دير دياري ~ يوميات

[مجموعة إنسان]

من تاريخ 21 لين امس وانا كله مكروف في بطولة منازل لكرة الطائرة

اطلع كل يوم الساعه 7 الصبح وما ارجع اللا الساعه 2 المسا

من أحلى الأيام بحياتي
تعرفت بناس خباااايل نفسي
اثبت وجودي بسرعه
من اول يوم مسكت ليدر
صارت مشاكل
وصار ظلم
تعبنا تعب مب طبيعي
بس في النهاية ننسى التعب وتظل الذكريات

بعد ما صفيت الصور الخريانه
طلعت الصور كلها 1126 صورة
من هالعدد 400 صورة عبيييطه

والحين لازم اطلع احسن صور لانها بتوصل للشيخ منصور بن زايد

[ملاك الروووح]

::

اليوم الخميس ..

أو بالأحرى اليمعه الساعه 12:32 ..

المود : رقااااااااااد

:

فدييييييييييتكم تولهت عليكم وايد والله



وفديت قصودتي اللي سألت عني .!

:

تولهت على يور داييييريززززززز كلكم ..



:

السموحه منج أنامل .. امسحيها ف ويهي ..

أنا اللي أيرهم واستدرجهم بالكلام هع هع

:

استووووووووووووى لي موقف من يومين لووول كل ما أذكره أقفط والله !

اتخيلوا ياني كستمر انزين .. ويوم بغيت أعطيه الأبلكيشن .. ليش ما يطير خاتمي .. ويدق فيه

لأنه وايد وسيع لوووووول

الريال ميوّد عمره يبا يضحك .. شكله كان غبي وهو ايود الخاتم ويردلي اياه لوول

فضيحه والله !!


كان عندنا أورينتيشن اليوم والبارحه ..

استانست غيرت جو .. وطلعت من الفرع شوي

بس ما أحس اني استفدت منه وايد

ما كان انترستنغ يعني الا كمن بارت ..

ولا البجيه كلهم يقرون السلايدات ..


أحلى شي آخر واحد .. كان يشرح على آآآآآخر شي عاد وانا مدوخه فيني رقاد

ويالسه اتثاوب ..

جان يقول والانسه الحلوه اللي يالسه ورا .. لا تخافين بطلعكم الحين !!!

<< جيه استويت !

فضيحه

عاد الكل صد ورا يبا يشوف منو اللي يالسه تتثاوب !

والادتيريم كان فللللللل

::

بس أحس اني تولهت عاللي وياي في الدوام .. واشتقت حق حشرتهم وسوالفهم وخريطهم

:

تولهت على ما وحشتكوه الدبوه ..

ان شاءالله بسير يوم السبت عندهااااااااااااااااااااا

ويارب يكون مستوي هاك الشي .. ..

:

شمعوه

لووووووووووول ياحليلج .. أنا شراتج ترى .. لازم يذكروني دوم انهم يحبوني

عشان يرفعون معنوياتي شوي هع


ان شاءالله نستانس .. أنا أقولهم أبي أسير الجزر .. بس يقولولي انها حق كبلز أوكي ..

بس ما تنفع لنا نحن .. بنسير العاصمه .. بنسوي شوووووووووووووووبنغ !


وان شاءالله انتوا تستانسون ف سفرتكم بعد فديتج

KIssis 4 UR Little Sweet Sis

:

قصوده

صوري لنا الغرفه قبل وبعد مب تنسين ..

:

[ملاك الروووح]

ما عزيتوني ..

ف


بنتي ..

صديقتي ..

اختي ..

حبيبتي ..

وفقيدتي


كنوووووووووونتي !!!!




::

ولد عمي كان مسافر وقالي انه يباها .. قلت له شلها

بس وصيته الوصايا العشر طبعاً ..


وسبحان الله يوم سافر حلمت انه مضيع الكيمره .. جان أتصل فيه أبي أتطمن عليها ..

قالي مالت عليج اتحريتج متصله تطمنين علي اونه كيمرتج مافيها شي ..

وانا كنت حاااااااااااااااسه وانا اعطيه اني ما بشوفها مره ثانيه ..

سبحان الله !!



::


رد من السفر

واتصلت به اسلم عليه واتحمد له بالسلامه ..

