دير دياري ~ يوميات

[بنت الدلع]

اليوم: الثلاثاء
المود: uhh, busy as a bee
الموضوع
نشيت الساعه 6 وثلث كالعاده
وصلت الكلاس وطبعا متأخره 15 دقيقه (على فكره بالنسبه لي من وقت)
اخر كلاس كان عندي امتحان ماث
كان ماعرف كيف بس كل البنات قالوا انه صعب
ظهرت من الجامعه كان عندي ميتنغ
ليييييييين الساعه 6 وشوي
ظهرت وانا خلااااص بمووووت من الرقاااااد
في الرده مريت على ماك
من كثر ماكنت يوعانه مارمت اتريا لين ما اوصل البيت
لول وقفت في البارك وكلت =D
وصلت البيت الساعه هممم اظن 7 ونص
اتسبحت وصليت واتعدلت وسرت ملجة ماي كزن
so sweeeeet
حسيت جييه احساس ثاني مادري كيف
فديتها والله، الله يوفقهاا =)
صديييقة الطفوووله
يحليلها كانت تترياااني واتحرت اني مابحضر الملجه
لاني كنت متأخره
كل المعازيم يايين وانا آخر وحده ادخل

اختها العوده يوم شافتني اتحرتني اختي >.<
يوم كنت يالسه فوق وياها دشت اختها وقالت فلانه مادري شو مادري شو
جااان تقولها العروس O.o هااااي مب فلااانه
جان تقول شووو !!!!
اوييييه لاااا انتي (....) !!!
اوييييه متغيييييره ماشالله عليييييج
صدق ماعرفتج

وقبل لا ادش بيتهم شفت اخوانها سلمت عليهم اول واحد ماعرفني وقالي حياج
سلمت عالثاني وبعد ماعرفني
جان يصد مره وحده
منووو (بنت الدلللللع !!!)
ويييييه ماعرفتج
جان الثاني يفتح عيونه
ويييييه والله ماعرفتج

ليييش يعني وااايد متغيره !! ادري اني محلوّه p=

اليوم فلم هندي هههه
كنت يالسه في الصاله جان تسحبني بنت خالي
تمت تطاالعني
انتي شووو مسويه في ويهج ؟؟!!!!
متغيييره

وانا باسم الله شووو مسويه !!!
مب مسويه شي

بس in a way استانست لول

وووو بس رديت البيت
ويلست اسولف ويا اخوي وبعدين رمست مااااي بستتت فرنننند
وووو جيكت ايميلي وحدرت الواحات


-----

btw, i miss u guyyyyyyyyyys
احس من زمااااااااااااااااااااااا ااااااااااااااان ماسولفت ويااااكم =(

مس يو واايد ايه احبك، انامل قلب، شمعة امل، العجيبه، يااهو الدبه، ملاك الرووح، حلم الطفولة
كلكم كلكم

[شمعة أمل]

اليوم الاربعاء
المود بموت ;_;
الموضوع
احس اني بموت ;_; وايد خايفه من امتحان الفاينل باجر >_< مب فاهمه شي ابداااااااااااااااااااااا اااااااااااااااا
هالماده وايد مكثفه.. بشكل مب طبيعي.. حتى ماخلصت ادرس نصه..
واااااااااااااااايد صعب ;_;
حتى يوم ابويه درى اني ماخذه هالماده جي استوى شكل > .. قالي الله يعينج.. يتذكر ايام الجامعه كيف هالماده كانت صعببببببه.. بس يقول انه يوم بشتغل ماشي بيفيدني كثر هالماده
بس اف اف اف وايد صعب
حتى ربيعتي تقول اخوها يالس يشتكيلها كل يوم عن هالماده.. والله وايد وايد صعب..
روحها الابله تقولنا انه محد يرسب في موادها الا هاي الماده معظم الكلاس يرسبون فيه
اففففففففففففففففف
ابا اصيح ;_;
كارهه حياتي.. هالماده ليش جي زفته.. وتنرفزز.. اففففففف
ابا انجح >_<
احس هالماده بتخرب سمعتي لاني بزفت فيها مب حاله هاي
اففففففف

الشي الوحيد الى مونسني اني بخلص جامعه يوم الاحد
آخر فاينل يوم الاحد.. بس المشكله انه عندي تخرج اختي من المدرسه باجر الفليل.. ولازم ادرس لهالماده الثانيه سيده يوم اخلص الامتحان.. لاني مادقيت شي.. ف ماعرف اسير ولا ما اسير التخرج؟!.. ابا اسير احس وناسه.. كزنت الياه بتي

[ملاك الروووح]

::

ايه أحبك

هيه حتى أنا أحب ديدل وايد ..

