دير دياري ~ يوميات

[مجموعة إنسان]

من تاريخ 21 لين امس وانا كله مكروف في بطولة منازل لكرة الطائرة

اطلع كل يوم الساعه 7 الصبح وما ارجع اللا الساعه 2 المسا

من أحلى الأيام بحياتي
تعرفت بناس خباااايل نفسي
اثبت وجودي بسرعه
من اول يوم مسكت ليدر
صارت مشاكل
وصار ظلم
تعبنا تعب مب طبيعي
بس في النهاية ننسى التعب وتظل الذكريات

بعد ما صفيت الصور الخريانه
طلعت الصور كلها 1126 صورة
من هالعدد 400 صورة عبيييطه

والحين لازم اطلع احسن صور لانها بتوصل للشيخ منصور بن زايد

[ملاك الروووح]

::

اليوم الخميس ..

أو بالأحرى اليمعه الساعه 12:32 ..

المود : رقااااااااااد

:

فدييييييييييتكم تولهت عليكم وايد والله



وفديت قصودتي اللي سألت عني .!

:

تولهت على يور داييييريززززززز كلكم ..



:

السموحه منج أنامل .. امسحيها ف ويهي ..

أنا اللي أيرهم واستدرجهم بالكلام هع هع

:

استووووووووووووى لي موقف من يومين لووول كل ما أذكره أقفط والله !

اتخيلوا ياني كستمر انزين .. ويوم بغيت أعطيه الأبلكيشن .. ليش ما يطير خاتمي .. ويدق فيه

لأنه وايد وسيع لوووووول

الريال ميوّد عمره يبا يضحك .. شكله كان غبي وهو ايود الخاتم ويردلي اياه لوول

فضيحه والله !!


كان عندنا أورينتيشن اليوم والبارحه ..

استانست غيرت جو .. وطلعت من الفرع شوي

بس ما أحس اني استفدت منه وايد

ما كان انترستنغ يعني الا كمن بارت ..

ولا البجيه كلهم يقرون السلايدات ..


أحلى شي آخر واحد .. كان يشرح على آآآآآخر شي عاد وانا مدوخه فيني رقاد

ويالسه اتثاوب ..

جان يقول والانسه الحلوه اللي يالسه ورا .. لا تخافين بطلعكم الحين !!!

<< جيه استويت !

فضيحه

عاد الكل صد ورا يبا يشوف منو اللي يالسه تتثاوب !

والادتيريم كان فللللللل

::

بس أحس اني تولهت عاللي وياي في الدوام .. واشتقت حق حشرتهم وسوالفهم وخريطهم

:

تولهت على ما وحشتكوه الدبوه ..

ان شاءالله بسير يوم السبت عندهااااااااااااااااااااا

ويارب يكون مستوي هاك الشي .. ..

:

شمعوه

لووووووووووول ياحليلج .. أنا شراتج ترى .. لازم يذكروني دوم انهم يحبوني

عشان يرفعون معنوياتي شوي هع


ان شاءالله نستانس .. أنا أقولهم أبي أسير الجزر .. بس يقولولي انها حق كبلز أوكي ..

بس ما تنفع لنا نحن .. بنسير العاصمه .. بنسوي شوووووووووووووووبنغ !


وان شاءالله انتوا تستانسون ف سفرتكم بعد فديتج

KIssis 4 UR Little Sweet Sis

:

قصوده

صوري لنا الغرفه قبل وبعد مب تنسين ..

:

[شمعة أمل]

اليوم الخميس بس الجمعه
المود مستانسه الحمدالله
الموضوع

البارحه بنات ييرنا وخواتي خبلووبي.. كله منهم حلمت أعبط حلم في حياتي.. البارحه ناس مطرشيلنا بطايق كم من عرس ويلسو يرمسون عن هالاعراس واعراس ثانيه وانه كيف وحده هل ريلها على كيفهم سوو كل شي وماشاور العرورس.. والخ
وفديتني سرت أرقد الساعه 3 .. ولا أحلم حلم يبالي بكس عليـه.. والله لو جي اسوي في المستقبل بصفع عمري..

