دير دياري ~ يوميات

[الـيـاه]

اليوم : ليلة السبت
المود : متنرفزه على مبتسمه
الموضوع :

راسي اندق من كثر ما يدقون اليومين اللي طافو فوق حجرتي لوعو بجبدي .. الحمدالله اليوم الجمعة وباجر آخر شغلهم لول
همممم اليوم ما طلعت يحليلي مرتزه فالبيت اهلّي باللي داش واللي خاطف

مبتسمه لاني باجر بسير اجوف الورود
منو ما بيستانس لانه بيسير مكان فيه كل انواع الورود 3> 3>

ومتنرفزه من الي يالسه اجوفه الحين
am watching jumping international de bordeaux
its a strong race *mashalla .. good riders
بسسسسسس متنرفزه من المذيعه الغبيه
she drives me psycho!!!!!!
حتى حاطه على mute
مابا اسمع صوتها ومابا اسمع شو تقول .. اصلن كل اللي تقوله غلط في غلط احس ابا افلعها بالنعال والله!!!!!
تقارن خيل وهو واحد من احسن الخيول حق الريس اللي هو Shutterfly يجنن .. في خيل ثاني عادي
بسج فلسفه :@ لا وتقول هذا الحصان العجوز! محد عجوز الا انتي لووول XP

.
.
.

[تحفه]

الياه: انتي الطيبه كلها *kisses and hUgZ!
وهدي اعصااابج لووووول ماتسوى عليج المذيعه !

[بنت الدلع]

تحفه.. hugggg

---

اليوم: الخميس
المود: كوول
الموضوع:

طبعا كان الويك اند وكلحد مسافر والبيت فاضي
على نهاية اليوم
سرت بيت ربيعتي وكل ربيعاااتها وربيعاااات اختهاااا كانوا هنااااك
اسمييييهم شلوا المكاااان على رووووسهم
مياااانيييييين
حسيت جييييه من زماااان مايلست يلسة بناااات
اشتقت لهاالشي
اني وييييز تميينا نسوولف ونضحك لييين ما اخر شي اونه دشينا في الجد
الموضوع كان وايد كيوت
ربيعتي يالسه تقول كل وحده وكيف بتتعامل مع ريلها في المستقبل لول
قالت عني اني بكون هاديه وياه وكل الامور عاديه وطبيعيه
ويوم ابا اناقشه دبه تمت تمثل
اونه جييه وااايد اتحمس واقول: لا بس تعرف كيف ... الخ
هههه دبه وحده
ويوم اعصب بقول: لا والله! وبطالعه بنظره
ههههههههه اسميها ضحكتني

وبس ردينا البيت

--

اليوم الثاني الي هو الجمعه
كان ونااااسه كل حد ياااا البييييت
اخواني كلهم ونساااايبي واهمممم شي في الموضوع بيبي عبدالله
فدييييييته انااااا
وبعد المغرب ظهرت اونه فالنتااين دي لول ترى مول ميخصه
بس كان وايد كيووووت الشي
وماعرف شو ياني فليل رقدت الساعه 1
وعالساعه 5:53 الفير سمعتهم يصلون
نشيت زقرت بابا وصليت وتميت ارمس مرت اخويا بالمسجات يحليلها خاست في فنزويلا
وبعدين وموووول ماياني رقااااد حاول بدل ابد ماااشي
بعدين ماعرف كيف دخت ورقدت

هيييييه صح نسييييت اقووووول
يوم الخميس ههههههه
انا عادة يوم اييني شد عضلي في ريلي او شي جيه لازم اسوي سترجنق
وقفت شرات اني برفس حد ووووو طااااااااااااااااااااااخ
طحت عالقرانيت وراسي دق في الكبت >.<
اسمي تعووورت

[تحفه]

^لووووول صدق انكم تضحكون p;

--


اليوم عرس (ل) فديت صديقه ايام الطفوله انااااااا 3>

[طير الغرام]

اليوم : السبت
المود :
الموضــوع : فـــ السكـــن الأرف

بيكون أول اسبوع لي بدون ماي بيســت فرينــد
وباجر بيكون أول يوم دوام رسمي وأتريا الويك ايند من الحينه !!

من وصلت السكن لين الحينه حاولت اشغل عمريه بأي شي
عشــــــان ما أحـــــس بالمـــــلل والفـــــراغ والوحــــده !