قلت له شخبار بنتي ؟!

جان يفجعني ويقولي انها انسرررررررررررررررررقت !!!


انقهرررررررررررررررت صج بغيت أصيح .. قبضتني غصه

اونه بنت عمي بييب لج وحده بدالها

قلت له مابا أبي هاااااااااااااااااااااااا اااي

[شمعة أمل]

اليوم الخميس بس الجمعه
المود مستانسه الحمدالله
الموضوع

البارحه بنات ييرنا وخواتي خبلووبي.. كله منهم حلمت أعبط حلم في حياتي.. البارحه ناس مطرشيلنا بطايق كم من عرس ويلسو يرمسون عن هالاعراس واعراس ثانيه وانه كيف وحده هل ريلها على كيفهم سوو كل شي وماشاور العرورس.. والخ
وفديتني سرت أرقد الساعه 3 .. ولا أحلم حلم يبالي بكس عليـه.. والله لو جي اسوي في المستقبل بصفع عمري..

واليوم نشيت الساعه 9 تطور! وسرت وافي.. واشتريت كم من شي ويوم كنت هناك ربيعتي (مب مرمستنها من يمكن سنتيـن) مطرشتلي مسج وجي رمسة يهالوو.. وانا من كثر ما فييه رقاد ماستوعبت شو السالفه.. آخر شي طلع انها ربت ويابت بنوته

وسرت بيت عمي أنزل شي ورديت البيت وبندت الستاير الى في الصاله ورقدت أحلى رقده والعصـر سرت امرتس مول.. والفليل سرت ملجة ماي سكند كزن الله يهنيـهم صدق كيوتيـــن ماشاء الله وبعدين نزلت بنت بنت عمة ابويه بيتهم ورديت البيت وشفت باباتي في البيت سيده سرت عنده ووصلت سلام كل العيايز.. الله يحفظهم

مستانسه اميه بترد اليوم الفجـر والعصر بنسيييييييررررررررررررررر ررر


ملاااااااااااك
اشتقتلج

[أنامل قلب]

:
.

ملاحظه مكرره ><"
خذو راحتكم بوضع الملاحظات فنحن بحاجه لها أحيانا ..
والكلمه اللي قلتها لمجرد التذكير والتنبيه حفاظا على الشكل العام للموضوع ..
يعني حطو ملاحظاتكم بالحدود اللي تشوفونها بنظركم مناسبه ^_^ ..

+ ملاك الروح .. ماتخيل المنظر لول

:

أمس واليوم : الأربعا والخميس ..
المود : ...... .....
الموضوع :

أمس وصلت البيت قريب الساعه 5 ..
وعقبها رديت اسبح واتزهب تالي وطلعت مع الاهل الفستفال بناء على رغبة اختي الصغيره ..
الوالد وصلنا وروح يخلص شغلات عنده .. ونحن البنات كملنا درب الحواطه بروحنا ><"
أحيد أول مره رحت للفستفال كان موووول فاضــــييـي عكس أمس تماما ..
وبعد هالطلعه اكتشفت ان نسبة العصبيه عندي زايده .. !
بالعاده مول مايخصني وبارده .. مادري شولي خلاني أكتسب سمة العصبية ولو بشكل بسيط ..
يبالكم تشوفون أنامل قلب واهي معصبه .. بتخافون !!

بعد ماتشرينا رحنا تعشينا بشليز .. عقبها رحنا صوب كارفور طماشه .. طبعا مالحقنا نوصل الا ولقيت اختي متصله تقول ان الوالد برا ينطرنا ..
طبعا بكل ثقه بنرجع للباركنج اللي نزلنا فيه .. عساس ان ندل درب العوده وما أدراك مادرب العوده .. !
الله لا يبليكم .. تمينا ندور قريب الساعه الا ربع بس نبي نلقى المخرج المطلوب اللي مب لاقينه ><"
تخيلو ندور ندور وكل خمس دقايق نرجع لنفس البقعه اللي بدينا منها :/

أقول حق اختي : "عساس انج الدلين الدرب .. يالله راوينا شطارتج .. وينهم شمعة أمل واخوي المزوحي يدلوني الدرب ! "
واختي طبعا جي " " .. والله لا يبليكم .. !
آخر شي لمن ييت بقعد اوني عالأرض "خلاص ريولي تفججو" شفت الوالد ياينا لول .. أخيرا لقونا ..