واليوم نشيت الساعه 9 تطور! وسرت وافي.. واشتريت كم من شي ويوم كنت هناك ربيعتي (مب مرمستنها من يمكن سنتيـن) مطرشتلي مسج وجي رمسة يهالوو.. وانا من كثر ما فييه رقاد ماستوعبت شو السالفه.. آخر شي طلع انها ربت ويابت بنوته

وسرت بيت عمي أنزل شي ورديت البيت وبندت الستاير الى في الصاله ورقدت أحلى رقده والعصـر سرت امرتس مول.. والفليل سرت ملجة ماي سكند كزن الله يهنيـهم صدق كيوتيـــن ماشاء الله وبعدين نزلت بنت بنت عمة ابويه بيتهم ورديت البيت وشفت باباتي في البيت سيده سرت عنده ووصلت سلام كل العيايز.. الله يحفظهم

مستانسه اميه بترد اليوم الفجـر والعصر بنسيييييييررررررررررررررر ررر


ملاااااااااااك
اشتقتلج

[ملاك الروووح]

ما عزيتوني ..

ف


بنتي ..

صديقتي ..

اختي ..

حبيبتي ..

وفقيدتي


كنوووووووووونتي !!!!




::

ولد عمي كان مسافر وقالي انه يباها .. قلت له شلها

بس وصيته الوصايا العشر طبعاً ..


وسبحان الله يوم سافر حلمت انه مضيع الكيمره .. جان أتصل فيه أبي أتطمن عليها ..

قالي مالت عليج اتحريتج متصله تطمنين علي اونه كيمرتج مافيها شي ..

وانا كنت حاااااااااااااااسه وانا اعطيه اني ما بشوفها مره ثانيه ..

سبحان الله !!



::


رد من السفر

واتصلت به اسلم عليه واتحمد له بالسلامه ..

قلت له شخبار بنتي ؟!

جان يفجعني ويقولي انها انسرررررررررررررررررقت !!!


انقهرررررررررررررررت صج بغيت أصيح .. قبضتني غصه

اونه بنت عمي بييب لج وحده بدالها

قلت له مابا أبي هاااااااااااااااااااااااا اااي

[شمعة أمل]

اليوم: السبت
المود: متكسره
الموضوع:

استمتعت هالويك اند الحمدالله بس الايفكتس من عقبه عذاب!! رفسوني بالغلط وطحت عشرين مره اذا مب اكثر واتخرطفت وطحت على حصا وايديي متقطعه من النفاخه واحترقت من الشمس بس كله يسوووى.. صدق هالويك اند مايتعووووووووض!!! من وناستي ماصورت غير كمن صوره لا بعد صور فاشله

البـارحه طلعنا على اليخت ووقفنا عند العالم وسيييييده انا واختي الصغيره وابويه عفدنا في البحر.. ولعبنا على الجتسكي واستكشفنا الجزر شويه.. كشخه حصلنا محار غير شكل وقباقيب صغار وستاار فشش.. وحاولت اجرب هالجتسكيي الى يووقفوون عليها بس مافلحت في اقل من دقيقتين طحت ثلاث مرات عقب طفرت وسبحت لين اليخت بس صدق تعب خذ مني يمكن 20 دقيقه وابويه على الجتسكي يراقبني وكل شويه اقوله ترا اذا ييني قرش بزعل عليك
يوم يينا بنحط المحار في الصندوق في الجتسكي حصلنا بسكوت.. محد غير كزن الياه عبّوود حاطنه هناك.. كل مانحصل اكل ولا حلاوه منخش في مكان غرييب سييييده ابويه يقوول: ها عبوود محد غيره!!.. اختي الصغيره بتغايضه هالاسبوع لانه نحن ركبنا عـ النفاخه وهو لاااء
واليوم من سبع ونص ليـن 12 ونحن في البحر .. انا طول الوقت عـ النفاخه.. وناااااسه بس تقطعت وتعورت اخس شي يوم اطيحوون










وااايد واايد استانسناااااااا



ملاااك
لالا الحلم سر xD

قصايد
لول خلي الريل ايي أول p;

[ملاك الروووح]

^


شمعووووووووووووووووووووه

من متى وأنا أقول خاطري أركب الجت سكي ..