الصــراحه باجر صـــدق بحـــس بالضيـــج أكثـــر !! مابحصــل حــد ايلــس معـــاه وأسولفلــه عن يومـــي

بس

" تعبــــت أزيـّــف ضحكتـــي لـ المـــلا و الـ قلــوب أســــرار على إنـــي بخيـــر بعيـــن من يجهـــل أحـــزانــي "

فيني طبـــع خايـــس كله روحي وما أتأقلـم وآخــذ راحتيه مع اي حد مادري متى بودر هـ الطبع

"ربي خــــفف مابــي من هـــمّ وأحــــزان
يـــارب ~ العـــرش والأريــــكـ "

[قصايد غلا]

اليوم : الأحد


المود : مستانسة و شوووية متضايجة


الموضوع : يوم الخميس اللي طاف سرت المستشفى الصبح عندي موعد في عيادة الأسنان ، دخلت العيادة ومييييييتة من الزيغة و كل شوية أسأل الدكتورة قبل لا تبدا .. دكتورة ، السالفة فيها ابرة ؟

و هي وغغغغغغغددددددددةةةةةةةةة .. جان تقول لاااااااء ، تبييين ابرة انتي ؟
قلت لها ببراءة : لاا

وحليلي كنت واااايد طيبة وياها و رقيقة ، ما راويتها عنادي و لا كلمتها إلا بهدوووء لأني خايفة "الخوف من شي اسمه مستشفـــى متوارث عندنا لوووول "

المهم
جافت أسناني و جان تقول أففففففف .. أنا زغت .. قلت واااااااابوووويه لا يكووون ضروسي فيهم شي و لا اختربوا .. لالا أنا مسوية تنظيف الشهر اللي طاف و أصلا كل 6 شهور أسوي تنظيف لأني أخاف يستوي بهم شي
كيف بيكون فيهم شي مب زين
تميت أوسوس

قالت : لييييش التبييييييييض ==> و تمد الرمسة

يوم قالت جي تطمّــــــنت .لأن أسناني بخيييييييير =D

قلت لها : دكتورة عشان تكون ابتسامتي حلوة و لأن الله جميل يحب الجمال ==> بكل بهدوء أرمسها والله و أبتسم لها و هيييي منتفخة عافاااااانا الله

جان تقول مرة ثانية : والله أسنانج لونهم حلو طبيعي .. ليش تبين تبيضييين ؟
قلت لها : لأني أشوف إني محتاجة تبييض و بعدين هذا إهتمام مني بأسناني

حسييييييت انها هي اللي بتدفع عني فضل عنهاااااا زطيييييةةةةة

المهم سوت كل شي و حطوا لي الجهاز و كل شي و خلللصت .. يوم خلصت جان تقول : اللـــــــــه كيف استووا .. يلا يلا سيري اشتغلي في التلفزيون أحينه ولاّ مثلي

جان أقول لها بالعمالة .. أناما أميل لشي اسمه اذاعة وتلفزيون "مع انه والله في خاطري "

قالت : والله زين يعني .. تراني ما أتمصخر وجهج سينمائي والله ما امزح ، حلو شغل التلفزيون
قلت في خاطري : سيري اشتغلي انتي

سبالة قهرتنيييييي .. ودي أعطيها كففففففففففف أطيرها من مكانها ، بس ماروم


غريبة حتى أميه ما قالت لها شي .. لكني والله ما بسكت عنهم بشتكي علييييها هي و الدكتورة الثانية
كله جي يسوون بي .. يحسسوني اني مكارة بس جي اي العيادة حق الدلع


صدق مقهووورة منهن


المهم ==> ويا كثر ما كتبت كلمة المهم

أحينه أنا في الجاااامعة ملااانة عندي بريك ساعة
الصبح نرفز بي الشيبة هالدكتور الذكي وايد .. مادري شو بلاه خاف عقله

قام يروغ البنات اليوم بليا سبب و يفاتن و يقول أنا أبدا مب طيب و شرس جدا اذا تغير مزاجي ، قلت حق ربيعتي شو يعني بيتحول سبايدر مان ولا سوبر مان
قالت لي : انطبيييي عن يروغنا انا و انتي

و عقب الكلاس قمت بأدب عطيته ورقة العذر الطبي لني غبت يوم الخميس
جان يقول : ما اقبله إلا اذا كنتي منوّمة في المستشفى

أونه أنا شو ضمّني اذا الطالبة كانت فعلا مريضة ولا طالعة ويا حد ومسكها الشرطي من الجامعة ==> والله مب صاااااحي

بس ما سكت عنه .. شو هالأسلوووووب

قلت له : دكتور .. على فكرة الانسان ينعرف من شكله و أخلاقه و سلوكياته و سجله الدراسي و روّحت عنه

جان يتم يرمسني .. أونه لالالا انا براعيج أخلاقيــا بس ذكريني عقب فترة =)


و بسسسس خلاص بسير أحينه بيبدا كلاسي

[جنون امرأة]

الاحد

الساعه : 9 ونص المسا


سرت الجامعه و رديت .. ملل .. ما طلعت مكان

[الجنيه]

اليوم : الاحد
الساعه 11:23
المود : مكتأبه درجه اولى

طبعا باس حق الجامعه واكبر طاف ببساطه وعندي تبلد مشاعر واحاسيس من الدرجه الاولى زعلانه وضاربه بوز واعلنت الاضراب لين يوافقون على طلباتي ف البيت *-*

[عنــود المهـا]

الجنيه
مع اني ماعرفج
لكن كسرتي خاطريه والله
خلاص بنعتكف نحن اعضاء المنتدى وبندعيلج
وان شالله ما يصير الا اللي تبينه
تستاهلين كل الخير

.

