دير دياري ~ يوميات

[مزن هتان]

اليوم : البارحه
المزاج : كنت زعلانه شوي

الموضوع
كنت خايفه على أخينا الكبير بس الحمدلله كل حاجه تمام
( يا خوي يا عزوتي يا ضحكتي و بجاي يا من على فزعتي
يمينه في يمناي )، تجيني صحيه يوم اتحجى عنه

البارحه من رديت البيت و انا اخلاقي زفت، مضغوطه وايد
و ماما تزدني بالزف ليه ما ارتب لها جناطها انا قلبي يعورني
ماحب البيت من دون امي او ابوي او خواتي، اريدهم كلهم

[قصايد غلا]

اليوم : والله ما اعرف شو اليوم بس اللي اعرفه انه اليوم تاريخ 11

المود : تعباااااااااانـــــــــــ ــة جسديا و نفسيًـــا + منهد حيييييييييليييييييي

الموضوع : من أسبوع و شي و أنا ما أعرف الراحة ، حتى الويك اند أتعب فيه و أنش من وقت =(

أففففففففففففففففف عندي إمتحان اليوم العصر و المادة تلووووووع بالجبد ، أنا شلي بالجغرافيا و الاقتصاد و الاستثمارات

يااااااااااااااا رب أحل عدل و أييب علامة تفرحني و ما يضيع تعبـــــــــي لأني صدق هلكت

و باجر الصبح عندي إمتحان ثاااااني .. مالت عليهم ، موووول ما شي فجّة بين الامتحانات "ورا بعض"

برد الساعه 5 بذاكر

و فوق هذا الدكتور بيدخل لنا خطة شرحا للبنات و انا و ربيعتي ما ندري لأنه جمعهم في وقت كلاس ثاني ==> مب ذنبنا يوم هو يغير الوقت على هواااااااااااه

ادعــــــــواا لــــي .. إن الله يوفقني و ييسر أموري و أييب علامات حلوة تفرّحـــنــــــي

تولهت علييييييييييكم واااااااااااااااايد كلكم .. خاصةً مهابتي + ملاااااااااك اللي فرحتني بمسج و أنا في أسوا حالات الضغوطات + اليـــــــــاااااهـ "هالبنت صدق متولهه عليها ، أبا أرمسسسسسسسسسسسهاااااااااا ااا" مختفية هالأيام

+

توني عرفت إن باجر الخميس

يعني خلاااااااااص برتااااااااااااااح

بنأجّــــــــــز لمدة 11 يــــــــــووووم

=D

[محد يستاهل]

قصايد :

موفجة الغالية

والله يعوض تعبج خيير

ان شاء الله :)

[مــهــابه]

قصـوده :

نـحن ويـاج قـلبـاً وقـالبـاً ، اللـه يوفقـج ان شــاء اللـه ويـكون الامتحان سـهـل ..

ومـا عقب الـتعب إلا الــراحه ، وبـتتهنين فـ 11 يـوم ان شــاء الله ..

[شوق القلوب]

قصوووده..

الله يفتح عليج ان شاء الله .. و يفرح بالنتايج الحلوه :)

[مزن هتان]

اليوم : الاربعا المسا
المزاج : فرحانه لهم

الموضوع : الكويت مني و فيني

أنا الوحيده بـ البيت كملت تقريبا 11 سنه من آخر مره نزلت فيها الكويت !!
بكره خواتي الاثنين اللي اصغر مني بينزلون الكويت عند اهل امي
مستانسين و حده فيهن تغني طاير من الفرحه طاير

[مــهــابه]

اليـوم :


[ الأربعـا ]


المـزاج :

[ رايقـه ]

المـوضـوع :


طبعـاً اليـوم الآربعـا ، داومي شبه طـويل مقـآرنة بـيوم الثلآثـا ..

كـان عـندي امتحـان ، ممم حليـت بس ماعـرف شو حليـت ، كلهم نفس الأسامي

Anthocyanins ، Chlorophylls، Anthoxanthins

وعـآد انـا مول ما احب احفظ هالآسامي ، اطوف السلآيدات ، امتحـنت كويـز بـس اوكي من 6 أوراق

حشـى ، عـيزت وآنـا آحل ، واللي ما أحبـه آكملي الفـرآغ ، مـول مب فـالحه فيه

خلصـنـآ ، وخبرتـنـآ عن رحلـة الآثنين اليـاي لـ مادري ويـن فـ بوظبي ( هيئه رقابه الأغذيه ) شي جــي

قـآعده افـكر بـسفره لـندن ، اسجل اسمي واروح ويـآهم ولآ، انـا مـابـا ، بس ! ، هم يبوني اروح

رجعـت عـلى أسـاس اني بـنـآم لـكن ! انـا دوم جيه يوم عندي امتحان ارقد من الظهر وبليـل ارقد بدري ويوم اكون فـاضيه


بـتحصلـوني يـالسه يلين 4 الفـير عـادي

الجـو اليـوم وايـد حلـو ، آحب جـو العـين يـوم يكـون جيــه

أحسـه شـاعـري ، قلـنـا بنـآخذ لـنـآ لفـه ع السكـن وجيـه ، قـآعدين نمشي ومانسمع الا سيـارة تـضرب هـرنات

عـآد انا وربيعـآتي نـركض ، الا غطت شعرها بجـآكيـت والـلي واللـي ، عـاد انا عـآدي ، مريحـه عمريه ورا النخله ولا ببين


والحيـن طالـبين مـني اسـويلهم لـهم جـآي بس متعـآيـزه



وبس

[طير الغرام]

اليــوم : الاربعـــا
المـــود :
الموضـــوع :

من يوميــن وأنا تعبـــانه هب حالــه هاي
مع إنه بديت إجازتيه من يوميــن ،، جنه حـد داعــي عليـّـه

من يومين ماكلت شي ولا اقدر آكــل اللهم شربت عصير لومي
متعايزه أروح العياده !