لييييييييييش وكيييييييييف تروحين وما توديني هاه

حرام علييييييييييييج !!

:

وناااااااااااااااسه أحس .. مغامرات والله ! خبااااااال


أهم شي انج استانستي وغيرتي جو ..

ويعل أيامج كلها وناسه .. والحلم بتخبريني عنه عقب صح

::


اليوم في الدوام استوى لي موقف خلاني مادري كيف !!!!!


ياني كستمر هندي على آخر الدوام .. خلص شغله وجيه

جان يقولي انا أباج ف سالفه

آي واز لايك اوكي !!

جان يقولي اونه انا ادري انه عندكم ديانتكم وانتوا معتزين فيها وماشاءالله عليج محترمه وجيه ..

وملتزمين انتوا بدينكم وهالشي حلو فيكم

اونه انا مسيحي .. وكاهن بعد !!

وعندي ولدين وبنت .. اونه بس شو أقولج

اولادي اختاروا طريج ثاني .. طريج غلط ..

يشربون ويتعاطون مخدرات .. << جيه استويت !!

قلت له وااااااااات !

جان يصيح .. غمضني هنيه ..

قلت له كيف اقدر اساعدك الحين !!

جان يقول اونه انا اللي لازم اساعدج واساعدكم كلكم ..

اونه عيالي شياطين .. وعندهم باور ..

اونه وهم يخططون حق شي ..

قلت له حق شو ؟

جان يقول tHEY Wont To Kill ME !!!!!



قلت له هااااااااااه

قالي ييس .. ويبون يجتلون مجموعه من الناس اونه ..

قال انا اتصلت في الشرطه وخبرتهم التفاصيل وكل شي وقلت لهم انه عندي أدله

بس هم اتحروني مينون وما توقعوا انه اولاد جيه بيسوون ف أبوهم .. !!

اونه انا بسافر الحين الهند كيرالا << تذكرت شمعه كنت بقوله هيه ربيعتي سارت هناك <متفيجه هاه




قالي اونه الشيوخ هنيه ما قصروا وعطوني كل شي

انا ابي الخير حق بلادكم ومابي يستوي شي فيكم

أنا حسيت عمري جيه عايشه ف فلم انجليزي وانا بطلته

وتوقعت ل ثواني انه يطلع مسدس وينتحر ويجتل كل الستف ..

<< وايد متأثره بالافلام هاه !! لوووول

والله تروعت صج ..

وهو شكله يزيغ يتلفت وجيه .. وراواني الايدي ماله مكتوب المهنه : قس ..!

جان اقول هاه من صجه ولا شو !


وعطاني رقمه اونه اتصلي عقب يومين 3 اذا ما رديت عليج معناتها اني بكون ميت !!!!!!

وركض بسرعه وطلع

وانا بعدني منصدمه

وزااااااااااااااااااااااي غه !!!!!

[شمعة أمل]

ملاك
اويييييه شو هالموقف خبري مسؤولج في الدوام ولا شي.. زيااااااغ
ملاكوه يوم بسوي عزيمه بشلج ويانا وبخليج تلعبين عـ الجتسكي والحلم سرررررررر p:

[ملاك الروووح]

^

والله صج زياغ

اقولج شمعوه تميت جيه مال ربع ساعه عقب ما روح منصدمه ومبهته

مب عارفه شو أسوي ولا شو أقول !!




برمس المدير باجر وبشوفه شو بيقوووول !!

