دير دياري ~ يوميات

[المزوحي]

الله يقومه بالسلامه وإن شاء الله ما عليه شر يارب ...

[بنت الدلع]

الله يشفيه ان شاء الله ويقومه بالسلامه
تصدقوا عنه "فإن الصدقة تدفع البلاء"

[دمعة شوق]

قصـوده
فديت روحج ،، الله يسمع منج آن شآءالله
:)

\

آلمـزوحـي
الشر مـآييـك يـآخـويـه ويزاك آلله خيـر
:)

/

بنت آلدلـع
يسلمج يـآلغآليـة وآن شاءالله
والله يسمع منـج
")

[دمعة شوق]

اليوم : السبت 4\4\2009 م
المزاج : آالحمدالله آحسـن

آمـس رحنا آنا وآميـه وبويـه عند خويه ،، طول ونحن مانمشي صوبه وقلبي يدق متروعه كيف بشوفه كيف بتحمل واميه عنديه كنت مابا اصيح قدامها عشانها ابا اكون قويه عشان مااازيدها

مـآطـآعوآ يدخلـونـآ ربـآعـه دخل بويه وعقب دخلت انا واميـه ،، ااه ياقلبي كانوا يمشون قدامي وانا ااتبعهم ولمحته
وقلت لااا مستحيل هذا هو حررام :( عووورلي قلبي كيف كان راااقد ولا دااري بالدنيا فديته ياربي

يااكثر الاجهزه اللي عليه ،، اميه ماتحملت اتحطمت وكانت تكذبني يوم اقولها مافيه شي ان شاءالله بخير وبينش
:( ،، قعدنا شويه عنده وماطولنا وردينا البيت ،، والعصر تقريبا رحنا صوبه ،، دخلنا عليه شخص شخص ،، وانا كنت آخر
وحده عشان اقعد عنده شويه ومحد يستعيلني ،، اول ماشفته صحت من الخااطر مارمت اتحمل :( وكلمته شويه وظهرت

الله يقومه بالسلامه ياربي صدق مفتقدينه في البيت ،، كل شي يذكرني فيه كل مااشوف شي اقول عمر كان يحب هذا ومايداني هذا ،، بس الحمدالله بشرنا اخويه بآنـه تـحـرك الحمدالله ياربي ان شاءالله يقوم بالسلامه ويردلنا ونفرح به ،، ويطمن قلوبنا ،، الله يهدي الشباب ياربي ويحفظهم لأهلـهم ولايصييبهم مكروه
:)

[همس الوجود]

اللهم آشفي عـمــر وعافه واعفو عنه اللهم رد اليه عافيته وازل عنه البلا ياسميع الدعاء ،،اللهم انا نسالك له الشفاء العاجل اللهم انت اللطيف بعبادك



اللهـم آمـين

[مزن هتان]

اليوم : السبت
المزاج : محتاره، مستانسه، متحسره، مشتاقه

الموضوع

محتاره : بموضوع شغلي أكمل و الا أتركه ابوي كلش مضايقني بحركاته.
بـ الاول كان واقف معاي و الحين داير ضدي لـ درجه انه اليوم ما وعاني

مستانسه : الحمدلله مستانسه من دون سبب، نعمه من رب العالمين
" ربي لك الحمد كما ينبغي لـ جلال وجهه و عظيم سلطانه " دوم عـ لساني هـ الدعاء

متحسره : على هـ الجو و أنا مداومه محاوطه اليدران، أختي و نسيبي متصلين
يغايضوني اونه تامه نمرج نروح الرمله ؟ ريحة الرمله من بعد المطر

مشتاقه : لـ شمعة أمل، ايه أحبك، عنود الريف، الشوق، ملاك الروووح، عهد الوداع طول غيابهم

[طير الغرام]

اليوم : السبـــت
المود :

الموضــوع :

اليــوم بــدينــا أول يــوم امتحــانــات الميــدتيــرم [ أمطــار الخيـــر كانـــت فـــال خيـــر ]
والحمــدالله الامتحــان كــان سهــل ويستــاهل الدراســه اللي درستهــا
>> بس القهــر في ســؤال سخيف غلطـت فيه وأنا كنت أعرف الجواب بس من فلاحتيـه الزايــده سويت العكــس
أهم شي بـعد القسمــه بيكون عليه اشوي

ومن صــوب ثانــي لايعــه جبــدي من السكــن أبــا أرد البيـــت متى بيي يــوم الخميـــس

[العجيبة]

الله يشفيه عمــر ويرده لكم سالم غانم وتفرحون به بينكم ....

