اليوم : الجمعة
المود : حزينة
الموضوع : غزّة
أحس إني في عزا .. مهمومة متضايجة مكتئبة
بسنا و نحن نشوف الشيبة و العيوز دموعهم على خدهم
بسنا ونحن نشوف الياهل محروم من أمه و أبوه
شو هالحال اللي وصلنا له ؟
هنه نحن نحتفل بولادة الطفل بالأغاني و التوزيعات و الهدايا و العزايم و في غزة الطفل ينولد و يحتلفون به بالقنابل و ينجتل أبوه ولا تنجتل أمه
هنه يصيح الياهل من كثر الدلع و هناك يصيح بسبة الخوف
لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}
^
~ حاسه فـيج ، آنـا هاك اليوم عفـت الغـدآ ، يوم شفـت هآك الريال المتـفحم واللي كان رآفع صبعه متشهد
الله رزقـه حسن الخآتمه ، بس والله قصودتي مارمت آتحمل ، دموعي طآحت لآ إرادي ، والله حرام :(
~ اليـوم :
آخـر آيـام الآسبوع
المزاج :
~ مش ولا بـد
الموضوع :
~ بـاجر أخـر فـاينل إن شاء الله وبخـَلص ، بس بـتم آحاتي النتايج
، وبرد آلعب مع كتآكيتي إن شاء الله ( ولـهت عـ خبـآلـهم )
آمس متصله لآمـايه تـقول : البيـت بدونـج مب حلـو ، مب حَـشره
قلت لـهـآ : ماعـليه آمايه الحين آنـا حشره ؟ برآيج يسد آنه آبويه يقـول آني آعـقل خـوآتي
تـمت تضحك عـليَه ، تـقول آنتي ماتودرين عـنج هالسـوآلف . . .
~ فـ آخر هالشهر آتـريـا منـآسبه حلــوه إن شاء الله ، بس آن شاء الله آتــم عـ خير
مؤمنه بّ / آن اللہَ سيمنحني أجمل مَمآ آريد ♥'
يعني أنا الوحيده اللى بخلص يوم الثلاثا
عندي امتحان وايد زايغه منه
و من اليوم بديت أذاكر بس مب رايمه أخلص الجزء اللى حددته
كل شوي أظهر لي شغله عن أذاكر
No matter what they tell us
No matter what they do
No matter what they teach us
what we believe is
[TRUE]
:
قصودتي ..
والله صج اللي نجوفه ونسمعه شي يقطع القلب ..
أنا خلاص قمت أحاول أتفادا أجوف صورهم .. وأجوف الأخبار ..
قلبي يعووووووووووووورني عليهم ..
واحس انه ما أقدر أسوي لهم شي ..
يارب انه تنفج كربتهم ..
والله يعيييييييييييييينهم على مصابهم ..
والله يرحم شهداؤهم ..
:
توني راده من عرس ربيعتي ..
فديييييييييييييييتها كانت عسل
الله يوفقها ويتمم لها على خير ..
:
فديييييييييييييييت ربيعاتي ..
والله يتني غصه يوم جفتهم ..
مب جايفتنهم من أيام المدرسه ..
فدييييييييييييييييييييتهم ياربي ..
يلسنا ناخذ علوم بعض ..
وعلوم البنات ..
اللي عرست .. واللي ربت .. واللي تطلقت .. واللي متنت ..
والله افتقدت أيام المدرسه وايد ..
Fdaitkm L6of .. Hudoh .. Layloh .. Hiba .. mrawy ..
shltna el7lwwwwwwaaaah o 5balna !
miss u @ll
اليوم : السـبت
المود : عادي
الموضوع
البارحة استوالي موقف فظييييييييع ومحرررررررررررج .......
كنت سايرة الكافتيريا في الليـل .... وتوني باخذ الطلبية مالي جان اييون بنتين وحدة منهم تسلم علي وحالتها حالة ... وانا مستغربة ... اقول شكلها البنت مغلطة او مشبهة فيني !!
جان تقول انا بنت عم فلانه .... انتي ما تذكريني بس انا تذكرتج بس شو اسمج ؟
قلت لها هااا ! فلانه ... هيه انا اسمي *** وانتي شو اسمج ؟
قالتلي انا فلانه وهاي فلانه اخت فلانه ......!!!!
عاااااااد انا دوروااا مخي في هذاك الوقت ... قلتلها : هيييه ما شاء الله هاي فلانة دوم نسمع عنها واختها ترمس عنها ... والله فرصة سعيدة نشوفج ....
