دير دياري ~ يوميات

[مزن هتان]

سلامات مهابه
بارك الله فيج انتبهي عـ صحتج

أختي الصغيره فيها ربو عاد قبل بارحه طاحت علينا
و شراتج قالولها ثلاث ايام مرتين باليوم، اليوم بمضارب
وديتها آخر يوم و تقولي مزن اتعب فديتهااا

[مــهــابه]

قصـوده :

خـلآص أنـزين آخـر مـره

مابقـول شي الـمره

وجـآن عن المسـتشفـى سرت


الحيـن صـوتي اعـتدل بس مسـتوي جنـه صوت ولـد يخـَـوف ، خشن لوول

مزن هتــان

الله يسلمج

مـن عـيوني، بس واللـه مب بإيـدي آنـتوا ادرى بالجـو

أخـتج اهـون تسـمع الكلام ، انـا بضـرآبـه آروح مره فـ اليوم
امس مره واليوم مـره وبـآجر ان شاء الله مره وخلآآآآآآآآآآآآص

وسـلآمتهــا :)

[مزن هتان]

اليوم : اليمعه
المزاج : تمام

الموضوع :
البارح بعد الغدا قاعدين متمللين أنا و خواتي خبرتنا امي انه ما بروح بيت اهلها
صارلنا شهر و شوي ما سيرنا عليهم، قلت حق خواتي نروح العين ؟ تذكار عيت
ما تحب دروب طويله قالت لي هدى خلينا نروح مسافي كل هـ الحجي جدم امي
ابوي بالغرفه كلمنا ابوي قال برايكم تجهزنا قبل الـ 3 سألنتا امي جيه وين رايحيين
قلنا لها سوق اليمعه ردت اي واحد قلت لها امي هذا اللي بدبي يارب سامحني
ابوي يدري و عادي بس امي لازم تعارض
طلعنا عاد أنا ما ادل الطريق خذت شارع الامارات دخلت الشارجه من شارع
المطار مع انه شي طريق من دبي بس انا ما عرفه، وقفنا صلينا قبل السوق
بشوي وصلنا سوق اليمعه واااايد زحمه نزلنا انا و خواتي كنا 5
و نحن رادين عاد رديت من العابر و دخلت من صوب خوانيج و صلنا بيت اهل
أمي 5:45 استانس انا و خواتي قعدنا لين بعد العشا

رديت البيت بعد هزبتني شوي و الامور طيبه =)

[مــهــابه]

الـيوم :

~ السـبت


بـاجر داومات


~ المزاج :

آحسـن عـن قبل وللـه الحمـد

~المـوضـوع :

وايـد مسـتـآنسه لآنـي سهرت آمس
آتـطورت ، تـميت واعـيه يليــن 4 الفــير

بـس اللي صـدق قـاهـرني آنـي صـآيـر ما اطلـع مع أبـويـه ، تخـيلوا من كذا ويـك إنـد ماطلعـت معـاه
وانا اللي متعوده كل يمعه آظهـر معـآه ، بس هالآيـام مسـتوي يطلع مـع الريـآييل ومايكون فـآضي

فـ آيلس فـ البيـت صدق متـمللـه ، واقـزر وقـتي فـ هالميـدان

يـا آنـي اسـتـآنسـت يوم مـافـاز " الخـآصـوني " ، انـا من أول الميدان وآنـا آشجع مسلم العامري

شـوفوا من جم سنه وكل مره يظهر الثـآني وارد اشجعه ف السنه اللي عـقبهـآ لوول

مرت خـويه تـقول آبـا افـهم شي وآحـد ، أنـتي كيف تشجعـين هال مسلم ، شو اللي فيـه حلـو ؟

قلـت لهـآ : اطآلـع يـولته آنـا ، شو آبـى فـ شكلـه :P
قـالت : انتي وحده من المليون اللي اطالع عـشآن اليـوله

قلـت لهـآ : مايخصني أهـم شي انه مسلم تأهل وهـاك النعـآشه ظهر ><

تميـت قـآعده مع حريم خـوآنـي يليــن الـ 1 بليــل ، وخلآف اتصلـت ختيه ويلسـنآ نسوولف يلين جريب الساعه 2

وعـقب تـيمعـوا خـوآني عندنـآ فالغـرفه ، ومع " حماده " الشيطوون مستوي شيطوون ودلوووع بدرجــه


يلين كل واحد يـآه رقـآد وسـطل وروحـوا غـرفـتهم


على صعيد آخر ، تـرا هالحـرمة وااااااااايد قـآهـرتني ، فـي خآطري أرد عـليهـآ مره يوم تتصل فـ آمـايه


صدق تـقهـر ، ما أدري شـو تتحرا عـمرها ، خقاقـه

كل يوم واتصلت لآمايه ( يحليلـهـا طفرانه منها والسبه انا لوول )


~ تـذكرت أنه ختيه العوده امس اسـتانسـت يوم عطيـتهـآ الهديـه ، كـآن خـآطرهـآ ف عـطر وانا خذت لـهـآ بدون ماتـدري

حسيـتهـآ غيير لوول


وبس !