[قصايد غلا]

اليوم : الاثنين

المزااااج : مستانسة

الموضوع : جفت حــــــــد من الواحاااااااااات

اليوم ما كان عندي شي ، عندي كلاس من 9 ونص لييين 11 إلا ربع و أرد البيت

رديت البيت و تغديت الظهر و رقــــــدت ، وعتني أميه العصر لأني قايلة لهم أبا اسييييييير سوق العرصة لأن أيام الشارجة التراثية بادية و في خااااااااطري أسير

مرينا على بنت عمّوووه ، جان تقول ما بنسير اليوم ، لاااااااااااازم اليوم نسير نشتري كمن شي حق عموه "أمها" لأنها مسافرة و هم بيسيرون لها بالأربعا وما شي وقت

المهم سرنا نشتري اللي تباه عموه

كنا نتمشّى أنا و أميه و بنات عموه الـ2

و يوم نحن نمشي طافن جدامنا هنتين

بس عيني ما يت إلا على وحدة منهن و حسييييييييت إني أعرفهااااااااااااااا ومووول ما رمت أخوز عيني عنها بس قلت عن تقول بلاها هاااااااااااي

عقب ركزت و قلت في خاطري هيه هي هاااااااااااي امبلا هيييييييييي امبلا ، جان أقول حق أميه :

أمييييييييييييييييييييه هاي ملااااااااك ==> بس ما سوّت لي سالفة يمكن مب مصدقة لووول

بس قالت لي : وينها ؟

مشوا عني اللي ويايه لكن أنا تسمّرت في مكاني و تميت امبهتـــــــــة مب مستوعبة اللي أجووووفـــــــــــــه

مب مصدقة إني بجوفها و بعرفهاااااااااااااااااااا ااااااااا

و هي طافت عنّــي ، جان أمشي

قلت عقب بطرش لها مسج عشان ما تعرفني ، و خلاف طرشت لها : و جاااااان أجوفج ههههههاااااي =D

ردت عليه : والله إني جفت وحدة تشبهــــج بس قلت لاااااا ، إذا هي بتسلم والله
وييييييييينج ؟

قلت لها : روّحت أنا ، أمشي بعكس اتجاهكم لووول

وما خلّــــــــت كلمة "كريهة" ما قالتها لي .. بس أستحـــــــــي أسلّم والله وما أعرف شو أقول لهاااااااااااااا فضيييييحة

و شررررررردت عنها و تمت تقول لي يالكريييييييييييهة وين سرتي لوووووول

و أنا ظهرت من المكان و هي حليلها تباني أسلم عليها

عقب ما روّحــــــت استوعبت إني ما أستحي على ويــــــهـــــــي و اللي سويته عييييييييييييب لأني شردت

بس وناااااااااااسسسسسة مب مصدقة إنه شفنا بعض لووووووووول

وعقب سرنا اريبيان سنتر و تعشينا في ناندوز ، و على الــ 11 إلا شي سرت اكسيوم بشتري تلفون ، و بيسكرون و تميت أركض عشان أوصل بسرعة أونه ==> صدق خبال عافانا الله ، دامج تدرين إنهم 10 و نص يسكرون ليش مهلكة عمرج بعد

بس بعد طلع ما عندهم التلفون اللي أباه ، ولاّ جان تميت أتحرطم لو كان موجود وما طاعوا يبايعوني اياه

و بسسسسسسس هذا كل اللي استوا لي اليوم

[أنامل قلب]

^ حلو ~
وسبحان الله ، يمكن كذا وحده منا شايفه الثانيه / بس ماندري إن هذي فلانه بالواحات !
أو نشوف حد من اخوانا وماندري إن هذا أهو العضو الفلاني P=

حتى أذكر مره شفت واحد قاعد يصور شغله بالساحه اللي افـ ابتاون ،
تذكرت عقب مصوري الواحات ، بس كان شعره طويل لـ نص ظهره =$
والله لا يبلى أخوانا بهالمنظر =#

,

اممم ، اليوم : من الاثنين لهاللحظه من يوم الثلاث !
المود : ..... .... ..ـــــــــــــــ.. ~
الموضوع :

أولا ، ما قمت لـ صلاة الصبح اليوم / ثانيا ، ناشه الظهر >< !!!