بس اذا استوى بنا شي وجتلونا عياله ترى ابي اقولج اني أحبج

:

الله كشخخخخخخخخخخخخخخخخخخه

مب تنسيني بعد من الحين أقولج

وبعدين يوم بنسير بتخبريني عن السر صح

[شمعة أمل]

اليوم الخميـس
المود مب لهناك
الموضوع


نشيت الساعه 9 وسرت أتريق ويا اختي الصغيـره بما انه كلاسي اليوم تكنسل.. كان حلو وخفيـف ويلست اسمع مشاكلها واسولف وياها شوي.. رديـنا البيت ولا نشوف هنود في البيت.. وانا خلاص شوي وبصفعهم ابا ارقد.. بس ماروم.. تمو في بيتنا 8 ساعات.. حشروني صدق صدعه ..
وطبّاخنا مادري شو ياينه اليوم.. بس طبخ سمج ووحده وعيش أبيض والله انه مب صاحي!!
اختي الصغيره ضحكتني اليوم.. تحاول تقلدني.. على الغدى يت عندي تقولي شمعه تراني وايد احبج.. وانا ماعبرتها يالسه اسولف ويا ابويه.. وزعلت لول.. يوم حسيت انها تضايجت يلست اصارخ يمكن انتي تحبيني بس انا احبج اكثر.. وعقب الغدى سايره عنده ابويه.. ابويه تحبني؟؟ .. جان يقوللها لااااا(كان يتمصخر).. وانا سيده لعوزتهااا جفتيي يوم اقولكم ابويه يحبني اكثر ماتسمعوون.. خلاص الحين سمعتيها جفتي انتي بس يوم اسال ابويه يحبني تسمعيييييين رددده دايما طبعاااااا احبج.. وانتي لاااااااا
عـ الساعه 6 سرت بجهز أغراضي للعرس ولا اختي الثاني ادش حجرتي وتنسدح على شبريتي وتشتكي عن امتحانها.. كسرت خااااااااااطريييي.. آخر شي قررنا مانسير العرس ونطلع نتعشى في مكان حشره نغير جوو..
عـ الساعه 8 وشي طلعنا نتعشى ويلست تشتكي وتسولف.. صدق فشلتني.. يالسه تقولي شو هالقصه الى يالسه تقرينهاا.. وانا اقوللها دمعة أمل.. جان تقولي دمعة أمل؟
اوه لا صح تعالي انتي شمعة امل!! واناااااااا اجوف يمين يسار ان شاء الله بس محد سمعهاااا
وعـ العشا قررت آكل شي دسم ويمتن وبندم عليه باجر.. مودي زفت.. صدق زفت.. الله يعيني..


قصااايد غلا
لووول

[شوق القلوب]

السلام عليكم ..

اليوم : ممم.. شو اليوم ..؟؟
الساعه 2:26 الظهر
المود : شبعااااانه.. و الحمد الله

الحمد الله .. امس كنت وايد مرتاحه و مستانسه .. :)

يكفي شوفه الويوه الطيبه.. صدق كم تسوى..

والناس اللي اتحبك و اتودك صدق..

..

ودي ارتب لامور في هالايام اليايه.. بس بعدني متلخبطه..
و ان شاء الله خير.. ^_^

..

ع فكره .. وااااايد متولهه على شوق القلوب

[تحفه]

ع فكره .. وااااايد متولهه على شوق القلوب

جي انتي منو؟

[شمعة أمل]

اليوم: السبت
المود: الحمدالله على كل حال
الموضوع: شكراً



شكـراً لكـل من وقف معايه وتحمل مودي الخايـس على أيام بروجكتي النحس ويا الافريقـيه المتخلفه..
اليوم طلعت علامتي في هالبروجكت


والحمدالله x 10000000000




يبت 1.. يعني 100%

مع العلم أنه أعلى علامه هالاستاذ عطى حد في هالماده 80%... وجااااااان اكسر الركووورد

الحمدالله تعبي ماضااااااااااع.. اففففف ايام السهر ومانكل ونصيح ونعصب ونتحرطم ويغمى علينا ومانرقد>.<



(حدّي مسـتانسه)


وشكـر خاص لحلم الطفوله