اليوم: الفتره ذي
المزاج: نقول الحمدلله
الموضوع
ماما تعبانه، حجي الدكتوره يخرع تقولها ليلى أي صدمه راح توقف قلبج و امي تضحك لها.
اليوم: الفتره ذي
المزاج: نقول الحمدلله
الموضوع
ماما تعبانه، حجي الدكتوره يخرع تقولها ليلى أي صدمه راح توقف قلبج و امي تضحك لها.
التعديل الأخير تم بواسطة مزن هتان ; 23-11-08 || الساعة 09:05 PM
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
^^مااتشوووف شر
الله يشفيها يااارب
اليوم
المزاج: عادي
طفرانه من الكليه :)
الحمدلله ربي
هزايم
الشر ما يجيكم، آمين
:: :: ::
اليوم : اليوم، اليمعه
مودي كلش مو تمام
الموضوع
وصلني مسج بعد الغدا كنت طالعه مشوار تقريبا الساعه 1:50
تميت اصيح الين 4. مع اني كنت مستانسه اليومين اللي فاتوا
و أنا أصلي المغرب بعد صحت، استغفر الله
من كثر ما اصيح زجمت بعد >.<
و لو انه الحجي كان قوي لدرجه اني لين الحين الغبنه بعيوني
بس بعد ما يهون عليه ازعل من راعية المسج تاج راسهم
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم: الجمعه
المود: الحمدالله
الموضوع:
هالإسبوع يستاهل جايزه من كثر ما كان تعييييييييييييييييييييييي يييييييييييييييييييييييس
بس اليوم المود وكل شي تعدل *الحمدالله*
البارحه رديت من الجامعه و غيرت مكان كل شي في حجرة الظيوف.. قلت يمكن هالشي بيساعدني أرقد.. ولأول مره في شهررررررررر رقدت عدل الحمدالله
والساعه 8:50 ولا اسمع ميييم حبيبي قومي بتين ويايه بسير ستاربكس.. أبويه فديته عازمني على ريوق
مااااااااصدقتp: نقزت من الشبريه وتبدلت في ثلاث دقايق لول
والكشخه انه بس انا وهووو محد يا ويانا كلهم رقوود
ولا قبل لانطلع.. حظرتهم الهنود الى يعدلون حجرتي يووو! غريبين! في الاسبوع مايون بس يوم الجمعه يوم المفروض مايون يووون! لا بعد لين الحين في بيتنا!! الساعه سبع.. أول مررررررررره!!
بس خساره يوم ردينا سيده سار البحررر.. بيرد باجر
الحين لو انا كنت ولد جان سرت وياه.. هالسلبيات يوم تكونون بنات.. ماترومون تسيرون البحررر ويا ابوكم
وسرتتتت دبي مول ويا ربيعتي... مارمستها من يمكن 10 أيام O_o ماصدقت يوم شفتها.. بس دبي مول تعيس.. وايد كجره من ناحية الديكور.. كجره الصراحه... بس المحلات الى بيبونها ناايس.. والقهر انه نحن سايرين نتغدى بس ماشي مطاعم! بس شي كوفي شوبـس ولا فووود كورت.. ماشي مطعم محترم!
والمول كله فييه حشرات .. يععع!
الشي الوحيد الى استانست عليه هو المكتبه اليابانيه .. ماشاءالله عوووووووووووووووووووود!!! كنت ابا اسير آخذلي كتب عن الديكور.. بس كان وايد عود.. فـ قلت بسير يوم ثاني.. لاني تعبت من كثر المشيي
ورديت البيت واشوفهم يالسين يكّشخون بيتنا للعيد الوطني
باجر باخذ راحتي بكشخ سيارتي
الحين ممممممم ماشي اتريا خواتي وامي يردون.. بنطلع نتعشى
.She can only make it, if she dreams
^شفتي المكتبه؟... وايد عيبتني أكبر عن المجرودي اللى فالفستفل
أوني كنت سايره أشتري ثياب حق العيد.. لكني من شفتها قلت لهم بدخل شوي.. و هالشوي تحولت نص ساعه عقب
بس انصدمت أنه قسم الكتب العربية ما فيه غير كمن كتاب.. سيده سرت أسألهم ليش جيه ؟!
قالوا لي أنه بعدهم.. شي من الكتب ما وصلن.. و منهن الكتب العربيه =)
لازم أسير مره ثانيه عشان أروم أختار على راحتي
..
No matter what they tell us
No matter what they do
No matter what they teach us
what we believe is
[TRUE]
هيه وااايد واييييييييييييييد عووود.. والأشياء الثانيه الى يبيعونها نفسس الستيشنري كشخه! اشياء ماكانت تي دبي من قبل
.She can only make it, if she dreams
اليوم : الاحد
المزاج : تمام التمام
الموضوع
مرتاحه نفسيا و ضميريا << منين جات مدري ؟!!
