دير دياري ~ يوميات

[مجموعة إنسان]

اليوووووووووم

مسططططططططططل

راقد 4 قايم 6
وفيني رقاااااااااااااد اليهد

بس ما برقد العصر

[مايهزك ريح]

^
الله يعينك يا محمد ..

انا اليوم ما اعرف شو فيه متملل .. وتعبان في نفس الوقت ..>_<
في خاطري اكمل دراسات عليا مليت من الدوام ..
ابا اكمل ماجستير في تخصصي ما ابا MBA ابا MIT ..
منها ارتاح لي سنتين من الدوام واغير جو ..
يالس افكر وايد في هالسالفه .. بستخير وبشوف ان شاء الله خير !

[مزن هتان]

موفق أخوي ما يهزك ريح

اليوم : الثلاثا
المزاج : عادي
الموضوع
انا وحده صريحه بـ مشاعري سواء ايجابيه و الا سلبيه
اي شي فخاطري الااااا اقوله دازه من كم يوم مسج لـ وحده
بصريح العباره أنا ما اريد أكلمج، دقت لي البارحه تسأل عني
و تسولف عاااادي فـ قلت لها ليش داقه بغيتي شي (شوف الاسلوب )
خلاص وصلت معاي من حركاتها صح اني اعزها بس لازم تعرف كل شي له حد
و اليوم الصبح دازه لي
أصبح على من ..
في قلبي معزتهم
أصبح على من ..
يدور في بالبي ذكرهم
أصبح على من ..
ترتاح روحي لوصلهم
( صباحج ورد يا بعدهم كلهم ) هـ السطر نررررفزني

دزيت لها
أنتِ فيج شي، صاير شي ؟

سوت لي طاف
بسير بصفعهااااا

[مايهزك ريح]

^
الله يوفق الجميع ..
والله يعينج اختي على هالأشكال !

[صريح]

^
الله يعينك يا محمد ..
انا اليوم ما اعرف شو فيه متملل .. وتعبان في نفس الوقت ..>_<
في خاطري اكمل دراسات عليا مليت من الدوام ..
ابا اكمل ماجستير في تخصصي ما ابا MBA ابا MIT ..
منها ارتاح لي سنتين من الدوام واغير جو ..
يالس افكر وايد في هالسالفه .. بستخير وبشوف ان شاء الله خير !

نفس الموضوع بس انا MIB


No More IT .. ما يوكل عيش

[مايهزك ريح]

صريح .. تبا Master in International Business
هالتخصص موجود في جامعة ولونغ وونغ في قرية المعرفه ..

http://www.uow.edu.au/sbs/courses/mibmrm/index.html

[صريح]

مايد


تراني بقدم عندهم ان شاء الله حق السمستر اليااي



بس اتكاسل و اقول بعدين ههههه ... الحين متحمس حق الموضوع

[مايهزك ريح]

توكل على الله وقدم .. والله يوفقك ^_^ !!

[المزوحي]

مايهزك ريح مرات في خاطرك شي من زمان، بس يوم تشوف حد ماخذ التخصص او شفت اعلان او حتى شفت حد متخرج

تتشجع .. الله يوفقك ...

[قصايد غلا]

اليوم : الثلاثاء

المزاج : مرتـــاااااااحـــــة الحمدلله + مخي مشغول شوية بسوالف البحوث و التقارير

الموضوع :

أمس الساعة 5 العصر خلصت آخــــر إمتحااااان عندي الحمدلله ، و إن شاااااء الله تكون النتيجة أحسن عن الإمتحان القبلي

عقب الإمتحان ظهرت ويا أبويه و أميه

فيّــه طبع .. إني يوم أخلص إمتحاناتي لاااااااااااازم أطلع أسير أي مكااااااان "لو عساني آخذ لي كوفي أو آيس كريم و أرد"، المهم ما أرد البيت على طول + يوم أنجز شي أو أخلص إمتحاناتي، لااااااااازم أكاااااافئ عمري بشي "لاااازم أشتري شي يديد لعمري ، لو وردة و عقب ما تظهر نتيجة الإمتحان .. لااازم أخلّي أبويه يعطيني مكافأة مالية =p مب مهم كم ، المهم يعطيني شي"

فـــ عقب الإمتحان على طووووول مرّوا عليّــه أبويه و أميه و طلعت ، أفرّي عن خااااااااااااطري

و خذت لي نعال حلو .. غريب بس وااااااايد عيبني

فيه من فوق سيرين واحد سماوي و الثاني أخضر فاتح و الكعب فوشي لوووول

+

من الأشيا اليديدة اللي سويتها في هاليومين .. إني قرّرت و قرااااااري مب سهل "بالنسبة لي" =D

قرّرت إني أدرس في الصيف و إن شااااء الله ما أتعب مثل ما تعبت في أول سنة

اللي خلاني أقرّر أدرس ، هو إن الدكتور اللي طارح المادة "وااااااااايد زين" و عقب هالفصل بيسافر و ما بيرد

فــ قلت باخذها أحسن لي =D و ياااااااااااا رب ما أتعب نفسيا لوووول

+

اليـــااااهـ شجّعتني و قالت لي كلام حلو بخصوص الدراسة .. خلاّني أحس إن تفكيري صح

و هالكلام دوم أمّيه تقول لي إيّــاااه " ما عليج من حد ، أهم شي إنج تكونين مرتاحة واللي بيرمسج سوّي له إذن من طين و إذن من عيين"

+

عندي بحث يلوّع بالجبد عن الجرايم ، أبويه يوم شاف الكتب فج عيونه هههههه ، قال لي : شو تبين بهالكتب!!!