,

اممم ، صليت من قعدت من النوم ، وتالي جابلت أمي وأبوي شوي وأنا أتريق [ تفاحه ^^" ] ..
عقب جابلت النت ، تحديدا = أكمل حلقات برنامج الدكتور صلاح الراشد + انشغل شوي بالاقتباسات من الموقع + جابلت الواحات شوي ..
امممم وعقب الغدا انشغلت بالمواعين أغسلهم / وللحين ما أأيد وجود الخدم إلا بالطلب لكمن ساعه ~
حتى احليله الوالد يايبلي قفاز ابـ لون يديد ، يشوفني ليـ متى بكافح لول / يقولي قايسيه قبل ، امج تقول مديام بس يبتلج سمول !"
احليله ضحكني ، طلع عادي قياسي بس ما عيبني اللون ..

وووو شو بعد امممم ، امبلا عقب ما خلصت جابلت شغله ـ ربي يوفقنا جميعا فيها ـ ساعه إلا ربع إلين وقت صلاة المغرب ،
وبعد الصلاة رحت امشي ساعه ، وكل شوي إييني أحد يقاطعني ، مره تلفون ، ومره يزقرني الوالد احط له القطره ، ومره الشاهي !!!!!

المهم إني ماشية عالنظام ، وباذن الله اتم ثابته عليه ^^

+ دزيت مسج وسايط لربيعتي اللي تدرس برا / صورة الطاولة بـ مطعم حاتم بآخر مره شفناها فيه ،
+ مسج لوحده ثانيه اهني اقولها توعيني لصلاة الفير ! ، يزاها الله خير والله =]

,

اممم ، الفليل ومن الملل قلت خلني أقايس البديات اللي ما قايستهم للحين ، واكتشفت إن عندي شغلات مادري عنها //
+ ماااااااااااااااااااااا احب الجنزاااااااااااااااااااا ت لأني ماحصل شي قدي ، إما كبير وإما مو مريح وإما مادري اشفيه ، خاصه بعد سالفه صارت ..
أصلا من الأساس ماكو أريح من التنانير والاثواب // كل شوي أروح عند خواتي + الوالده أراويهم ،
ليمن ييت أقايس آخر بدي وقفففـــــــــــــــــــط ه ، واااااااااااااااااااااااا اايد ظيييييـــــــــــــــــــ ـق اختنقت ><
حسيت عمري صدق دبه ، وتمو عاد التعليقات !" ، اونه ويا كشة اللبنانيات ..

+ ماحب لمن يقعدون يقلدوني ، صدق ماااااااااااااااااااااااا ااااا احب
خاصه يوم يمثلون اونه شلون أوعيهم من النوم ابـ هدوء ، جي أقعد أمسح عـ روسهم / ظهرهم / اكلمهم ابـ صوت واطي !
مو اهمه بســـــــــــــــــــــــ م الله الرحمن الرحيم ، تقولون داشين حرب // + شغلات ثانيه =[

ووووو بس !
اممم عدنا عرس هالاسبوع ،
ربي يوفقهم ويتمم لهم على خير ~

~ ....

[الهيثــم]

دمعــة شوق :: عليكم بالدعاء له يا اختي .. خذوا بالأوراد التي وردت من السنة في عيادة المريض والتي تعين على شفاءه بإذن لله تعالى ، واسأل الله أن يعافيه ويشفيه ويقر أعينكم بسلامته ..

---

سكــون

+ ماحب لمن يقعدون يقلدوني ، صدق ماااااااااااااااااااااااا ااااا احب
خاصه يوم يمثلون اونه شلون أوعيهم من النوم ابـ هدوء ، جي أقعد أمسح عـ روسهم / ظهرهم / اكلمهم ابـ صوت واطي !
مو اهمه بســـــــــــــــــــــــ م الله الرحمن الرحيم ، تقولون داشين حرب // + شغلات ثانيه =[

هههههههههههههه ... حلووة هالفقرة ..

[طير الحب]

المزاج...هاديء من صخب المجاملات الاجتماعية وضغط الامتحانات



فقطاحتاج وقت لنفسي....

[أنامل قلب]

^ موفقه بـ طيب نواياج ياربي ~ ..

,

أخوي خطاب !
بس صدق اتنرفز يوم يبدون يقلدون حركاتي بأي شي كان ><"
+ ان شاء الله دوم مستانسين !!!!

