دير دياري ~ يوميات

[قصايد غلا]

وحدة خذ لها شنطة و وحدة ساعه وفك عمرك =p بيعذرونك لأنك ولد

[مايهزك ريح]

اتعرفين كلهم توهم رادين من السفر وشارين كل هالأشياء ..
مب مخلين جوتي ولا شنطه ولا ثياب ولا حتى عطور ماخذوهن .. عشان جيه محتار .. >_<
وانا اصلا توني راد من السفر وشارلهم .. هدايا .. !
يالس افكر ادورلهم موبايل .. لأنه الهنتين موبايلاتهم جدام .. بس بعد ما اعرف شو ممكن يعيبهم !

[مايهزك ريح]

قصايد غلا .. يبتيلي فكره .. بس شو من السوع .. !
جفتي شي غاوي نازل يديد .. بنت اختى كانت ادور في السفر ساعه ذهبيه !

[قصايد غلا]

امممم هيه صدقك ، انزين سر موضوع حاير و ودك تشاور ، هنه بياكلونا

هناك بيساعدونك العضوات =)

[المزوحي]

اليوم:الاربعاء
الموضوع:اتريا الويك اند بفارغ الصبر

الصراحه من أمس وانا مودي مب شي وأحاول أكون كوووووول والسبب .......... المهم

اليوم رديت من الدوام مريت على جوني كارينوز خذت سلطة من عندهم،، رديت البيت بدلت وكليتها ودخلت الواحات

عقب شويه بيأذن ... والساعه 6 تراني لازم امشي ...

[شمعة أمل]

اليوم : الأربعاء
المود: الحمدالله
الموضوع:

اليـوم ملللللللللللل!!!! معظم يومي رقاد والسبب الملل! والشوتايم قرر يخترب اليوم والمشكله مايعيبني أوربتتتتتت>_< صدق ملل.. محد طلعني اليوم

لكن رغم الملل انا مستانسـه
ربيعتييييييييي يت من لندن اليووووووووم مستانسه وايد وايد بنطلـع نتغدى باجر بس بعدين لازم تردني البيت من وقت عشان سييييييييده بسير البحررررررررر أفكر أسوي كوكيييز وأوديهممم وبشوف شو بعد من سويتسس بسويهاا اليوم الفليل.. لازم اعدل كل شي من اليوم لانه كل الى في بيتنا بيون + بنت عمي + ربيعة اختي وبعد باجر بنسـير محل نشوف اذا شي نفاخات يداد.. كان خاطرنا نشتري هاللي ينشل على فوق ويطيير يوم الجتسكيي يتحرك.. بس ماااااااشي ;_; ماخلينا مكان مادورنا فيه >_<

وبعد باجر لازم أسيـر اطلب كيكه لـ عيدميلاد اختي الصغيـره.. قررت أسويلها كيك princess crown يعني تياراا أحس بيكون حلوو!

والحين لازم اخطط لـ شي ويا ربيعاتها.. بس شو بالضبط ماعرف .. هالبنت وايد صعبه! بس قلت بستوي الـ girl version لـ جيمس بوند هالويك اند ويوم نسـير البحـر بدش حجرتها وبسرق تليفونها وبخزن أرقام ربيعاتها ان شاء الله بس تخلي تليفونها في الحجره!!


وهيييييه وبعد شي ثاني مونسني من الخاااااااااطر
وحده من ربيعاتي يت عندي وطلبت مني أنظملها baby shower عقب رمضان.. اسميني متحممممممسسسسسسسسسسسسه!!!!!! !!!!! من الحينه يالسه ادور اشياء اون لاين للحفله! وبطلبلها هديه من بيبي كيكس! شفت وحده ثانيه اسمها دايبر كيكس بس مال بيبي كيكس مرتب وايد! وبنظم الألعاب ولستة الهدايا والأكل والديكوور.. الله كشششخه!! وايد وايد متحمسـه

[بنت الدلع]

اليوم: الاربعاء
المود: ونااسه على عبط
الموضوع:

مريت على ربيعتي في بيتهم
قبل لا ندخل البيت سئلتهااا اذا حد من خوانها في البيت
قالت واحد طالع والثاني ماتعرفه وين
واول ماندخل الا اشوف واحد من خوانها جدامي
قفففففففففففففففففففطه
من الفشيله على طول دخلتني غرفة المكتب
ويهي جيييه غدى

اني وييييز
يسلناااا وسوووولفنااا
من زماااااااان ماكنت شايفتنهااا
وخبرتني عن الاكشناااات الي صارت لها في السفر
وضحكنااا واايد على المواقف الي صارت
وبعدين سرنا فستفاال ستي
يا الله
كل بناااات الجاااامعه هناااااك
اظن فاتحين كلاسات في السنتر !!

وعقب سرنا نتعشى
واستوى موقف ههههههههههه فظييييييييع
ربيعتي ناسيه بلوتوثها شغاال
ومنو الي كان يطرش لها !!!!!!!!
لا تعلييييييييييييييق الصراااحه
والله هللللكت عليها من الضحك

وبعدين ظهرنا وقبل لا ارد البيت مريت عالصيدليه
وافففف شفت ولد خالي
سويت عمري ماشفته ومشيت، وهو يالس يبحلق
عاااد هذييل مايصدقووون يشوفون شي عشان يرمسون عنه

وبعدين فليل عيال عموه من قطر زارونا
كلهم في عمري تقريبا
وشو ما قرضناااا بنت عمووووه
ههههه يحلييلها واايد اتعاني ويانا
اختي يالسه تتمصخر عليها واتقول لها ليش شنطتج وايد صغيره
هيه ترد وتقول إيه هذي شنطتي
وشوو ما اخووها يطيييح فيهااااا

احلى شي يوم ساروا يسوون الهويه
هي شوي سميره واخوها ابيض عنها
ابوها يالس يقول حق الموظفه انا متزوج حرمتين
ام البنت اثيوبيه عشان جيه هي سوده وام الولد مصريه عشان جيه الولد طالع ابيضاني
هههههههههههههه
وهو اصلا متزوج حرمه وحده قطريه

ظححححك ابووهم
سواالف ماشالله عليه

عاد اذا ابوها وبابا يلسوا ويا بعض
يشلووون المكاااان بسواالفهم

-----

والحين انا احاول استمتع كثثثر ما اقدر بالايام الباجيه من اجااازتي
لان يوم الاحد دواماااات
اف ارررف

[مزن هتان]

اليوم: اليمعه
المزاج: !!

الموضوع
يوم عن يوم أكره طاري الزواج و أقول ربي لا يبلينا (أستغفر الله)
من اللي أشوفه !! ما تخيل نفسي أرد خواتي بأي شي و الا
ما اطلع وياهم راح ايينّ (بتخبل) و فوق هذا كله ما روح بيت هلي
و اقطع رفيجاتي، أقعد بيت أبوي أحسننننن لي.

شي ثاني مادري شلون تفكيرهم، حلال عليهم حرام علينا
كل يوم !! مصاخه يسمونها ذي !

استغفر الله استغفر الله استغفر الله
أخاف تدور الدنيا و يصير ليه كل ذي و أرضى
ربي لا يبلينا

[الـيـاه]

اليوم : الجمعة
المزاج : ولا احلى
الموضوع :

مع اني مريضه من اسبوع يحليلي T_T بس مسويه طاف للمرض واسوي اللي اباه
سرنا ناخذ هدايا حق ميود لعيد ميلاده وشفت ويه النحس بالصدفه بس سويت طاف XP عن يخترب مودي ابا اخليه حلو
وعقب مرينا على بيبي سلامه وهند بنت عموتي حبايب ألبي عسب ناخذهم ويانا نحتفل كلناااا
ميود ع باله نحن ناسين ومسوين طاف لانه من رد من السفر وهو مايعيش فالبيت ويعيش فاليخت الصيف كله بما انه محد كان فالبيت لول .. وبالاتفاق ويا حمد خليناه ايمع كل الفلبينو اللي يشتغلون فاليخت عسب كلهم يغنون

make a wishhhhhhhh
w yala everybody say cheeeeeeezzzzzz





بعدين سرت اخذلي نعول فلات للجامعه .. ورديت البيت اشوف موفييي وعقب النت لين احيين
وافكر شو اسوي باجر حق عزيمة ربيعاتي مال قبل رمضان >.<

.
.
.

