دير دياري ~ يوميات

[قصايد غلا]

تحّوووفة انتي الكيوت حبيبتي

إن شا الله دوم أغير نفسيتج للأحسن


اللــــــــــه أنا في خاطري أسير بوظبــــــــــــــي

[جنون امرأة]

جنون امرأه : الحمدلله وايد استانست لج .. Be cool! ;)
مجموووووعه ماااااشاء الله شو انته من كل انحاء الاماراااات؟
فالبدايه كنت اتحراك من العين بعدين اكتشفت انك من راك بس تدرس فالعين وتروح فالاجازات بوظبيييي .. والحين تقولي عرس اهلك في عيمااااان .. خلاص بسمييييييك انترناشنل انسان هيهيهيهي

تحفه ..
عادي لا تستغربين من مجموعة انسان .. لان أبو بنتي.. جوازه بوظبي و هو مواليد دبي و ساكن ف عيمان و عندهم بيت ثاني ف بوظبي و يشتغل ف دبي و حرمته ((احم)) جوازها الشارجة و بنته مواليد الفجيرة و خواته ف دبي .. لا تفكرين وايد مخج بيعورج

[مجموعة إنسان]

انترناشيونال بالقو بعد
بس الحييين مستقر في بوظبي
حتى راك من 3 شهور ما رحت !!

[قصايد غلا]

اليوم : الأثنين

المود : مستانسة شوية لأني في إجازة بعدني + ومتكدرة من ناس و من اللي يستوي حولي


الموضوع : مادري ليش أقاوم الرقاد أنا ، أمس رقدت و أنا مجابلة التلفزيون
كنت أنود لكن إلاّ أطاااااااالع المسلسل

الصبح أميه وعّتني عشان أييب نظارتي الشمسية ، اليوم بتوصل =D

سرت يبتها و مريت ستاربكس

جان يقول لي الريال : ليش متضايجة ؟
صخّيت عنه
قال : الناس يلبسون النظارة الشمسية عشان ما يبان عليهم إنهم متضايجين أو معصبين ، لكن انتي لابسة نظارة و يبيّن عليج
أول ابتسمي وعقب ابا اعرف شو تبين
ويا ويهه لعوزني

كنت بقول له : ما يخصك انته
عقب قلت: لالا عيــب ، هذا يزاه؟
وعقب قلت : وحليله فقير ما يباني أتكدر الدنيا ما تسوى لوووول

[مزن هتان]

الاحد
عرس شمسه

طلعت يلست صوب كراسي الاستقبال بعيييييد عن الحريم
و امي تأشر لي شفيج و انا منزله راسي
تعودت كل أعراسنا طول الوقت معاها تسحبني وراها وين تسير البارح كنت لحالي
فتحت باب الغرفه شوي شوي طليت
ظهرت بويهي تتصور جايه اشرد شفت دشداشه عـ بالي اخوها سحبوني داخل
كان خالي العود جاي لأجل يزفها مزن تعاي تصوري معانا
كنت اتحاشى اشوفها بصييييح تصورنا عقب قالت لي تعاي نتصورانا و انتي لحالنا
تصورنا و قفت عـ ينب تكلمني و انا معطتنها ظهري
آخر شي قالت مزن اريد اكل من اللي تاكلينه يوم صديت صوبها سكتت
حسيت بغصه


أكره طاري الزواج

[ذنـيـنـي]

تحفه ..
عادي لا تستغربين من مجموعة انسان .. لان أبو بنتي.. جوازه بوظبي و هو مواليد دبي و ساكن ف عيمان و عندهم بيت ثاني ف بوظبي و يشتغل ف دبي و حرمته ((احم)) جوازها الشارجة و بنته مواليد الفجيرة و خواته ف دبي .. لا تفكرين وايد مخج بيعورج

لول

انا من عيمان
و من مواليد دبي و أداوم فيها
و جوازي من بوظبي
و الوالدة من الشارجة و بيتنا اليديد فيها
و ليسني من راس الخيمة

