دير دياري ~ يوميات

[همس الوجود]

بنت الدلع


اضني عرفت اي مدرسه هاي ^^

حتى اناا كنت فيهاا .. :)

[طير الحب]

صباح الخيرات

عاد انا بكتب عن الويكند كان متعب كالعاده لأنه هالكورس كلاساتي يبالهن تركيز...عيل حد يأخذ ماث اخر كلاس يكون المخ خلاص...

المهم شوي رتم ارتب نفسي واوفق بين الدراسه واليهال هالكورس وأسرق وقت لنفسي عسب اسير الجم كان يوم حلوو لو مب الحشره الي استوت لانه الجم ما فيه ارسال هههههههههههه

فقررت يومين بالاسبوع امارس رياضتي المفضله السباحه ويومين اودي اليهال الحديقة العصر وامارس المشي .

[عنــود المهـا]

اليوم :

اليمعه

المزاج :

الموضوع :

البارحه واليوم الصراحه يومين ما عليهن كلام

الخميس سرت عند صندليقتي مهابه التي لازالت مريضه
وقعدت فـ بيتهم من 7 لـ 10 وشي
<< اعوض من عقب العرس ما يلسنا يلسه محترمه

المهم

قعدنا وسولفنا ولعبنا وتخبلنا واتصورنا
وآهم شي ابطونا يعني تعشينا

كنا صدق مرتبشين والاهم ان الكل كان موجود
من اكبرنا العروس لـ أصغرنا احمداني

وبعد ماروحت عنهم
سرنا الباسكن آنا وخواتي وكملنا الخبل فـ السياره
وطبعآ الضحيه ابويه كل حين نغير CD ومطولين ع الاغاني
ع الاخر
وبما اني يالسه جدام فـ جلبت السياره DJ
وطبعآ باباتي كان مستسلم من وضعنا
لأن الرمسه ما فادت ويانا

المهم رجعنا البيت وكل وحده سارت ترقد
ولأن اليمعه غدانا بيت يدتيه ام امايه

.

اليوم واللي هو اليمعه
قمنا متأخرين كـ العاده بعد هزاب
واتجهنا الى بيت الجده العزيزه الزعلانه
خخ

وصلنا

ودخلت وسلمت ع يدتيه اللي زعلانه مني لأنها مب شايفتني من فتره
بس اكلمها بـ الفون والله
المهم سولفنا وخذت ما فخاطرها وحطوا الغدا
اتغدينا
وخلاف يلست عند مرت خالي البطه
خخخ

وحليلها تعبانه من الحمل الله يسهل عليها وتقوم لنا بالسلامه

سولفنا ولعبت مع بناتها واربشتهن لين رقدن

.

ع الساعه 9
سرنا البحر كلنا خواتي وبنات خالتي حتى يدتيه سحبناها معانا
وطبعآ كلنا بنات ومحرمنا حمني 9سنين عمره
ولعبنا واتعشينا
وخلص يومنا وكل حد رد بيته

صدق كانوا يومين خبال
وااايد استانست

وبس

[الا انا]

اليوم : الجمعه بس الحين صار السبت لانه الساعه 2:33

المزاج : ربشه ع فرح ع حزن ع تعب ><



وراحت من بيتنااااا ><

وبقى مكانها فااااااضي

فديتها اختي فديتهااا >< والله مكانها غير غير ..


العرس كان ايد حلو ..^^

.^^

كانت صج صج صج .. ليله من الف ليله ..

قمر قمر قمر .. كيوت حبيبتي ..^^ بنفتقدهااا :(

..^^..

غير غير غير يوم الكل دش غير .^^ فديته ابويه ..^^

...

ماعرف شو اكتب ما عرف شو اقول ..^^

><

......


خارج النص (( شاله هم وعباله الميك اب الحين .. وشعري .. ياربي ما اداني هاللحظه .. سنه لين ما امسح ولين ما اشل المليون الف خمس تالاف بين محطتنه بشعري ..>< ))

..

عقبالكم صباااياااا :)

[مزن هتان]

عقبالج انتي يا حلوه

البارحه اقول حق اختي اللي اصغر مني، انا و عارفين
موقفي الحين انتي متى بتزوجين ؟!
تعصب مزن لا تستهبلين

=====

اليوم : السبت
المزاج : مرتاحه الحمدلله

الموضوع

اليوم الصبح تجهزت نزلت اشغل السياره
و انا نازله خلاص دري الفيلا يطلعني عـ الليوان
جيه ما اتزحلق صرت كني قاعده رفعت راسي اشوف البشكار
يضحك عليه هههههههههه
رجعت بدلت لبسي امي تقول لي مو منج من الاحمر هع
كنت متنرفزه بس يوم طحت تغير مودي =)

[العجيبة]

السبت 28-2


المود : ما ادري !