,

اليوم : عساس انه الثلاث ، ولا الاربعا !؟!؟!؟!
المود : ...ـــــــــــــــــــ. .. !
الموضوع :

اليوم كان جميييــــــــــــــــــــ ـل جدا ، استانست وريحت خاطري + سولفنا وايد + كليت وايد !
بالاول احليييـــــــــــله ابوي مسويلنا مفاجأة أكله يديده بالغدا ، وبما إني كنت بظهر قلت بتغدا قبلهم بعد ما زهب الأكل [ عساس يعني زهب ] ..
طبعا ماكان موجود بالبيت عنده موعد ، وانا ماكنت متريقه ، فمن لبست وخلصت وصليت قلت بجرب مفاجأة الوالد قبلهم ، وياليتني ماجربت خخخ
احليله والله ، طلع الأكل بعده مو مستوي ، البطاط يااااااابس واللحم ني ، ومن حطيت اللقمه بحلجي انصدمت !
طبعا ما قدرت أستحمل ، ومابقول شو سويت لول / بصراحه ماكنت متوقعه هالنكهه أبدا ، البطاط ما يتقطع ..
بس بما إني كنت صـــــــدق يوعانه كملت بدونه ، واكتفيت ابـ عيش مع الروب > أحبه !

المهم عساس ان اختي بتوصلني ، بس ابوي رد بنفس الوقت جان اظهر معاه وما قدرت أيود عمري ،
قلتله إن الأكل طلع ني لول والوالده عقب تصرفت جان يعصب علي !
اونه أكيد حد منكم لاعب بالفرن ، ياربي من وسواسه أبوي جدا غريب ابـ هالخصوص ،
من النوع اللي عادي عنده مايخلينا نسوي شي ، من الوسواس أو إنه مايحب يشوفنا نشتغل ، وعقب يتحرطم اونكم ماتسوون شي !

امممم المهم تلومت ليش رمست ، ومن وصلت قعدت ابـ كوفي شوب وطلبتلي كالعاده كبتشينو + كنت يايبه معاي كتاب فتميت اقرا جي نص ساعه ،
وبما إن ربيعتي تأخرت عشان الموعد ، قلت بحوط بالمحلات وخذتلي ثوب ناصع البياض لول ^^ + لمن قررت خلاص أسير أقعد بالمصلى دقتلي احليلها ..

اممم ، وايد استانست ، من زمان ما شفتها / مادري شلون يوم تشتاقون لقعدة طيبة مع صديقاتكم خاصه لمن تكونون مو شايفينهم من مده ،
والحمممــــــــــــــدلله مع ان ماكنا مخططين ، شفتها اليوم واستانسنا وسولفنا وخبصنا والخ
+ مرينا ابـ موقف عبيط ، مادري شلون ! / الله لا يبلاكم ..

ووووو بس ،
ربي يوفقنا جميعا .. ~

,

[مزن هتان]

اليوم : الخميس
المزاج : الحمدلله تمام

الموضوع : أخوي فهد
البارحه بعد الدوام طلعت مع زميلاتي اتصل فيه مزن متى تردين البيت
اريد سيارتج، انا على اساس راح اتأخر قلت له احاجي امي و الا أختي
يعطونك سياييرهم كلمتهم و رفضوا، اتصل يستفسر اقوله فهد ما رضوا
قالي ادري مزن ما يعطيني السياره الا انتي

و اخوي هم محاربنه آخر حجيهم كان قبل بارحه بالتلفون
العود قاله لا انت اخوي و لا انا اعرفك ..! (اخواني ما يصبرون عن بعض إلا هم اثنين)
^^ متصل فيني العود و يحجي لي
و العود قال هـ الكلام الحين لأنه مش موجود بس يرجع و لا كأنه قايل شي

غامضني الفهدي، أبوي+ أمي + خواتي + اخوي شايلين عليه
ما يحاجونه بالطيب محاربينه، حتى لو غلط مايصير كلهم عليه
" هذي ضريبة اللي يملج " يدورون عليه الزله

[ملاك الروووح]

قصوووووووووووووووووووود يالكريييييييييييييييييييي ييهة

لين الحين مقهوره منج والله


أنا جفت وحده تشببببببهج .. قلت هاي قصود !!!

عقب قلت لالا ما اظن .. لانج صديتي الصوب الثاني وما بينتي لي حتى انج تعرفيني

ف قلت لا اذا قصود أكيد بتي تسلم

وعقب يلست اضحك ف خاطري وأقول ..

سبحان الله لو كانت هي .. كيف الصدف جمعتنا ف نفس المكان

وعقب شوي طرشتي لي المسج واي واز لايك شووووووووووووو !!

تميت واقفه مكاني وأتلفت يمين ويسار ادور عليج واختي تقولي بلاج شو مضيعه لول

لو أدري انج بشوفج جان تصفعنت من الخاطر عيل لوووول

حبيبتي والله سو كيووووووووووووووت

"

ان شاءالله نتلاقى مكان ثاني جريب

بس هالمره اتين وتسلمييييييييين يالشريره ..


"

جمعه مباركه ..

:


خارج السرب : i dont want 2 wake up from this Dream ..