شكليه بروح ارقـد وإن شاءالله باجر يكون أحسن عن اليـوم !

[محد يستاهل]

سلامات طير الغراام

[أنامل قلب]

سلامات اختي طير ،
وربي يوفجج اختي قصايد دنيا وآخره ~

/

اليوم : دخلنا الخميس !
المود : ... ... ... ...... ~
الموضوع : ملخبطه !!"

اممم ، برود غريب بالأيام ، كل شي مكرر ، كل شي غريب ، والبال مثل ما هو مزحوم ~ !
من بعد ما وقفت وللحين أحس إني تقربت وايد من [ اجواء البيت ] ، مستوية أشتغل اوني ^^"
اغسل المواعين ، أنظف الزوالي لول ، مستوية اطبخ عالخفيف >> وايد عليج !"
بس من جد احساس جميل والله ..

+ وايد أقعد أفكر بشغلات وانا أشغل أناملي بهالأشيا // وغيره ،
كل مره أكتشف إن في شغله كانت غايبه عن بال وخاطر أنامل قلب // كل يوم ..

وووو حاليا ، قاعده أشرب كوفي + أسمع شغله معقدتني بالفون واللي جارجه قرب يفضي
+ أحط هالرد + مجابله ورقة وقلم أحاول أزهب للمسابقة بواحة الأصدقاء ^_______^ ..

امبلا ومجابله كتاب بعد ، اقرا فقرات من اهني ومن هناك ،
دوم جي أخلي كل شي حوالي // كل شي ....

,

على فكرة ، وايد أحب شي اسمه [ قلم رصاص ] ،
أحب أقعد اتعبث فيه ، يا ترى لو ملك انه ينطق ، شو كان بيكشف عن حكايا المتعبثين به !

احم ، مشكلة لمن أعيش الدور بزياده ~

[حلم الطفوله]

مساء الورد

اليوم : الخميس

المزاج : مزجومه ومحمومه وحالتي حاله

الموضوع : ما أحب أستسلم للزجام ... فقررت أداوم عشان أتغلب عليه

لكن من وصلت البيت حسيت عمري منهكه واااااااااااااايد ... والحين زاد لزجام والحمى لاعبه فيني دور البطوله

الله يعين

[قصايد غلا]

محد يستاهل + مهابه + شوق القلوب + سكون .. فدييييييتكم والله ، واااااااااااااايــــــد استانست على ردودكم


الله يوفقكم و يسعدكم ياااااااااااا رب ولا يحرمني منكم

[قصايد غلا]

حلم : حبيبتي ما تشوفييييييين شــــــــر ، الله يعافيييييج

عليج بالزنجبيييييل ==> نصيحتي اللي كل حد حفظها لمقاومة الزجاااااااااام



و عن الحمى .. ما لج غير هالدعاء "أعوذ بالله العظيم من كل عرق نعار و من شر حر الناااار" ، + سورة يس مااااااااااشي أحسن منها للحمى والله

حطي ايدج على راسج و اقريها أو خلي حد يقراها عليييج و بتشوفين إن الحمى ما بتم وايد و بتخوز بإذن الله =)



مرة كنا في السوق نتشرا حق العيد و حمودي حفيد عموه فديته حماااه مب طايعة تنزل

من قلت لأمه اقري هالدعاء و قرته والله نزلت =)

[بنت الدلع]

قصايد..
ها بشري ان شاء الله حليتي زين؟

حلم..
يحلييلج سلامااات والله
ماتشوفين شر
صدقها قصايد
عليج بالزنجبيل وايد بيفيدج

===

اليوم كان عندي امتحااان
من اسخف الامتحانات الي خذتها في حياااااااتي

امتحان بس نص صفحه وفيها اربع اسئله
وكل سؤال يقول حق الثاني قوم عني انا اسخف عنك
الحمدالله واااااايد كااااان سهل
الغبيه الي مابتيب درجه كامله لول

شكرا يا رب


وبعدين ودونا رحله لـ TECOM
سرنا دبي انترنت ستي
مكانهم يجنننننننن
واااااايد حلوووو وشررررررح





احلى شي يوم دخلونا صوب الـ highly secure areas
كشششخه
دخلونا غرفة الداتا سنتر
وشفنا كل كاميرات المراقبه في هالغرفه
اقصد من الشاشه يعني
كل مكان حاطين كاميرات
وكل شي يبين
منو يمشي في الكوريدور منو يظهر منو يدخل
حتى في المكاتب حاطين
يعني البنات مايقدرن يفصخن الشيل cuz they're monitored 24/7

[قصايد غلا]

بنت الدلـــع : أول شي شكررررررررررراً على السؤااااااال يا عسل (K)

إمتحاني الأول الحمدلله كان سهل بس كان فيه كم سؤال بايخين بس مب وايد عليهم علامات لكن إن شا الله أكون حليتهم صح :)

ثاني إمتحان اللي صددددددددق هلكت عليه و ما رقدت عشانه غير ساعة و نص .. كان ماااااااااااااااااااااااا ااااااااااااااااااااي =)

الحمدلله .. الله ما ضيّع تعبي

ثانياً .. الله يوفقج يااااااا رب :)

ثالثاً .. هههههههههههههه حبيت سالفة السؤال يوم يقول للثاني قوم عني أنا أسخف عنك

الله حلو مكانهم ماشا الله .. يشرح الخااااطر