راده من القريه متكسره طفرنا ماما انا و خواتي تبتسم بالحسره
و نحن الا نظهرها من اللي فيها. هي و نحن رايحين بالاحد و زحمه
اليوم الدكتورة اتقولي فيج حصى بالكلى اقول بخاطري الله بالخير
قبل ثلاث سنين قالوا لي ان فيه التهاب حاد و احتمال كبير يسبب ليه
حصوه. و من ذاك اليوم و انا دبة الماي معاي وين ما اكون لااااااازم و الحمدلله الصحه عال العال
تقول ليه شربي حلبه و شعير >.<
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
^
سـلامات مــزن ، ماتشوفين شر
خـوفتيني ، انـا فالأسبـوع دبـتين بس ، ماشرب ماي وايد
مؤمنه بّ / آن اللہَ سيمنحني أجمل مَمآ آريد ♥'
يسلمج ربي، الشر ما ييج
شربي ماي، تذكرت شي ما صرفت الدواء P:
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم :
~ الأثنين
المزاج :
~ أوكـي لـولآ السعـال
الموضوع :
اليوم كـان آحواطه فـ أحـوآطـه ..
وصلت من العـين ، صليت وريحت ، وعـ طـول طلعـنا ، انـا وخواتي وعيـال ختيه ومعـايه آمونتي واختهـا
اسـتانسـنا ( حلوه طلعه البنات ) طبعـاً محرمنا كان عبودي ولد ختيه لوول
جـان نتـمريح ، ونلعـب ، وكلـنآ من البآسكن والحين ردت بلآعيمي تعـورني مره ثـانيه ..
فيَـه رقـاد ، ورايه تـرتيب شنطتـي لـ باجر ، بنروح الظهر ان شاء الله ، وبنرجع بـالخميس بــليل أو بالجمـعه الصــبح ..
~ أتـمنى الـمود مايـتغير لـآخر الاجازه :)
مؤمنه بّ / آن اللہَ سيمنحني أجمل مَمآ آريد ♥'
اليوووم : الجمعه
مزاجي : رقاااااااااااااااد
كنت ابا انام او لما غمضت عيني شفت الواحات وجاااااااااان افتح اللاب وادخل
بس عقب ما عرفت ويييين اروووح ..هههههه
توني وانا اقرا الردود شفت رد شهوووده
فديتج اتولهت عليج انا بعد بس خلاااص شفتيني هذاااج اليووووم
ههههههههههههههههههههههههه ههه
ما اعرف اذا خبرتكم مهوووب بس سويييييييييت فيهم حركه باااااااااايخه
اهم شي ضخكت علييييييييهم
هييهيييي
ياللا فديييتكم وقت الرقاااااااد تصبحووون على خييييييييييير
§||™||§[ يَلّعْبّ عَلُيِ يْحّسَبْ أنَيّ مْنِ الَمْلاعَيِبّ مّادْرَى ِ أنَيِ عَلّىْ الَنْاسّ لَعْيبِ ]§||™||§
اليوم : هممم !
المود : .... هالكثــــــر (.................................... ^^ .................................) .,
الموضوع : مقتطفات !
//
مكالمة هاتفية ...
الطرف الآخر : ألـــو ..
سكون : آلـــو ..
الطرف الآخر : ألـــو ..
سكون : آلـــو ..!
الطرف الآخر يزاعج : ألــــــــــو..
سكون :!
سكون : نعم ألو ،، قاعده أقول ألو!!!"
الطرف الآخر يزاعج : ليش صوتج واطي ،، شو تكلمين روحج
سكون واهي قابضه روحها عن تضحك ! : ها ،، لاصوتي عادي" !
الطرف الآخر يزاعج : قولي لاختج خلها تنزل بسرعه
سكون : ان شاء الله..
الطرف الآخر : يالله بسرعه ،، وسكر الخط !!!!!!!!!!!
سكون بخاطرها : بسم الله!
//
هممم وايد اتيني مكالمات من أرقام غريبه ،، أو ان يظهرلي الرقم دون الاسم بما اني نسخت اسامي البعض بالغلط مرتين !
وانا من النوع اللي بسرعه ارتبك ،، ماعرف أرد عاللي يتصلون بالغلط // حتى آخر مره احليلها حرمة متصله من لبنان ..
وانا من دون ما أركز معاها كله تميت أقولها نعم نعم ،، سمحيلي اختي غلطانه بالرقم ،، واهي تنقلني الرقم صح
وووو صح ،، يقولون باجر العيد .. >> حلفي انتي بس
كل عام وانتو جميعا بخير واحسان ،، وربي يديم عليكم العافيه ..
.,
[ وما تقدموا لأنفسكم من خير تجدوه عند الله } ..
اليوم : الخميس
المود : عال العال
الموضوع
رادين من عوافي من شوي استانسنا غيرنا جو مع أهل
زوج عمتي (في عزبتهم ) شرحيين طيبين حبوبيبن ميلسهم ما ينمل
بالسيره و الرده انا أسوق ( تعب )
أمي و خواتي الاثنين عدهن لياسن بس ما يسوقن
بروح أرقد
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
المود: متتتتوله على بوظبييييي
الموضوع : مابي الاجااااازه تخخخخخخلللص .. ياريت لو اقدر اعيد الزمن ;'(
بوظبيييي !!!
حتى زينه الشوارع فيها علامه شانل لوووووول !!.. صدق انها مني وانا منها
آحـــب أجــنــــنـهـم تــفــاكـــيـر و صـــدور و احـــب أكــــون "الـــصــعـب" ، مـــحــــدن يــــطـولـــه !
الذين يشاهدون الموضوع الآن: 8 (0 من الأعضاء و 8 زائر)
ضوابط المشاركة
رد مع اقتباس
مواقع النشر (المفضلة)