بس للأسف على أيامنا .. ما كان يتحصل ..



<< مادري بها الاخت من اي عصر يايه هع

أنا عن راعي المج لووووووووووووول شو يبا أكثر من المج اللي حصله

الشباب كلهم يبون منه ..

بس الحمدلله انه ما قايل لهم اني انا اللي يايبتنه ..

ولا كانوا بيذلوني صج ..



فديييييييييييتج والله دموعي تيمعت ف عيني يوم قريت ه الجمله ..

ما ابي الا شي واحد من الدنيا اني انام او اموت وانا مظلومه مب ظالمه لا من قريب ولا من بعيد

وايد اتأثرت !!!!

والحين نزلت دمعه لوووول


الله يحفظج ويطول بعمرج حبيبتي .. وان شاءالله ما تكونين ظالمه حد ..

ويارب ما تكونين مظلومه بعد .. وحتى لو كنتي مظلومه احتسبي الاجر عند رب العالمين ..

وان شاء الله ما بيضيع حقج ..!


وبعدين ما يخصج انتي ..

أنا يا ما قريت هالآيات .. و وايدين ماتوا ف نفس الوقت

<< اوني بواسيج لووووووول

هذا قضاء وقدر .. ومب ذنبج انها مرضت هاليوم ..

بس خايس الشعور .. يوم تنشين متأخره وتعرفين انه عندج شي لازم اتسوينه

اخيييييييييييييييييييييج



::

بنت الدلع

أوب أوب

صوبنا الحلوين صوبنا

عطنا ويه يالحلووووو

في ناس جيه وايد يتغيرون بالميك أب ..

ف عشان جيه شكلهم ما عرفوج ..

ذكرتيني ب عرس بنت عمي .. مادري ليش ..


اتخيلي وصلنا القاعه أووووووووووول الخلق انزين .. واخو العروس ياي اييب أغراضهم وجيه ..

والحبيب ما كان متوقع انه بيكون في حد في القاعه هالوقت ..

وأنا يالسه امشي جيه سايره صوب الباب ليش ما يدخل الحبيب

وأنا بكشختي هاه ..

ماسكه الكيمره ب ايد .. والايد الثانيه ماسكه الترايبود .. وهو مفتوح بعد


وطبعاً ما يحتاي أكمل لج الباقي

والحين الحبيب متلصق وايد هع هع

هذا لازم يتزوجني .. ستين ألف مره شايفني ..

استغفر الله .. يارب سامحني ..

::

اليوم اليمعه الساعه 5 الا شي ..

فضييييييييييحه البارحه الكل كان متيمع بيتنا .. وانا من فلاحتي من رديت من الدوام

حطيت راسي ورقدت .. ليييييييين الحين اتخيلوااااااااااااااااااا ااااااااااااااا

أدري أدري حالتي وايد صعبه

واذكر انه اختي يت وقومتني .. وانا جني قلت لها انزين ان شاءالله بودي الصغاريه

<< وين بتودينهم

وعقب رمست عن مشكله مستويه في الدوام بعد هع ...

وكل هاه ولا نشيت هاه .. والحين ميته من اليوع والله ..

شاريه خشاخش من المحطه .. بسير أدور عليهم .. وبنطعن ..


يت هاي مالة الشعر اللي بتسوي لي الظهر ..

والله اني سباله قاصه عالحرمه ..

دوامي كان ايفننغ .. يعني لين 12 .. وعقب لازم أرد ع الساعه 5 لين 8 ..

ما حصلت حد يوديني .. اخوي كان في العين رايح يسوي بطاقاتهم الصحيه

واختي عندها ميتنغ .. والثانيه شارده من الدوام وهايته هي و ربيعتها ف مول ..