لازم بالخميس أسير شركة إعلااااان و ياااااااااااا رب يساعدوني و أحصل اللي أبااااااه عشان أرتاح من هالبحث اللي أحاااااااتيـــــه وايد

و عندي بعد برزنتيشن عن سلعة خيالية أنا أخترعها و لين أحينه مب عارفة عن شو برمس و شو بألف لهم

هالأشيا كلها لازم تكون جاهزة و تتسلّم بالأحد ، ماااااااادري شو بسوّي

الله يعينني و يوفّقني



+



اليوم كنت يالسة ويا ربيعتي .. وااااااايد استانست وياها

هلّكتني من الضحك على عمري
تمت تقلّدني يوم أكون خايفة و أحاتي

همسة :

أحمد الله و أشكره على كل النعم اللي عطاني إيّـــاهــا من نعمة الإسلام لييين أبسط شي ،

أحــــــــــــب أمّـــيــــه و أبــويــه .. والله إنهم سبب راااحتــي و سعادتي الله لا يحرمني منهم و من أخويه

حيااااااتي ما تسوى شي بدون هالــ3 والله

أسميني رمست ، شكرررررررررراااااااً تحفة على هالموضوع لأنه يخلينا نرمس على راحتناااااااااا =p

[طير الحب]

السلام عليكم...

مايد...لا تحتار كمل دراستك حاليا قبل لا تلتزم بتكوين أسرة...


اليوم...نايس دي واحس الأيام اليايه بتكون أجمل ان شاء الله...جدا مسمتعه بالكليه..ومرتاحه ويالقروب الي معاي بس بديت أشاغب شوي قبل كنت هادية حلو انك تتعامل مع كل الفئات يعني التنيجرز ردوني لأيام الدراسه قبل..بس ياريت القى وقت اسوي رياضه ان شاء الله اول ....


نفسيتي جدا مرتاحه اني قادرة ألقى نتيجة حلوة على الصعيدين الشخصي والعلمي.

[مــهــابه]

اليـوم :


الأربعــا


المـزاج :

يبـآلي حد يـبطل " عـيـونـي " ويسحبـهـآ

مسطلـه ع الآخـر خلآآآآص


المـوضـوع :

الـيوم مشيـت من الخـاطر ، والله انه ريـولي تعـورني من زود المشـي من يـوم نـآشه السـاعه 9 الصبـح يليـن الحيـن ما ارتحــت


روحـت أداوم ، 3 كلاسـآت متواصـله بـدون بريـك، خلاف صـديقـتي قـآلت بنروح المعـرض اللي مسوتنه " شرطة بـوظبي "

فـ جامعـتنا ، وروحنـآ ، جـآن اسوي بصمة " العـيون " وانـا احط عـيوني ع الجهـاز ، اطالـع الشـاشه ، الشـرطي يـقول لاتطـالعين

طالعـي الجهـاز ، أقـول له : مـابـا ، أبـى آشـوف عـيوني ، يقـول : يـابنت ماينفــع بس احنـا اللي نشـوف

وجـآن الف الاقسـام كلـهـا صـآرت عـندنـآ خلفيه فـ الاحداث وسـاعد ومـادري شـو ، عـآد اونه نبـى نتـثقف


بس صـدق شغـلهم يـخوف ، وقفـنـآ عند قـروب يقـولون لـنـآ تعـآلـوا قـدموا ع وظـآيف فـ الشرطه ، قلـت لها بـذمتج وي هالشغـله احنـا

جـان تـضحك وتهـز راسها ( رحم الله أمرء عرف قـدر نفسه )

الـمهم عـقب ، اتـصلت بي ختيه تـقول يالله ردي زهـبي اغراضج انـا فالـعين

يـاحليلهـا يـايه ومتعـنيه عـسب محل " يونيك " بس اللي ف العين مول، ويـوم رحنـآ حصلـنـآ آشيـا لكن مب هـآك الزود ، يمكن لأن عليهـآ تنزيـلات واصـلاً انا كنت مسطلة مالـي بـارض أشتـري

إلا جيـه ادخلـت المحلات واحط اشيـا مالـهـا لـزمه ، ويـاليتها حقـي ، كلهـا لـ عبودي وحماده وهنوفه

وتـونيه واصـله البيـت ، خلاص مـا أشـوف شي

يـعني عـآدي اكتب الرد وما احطه ، انام

لاتـصدقـون عـآد

" تـصبحـون ع طـاعه الـرحمن "

كـآن اليـوم ممـتع ( بما انه الكتاكيت كانوا ويايه ) ومتعـب بنفس الوقـت

[طير الحب]

اليوم: الخميس يوم ميلادي


وايد استانست اليوم فاجئوني البنات بكيكة عليها صورة عيالي...حتى الاساتذة ..باختصار كل شيء كان حلو منهم ..




وأحلى شيء هالباقة من أغلى ناسي

تحميل صور

[الا انا]

..^^

كل عام وانتي بخير ...

وعسى عامج . كله سعاده وحب يارب .^^

وعقبال ما تفرحين .. بميلاد عيالج .. ان شاء الله ^_^

[رمــش الغـــلا]

^ كل عـآم وانتي بخــير .. =)