[تحفه]

^ حيج .. انا خاطري اسير بس للاسف سرت مره ودوخت و حرمت والحين كل ما احول يودوني البحر وياهم يذلوني علسالفه الجديمه لول

[مــهــابه]

اليوم :


~ كان اليمعه


المزاج :


بين وبين ~ !* . .


الموضوع:



~ كل شي " فيني " أظـن أني أعـرفه~
[ أجهــله . . .




كــل شي

[شمعة أمل]

اليـوم: السـبت
المزاج: مسـتانسه الحمدالله
اليـوم:

نشـيت عـ الساعه 11 على أساس أخلص كم من شغله الصبح!.. ويوم شافني أبويه واعيـه قالي يله بنسـير نسوي هالشي الى تبينه وبنـسير نشرب كوفي! ولا عقبه بـشوي يقولي هاتي هدية اختج.. بما اني خاشه هديته عندي .. ف قررنا نعطي اختي الصغيره الهدايا والحمدالله عيبها وايد وايد!! وانا ماخليتها في حالها أقولها شوفييي بعد ايي ويا شهادة للالمـاس.. اوني وايد مكبره السالفه بس صدق يعني لازم أكبر السـالفه كل شوي أراويها شهادة الالمـاس
آخر شي انا وابويه سرنـا المركز وطرشـت الأغراض بوظبي وسـرنا الكوفي الى هنـاك .. وطرشت الدريول يسـير ييب كيكة اختي الصغيره من جوكوا

رديـنا البيت ورديت بدلت ثيابي مره ثانيه وتكشـخت وسرنا برج العرب نتغدى ومن وصلنا جان يقولون لاختي هابي بيرثديي ويلسونا في مكان خاص.. كل مطاعم برج العرب مب لين هناك بس هذا وايد وايد حلو





بعدين رديت البيت وماوحالي اسوي شي ولا ردينا طلعنا مره ثانيه وسرنا المستـشفى نشوف بيبي خلفـان فديته والله .. الله يحفظه وبعديننن ردينا البيت
وحليلي .. متكـسره من الخاطر! اصاعبي منيرحه ومتورمه وماروم امشي! وماروم ألف راسي لانه رقبتي تعورني.. يحليلي طحت البارحه طيحه من النفاخه تميت متيبسه في البحر ماروم اتحرك لدرجه القوقلزز مال غواصه طاحو من ويهي في البحـر وضاعو *الله يخلي اللايف جاكيت* ولا جان رحت فيها .. واليوم الايفكتسس موول مب رايمه اتحرك ويوم رديت البيت فوق كل ها راسي يعورني وكنت *اتمنى* انه اختي الصغيره تشفق علي وقولي مب لازم تسيرين بس لاااااااااا اف اف اف!

وقبـل لنسـير طرشت مسج لـ هزايم ورمستها من زمان زمان زمان مارمستها تولهت عليها!

المهم
بعديـن سرنا الاوتوودروووم!! نتسابق شي فضييييييع!! في البدايه لازم نسـجل وجي يصورونكم وانا تصورت بس خواتي وعموتي ماطاعوو بس انا طاف صورة وصورتي طلعت عبييييييطه!! هاهاها! بعدين سرنا غرفة التبديل وماشي مقاسات غيـر XS و XL ونحن جي >> O_o آخر شي لبسـنا السايز العووود ولبسـنا الهلمتسس عشان شعرنا لول.. شكلـنا هااايل الهنود مال القراجات جان عمي *ب* الصغيـر ايينا ويقولنا احس عمري خبّاز عقب ركبـنا السياير وانا كنت في 21! والنتااااااايج النحسه حاطيني انا آخر وحده!!!!! اونه انا الخسـارنه مع اني ثـالث وحده!!!!!!!!!!!!!!!!!!!!!!!!!!!!!!!! حتى الأفرج مالي يقولي ثالث وحده!!!!!!!! بس طبعا عمي هو الى فاز يقههههههر!! يت فـتره خليته معفن وراي جي لـ دقيقتيـن آخر شي طفر ودعمني واتجاوزني بس كان كشخه كل شوي السيـاره تتزحلق