جان أقول حق مالة الشعر شو رايج اتمرين علي وانسير البيت على اساس انج ما تدلينه

<< خرااااااااااطه هاه

طبعاً استاذنت من اختي اول شي .. مابركب وياها جيه مني والدرب

وبعدين خواتي كلهم يعرفونها .. سو ات واز أوكي ..


وانا من فلاحتي كنت صابغه شعري اسود من فتره وما كنت ادري انه حرام بعد

وانهزبت طبعاً

ف يوم يت تصبغ لي اياه .. وشافته لعنت خير خيري ... عطتني محاضره طويله وعريضه

وقالت بنيرب حظنا ما عليه .. ويربت وما بين اللون طبعاً ..

والحبيبه سارت وسوت هاي لايت .. قلت لها احس ما يخصه .. ما بيكون راكب

اونه ماعليج انا بسوي لج شي حلوووووووو ..

واي حلو وأي بطيخ والله ولا تدل الحلا ..

قالت لي شوفيه وقولي لي رايج بصراحه واذا ما عيبج بعدل لج فيه

.. ويوم قلت لها انه اللون فاتح وايد

اونه لا كتير حلو وبيعئد ومادري شو ... >> على اساس اقولج رايي يعني ..

ولا عدلته ولا هم يحزنون .. شلت بيزاتها وسارت بيتها ..

لأنه ريلها اتصل بها وهزبها ووانا السباله يالسه اتصوخ

:

كلهم عيبهم واللي في الدوام راويتهم واتخبلوا عليه ..

قالوا انه طالع حلو علي .. بس للحين مش مقتنعه فيه ..

بتصل بها وياراسها بخليها تعدلي اللون وتغمجه .. تو متج احسه

اختي ما عندها وقت يوم شافته اونه ملاكوه بلاه شعرج مصدي ؟!!

لوووووووووووول ضحكتني والله ..

:

وملجة بنت عمي هاليمعه ..

وايد مستانسه ومتحمممممممممممممممممسه ..

خذت لي فستان من مانجو كولكشن زهير مراد .. بسيط وحلو ..

وطلعوا حميات المعرس ماخذين من هناك ..

OMG ما أتخيل يكونون ماخذيت شرات فستاني ..

ما بعق العبااااااااااااااااااااه !!

ولا بسير باجر ادوري لي شي ثاني .. !

:

جني وايد رمست !

< مب يديد عليج !

[قصايد غلا]

هههههههههههههههههههههه ملاك ، جتلتيني من الضحك ، فديتج والله غيرتي لي مزاجي بسوالفج الحلوة


ايه أحبك : انتي شراتي ، يوم أكون خايفة من شي اتم اقرا قرآن طوووووووول الوقت و عقب تعدّي الامور على خير الحمدلله ، بس انتي مالج ذنب ولا الآية لها خص
الآية تهوّن عليج و تيسر لج أمرج ، لكن مرض البنت من الله " الله يعافيها"


================================================

اليوم : الجمعة أحب هاليوم


المزاج : كان متعكر و اعتدل شويه بسبة ملاك و ايه أحبك و سوالفهم الحلوة


هالشي معكر لي مزاجي ===> الناس تغيروا

و
محد يتحمّل كلمة الحق

و

محد يفهمني

+


البارحة سرت عرس ربيعتي في الذيد "أول مرة تعرس وحدة من ربيعاتي"

حليلها والله ، عرسها وقته غلط ، قبل الفاينل بــ أسبوعين الله يعينها


+

اليوم بسير عند ربيـــــعتـــي (اللي صدق أعتبرها أختي)الله لا يحرمني منها

[ملاك الروووح]

هلا والله رمشتي ..

لووووووووووووووووول

فديتج أنا ..

عيل اندمجتي هاه ..



غربلات عدوج ضحكتيني ..!


من زمان مب شايفتنج والله .. لج وحشه دبووووه


والله أمس أقول حق اختي ما سرنا بيت قوم رمشوه ..

قالت لي هيه فديتهم هم دوم ايونا .. لازم نرد زيارتهم ..

قلت لها خلاص .. عقب ملجة بنت عمي بنروح لهم ..

لأنه اليوم بنسير بيت خالي .. ولا كنا بني بيتكم والله !



:

حبيييييييييييييييييبتيي ..

والله انتي الكيوت

جان أستحي !




بس مب عايبني شعري مول رمشوووه ..

والله صج مصدي ..