+ اليوم الكل ظهر بيت وحده من الاهل وانا والوالد تمينا بالبيت ..
تعبــــــــــــــااانه .. أحس جسمي مكسر .. رجعت البيت قريب الساعه 3 وقبل لا انام سويت لربيعتي اللي كانت قايلتلي اتصل ابها ..
كملنا ساعه وعقبها رقدت الين 8 وشي .. دخلت الواحات .. مريت عـ كمن غرض وعقبها رحت اسبح ..
اممم عقبها تذكرت اني ماكلت شي ! رحت المطبخ ووووكلت كمن قفشة عيش + صالونة لحم ..
قعدت احوط شوي متملله وعقبها سوتلي ربيعتي بما اني ماحضرت العزيمه ><" !

+ وايد واااايد واااااااااااااااايد تصير شغلات واسمع عن شغلات تخليني اوصل لحالات نفسيه عويصه ..
مش صدمه كثر ما ان حالتي تكون أسوأ من هالمرحله .. !!

وايد بخاطري ارمس واحط موضوع عن هالشغلات اللي اسمعها .. بس ماروم .. .

... !

:.

[ملاك الروووح]

:

شمعوه


مي توه دبووووه

تولهت عليج والله




وألف مبروك زواجهم .. منه المال ومنها العيال .. والفال لج يارب

أموت وأعرف شو الحلم ..

:

أنامل ..

حتى أنا كل ما أسير الفستفال لازم أضيع

بشكل عام انا مش من النوع اللي يحفظ اماكن الأماكن << كيف هاي


اذا ما تقدرين تفضفضين هنيه .. اتصلي ف أكثر وحده كلوز من ربيعاتج وتثقين فيها

وكلميها .. صدقيني بترتاحين وايد ..

الواحد لو طلع اللي ف خاطره .. نفسيته وايد بترتاح ..

:


انا ناسيه انه موعد اختي هالشهر .. بتربي ان شاءالله ..

وانا كنت قايله لها اني بتكفل بكل تكاليف التوزيعات والهدايا .. والأكل .. وترتيب الغرفه ..

وما حطيت هالشي ضمن ميزانية هالشهر !!

وماشي وقت ..

لازم أتصل في الحرمه اللي بتفصل لها الطقم و أدور على فكره حلوه حق التوزيعات ..

أبي شي يديد ومبتكر .. وربيعتي كانت قايله لي انها بتكتب لي بيتين شعر جيه

نطرشهم مسج يوم يوصل الحبيب اللي للحين ما رسوا على بر وما اختاروا له اسم !

والحبيبه تبا تعرف الاسم عشان القافيه اونه متفيجه هاه !


يارب تقوم بالسلامه .. لأنه وضعها الحين ما يبشر بالخير ..



الله بيستوي عندنا نيو بيبي ..

وعقب 4 شهور .. واحد ثاني .. بس هذا بيكون دلووووووووووووووووعنا

لأنه بيكون ولد أخوي ..

أول مره بستوي عمه بياخذ الدلع كله

من عقب 16 حفيد .. هذا غيييييييييييير !!



فديته غيوثي

<< خل يوصل بالسلامه أول شي ..


وعقب بشهر اختي الثانيه بتربي ..

OMGGGG


زحمه بتستوي عندنا .. ..!!

:

عقال ما روحنا نشوف فريخاتنا .. بس خل ايي ابوهم أول شي

[شمعة أمل]

أنامل
لول جان عزمتينيييييي على جيليز وماكنتي بتضيعييين< تراني انا انسانه وايد احب أرز ويهي في كل شي

ملاك
أصلن بديت أكتب الحلم هني بعدين مسحته قلت لاااا شوو فضيحه
ملاك يله عرسي ابا أحضر عرسج< عازمه عمري p:
كيووت عندكم بيبييز.. يتربوون في عزكم... لو بنت سموها علييه.. بنت اعرفها حامل وقالت لو بنت بتسميها علييه انا كل اسبوع احشر اختي تعرس عشان يكون شي بيبي في البيت

[ملاك الروووح]

:

شمعتي خلاص أنا بعزمج على جيليز أفا عليج ..