[قصايد غلا]

^ الحمدلله إنج أهون أحينه

عااااد ودري الدخون و هالسوالف فترة لو سمحتي آنسة مهابة


أووه مهابتي .. انتي أول بنت رايها مثل رايي في المييييييدااااااااان

[مــهــابه]

^
قـصوده :

بـعدني آمس كنـت مدخـنه غرفتي ولحـآفي ( بالدس ) بدون آمايه مـآتجوف

بس والله خلآص بـعد اللي آسـتوى بي بخفف ، لين ما استوي اوكي وعقب برد



قصـوده آنتي صديقـتي لازم رايج بيكون شرآت رايي ( تـرآ أفكارنا بهالآشيـا مشـتركه )

[قصايد غلا]

^ تضرّيييين عمرج و مب مهتمة

تدخنّي بـ العود أحسن لج ، بس مب احييينه ، عقب فترة =)

بس لا تقربين من الدخون والله إنه يهلّك



;) أكيييييد

[بنت الدلع]

الاسبوع الي طاف كان اسبوع درااااسي طويييييل ومتعب



بس عوضت التعب في الويك اند

واهم شي صار ان ماما واختي وبيبي حسن وصلوا بالسلااااااامه

وبااااجر دواااام ولين الحين واااعيه
الله يعيني باجر الصبح

[بنت الدلع]

امسسسس كان يوم التعب العااااالمي
كنت في الجامعه وحاسه بتعب
بس قلت ماعليه بستحمل وبكمل اليوم
على البريك خلااااص انهد حيلي
كان عندي بريك ساعه وحده بس (يادوب آكل لي شي وبعدين اسير اشرح حق وحده درس الماث)
تيلفوني نقع من كثر ماربيعاتي يتصلن
يوم رديت انتيييي وييييينج اتأأأخرتيييي

انا: ادريييي هالاستاااذ هالكناااااا
وااااااااااااااايد يعطيييينا شغل
تمينا بعد الكلاس نشتغل لين ماخصلنا وسلمنا الشغل
اني ويييز خذت لي حبتين بندول وسرت اشرح حق البنت بس طبعا ماخصنا كل شي
وفي الكلاس !!!!
مب قادره ايلس
احس ان مصاريني تتقطع
احسب الدقااااايق اتريا الكلاس يخلص
خلص وكان عندي اخر كلاس الساعه 2 لين 3
ربيعتي قالت لي شكلج تعبان لا تحضرين
قلت برايه دام اني موجوده في الجامعه بحضر
وقلت حق الاستاذ اني بظهر شوي من وقت لاني تعبانه
يلست ثلث ساعه ومنو يقووول اكمل
شليت اغراضي وعلى طول عالسياره
كان الم فظيييييع

اتصلت في اميييه وتميييت اصيح
اميه: !!! باسم الله شو فيج؟؟؟
انا: معدتي تعورنييييي والله مااااقدر ماما ماروم اسوووووق
حاولت اضغط على عمري وسقت من دبي لين الشارجه
بس والله يوم كنت اسوق كنت احس شرات الغشاوه على عيوني
حرارتي اررررتفعت بشكل مب طبيييعي
وتميت ادعي اني اوصل بالسلامه
والحمدالله حسيت ان الله فتح علي الطريق وماكان في زحمه
وصلت وعلى طووووووووول عقيت عمري في الصاله
بعدين شربوني زموتا وسوولي مساج
وموووول ماحسيت بعمري رقدت في الصاله بعباتي حتى، لييين الساعه 6
كان يوم فظيع البارحه

الله لا يبلي حد

[العجيبة]

^ سلاماااااات يا ألبي ... ما تشوفي شررر ....

[رمــش الغـــلا]

^ سلآمات حبيبتي .. بنت الدلع

تيك كير بعمرج .. وما تشوفين شر ان شاء الله :)

[مــهــابه]

مـآتشـوفين شـر بنت الدلع

مأجـوره :)

[بنت الدلع]

aww

فديتكم والله
العجيبة، رمش الغلا، مهابه
مشكورين واايد
الكلمه الحلوه والطيبه وايد تريح النفسيه

[قصايد غلا]

سلاااااااامتج بنت الدلع .. ما تشوفين شــر

[بنت الدلع]

^ الله يسلمج حبيبتي ^_^ الشر ماييج