمرض بعد !!

لاني وااااايد اعاني من هالشي
كل حد يالس ويتكلم وانا الوحيده الي اتأذى من اصواتهم وداااااايما اقولهم خفوا صوتكم
+ ما استحمل الحشره الزايده بسرعه اصدع
ومثل ماقلت اتنرفز من الاصوات الثانيه
الباب، الهرنات، الصوت العالي، التيلفون

سرت مرتين كشفت قالولي تدلعين مافيج شي !!

[مزن هتان]

اليوم : الاربعا
المزاج : بعيد عنكم

الموضوع
من الصبح قعدت استفرغ >.< أدري لوعة جبد
يوم أكون ضايجه و افكر وايد لازم يصير فيني جيه
تعبانه نفسيا هـ الفتره و من البارحه الظهر خذت لي شوية شوربه
لين الحين ما اقدر اكل شي

10 و شوي المسا البارحه قلت بروح الجمعيه "هدوء آخر الليل"
وصلت داخل الجمعيه قلت بحط السويج و المبايل بالهاند باق و انا احطهم
ما لقيت محفظتي "ناسيتها بالبيت" رديت البيت و أنا مقهوره من نفسي

و اليوم الصبح نشيت ماكو ابالي الا ام سيف انه البارحه مادقت لي من خلصت
الدوام "مديت البوز" شوي و الا اذكر انها كانت عدنا من قبل المغرب لين
حزت هي طلعت أنا رحت الجمعيه "يمه راسي"

بس خلاص عايفه كل حاجه بحياتي

[المزوحي]

اليوم : الجمعه

المود : عادي

الموضوع : shopping

الصبح سرت دبي مول، اتجولت من الخاطر، وكنت اشوف قطعه قطعه، أكيد بتقولون المزوحي ليش جيه

عادي عادي عادي، لأنه يوم اشوف الوافدين مايخلون شي سواء يبون يشترون او مايبون يشترون ، كيف !

حتى في التنزيلات ياخذون الغرض الفلاني ويفرونه على الارض كأنهم مقهروين، بس انا لا

حدي اسوي ويندو شوبينج بدون ما افرر شي

عقب ما تجولت طابق طابق ...

خذت صندل من محل Gap حق الصغيروني ... وبجامات حق بنات + اولاد اعمار 3+6

....

وتميت احوص ودخلت brioche dorée كافيه بيكون جريب الشلال ... في الطابق الارضي

وكملت مشي وظهرت وقت الصلاة

....

العصر سرت الامارات مول وديت بنت اختي نص ساعه ادور بارك ما لقيت كملت سيري برجمان

اخييييج ليش جيه الناس مستوين كل هذا عسب السيل دخلت ساكس فيفث افنيو

الله اكبر كيف .... ماقدرت اتحمل طلعت ومرينا دانكن دونت لأنه البنت ياعت ...

وكملنا دخلنا زارا خذت جنز وتمشينا شويه ... وطلعنا ... سرت الفستفل .. عسب محل واحد بس

اللي هو converse لأنها تبغي الجوتي الاسود



وانا كنت باخذ هذا وماشي قياسي





دخلت بوما وحصلت تي شيرت وخذته لي ورديت البيت

بتعشى وبرد لكم عقب شويه

[رمــش الغـــلا]

زين المزوحي سويت شوبينق اليوم

انا كنت ابا اسير دبي مول >< بس ماقدرت ..

.
.

انا برمس عن أمس

الخميس ... 4/6
المزاج .. حلووووووووووووووووووو ^__^

الكلية ونحن بنات الكلاس كنا مرتبين حفلة نسويها بمناسبة تخرجنـآ

وكنا نحن بنات الكلاس وبنات التخصص بس الاصغر منا والمدرسين والسبرفايزر وكلنـآ =)


أول شي ا ل غ ل ا قرت ال speech ورمست عن كل وحدة منا فالكلاس وعن المدرسين كلهم ..

وعقب عرضنا الموفي .. اللي انا مسوتنه ^__^

وكرمنـآ المدرسين والمدرسات اللي درسوناا .. والسبرفايزر ..

والمس عقب زقرت كل وحدة فينا وكاتبة بيتين شعر لكل وحدة فينــآ ^__^



هـ اللي كانت كاتبتلي اياه ..


------- is a fashion queen
The coolest Jewelery you have seen
She's clever too,, made direct entry
A gracious blend of brain and "moda"



هني آخر شي يوم سرنا الكلاس وقصينا الكيكة ويا بعض وكلناااها يمييي













ويا عندنا اخر شي دكتووور فريد "مدير الكلية " وتم يرمسنا وجيه وطلبنا منه رحلة لووووول
وما رفض طلبنـآ

[المزوحي]

كلام كبير رمش الغلا شو هالكيكه

أقول عيل يوم انا سويت شوبينج اليوم، وين تنصحيني اسير باجر جوتشي امرتس تاور + دبي مول

قاضين على المحافظ ... يعني اسير هارفي نكلز .. وإلا بس تعتقدين اسم المحل موجود

[رمــش الغـــلا]

الكييييكة لذييييييذة صدق .

هي والله قالتلي مرت اخوي ما حصلت شي !!

وكل شي مفرور يمين ويسااار في هارفي نكلز !


وحليلها مختارة اسكارف قبل امس من قوتشي يوم سألت امها عنه امس عسب تاخذه ما حصلته !

خامين المحل خم لوووول ..!