تسلمييييييييييين حبيبتي ..


وآميييييييييييييييييييييي ييين الله يسمع منج << من خاطرها هاه

أفا عليج ما يحتاي توصين .. أكيد انتي اول المعازيم ..

وعندنا ثنتين على اسمج في العايله .بس فالج طيب .. بسمي بنتي على اسمج بعد


ان شاءالله تعرس اختج جريب وايصير عندكم بيبي ..

اذا تبون بنعطيكم واحد .. ما شاءالله عندنا وايد .. ترس في البيت

أعتقد انه محد بيحس بغياب واحد منهم ..

:

انزين بعدني أبي أعرف شو كان الحلم !

أقولج شكلنا انا وانتي بنتصفع آخر شي .

من باجر بنسولف ف هذاك الموضوع يا أنامل صدقيني .. بس شسمه هو أصلا !
:

[قصايد غلا]

ملاك الرووووح + شمعة + أنامل ===> يومياتكم ونستني لووول


ملاااااااااااااااااااك من وين تيبين هالألفاظ اللي تجتل من الضحك "استدرجهم ، جنج في جريمة "

شو أصور لج يا حسرررررررررررررة حجرة خاليه ما سكنتها

حاليًا ساكنه حجرة ثانيه لين بنوا لي هالحجرة و لين أعدلها و عقب بصورها لج


شمعة : أسميج واااااايد تحبين تعرفين قدرج و معزتج عند الغير :p فضولية الله يعين ريلج المستقبلي

أنامل : جان وديتيني وياكم عشان أدلّيكم "قصدي أضيعكم"



==================================



اليوم : الجمعة

المود : مستانسسسسسسسسسسسة لأبعد حـــــــــــــــــد =D

الموضوع:

من كمن يوم أدخل موقع الجامعة أطالع درجاتي وماشوفهم نزلوهن


و أسميني زاااااااااااااايغة و موووووول مب متفائلة






لكن قبل شويه دخلت وجيكت

وجااااااااااااااااااااااا اااان أكتشف إن الدرجات نازلة لكن غبائي ما خلاني أنزل الصفحة و اشوف شو مكتوب تحت لووووول



و جان أشوفهم منزلينهن


و إذا بـــــــــــــــ أفج عيوني ، أستغرب ، أنصدم ــــــــــــي

وجان أبــــــــــاغم و أتم أركض وشاله اللاب توب أراوي أبويه

جان أقول حق أميه وين هديييييييييييتييييييييييي يييييي


الحمدلله الحمدلله ما ضاع تعبي

ما كنت أعرف شي اسمه رقاد و راحة


الحمدلله علاماتي أحسن من اللي توقعته بـــ10000000000000000000000000000 مررررررررة



+


عاد أحينه عليه العيش و اللحم لووووووووول

قلت حق أميه لو بس نجحت على الحافة في هالمادة بسوي عيش ولحم ومشوي ...

[أنامل قلب]

اختي ملاك الروح شكلي بنزل موضوع خاص بج ولج ..
وهذا رابط موضوع ميلسنا وسوالفكم .. !

اختي قصايد غلا .. الله لا يبليج !
وحياج الرحمن دوم ^_^ ..

:

اليوم : الجمعه ..
المود : .......
الموضوع :

قمت اليوم الساعه وحده الظهر .. ميته يوع .. !
تريقت قريب الساعه 2 بخصم وحليب "لذييـــــــذ!" + كمثره .. !!

ومن وقتها للحين احس ان وقتي ضايع مابين الاشغال اللي علي ورفضي لانهاء اعمالي :/
مادري ليش مــــــــــــوووول مب فايقه أخلص الشغل اللي علي .. برزنتيشن وريبورت واسي .. والخ !