اليوووم قضيتـــه في فرااااااااشي بسسس .. خمووووووول وتعب وارهاااااااق ... احس اني ابا اقووم بس ما اقدر اشل ريولي ...
طافت علي محاضرة وحدة :/ اول غياب هالكورس من بعد ما غبت اسبوع الحذف والاضافة كله ..!

واللاب غصبت عمري وسرته ... بس عشان يسجل لي حضور ولااا اصلا ما كان فـخاطري اسير ....

والله يسامحهم في المطعم مسويلنا اليوم غدا ما فيه لا طعم ولا لون ولا رائحة ... :( رديت من اللاب وطلبت غدا ثاني .. ورديت انخمد مرة ثانيــــة .....

نشيت الساعة 8 .... ورحت انقل الاسايمنت من عند ربيعتي ( حتى مب قادرة افكر خخ ) .... وعقب فتحت النت ...

عندي بروجكت موضوعه سخيف وعبيط وما حبيته ... والمشكلة هالمرة ولاول مرة اشتغل في قروب شباب ، 4 شباب وانا ،
( فيه عندنا شح في البنات في هالكلاس ) ..... وللحين ما سويت شي من اللي المفروض اسويه ، لاني صدق مب عارفة شـو اقول او شو اكتب !!!


انقهرت اكثر ... لما عرفت انه طلعات معرض الكتاب، بتكون يومين بس الاحد والثلاثاء وهاليومين بالذات عندي محاضرات العصر :/ انزين ودونا يوم الخميس او الاربعاء :/ يستهبلون ...... فـ الحين قـررت اطلع ويا ربيعاتي ...
بيي عم وحدة منهن يوديهن ... وبطلع وياهم بس بدون تصريح !! ( طلعـة غير قانونية يعني )



من الاخير ... كان يوم بائس ... ختمته بتهــور مب طبيعي :/ !!! اتهورت لما عطيت وحدة ما صارلي الا يومين اعرفها رقم تلفوني !!!! ما اعرفها عدل !! ما ادري ليش سويت جي :( يارب سامحني ...

[أنامل قلب]

^ ربي يكون بعونج ، وعونكم جميعا ..

اليوم : الأحد ..
المود : .... .... .... ]
الموضوع :

من فتره صايره كلش مو طبيعيه ، كل مره ادخل عساس بكتب يومياتي لمن أحسني بحاجه للكتابه ، بس بلا فايده !
مستويه أضيج واستانس بشكل متضارب مشتتني ، كل شي فيني مخربط ، محتاجه تنظيــــــــــــم ، جدا محتاجته ..

اممم ، امس رقدت بشكل وطريقة ونفسية عجيبه ، للحين كل ما أذكر مادري شو يصير فيني ، كارهه شي اسمه نوم وبقوه !"
هم عـ القلب مثل ما يقولون ، وعن اليوم فحاطه ابـ بالي إني بتم قاعده لـ وقت الصلاة ، لازم اتم قاعده لهالوقت وأرد أنش من وقت ،،
عل وعسى ينتظم رقادي عالأقل + اذا انتظم نومي بقدر انظم شغلات كثيــــــــــــــــــــــ ــــــره !

,

دوم يقولون الحياه حلوه ، بس محتاجين نفهمها ..
وانا اقول الحياه حلوه ، بس محتاجين نفهم أنفسنا .... ~ !

,

[عنــود المهـا]

اليوم :

الاثين

المزاج :

اوكي فاين

الموضوع :

قررنا اليوم نسير السوق انا وماماتي عسب آخذلي اغراض ولبس للسفر
عاد اونه من الظهر بنظهر يعني ع الساعه 3
والله من الهوا مارمنا نظهر ونوقف عند الباب الا 5

المهم سرنا وخلصنا من الشوبنق ورجعنا البيت

دخلت وحصلت اختيه جدامي تدرس يلست عندها ارويها اللي خذته وقعدنا نسوالف
شوي وجان تقولي برويج شي
قلتلها شو
قالتلي المسن اللي ف الكتاب
عاد آنا جي
مسن و فـ الكتاب شقايل
جان تقولي شوفي

الحبيبه هي واربيعاتها مسوين صفحات الكتاب من السوالف مزبله
صدق مسن طبعآ من دون لستكرز