اليوم : الاحد
المود : اوكي
الموضوع :

يالسه اسمع اغنيه عراقيه معلجه عليها اليوم
وخواتي منقهرات منها << ياخي عايبتني كيفي

المهم عاد تيمون بيتنا هي اللي منقهره اكثر
جان تقولي ما حيدج شيعيه والا حبيتي واحد شيعي من ورانا
عاد آنا خلاص من سمعتها تقول جي
اجلبت م الضحك مارمت اسكت

والحين كل ماذكر اسلوبها فـ الرمسه اضحك

والله مشكله اليهال يوم مايقدرون الفن والفنانين والكلمات

[بنت الدلع]

قصايد غلا
هذا بأي حق جيه يقول؟!

--

اليوم: الأحد
المود: رقااااااد

طبعا بعد مارديت من الجامعه
اونه من البارحه انا وربيعتي متفقين نسير الكوفي عالساعه 3 ونص لانه ماشي زحمة
اني ويييز مادري شو طلع عندها كويز وغيره فما سرنا
رديت البيت وفيني رقاااااااد like hellll قلت مابرقد
وتميت جيه لين ما اخر شي مليت وسرت بس جيه حاطه راسي عالمخده
والستاره مفتوحه والباب مشرّع
عشان ما اييني رقاد

ستيييج ون: بابا شافني جيه متخدره غمضته سكر الستاره ولايم الباب وظهر
ستيييج تو: شميييت ريحت الدخوون
جان ازقر نونو "الخدامه" قلت لها تعالي بخري غرفتي (ماكان دخون كان لبان او شب ماعرف شو تسمونه)
ستييييج 3: سمعت أذان المغرب وقلت الحين بنش
والللللله يااااخذ الشييييطاااان
بعد دقييقتييين صدق صدق سطلت
وجاااان اتلحف وماحسيت بالدنيااا

الساعه 7 رن التيلفوون
نشيت شفت مس كول من رقم غريب
اتصلت

فلانه: ألو
انا: مرحبا
فلانه: اهلييين شحالج؟
انا: بخير !!
فلانه: سوري على الازعاج بس كنت متصله ... الخ
انا: منو وياي ماعرفتج؟؟

فلانه: انا شمه


انا: منو شمه؟
فلانه: شمه الي كنت وياج في الـ environment

انا:
مممم

اوووووووووه شمووووووه !!!!!
حياااااااتي شحااااالج ... الخ

احم سوري والله مغيره التيلفون واغلب الارقام انمسحت + شوي مغفيه

---
اخسسس شي يوم جيييه يستوي لي احراااج

[قصايد غلا]

^ والله مادري يا بنت الدلع .. أبويه و أميه موووول ما عيبتهم رمسته

أسلوبه وايد باااااااايخ ، ما عنده شي غير انه يهددنا بلسانه السليط على قولته


الله يعيييييييينج .. أنا جي يستوي بي دوووم أفتضح لووول

أنا أضطر أرد على الأرقام الغريبة بسبة هالسالفة

ولا أحلى شي يوم اعرف ويه الانسانة بس ما اعرف اسمها فــ أقول لها أووه انتي امممم اممممم يا ربيه ناسييييييية اسمج

[طير الغرام]

اليوم : الأحد
المود :
الموضوع :

اليوم داومت شرى العالم والناس
بس ردينـــا لـ هــم البيشنـــــت افففف من وين احنا بنات السكن الفقارى انحصــل مرضى !
يعني بتم دوم أييب بشكارتنا ويضربون خط وأمايه تي معاها تعب عليهم !!

المهم يلست اليوم بطاليه بس اتريا يمر نص الوقت بس ربعي غمضوني كان عندهم بيشنت يلست أترياهم لين ماخلصوا
وعقب كان عندي كلاس متأخر اشوي ع الساعه ٥ لين ٦ ونص وانا فيني ارقــــاااااد والدكتور اييب الرقــاد
ولين الحينه امقاومه أحس راسي بينفجر جيه مره وحده صدعـــت

إن شاءالله باجر يكون آحسن عن اليوم

تصبحــون ع خيـــــر

[شمعة أمل]

لااااااااا كتبت رد شو طوله وانمسحححححححح

[مــهــابه]

اليـوم :


الآثـنين


الـمزاج :

حــزينه


الـمـوضوع :


~ طبعـاً الآنـسه مهـآبـه وايـد شطوره وجـداَ محافظه عـ القـوآنـين ..