وآخر شي ردينا البيت وكلنا الكيكه الثانيه.. ماكنت أباها جيييييييي >_< لانه بس عطيتهم يوميـن قالولي لازم أكثـر اذا ابا الكيكه كـ تاج لانه مادري شو لازم يسون ويا الشكر

[المزوحي]

اليوم : السبت

المود : يعني

الموضوع : مولاااااات

اليوم من اصبحت كان عندي موعد، وبعد ماخلصت سرت الامارات مول ... ورديت البيت تغديت، وعقب طلعت

لأنه عندي مشروع زعبيل مول، تعبت وأنا ادوره مايسوى عليّه ...

المهم قررت إني أرد البيت، يلنه متصل بي واحد وتواعدنا عند وافي ماطولت عشر دقايق بس ، خذت عمري ورديت

البيت .. على الساعه 6 الرضيعه تبغي تسير الفستفال وسرنا يادوب نص ساعه وطلعنا ( ازعاااااج )

رديت البيت اتعشيت واتسبحت وصليت .. ودخلت الواحات ...

[مايهزك ريح]

يوم الجمعه .. كان يووووووووم ..
اتيمعنا في بيت اخويه على الغداء .. وعقب صلاة العصر .. قالي سوق موتري .. وهو يلس وياليهال ورا يلعبون
بنت اختي استغلت انه اخويه ورا وعفدت جدام .. عدالي ....
وسوينا كعب داير .. سرنا الفجيره .. وعقب مرينا خورفكان توني واصل عند باب العقه إلا الصغاريه ما يبون المطعم مال العقه يبون ماكدونالد .. وطبعا وين ما كدونالد ..
في راس الخيمه .. منار مول !
واصلين البيت نص الليل ..
لا ورادين بيتنا موترين نتابع انا واختي الصغيره ..!

وكله في صوب وفي درب السيره لراس الخيمه صوب ثاني ..
مره وحده اشوف غبره انا بعدني مب مستوعب .. واقول لأخويه شو مستوي ..
شويه واسمعه يقولي اظرب برييييييييييييييييييييييي يك حاااااااااااااااااااااادث جدامك ..!
وانا اظرب بريك اقوله وييييييييييين الأربع اشاير في موترك !
بنيه يحليلها .. ظربت كمن مره في الحواجز يمين ويسار والله سلمها ما طاحت في الوادي ..
بس الحمدلله ما استوابها شي !

اخويه يقولي كنت ناوي اتسوي بولينغ بتدخل فيهم ^_^!!

[مــهــابه]

اليوم :


~ الأحد



المزاج :


~ عصيب نوعاً ما



الموضوع :


~ ما أدري شو فيني ، لازم مع بدايه عام دراسي أمرض :(

من البارحة بليييل وانا ارجع وحالتي حاله ، رغم انه طول اليوم مافيَه شي . .
الحاله يتني ع الساعه 3 جيه . .
ويليـن اليوم ،
أول شي ماخلوني أيي العين ، قآلوا لي انتي مريضه ومايستوي
قلت لهم مابي ، لازم ادوام ، واضبط أموري ، مابا انضغط الأسبوع الياي
وانا ادري لو تميت فالبيت مابسوي شي ~ !* . .
ييت العين ، وتمشيت شويه ، وشميت هواها ، خلاف خطفت ع صديقتي وسلمت عليها
وعقب وطوني ~ !* . .
هالبنات خلوني أنحبط ، كل حد يقول لي مصفره ، وضعفانه :(
قلت لهم يمكن لأني مريضه . .
ممم هالسمستر جدولي ملخبط ، تخيلو جدول يوم الاحد لازم كله يتغيره والسبه الدكاتره الأرف . .
باجر من الصبح بروح اراكض ، الله يعين ، امبونه باجر بيكون أول يوم رمضان ، وتعب . .
وعـاد مذله رفع السقف يبآلها بـعد . .
ان شاء الله تتسهل الأمور عـليَه . .




~ ومبروك عليكم الشهر . .