اممم يـت وقالت لي : وكيف الامتحانات وياكم ؟ عسى زينة ؟
قلتلها الحمدلله الامور طيبة ....... جان اقولها : اممم انتوا اكيد مخلصين امتحانات ...
قالت لي هييه .... رديت على اخت فلانة وقلتلها : وانتي ليفيلات اكييد بعد خلصتي ... كيف النتيجة ؟!
اشوفهن استغربن ... ويطالعن بعض .... بعدين قالت ايوا مخلصة ... ايوا ايوا انا ليفيلات !!!
آخــرررررر الفلم : طلعن البنتين اصلا مب من الجامعة !!!!! وييييييين ويهـــــــــــي اناااا آآآآآآآخ ....
ما ادري شو راحوا يقولون عني ... خخخخ
عالعموم باقي اقل من نص ساعة وبكون في قاعة الامتحان .....
وانا ارييييييد ارد البيت وراعي الباص يقول بيرجع يوم الاثنين او الثلاثاء !!!! يعني بيقصر الاسبوع :(
إن الفقيه هو الفقيه بفعله ليس الفقيه بنطقه ومقالهوكذا الرئيس هو الرئيس بخلقه ليس الرئيس بقومه ورجالهوكذا الغني هو الغني بحاله ليس الغني بملكه وبماله
اليوم : السبت
المزاج : مش و لا بد
الموضوع
البارحه من الضيجه و كابوس يوم 09 - 01 نمت 8 و شوي نشيت
12 شبعانه رقاد و حاسه بـ ألم في كليتي نص ساعه رديت
رقدت نشيت 6 و رديت 6 و نص رقدت نشيت 7 و نص
و رديت رقدت نشيت 8 و نص و الحين بعد نعسانه
يوم أكون ضايجه احس بخمول و ارقد وايد
اليوم العصر بروح بضيّع عمري في مكان ابي ادله
اكره عمري يوم ابي اروح مكان و انا ما ادله، الاسبوع اللي فات
3 ايام و را بعض اروح مكان في ديره ادور على شي
اوصل ليييين المكان والله ما القاه ثالث يوم عاد ما قدرت ايود
نفسي صحت و رديت البيت و حتى عفت الشي اللي كنت ابيه
من المكان
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم : السبت
المزاج : عادي مع شوية ضيجه
الموضوع :
اليوم طلعنا آنا وماي كوزن كنا بنتغدا برع
المهم اتصلتبي الصبح كـ عادتها البطاليه وحشرتني لين رديت عليها
وقالتلي بنسير السوق وبنتغدا وبنرجع
عاد آنا من اسمع طاري السوق يطير مني الرقاد دايركت
<< وتوقع الكل مثل حالتيه
المهم مرت عليه وسرنا
طبعآ اول وجهه من دخلنا الستي كانت للباسكن
وخذنا ثيك شيك بالكارمل و الجاكلت
وكملنا عقبها جولتنا التسوقيه
ومن خلصنا سرنا بنتغدا
وهنييه صارت السالفه
آنا سايره و فـ خاطريه اتغدا من شيليز
ولا اريد حد يعاذلنيه لأنه فـ خاطري
ونحن سايرين جدى شيليز زختنا الفلبينيه اللي توقف دوم عند مطعم ماعرف
شسمه لأني ما حب اكلهم ف من جي مب حافظتنه
المهم الا ادخلنا نتغدا عندهم
فـ كنزتي الخديه دخلت وآنا اتوهقت ودخلت وراها
وجان نيلس ويابولنا المينيو
عاد منو يقول آنا اسكت وقعدت اتحرطم
وهي يالسه تضحك
مع انها تعرف اني ماحب هـ المعطم
وبعدين آنا خاطريه ف شي ولازم آكله
ونحن يالسات نتناقش طبعن ،، القرسون كل شوي ايي يشوفنا شو
بنطلب ونحن نقوله اصبر بعدنا
ومن سار عنا
قالتلي شي حل واحد وهو الشرده لكن بدون ماتشوفنا الفلبينيه
عاد آنا كنت اراقب الوضع لأني كنت مجابله الباب ومن شفتها محد
جان ألبق عليــه واشرد جني حراميه
وشويه اشوف ماي كوزن ورايه
تسب وغيره وطبعآ آنا متشققه لأني افتكيت من المطعم الخايس
وسرت شيليز
المهم ماي كوزن قعدت مشتبه ومحرجه من حركتيه
لكن خلاف رضت
وماخلت شي ماطلبته ودفعتني
مع انها هي المتصله وعازمتني من البدايه
لكن بالعافيه عليها فديتها
بس صدق من اطلع وياها استانس وضحكت ضحك من خاطريه