كنـت مداومه من 11 لـ 3 وحآسه بكسل مش طبيعي ، يييت بنآم جآن يرن فـوني ونشيت

عـآد آنـا يوم حد يخَـرب عليَه رقـآدي خلآص ، المود عـندي يـكون مب شي وآتـم طول الوقـت سآكته

تـميت جييه سآعه ع الشبريه وحطيت فوني سآيلـنت ( آبـا آريح بدون آزعـآج ولآشيآته )

عقب نشيييت سبحت وصليت المغـرب

وقلـت لعمريه ليش ما ارتـب الغـرفه بمآ اني فآضيه

قـمت وكنـست الغـرفه ، ورتـبت شبريـتي ، وقلت بحط ( فحـم )

طبعـآ الفحم عـندنـآ ممـنوع ، وموقعـين ع هالشي ، وجـآن جكـونـآ تـستوي سـآلفه والحـآل لله


الـمهم دخنـت ملآبسي وكَـبتي ، وخلآف دخنـت الكـvــر ومن بعد اللحآف دخنت غرفت صديقآتي وجيييه

المهم

انـا الذكيه حطيت المدخن ورا البـآب وروحت اسولف عند صديقآتي ، يـت المشرفـه تيلس جآن تشوفه فـ غرفـتني

ويـتني ، واحتشرت عليه لوول ، انا ما احب حد يحتشر عليَـه على الرغم من اني غلطآنه

بس والله مب حآله

احنـا فـ سجن ولا شو ؟

ان الله جميل يحب الجمال ، يعني لازم تكون ريحـة الغـرفه حلوه عسب نعرف نيلس وندرس ونرقد


الـمهم قآلـت لي بوقـعج عـ انذار

قـلت لـهـا : نـعم ؟ إنـذار ؟

بنشـوف منوه اللي بيـوقع عـ انذار ، انـتي تدرين اني مب أول وحده ولا اخر وحده تسويهـآ

قآلت : انا جكيتج انتي والله

قلـت لهـآ : مـآبـآ أوقع

قآلـت لي : بنجووف

قلـت لـهـآ : اوك

~ عـاد الحين خلهـآ تقول لي شي ، والله بـخبر أبويه عليهآ لوول ( يحسسونآ آحنـا ف روضه ) اففف

صـدق يقهرون

~ وتـقول مابـاج اتمين بروحج ، دوريلج وحده تـسكن ويـآج ، قلـت لهـآ : انـا مــاعرف حـد

حـآطه عـليه اليوم ، بس طـآف والله

عـكرت مـزاجي

[بنت الدلع]

رمش الغلا
لووول انا يوم اشوف وحده وانسى اسمها مستحيييل جيه اقولها
عادي يوم اسلم اقولها اهلييين شحالج يا حلوه؟
لول وهيه طبعا تتحرى اني بعدني اذكرها واذكر اسمها

طير
انتي تدرسين طب عام ولا طب اسنان؟؟

====

اليوم كان يوم واااااايد حللوووو
وااااايد فاميلي ديييي "الله يحفظ هلي"
كنا ظاهرين انا واخوي واختي
واسميييه ظحححك ومغااامرااااات واكشناااات
وخذانا بالنيسان ومنزل الدرايش ويسسسررع والهواااااا يا الله جنه في البر
اونه احلى عسب تحسون انكم في السياره لول

+ وايد سوينا زيارات عائليه الضحى كل زياره مال 10 دقايق
ومرينا المستشفى عند ولد خالي مسويله عمليه
وشفنا حرمته الثانيه لول كان موقف غبي
اونه اختي مابسلم عليها
انا: انزين هو تزوجها هي شو مشكلتها مسكينه سلمي
اختي: الا سجينه. ههههههههه

انزيييين وبعدين مرينا بيت خالوه "ربيعت ماما"
وشفت حمدووووووووه العنننننننز
من قروووووووون ماشفتهااااااا
كبرت الدبه واحلوت ماشالله
وبعدين مرينا بيت اخويا
وشفت بيييبي عبدالله
وعمار السخيف: انتي ليش يايه بيتنا!!
صدق ماااا تستحييي على ويهك
بعدين اتأدب ويا حضني وباسني
مع الكشه الي فوق راسه لول

وبعدين استوى لي شي بس خلاص its over
صح كنت مضايقه وايد
بس الحمدالله مابعترض على شي
يمكن هالشي أخير
والله يعوضني خير عن الي فقدته

والحيييين موول مالي بااارض ومب متفيجه وماراجعت دروسي >.<
مب متفيجه حق الجامعه
مع اني شوي حابتنها هالسمستر + كللللل ربييييعاااااااااااتي حااااسديييني على جدولييييي دببببه