اليوم : اليمعــه
المود :

الموضــوع :

اليــوم الصراحه استانسنــا كلنــا ظهرنا ظهــره عائليــه >> بس هب كلنــا
سرنا سويحــان [ مزرعــه يــدي ]
احنا ،، وخالاتيــه ٢ واعيالهــن ،، ويدتيــه وبشاكيرهــا

ظهرنــا من البيت تقريباً ١٠ وشي ووصلنــا اهناكـ تقريباً ١١ وشي
الصراحه الجو كان حار وشمــس ماينفــع حق التصويــر ويدتيه وامايه يقولن لي يالله مابتين معانا اتصورين
وانا اقوللهن لا عقــب الصور الحينه مايظهــرن اوكي >> الشمس عموديه وحر

المهم اليهال ماصدقوا من وصلنا اتعافدوا ع الحوض ساروا يتسبحــون
مر الوقت وزهبوا الغــدا واتغدينــا ،، واستوا العصــر ،، وسوينــا جوله استطلاعيــه قبل انا وخواتيه
وصورت وااايــد
ويوم ردينــا عند قوم امايه ويدتيه قالن خالاتيه يالله بنسيــر احنا نتمشــى بتــون ،، واحنا تونا يايين اففف تعبنــا
>> بس عادي سرنا معاهم واستــوت مغامــرات حلوه

وعقب خالي واعياله يونا جريب المغرب
وقبل العشا ردينا البيـــت

وأهم شي انه استانسنــا وغيرنا جو
وأحلى شي بعد انه دوامي اللي كان ع اساس باجر السبت اتكنســل
ولا جان صدق بتغصص [ مااداني الاهل يتيمعون ويظهرون ظهرات جيه وانا محد ]

والحينه خلاص منهــد حيلـي وفيني ارقـــاد
تصبحــون ع ألف خيـــر ^ـ^