اليوم : الأحد
المود : مستانسة الحمدلله
الموضوع :
أمس العصر اخترب لابتوبي و خرف .. كنت اسمع أغنية حلوة تعدل المزاج لكن فجأة اسودّت الشاشة جدامي و طلعن لي نقط ملونة و ما طاع يبند
و أنا أصلاً أعاف الشي اذا اخترب وايد و أكرهه لأني وااايد أحافظ على أغراضي و ليش يخترب دام اني محافظة عليه
و أحين أشوفه اعتدل و يالسة أستخدمه ، بس بودّييييييه يعني بودّيه عن يرد يخرف
بس فضيحة أنا قلت حق الريال انه مول ما يشتغل ==> بيقول هاي صق جذابة
اليوم نشيت الساعه 11 الضحى .. قلت بتصل بأميه عشان أجوفها إذا في البيت ولا لا لأني أحيدها أمس تعبانة و راسها يعوّرها من أصبحت فديتها و تمييييييييت طول الوقت أحاتيها مع انه بس ويع راس لكن تبقى أمــــيــــه ، واااااااااايد أخاف عليها والله
عقب رقدت و أنا مب حاسة و نشيت على أذان الظهر و أبويه غصّص عليــّــهو تم يلعوزني و يقول لي : قومي جوفي شو يبت لج ، جوفي حصلت شهاداتج من يوم انتي في الكي جي و حيولج و جاكيتج مال المطر ......إلخ من الخرابيط
جان أقول له عقهم في الزبالة و خلني أرقـــــــد باباااااااااااااااااااااا، بس منو يقول انه بيودرني
وعّاني و صدق استانست يوم شفت شهاداتي، قلت بدسهم عشان أراويهم عيالي في المستقبل
جان اييلس يستهبل و يقول هالجاكيت عطيه بنت خالوه الصغيرونة ، جان أحرررررج ، قلت له لاااااااااااء خل تغسله البشكارة و برد أدسه
اكتشفت إني زطيّــــــــــــة .. لا يمكن أعطي حد شي من أغراضي
بشتري لهم مثله لكن لا يمكن أعطي حد شي مالي
و بس هذا كل شي لين أحينه
بس عقب شويه بسير أشتري قفّازات و شال و كل شي عشان أتدّفا لأني البارحة حلفت اشتري هالسوالف بسبة البررررررررد
صدق تيمّدت البارحة
لي قــ
اليوم : الاحد
المزاج : مقهوره
الموضوع
عدنا موظف شرد، من استلم جوازه و الهرم ما نعرف علومه
اسبوع و هو يحن على راسي (استازه) مزن الله يوفقأك حاكي
للأستاز ... ما تنسي متكل على الله و عليكي
و من حجي اللبنانيين حسبي الله عـ بليسه
طاح و يهي من اصبح الين امسي و انا طاقه الويهه شلاله عند المدير
أسبوع كامل بس عشان يوقع على الورقه لأجل يستلم جوازه
و اليوم رحت عند المدير أكو موظف ثاني يريد جوازه جان يقولي مزن
لا يكون ذي راح يشرد زي فلان و انا جيه استوى ويهي
اويه كيف شرد !! زاده ذاك اليوم يوم ادق له يسد الخط بويهي عقب عطاني مغلق
حسبي الله عليك يا .....
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم
::
الثلاثا
/
المزاج
::
حزينه
\
الموضوع
::
اليوم سفرة اخويه لـ بريطانيا عسب يكمل دراسته..
طبعآ طول الليل ما رقدنا يالسين نفكر بـ لحظه وداعه
يت اللحظه
وياني بسلم عليه شافنيراقده م التعب
وعاني بصوت مخنوق هبابه ينسمع
آنا قمت ويلست ،، لكن عيوني مب راضيه تتبطل
لأني كنت راقده و آنا اصيح
المهم قعدت اطالعه
جان يقولي يلاا آنا ساير
وسكت عني ،، ولا آنا بعد رمست
لأني اذا رمست بصيح وادريبه مايتحمل هـ المواقف
مد ايده
/
ومديت ايدي
\
وحسيت روحي طلعت ..
خلاني ،، وطلع وسكر الباب
قلت فـ خاطريه الله يحفظك وتروح وترجع بـ السلامه
نزلت دمعتيه
وماظن انها تنشف اليوم
كل شي بذكرني به
::
الوالد ،، الوالده ،، يمعة خواتي ،، حماده وهو يالس فـ الميلس ويترياه ،،
حتى لاب توبي محد بيضاربني عليه !!