+ سويت الـ سي في لي ولاختي للشغل الصيفي بعد ماناجرتنا اختي العوده .. اونه ماخذين الموضوع لعب ><"
وبعد ماسويته اكتشفت ان اللون الاسود بالطابعه مخلص .. وانا استويت !
عقولة اختي الاصغر : عادي طبعي باللون الرمادي او الوردي .. الحياه عندها حلوه

+ مستويه دبه .. زايد من بدايه الجامعه للحين مابين الـ 4 والـ 5 كيلو
اونه من الامور اللي ناويه انجزها اني انزل وزني لـ 52 او الـ 50 + ردو سئلوني بآخر الاجازه لول ..
بس صدق صدق واااااااايد مستويه مفجوعه .. احيد دكتورتي تقولي ركبي البلاستيك بسنانج ولا تجلعينه الا وقت الاكل ..
رديت عليها انزين واللي طول الوقت تاكل الا وقت النوم .. !
حتى الحين قاعده آكل جبس لول ..

:
.

انزين لاتنسوني من دعواتكم .. !

:.

[ملاك الروووح]

::

اليوم اليمعه ..

المود : تعبانه ..


رحنا الصالون من الساعه 4 لين الساعه 9 ونص تقريباً ..

كل هاه بس عشان نسوي بديكير ومنيكير .. وايد زحمه

لاعت جبدي !!

وباجر عندي دوام .. وبعد مالي بارض أداوم

شو هالحاله !

:

هيييييييييييه صح

اختي اليوم بشرتنا بعد انها حااااااااااااااااااااااام ل

ماشاءالله خواتي الثلاث الحين حوامل .. ومرت أخوووووووووووي



عقبال مرت أخوي الثانيه فديتها .. ..!

بيستوي عندنا وايد صغاريه ماشاءالله ..

جريب العشرين !

:

قصووودتي

لووووووووول انتي ما شفتي شي ..

ربيعاتي مسميني عكرميه عشان مصطلحاتي ..!


حلووووووووووووو بيكون عندج حجرتج الخاصه ..

أنا أبا ..


بنتريه الصور عاد

وألف ألف مبروووووووووووووووووووك صح على نجاحج حبيبتي

نتريه العزيمه

:

أنامل



السموحه منج حبيبتي

وشدي حيلج عاد .. لازم تنزلين من وزنج ..!

انا وزني نزللللللل استويت شرات اخوي اللي صف ثاني اعدادي تحطييييييييييييم

أبي أمتتتتتتتتتتتتتتتتننننننن نننننننننننننن

[مجموعة إنسان]

اليوم كان يوووم حلو

جمعت شلتنا وعزمتهم في مطعم

[مــهــابه]

اليوم :

الجمعه


المزاج :

شويه متعكر = > حرارة الجوف تأثر :p


الموضوع :


خلصـت الإجازه اللي عـاطتنها لـ عمريه :( . .
مـابـا أروح العين لأني مابا أدرس ، أحس صار عنديه تشبع من شهر 2 ونحن نـدرس خلآآص . .
بس زين يوم خذت بـريك أسبوع ، عسب أشتاق للدراسه وأكون غيرت جو شوي ، وأبدأ أدرس بـضمير . .

أنـا هالكورس محتاج ولـو Aوحـده بس عسب يرتفع المعدل . .


انا مادري ليش ادخل امتحان الفاينل وانا درجتي ماتقل عـن الـA وأنـصدم بـالدرجة أقـل . .

جنه إلا أمايه داعيه عليه ما أيبها لـوول . .


من يومين مستويه أرقد عقب العشا ع طول وأنش بـعد ساعه وبـليييل ما أرقد لين عقب الفير ، البارحة طلع النور وانا بعدنيه واعيه ، واحس انه رقاد الصبح مايشـبع . .


بـفتقد [ حــماده ] حبيبي بــاجر / كل يوم أصبح ع ويه وأمسي ع ويه ، من يشوفني يضحك :) . .


وعقب أسبوعين عندنا عرس وانا للحين مب عارفه شو أسوي ، أو شو ألبس ، مابعور راسي عقب الامتحانات بروح العين المول جان حصلت شي حلو خير ونعمة وجان ماحصلت ، بروح ويا خواتي

أحلى مافي الموضوع اني [ بـتحَنا ] :p ويـاحبي للـحنا انا . .

دعـــواتكم لـي بالتوفيج فالامتحانات :) ~ . .


قصوده :

ألف مبــروك حبيبتي ، تـستاهلين كـل الخير ، والحمدلله انه الله ماضَيع تــعبج . .

