دير دياري ~ يوميات

[ملاك الروووح]

لووووووووووول

فديتج والله

أحسج من النوع الخجول والهادي واللي وايد يستحي ..

وأنا أحس عمري شرات ربيعتج الربشه والحركيه وايد

ما أقر مكاني .. ولا أسكت .. وايد أرمس ..

حاشرتنهم والله في البيت وفي الدوام ..

[الـيـاه]

اليوم : الاحد
المزاج : ولا احلى
الموضوع :

هممم اليوم ماشاء الله عليه ناشه الصبح الساعه 9 مع اني راقده متأخر
ولد عمي تخرج من المدرسه وكانت حفلة تخرج للشباب امسات وقلنا اليوم بنتيمع الظهر في بيتهم عسب نباركله كلنا ..
قلت لبنت عمي بنطلع اليوم الصبح ناخذ هدايا حقه

انا نشيت بدون ما اتصلبها ع بالي ناشه وسبحت ولبست وكل شي وسرت بيتهم
والحبيبه راقده وامجع اللحاف وافر المخاد عليها لين مانشت لول تجهزت وسرنا امرتس مول


كنت في ارماني اشوف تي شرتات وجفت ولد جي مال 18 ( ولد نص نص لول ) وحاط كليب في شعره وبعد مسوي puff ياي هو واخته وانا مووووووول مادانيهم هايلا فـ احين انا ابا اطلع وهو الغبي يالس ويجوف عمره في المنظره ويعدل الجينز ويدقق في كل شي لابسنه وانا بموت من القهر على حركاته !!!!!
عاد انا بسرعه اعصب .. يلست اسوي عمري بعدني اجوف تي شرتات اترياه يتحرك من هناك
عسب اقدر اطلع لانه المكان صغير وبعده يالس يجوف شكله .. غييييييّضت سرت يايه بطلع هناك وما قلتله لو سمحت عسب يتأدب !!
هو بعده يطالع جسمه في المنظره جان يسمعني اقول : خوووز
لوووول زاغ وخاز من هناك وسيده سار عند اخته .. اظني سار يخبر عليّه ههههه

رديت البيت غيرت ثيابي وجي وسرت بيت عمي مره ثانيه باركنا حق بطاي والبيت صدق كان زحمه
ماشاء الله تقريبا ً كل عمومتي وعماتي ياين و عيالهم .. سولفنا وهلكنا من الضحك لانه كنا نرمس عن ايام طفولتنا وكانو يقولولنا عيال عمي كيف يكرهونا نحن البنات وشو يقولون عنا لووول
وكل المقالب اللي سويناها في بعض .. واااااااااااايدددددددد استانسنا وضحكنا اليوم

والحين فالبيت يالسه ع النت وطلبتلي بيزا توه .. ميته يوع اتريا توصل لول

.
.
.

[شمعة أمل]

اليوم الثلاثاء
المود حلوو
الموضوع


البـارحه رقدت عدل عدللللللللل ونشـيت وشو سويت.. هيه سرت الجامـعه كان عندي كم من شغلـه هنـاك.. بعديـن سرت اشتريلي ريوق.. بعديـن سرت الصالون وكان زحمـه.. بركنت بعيـد >_< بعديـن سرت مركاااتوو وعـ العصـر سرت بيت يدوتي أسلم عليها..

من ثلاث ايام وانا في خاطري شاورمـا فـ عقب ما خواتي تعشو خليتهم يودونـي.. يوم نحن طالعيـن من الباب الوراني اختي كانت تتحرطم انه ليـش الليت مبند.. ورديت عليها انا بندته.. خسارة كهربااء! (صدق انزين!) عقب اختي الثانيه طرت صراصييــر وها كله ونحن نمشي في طابور ورا بعض وانا في النص.. ولا يوم اختي العوده فجـت الباب عبالها شافت صرصوور ونقزت على وراا وعاد انا واختي الثانيه صريييييييييخ ولا هي تمطنيي على ورى ونصارخ البشكاره المسكيـنه يت ركض من حجرتهـا وامي وحليلها يت من الصاله تشوف شو السـالفه.. آخر شي طلع انه ولا شيييييييييي صدق خوفتني عبالي فار ولا شي

يوم رديـنا نسيـت موبايلي في السيـاره جان اشل السويج وأحط لحـاف فوق راسي طلعت وسرت عند السياير ولا الناطور يطلع في ويهيي لا بعد شال كوب جاهي.. واناا
ماتخيل شكلي.. اوني اغير الموضوع وقلتله خااااااااالد!!!! شوف هذي سياره ورا في موبايل مالي
صدق خبله اقوله ورا يشوف جدام ويوم اقوله لاااا وراااااا يسير يدور موبايلي في الدبه؟! لول

واليوم رمسـت باباتيييييي كملـت اسبوع وانا ماشفتـه >_< ماصدق اني بكمل ثلاث أسابيييييييييع.. غلط!!!
وانا لين الحيـن مارتبت شنطتي للسـفر.. ولا جني بسافر باجر الصبح

بسيـر اجوف نور
باي

[الـيـاه]

^
حبيبتييي I'll miss u
توصلين بالسلامه ولا تفرحين وايد *لاحقتنج*


اليوم : الخميس الساعه سبع الصبح ( برمس عن البارحه )
المزاج : كوووول
الموضوع

البارحه كانت بايته عندي بنت عمي وسهرانين لين الفجر .. ماوحالنا نرقد الا وابويه موعنا الساعه 8
يالله بنطلع .. انا جي فاجه نص عين وفي خاطري اقول منو فاتح هالحزه عسب نطلع ؟
انا : وين بنسير ؟
ابويه : بنسير غنتوت
اول ما قال غنتوت بنت العم فزت ويلست ع الفراش لول تموت ع غنتوت
وانا جي yesssssss قمنا سبحنا وتلبسنا بسرعه وطلعنا وياه ..

اول ما وصلنا غنتوت عند اليخت والا الحبايب عيال عمي وخالوتي بايتين هناك ونحن مساكين اللي ولا مره خلونا نبات !!!!!! جفناهم يتسبحون وانا لمسجينه انا قلت بصورهم .. وسبحوني بالماي حمد وميود الزفت



لين مادخل الماي فعيني وتمت لين فليل حمرا S: عقب طبخلنا الطباخ هناك أكل لذييييييذ وتمينا نسولف كلنا .. بعدين طردونا عقب الغدا لانه ربعهم بيون العصر ....

رديت البيت .. وعقب المغرب سرنا برجمان قالولنا مسوين سيل .. بس كله طلع كجرا واشيا جديمه S:
ومن كثر ما انا كنت مغيضه تخرطفت ع الدري ومادري كيف تشربكت عباتي ويا النعال >.< افففف
بعديييييين ردينا البيت رقدت ساعتين .. وتميت سهرانه لين الحين ويا هالمينونه لول