الحين شكلي بدورلي حرمتين

وحده من ام القيوين و وحده من الفجيرة و بكون مريت على كل الامارات لول

===================



المزاج: راااااااااااااااااايق

توني ماكل فتوش الي طلبته من مرت اخويه من اربع ايام و اليوم تفيجت تسويلي اياه
بس طلع الاكل من عقب المذلة له مزه لول
اليوم ناوي اسير السينما و اشوف فلم هتلر
و بما اني من المعجبين بـ هتلر فـ هالفلم ما يتفوت بالنسبة لي " لا يسير بالكم بعيد،، تراني مش معجب بأفكاره، لكني اعتبره احد اعظم رجال القرن الماضي "

[طير الغرام]

اليـوم : الاثنين
المـود : اممم يعني اشوي Bad

الموضــوع : ToDaY is MY BirthDaY

من أمس المـود معتفس مادري شو ياني مره وحده ،، جسميه يعورني وميييييته برد !
لابسه قميص وفوقه جاكيتين ومتلحفه بـ إلحافين وتميت منسدحه من العصر لين العشا بس أقوم أصلي وأرد أنسدح
تعبت نفسياً كنت امخططه اسوي أشيا عشان يوم ميلادي !!

أمايه كان عندها حريم ،، ماحست فيني اني طول الوقت فـ الحجره ،، يوم يتني وسألتني بلاج
تميت أصيح من التعب ،، لـ درجة إنيه متعايزه أروح العياده !

ورقاد شرى العالم والناس مارقدت ،، رقدت جيه مال ساعتين وقمت 4 تميت واعيه لين 8 >> شي هب طبيعي وفـ نفس الوقت فيني صيحه
كل حد يتمنى انه يوم ميلاده يكون Perfect

ع العموم المسجات اللي وصلتني غيرت المود اشوي




والحمدالله اليوم أحسن عن أمس
وبحاول أستغل الوقت اللي بقـى من يومي

[قصايد غلا]

كـــل عاااام و انتي بـــخــــــير طير الغراااام

[رمــش الغـــلا]

كل عام وانتي بخييييييييييييييييييييييي يييييير حبيبتي ^__^

وما تشوفين شر ")

[تحفه]

اليـوم : الاثنين
المـود : اممم يعني اشوي Bad

الموضــوع : ToDaY is MY BirthDaY

من أمس المـود معتفس مادري شو ياني مره وحده ،، جسميه يعورني وميييييته برد !
لابسه قميص وفوقه جاكيتين ومتلحفه بـ إلحافين وتميت منسدحه من العصر لين العشا بس أقوم أصلي وأرد أنسدح
تعبت نفسياً كنت امخططه اسوي أشيا عشان يوم ميلادي !!

أمايه كان عندها حريم ،، ماحست فيني اني طول الوقت فـ الحجره ،، يوم يتني وسألتني بلاج
تميت أصيح من التعب ،، لـ درجة إنيه متعايزه أروح العياده !

ورقاد شرى العالم والناس مارقدت ،، رقدت جيه مال ساعتين وقمت 4 تميت واعيه لين 8 >> شي هب طبيعي وفـ نفس الوقت فيني صيحه
كل حد يتمنى انه يوم ميلاده يكون Perfect

ع العموم المسجات اللي وصلتني غيرت المود اشوي




والحمدالله اليوم أحسن عن أمس
وبحاول أستغل الوقت اللي بقـى من يومي

اوووووووه ككككككلللل عاااااااام وانتتتتييييي بخيييييير وصحه وسلااااااامه و سعااااده وكل شيييي
ماكنت اعرف انج من برج الجدي كله عبالي انج من برج الدلووو .

لول

انا من عيمان
و من مواليد دبي و أداوم فيها
و جوازي من بوظبي
و الوالدة من الشارجة و بيتنا اليديد فيها
و ليسني من راس الخيمة

الحين شكلي بدورلي حرمتين

وحده من ام القيوين و وحده من الفجيرة و بكون مريت على كل الامارات لول

===================



المزاج: راااااااااااااااااايق

توني ماكل فتوش الي طلبته من مرت اخويه من اربع ايام و اليوم تفيجت تسويلي اياه
بس طلع الاكل من عقب المذلة له مزه لول
[/SIZE]

ماشااااااء اللللللله انته بعععععد!