[الـيـاه]

اليوم : الجمعة - ليلة السبت
المزاج : ستوى عجيييييييب
الموضوع :

آآآآه شو ستوا اليوم انا وبنت عمي العصر قررنا نسير وين كفتريا الرباش اللي فالممزر
ناخذ الكرك العجيب مالهم وصلنا ووقفنا ورا سيارة بنت *آآآه ابا اسبها* المهم وهي معفده
ع الرصيف .. بنت عمي يت وقفت صح بالعرض وراها ..
عاد يابولها الطلبيه واحين تبا تطلع جان تأشر علينا بطريقه مب حلوه بأيدها ( انه يلا يلا اتجدمي ابا اطلع ) جان بنت عمي تقول ع هالحركه اللي سوتها والله ما اخوز!

تمت البنت تدق هراناااااااااااات خلت كل حد يصد .. واحنا معاندين
جان تنزل اللي يالسه عدالها دقت جامتي بغت تكسرها الله يكسر يدها
فجيت قلت : نععععم ؟
قالت : اتجدمو *تصارخ بصوت عالي*
بنت عمي قالت : تقدرين تكسرين وتردين ريوس وتطلعين ماشي ورايه سياره
قالت البنت : يلا يلا اتجدمي وسارت
احنا : والله بنراويج

بعدين هناك كان ياي شرطي ويا دوريته يطلب جاي وجافها شو تسوي .. يا قال حق بنت عمي
اتجدمي اختي .. بنت عمي قالت انا مابتجدم هي اللي موقفه غلط وتقدر تكسر وتطلع
وفوق هذا ما احترمتني .. لكن انا مب متحركه من هني اليوم واللي في راسها تسويه

سار عند البنت ويلست تتضحك له ومادري شو وعقب اتصلت في حد وخلت الشرطي يكلمه
ولاااا آخر شي بعد قالتله كم رقمك تتحرا مانجوف
واحنا جي والله لنرااااااااويك .. يوم يانا مره ثانيه قال اتجدمو وجي والا لازم اتخذ إجرآتي واطلب
ليسن وملكيه .. سيده بنت عمي طلعت ملكية السياره والليسن قالتله بدون ماتطلب خذذذ!
قرا املكية السياره وانطبببب ورد عند البنت يكلمها .. بعدين يانا جان يقول : خلاص روحها بتطلع
وطلعت وهي حماااااااااره!

سجلنا رقم موترها وعطيناه خال بنت عمي .. طلعو اسمهااا والحين البنت عليها مخالفتين شي جي مخالفة عدم احترام ( مب حافظه ) والثانيه واقفه غلط وبيطلبونها المركز يوم الاحددددد ! احسسسسسسسسسسننننننننننننن ننننننن عسب تتأدب مره ثانيه وتحترم عمرها وهالشرطي السخييييف مشكلتنا لو جفنا اسمه زين ! لكن ان شاء الله يعرفون منو
لانه غلط ياخذ التلفون من عندها ويرمس حد ..لااا وخذ رقمها بعد الاهبل ..

استانسنا لول بعدين فليل سرنا امرتس مول .. تعشيت واشتريت كمن شي وردينا البيييتتتت


.
.
.

[مجموعة إنسان]

اليااااااااااااه
زيييين سويتوا فييييييها
انا امووووت من العسكري اللي ينزل نفسه لاي حد
انت عسكري يخرب بيتك
لازم تثبت وجودك ,,


قبل كم يوم كان عندي موتر وااااحد وااااصل بالقو
المهم انا كنت ماخذ سيارته لانه كانت كلفني بشغله وسيارتي كانت صوب الفندق وانا في نادي الجزيره

انا طلعت بالسياره وهيه سمارت
عليها عاكس

وانا اسوق وقفني شرطي
قال ليسن وملكيه
قلت له ليش
قال بس انت مركب عاكس
قلت له : سوري يعني بس انت جيكت قبل ما توقفني !
قال لا
قلت جيك وعقب تعال وقفني
سار يجيك وشاف التصريح
يا يعتذر مني اونه اسمحلي واجراءات ومادري شوو
ههههههه

حسيييت عمري قوووو هااك اليوم