قلتلها صج انتي مال اول
حركات جديمه هاي

وقعدت اقولها سوالفنا آنا ومهابه

والله انها ايآم ,, يتني الصيحه

يرحم ايآم ابلة الفيزيا وحصة الدين
يحلن السوالف ف هالكلاسين

وللحين محتفظه بالستكرز والسوالف
وبين فتره وفتره اقعد اقراهن
واضحك

صدق ايآم ماتنسى

[مــهــابه]

^
تـحيـدين أبلـه العـربي ؟ يـوم زاعـجت بصـوت عـآلي ، خفـت حد يقرأ حل اللغـز وأنـا أفـره ع " أم حنيـن " ؟

الحصـه الآخيـره بعـد ، زيـن آنهـآ مارآغـتنـآ من الكلاس


وعـآد آبلـه الديـن ، للـحين آذكر ولـدهـآ حـمد ، لآحقـتني للـجامعه

فـ عـزآ يـديه كآنت يآيـه بيـتنـآ تعزي تـقول لـي : هـا شو تخصصـتي وفـ أي جامعه ؟

قـلت لـهـا : جيـه جيـه جآن تـقول : هــيه حتـى ولدي حـمد بنفس الجامعه والتخصص

ومعـلمه الفيـزيـا يوم تـقول : كـديش يـعني


اليـوم :

الثـلاثـا

3 - 3

المزاج :

كـل شي آوكي لـولآ الكحـه


المـوضـوع :



يقـولـون النـآس آجنـآس صـح ؟

فـي نـآس ماتعـرفـون قـدركم عـندهم وقـت الفـرح كثـر ماتحـسون بـه يوم آنـتوا مريضيـن أو فيكم شي

صـح آنـا وايـد متلعـوزه من شهـر وآحيـان الليــل ما آنــامه والله ، لكن ما انكـر وجودهم قـربي حتى فـ آخر الليـل يهـّـون عليـه وايـد

مافـي آحلـى من انك تـكسب " قـلوب " فـ هـالدنيـآ

واللـه آنه القـلوب الطيبـه كنـز


شكـراً لـكـل من كان قـريب منـي ، شكراً للـقدر لآني خـلآني آنـتبه لـهم آخيـراً رغـم آنـهم جـدآمي من سـنين


هـمسه :



يـا " قـلب طيب " أبـد مـايعـرف القسـوه ~
يـاسنين شفـت ( السـعـاده ) فـي ليـآليـهـا

[شمعة أمل]

اليوم 06-03
المود حزيينه :(
الموضوع


ماتهنييت مول الاسبوع الى طاف.. مالت على الجامعه.. حد يعطي ديدلاينز جي قريبه من بعض! اول مره في حياتي اركضضضضضضض عشان اسلم الديدلاين في وقته! صدمت نفسي! دوم أخلص شغلي من وقت واسلمه الصبح بس هالمره اف اف

المهم

اليوم قريت شي وايد حزني في الواحات :( وايد وعقب ما حزنت لابتوبي مات :(
كانت الشاشه تشوّط البارحه.. جنه تلفزيون معفن.. واليوم سويت ريستارت ومادري بس مااااات موته بايخه.. الله يسامحه

بسرعه سرت عند امي ودموعي في عيونيي لااااااااااااء لابتوبييي ;_; جان ترييا كمن شهر زياده ومات.. وانا الهبله ماعندي باك اب < غبيه غبيه غبيه

سرت وديته المحل لانه قلت مستحيل المكتب يقدرون يصلحولي اياه.. اول مره لابتوب يموت
اطالعوني الكستمر سرفرس وهزززوو راسهم يمين يسار نو نو نو.. وانا ميوده عمري :( شو نو نو حرام عمره كمن شهر بس
قلتلهم مابا فورمات بليز احتاج اغراضي
جان يقولي شكله اللابتوب خربان خربان.. سيري عند الهلب دسك خليهم يسولج باك اب اذا يقدرون بعدين بنطرشه توشيبا
انا عبالي هالسالفه مال كمن ساعه.. قالي على قل اسبوعييييين لااااااااااااء

لا بعد
ماقالولي هاتي اكسترنل وياج.. جان اسير اشتريلي واحد يديد

يارب يقدرون يسيفون أغراضي.. عادي انقز من بلكونتي وانتحر لو مايسيفونه

ورا باجر عند كاونسلينغ في الجامعه.. وعندي اشياء مهمه في الابتوب لازم اعطيهم اياه.. اخاف يرسبوني
بطرش للدكتوره ايميل اشرحلها شو استوى.. وبودي فواتير اللابتوب ويايه يوم اسير عشان تصدقني
هاللي ناقص ارسب في اخر سمستر