انا صح اني من الامارات بس ما عرف في الامارات غير بوظبي ودبي او بالاحرى بوظبي وبر دبي

لو تعرف من بدا البرد ونا كل يوم اقول حق البشكاره سويلنا علغدا فتوش وتبوله .. احس مسوتنلها كابوس يومي لووول

بس امس سرت القريه الهنديه اشتريت الي يقطعون فيه طماط و بصل وكلشي ... وايد حلوو يبيلكم تشتري ثلاث اشيا بارخص من خمسين ربيه D:

تحّوووفة انتي الكيوت حبيبتي

إن شا الله دوم أغير نفسيتج للأحسن


اللــــــــــه أنا في خاطري أسير بوظبــــــــــــــي

فديييتج والله انتي الطيب كله

يوم بتروحين بوظبيي قوليليييي ill tag along hehehe بوظبي واايد حلوه .. بتحبينها وايد ;)

تحفه ..
عادي لا تستغربين من مجموعة انسان .. لان أبو بنتي.. جوازه بوظبي و هو مواليد دبي و ساكن ف عيمان و عندهم بيت ثاني ف بوظبي و يشتغل ف دبي و حرمته ((احم)) جوازها الشارجة و بنته مواليد الفجيرة و خواته ف دبي .. لا تفكرين وايد مخج بيعورج

ليكون انتي تجربين حق ذنينييييي لووووول

انترناشيونال بالقو بعد
بس الحييين مستقر في بوظبي
حتى راك من 3 شهور ما رحت !!

انته صدق انترناشنل انسان لايق عليك الاسم ماخبرتنا شو قصه حياتك share with us!!!

[طير الغرام]

قصايد غلا

وإنتي بألف خيــر ^_^

:

رمــش الغــلا

وإنتي بألف خيــر ،، تسلمين والله
والشــر ما اييــج سيس

:

تحفــه

وإنتي بألف خيــر سيس
وبالعكــس أنا من برج الدلو هب الجدي !

[حلم الطفوله]

كل عاااااااااااام وإنتي بخير طير الغرام ...

وشخبار صحتج الحين ؟

[طير الغرام]

^

وإنتي بألف خير ياختيـه
والحمدالله أنا الحينـه أحسـن بـ وايد

[جنون امرأة]

تحفه .. انا ما احبببببببب بوظبي احسبها بعيييييييييييييييده

بس امسات سرت بوظبي مول و ما بغيت اطلع ^.^

[مــهــابه]

اليوم :


السبـت



المزاج :

ملـخبط نوعـاً مـا ، فــرحانه عـلى حزيــنه


الموضوع :


~ أختي وحبيبتي وكاتمة أسراري بـتعـَرس عـني . .


كثــر ما انا فـرحانه لـهـا ، كثـر مب حـزينه عـ فـرآقهـا


كل ما أمسك الشنط وياها نرتبهـا ، اطيح دمـوعي لآ إرادي ..

بس هذي سنه الحياه ، ومصير كل بنت تروح عند ريلها وتبدأ حياه يديده ..

يقـولكم صرت أشتاق لـ يلسه البيت من نظهر من الضحى والله ما نرجع غير بليل

صدق صدق كرفـت فهالاجازه ، موووووووووووول ما تفيجت لشي ، يعني عادي ابويه ماشوفه 3 أيام ورا بعض

والسبه هالمشاوير

أقول لآختيه خلاص اليوم [ أسدل السـتار ]


الحلقه الأخيره . . .


~ هـمسه :


خذهـا [ آمانـه ] يــاحفيظ الآمـانات . .
آغـلى الغـوالي فـي يمينك آمانه ..
آتـصونها صون الكرآم العـفيفــات
ولـهـا بقلبك قبل بيـتك مكـآنه . . .

التفآصيل بعد العرس ، اليوم ان شاء الله ، بس انا احس انه في ضباب فوق عيوني
حاطين لي هالرموش وقاصين عليه ، اقولها مايحتاي انزين ، والله ما اشوف عدل ، احس جنه غبار فوق عيوني




~ اهل الواحات مـهـابه آشتاقـت لكم واااااااااااااااااااايد