الكل مب متخيلين البيت من دونه ودون مصخرته ولعبه وسوالفه
لكن الله يصبرنا لـ موعد نزلته الياي ان شالله
همسه
عيسى .. ان شالله الله يقدرك ويصبرك ع الغربه وينجحك
وترجع بـ الشهادهوانته رافع راس بلادنـا وابويه
عنود المها :فديتج لا تزعليييييين ، صح صعب على الواحد يفارق أخوانه بس هو بيرد بإذن الله و بتستانسون بردته لأنه ساير يدرس
حتى هو صدقيني ما ودّه يسير عنكم بس هذا مستقبله .. و الخيرة في ما اختارها الله يعني أكيييد بيكون مستقبله أحسن دامه يدرس برع
و الأيام إن شا الله بتطوف بسرعة و بيرد لكم بس انتي لا تتضايجيييين
لي قــ
^^ ان شاء الله يرد لكم و يرفع راسكم
=====
اليوم : الثلاثا
المزاج : الحمدلله مرتاحه
الموضوع : اتمنى أحقق شي ابـ مجال العمل التطوعي
مريم اليماحي، ما شاء الله عليها متطوعه لـ 34 جهه عقبالي يارب
هذي مقال عن الأخت مريم اليماحي ابـ ملحق الشباب لـ جريدة البيان
و انا وحده اتشرف اني في يوم كنت وياها في أحدى المشاركات التطوعيه
ربي يحقق لها مرادها و احقق انا كمان شيء ابـ مجال العمل التطوعي
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
قصووده ،، مزن
::
تسلمولي فديتكن
والله ونستنيه وقفتكن :*
وأخييييييييراااااا خلصصصت امتحاااانااااتي وافتكيييييييييييك
من يومين كان عندي ثلاث امتحانات فاينلز في يوم وااااحد !!!
ومن بين كل امتحان بس بريك نص ساااعه
ماتتخيلووون كيييف صااار مخي
رديت البيت خلاااص نفسيتي تعبااااانه ومخييي مشووووط
قلت لهم مابيلس في البلاد دقيقه وحده في الاجازه احجزولي الحين ابا اسااافر
وحجزولي
ان شاء الله بعد يومين بنسااااااافر
امس كان يومي حلو ووااايد اشيااا عبيطه استوت لنا لول
سرنا نتغدى انا ومرت اخويا وربيعتي
وربيعتي هلكتنييييي من الضححححححك، اول مره تيرب السوشي
طلبت لها سموكد سالمون وذ كريمي جيز
وهي ماتدري اصلا انه ني
وهي تاكل تقول احسه لين شوي
ويوم قلنالها ترى السوشي يكون raw وبس ينطبخ في الـ cold ويهها جيه استوى
لول
وبعدين سرنا البحر
الجو خباااااااااااااااااااااال هواااا وبرررررد وااايد وااااايد عجيييب
واحلى شي ماكان في حد في البقعه الي نحن فيها
وفي الرده
الله لا يراويكم
سلكت شارع بالغلط ادل الطريج ولكن هالشارع وااايد زحمه وابعد
سااااعتييييييييين ونص ونحن في الشوااااارع المزدحمه !!!!!!!!!!!!
بس ماملينا لان نزل مطر واتحمسنا وبعدين صار موقف ويا وحده هبله !
انا ماشيه في سيدي وهي سيدها يلف على سيدنا يعني المفروض تلف من وراااااي
وخاااااااااااااااشه عمرها تبا تلف من جدامي وانا ما عندي مجال عسب اخليها تطوف جدامي
وسيارتها عوده
وما تتريااااا
اخر شي هرررررررررنت
صديت عليها والا اشوفها فااااتحه عيونها علي !!!!
هي الغلطانه وخاشه عمرها وماعرف شو تسوي واخر شي تبلحق بعيونها على الخلق
قلت لها شوووه ؟!!! هذا سيدي
هبله وحده
بس وااايد ضحكنا عليها شكلها واايد كان عبيط
عنود المها : حياتي والله! ماعليج بيرد وهو رافع راسكم ان شاء اله ... استانسي ;)
بنت الدلع : مبروووووووووكككككككككك مابغيتووو (K)
Status : Back to UAE
H.H.H
الذين يشاهدون الموضوع الآن: 33 (0 من الأعضاء و 33 زائر)
ضوابط المشاركة
رد مع اقتباس
مواقع النشر (المفضلة)