ولا بعد
اكتشفت اني سويت شي غبي وايد
ليش ماعزم كلحد على حفلتي وانسى اعزم ربيعتي.. حمدالله وحده من ربيعاتي سألتني ليش ماعزمت فلانه.. وانا حمدالله خبروني!! ويهي عورني.. مسكينه ماتخيل موقفها يوم شافت انه كلحد انعزم الا هي.. سرت اعتذرلها وحليلها كسرت خاطري



ياربيي




المهم



have a nice weekend

[مزن هتان]

اليوم : الاحد
المزاج : عادي

الموضوع
راسي يعورني قاعده امر بـ ضغوط اولها من الدوام، لا حول و لا قوة إلا بالله
ربيعاتي، عمي و اخواني خواتي كل يوم و الثاني حد زعلان مني، ترفقوا بي
ماني ملحقه. وايد صرت انسى، بس بعدني =)
صار اي احد يطلب مني شي يأكد لي مليون مره
هـ الاسبوع خوالي و خالاتي بينزلون الكويت يجهزون لـ عرس خالي
ماما بتسافر بس مو طايعه للحين تقول لنا متى
و بابا موقف سفرته اول شي يتأكد انه امي تسافر، هقوتي ناوي يتزوج الريال
مدري شلون راح نعيش هـ الاسبوع
ودي اترك كل حاجه و افل، تعبانه جد تعبانه

اختي بتسوي عزيمه عشانها ماما مسافره =)

[طير الغرام]

اليــوم : الأحــد
المـــود :
الموضـــوع :

احـــم بــرمس عن أمــس
كـــان يــــوم حلـــو ،، بس خربــوا ارقــادي اموعينــا من صباح الله خيــر
>> اللي يسمع من صباح الله خيــر يطيــح واقـــف

المهم قلنــا بنغيــر جو أنا وخواتي وبنــروح المارينــا مول
شلينــا معانــا بنــات خالـي وظهـرنا بـ سيارتيــن >> ترا هب من كثرنــا بس خواتي كل وحده تبى اتسير بسيارتها

وصلنا المول وسوينا شوبينج ع السريع >> الصراحه ما كنت فـ مود الشوبينـج
المهم انقسمنـا مجموعتيـن [ ٣ سارن يكملن الشوبينـج ] و [ أنا وختيه واليهــال سرنا انلعبهــن ]



ودومــي سرحــانه فديتهــا



We RealLY Had So Much Fun






عقــب ماخلصنــا من لعـب اليهــال
اتيمعنــا [ المجموعتيــن ] عند المطاعــم واتغدينــا



وعقــب ردينــا البيـــت ع العصــر >> الصراحه من نشــة الصبــح ردينــا امسطليــن
رقــدنــا عن خاطرنــا
وعقب قمنــا ع المغــرب ،، يلسنــا اشوي مع الأهــل
وعقــب ع الســاعه ٩ وشي تقــريبــا سرنــا نتعشــا بــرع [ أرض المأكولات ]
بس هــ المره اتواضعــنا وسرنــا مع الدريول >> وخذنـا معانا البشكاره + بنــات خالي حبايبي



>> الصراحه هـ الانسانه كانت امجابلتني عشان جيه كنت وااايد أصورهــا

وحليلهــا ودووم اتصــارع





وبالعافيـــه علينــــا




وبعديــن ردينــا البيـــت ع الساعه ١١ وشي تقريبــاً

[العجيبة]

اوووه طيــــر ذكرتيني بطلعاااتنا ... نحن نسير نلعب في الآكشن زون ... صح العاب يهال ... بس شو نسوي ما عندنا يهال فـ نحن اللي نلعب خخخ



عندنا اجازة المولد النبوي الثلاثا والاربعاء :/ ياخي مشكورين لانكم عاطينا يومين اجازة .... بس رتبــوها وخلوها مع الامارات :/ يعني شو كانوا بيخسرون لو الاجازة السبت والاحد ؟!!!

هم جي حركااات عشااان اررررد البيت واتم بروحي لان كلهم في دواماتهم :/

[بنت الدلع]

بنت الدلع

اضني عرفت اي مدرسه هاي ^^

حتى اناا كنت فيهاا .. :)

لا تقووووولين

قوم سستر منو مابيعرفنا لول

===

ملاااااك .. بالبركه
عقبلج ان شاء الله


البارحه كانت ملجة كزنتي
ومااااشاااالله عليييييها
واااايد كانت القنتتتتت
فستانها وميك ابها ومسكتها وكوشتها وااايد كانوا رااااقين

حيااااتي والله محلاها
الله يهنيييهم يااارب

[طير الغرام]

العجيبــه

هههه يحيــكم انزيـــن
والله يعينــكم ع سياســة جامعتكــم
>> احنا القهــر عندنا إجازه عشان مؤتمـر وع طول من السبت الياي بيبدا التعويض

:

اليــوم : الاثنيــن
المـــود :
الموضـــوع : اليــوم واااايــد كان حلــوو

بـدايتـه كانت فـ الجامعــه ،، وكان عندي امتحان [ الحمــدالله كان أوكــي ]
المهــم خلصــت دوامي ،، وأبـويه فديتــه سارح من صباح الله خيــر وانا قايلتله تعال السكــن ١ ونص وهو من ١١ اهنــاكـ [ عندنا إجازه ٣ أيام عشان مؤتمــر ADEEC ]

ع الساعه ١ ونص قبضنــا الخــط
واحنا فـ الدرب أبويه تم يتحرطـم قالي لوعوا ابـ جبدي هذيلا اللي يتموون يديمــون فل لايت يبون يســرعون
جان أقوله انزين يوم انه ماشي رادار وهم يبون يسرعـون ليش انته ما تسرع بعد >> جــد طـاف الريال
وعقب قام يبطئ [ السياره اللي جدامنـا ] وليــش ما يعطيـــــه أبــويــه أونــه بجــوف انا ولا هووو
وأنــــااا جيــــه أبويـــه زخـنــا الرادار ،، قالي منج هههههه
جان اقوله والله انا يوم اقترحــت عليـك قبل الرادار هب يوم الريال قام يبطئ والرادار صوبنــاا ههه يالله حصــل خيـر

وفـ الدرب أمايه دقتليه تسأل وين وصلنــا وأسمع حشرة يهال عندها ،، قلتلها منو عندج قالتلي ودووومي منو غيرها
جان تعطيني أرمسهــا ،، ادخيلــكم فطستنــي من الضحــكـ هـ الإنســانه

أونه
ودومــي : انتي ويـن فـ العيمــاااان
أنــا : لا فـ الدرب
ودومــي : انــزين انتي ليش اتعبيــن أبــوج
أنــا : جيه استوا ويهي ،، ليش ان شاءالله
ودومــي : عشــان احنــا بنتعدى [ أونه بنتغدى ] انزين وبعــديـن بني كلنــا انشلـج
[ هيه حضرتهــا متحرقصــه كانت تبا تيي عندي ،، عيبتهــا السالفه من آخر مره يتني هيه وخواتها وأمايه ]
أنــا : بتعلميني منو يقولج هـ الرمســه ؟!
ودومــي : والله أنا شو تتحريني عبيــه [ أونه غبيه هههه ]

وبس تمت واايد اتخربــط عليــه هههه فديتهـا والله لين ما عيزت وقالت يلا بباي أنا بترياج


المهم وصلنــا البيــت ع الساعه ٣ ونص تقريبــاً

وأحس شعــور جميـــل من زمــان ما حسيت به جيه راده البيت [ من الدوام ] وخواتيه بعد كل وحده راده من دوامهــا ويتغدون >> ولهــت ع هـ القعــده

اتغديــت معاهــم ،، وعقــب ع العصــر ييـــت برقــد وانا خلاص امسسسسسطلــه حدي
يمكــن جيه غفلــت مال ٥ - ١٠ دقايق وماوعيــت إلا ع حشــرة ودومــي وخواتهــا وتمـوا يبوسوني جنه من شهر هب جايفيني ههه ماجنه من يومين

المهم طيـروا الرقــاد من اعيونـي
خصــه هـ المفعوصتيــن

هدويـــه

و

ودومــي

ويلســت معاهــم ،، وعقب قلت بسوي كيكـ ،، لنه واحنا فـ الدرب ابويه فديته قالي هاا بتسويلنا كيك اليوم

سوالــف وضحـكـ

وعقـب هالعشاقــه هدويــه اللي اتمــوت ع شي اسمــه كعـــب جوفو شكلهــا كيف ههه



متعنيــه
ما اترووم اتجوف كعب وماتلبســه ،، حبيبتي والله

:

وع العشــا سرت مع ختيه الجمعيـه خذنا كمن غرض ،، وبس هــذي كانت أهــم الأحداث فـ يومي
أدري قلت قصة حياتــي >> ويالله تصبحــون ع خيـــر لنــه امسطلــه وامصــدعه من الخاطر