حتى يوم أقول حق خواتي انه مب عايبني ..

يسكتون اقولهم ايه ترى المفروض اتقولون الحين انه حلو ..

لووووووول

وعن الفستان وايد مقتنعه فيه ..

وقلت حق اختي تسألهم عن فساتينهم والحمدلله طلع مب شراتي


زين انه بنت عمي بتملج عشان نشوفكم

ياويلج لو ما ييتي .. ماتيلسين اطلعيلي اعذار من الحين أقولج ترى ..

وبنت عمج بتي ولا ؟


أما عن ولد العم .. لووووووووووول دخيلج لا تخبرين حد

لأنه خواتي بعد ما يدرون .. ما كان لي ويه أقولهم السالفه ..

والحبيب أمس متصل فيني يذكرني انه يبا كنونتي ..

بيسافر ويبا يشلها .. والله بتوله عليها ومب هاينه علي ..

بخليها يحط ليسنه تأمين اذا استوى بها شي ..


مشكووووووووووووره حبيبتي ..

استانست على ردج وايد

::

قصووووووووودتي

لووووووووووووووول

فديت روحج أنا ..

عيونج الحلوه ..

عقب ما حطيت الرد حسيت انه وايد طويل .. ومصختها وايد هالمره

قلت الحين بيقطعوني .. بس أهم شي اني غيرت لج مودج ..




أما عن الناس .. صدقتي والله

لو قلتي كلمه الحق الحين .. تطلعين وقحه وصراحتج مالها داعي ..

ولو سكتي عنهم يقولون انج هبله وساذجه ..

تحتارين فيهم والله

صج ارضاء الناس غايه لا تدرك ..


شدي حيلج عاد وبيضي الويه في الفاينل ..

وعقبال ما نحضر عرسج ياربي

:


اليوم اليمعه : أول يوم لنا بدون شغاله

شغالة اختي أونها هاك اليوم متصله ف أهلها .. ويلست تصيح وجيه

اختي سألتها بلاج .. قالت لها أمي مريضه على فراش الموت

وابي اسافر ومادري شو وهي توها يايه مكلمه سنه بس ..

المهم اختي اول شي ما كانت تباها تسير .. بس عقب قالت نفاد دامها ما تبا اتم

كيفها .. بحصل وحده أحسن عنها ..

اليوم الثاني اشوف شغالتنا الحبيبه يايه عند أمي ..

اونه بسافر أنا بعد .. امي قالت لها ليش ؟

جان تقول بسير عند أم شغاله اختي يعني

جان تقولها امي انتي اشلج .. وليش تسيرين ومادري شو ..

المهم سوت لنا سالفه وراحت يابت شنطها وحطتهم عند الباب

وقالت اذا ما بتسفروني انا بطلع ومن هالرمسه

ونحن نبااااااهااااااااا من الله لانها وايد كريهة مستويه ونحن وايد مدلعينها ..

ف أخوي اتصل بها وهزبها .. قالها سفر وبنسفرج .. شي ف خاطرج بعد

جان تقفط ..

المهم

طبعاً الحبيبه خاطبه شغالة اختي حق اخوها

اختي ضحكتني أونه هالربع مب نحن مالت علينا

لوووووووووول


و الحبايب من اسبوع مستانسين ومرتبشين ..

وقالوا لنا انه يبون موبايلاتنا الجديمه بعد ونحن حليلنا طيبين عطيناهم ..


بس قهروني يعني سووا كل هالتمثيليه بس عشان الحبيبه تبا تسافر وتعرس ..

عشان اخو شغالتنا بيسافر عقب شهرين سو تبا تلحق عليه !!


بس أبركها من ساعه ..



عاد انا من زمان مب مشتغله ولا غاسله الوعيان أو شي

حسيت شكلي وايد غلط اليوم .. واختي صورتني بدون ما أدري وأنا أغسل المواعين

ومطرشه الصوره حق ربيعتي اونه شو رايج ف شغالتنا اليديده ؟ ويا راسها ..


رحنا المكتب عسب انييب شغاله يديده ..

بس حصلنا وحده زينه مشتغله في الاردن ..

لكن اختي قالت انه حميتها يايبه وحده من الاردن .. ما اشتغلت وطفرتها اونه :

شو هيدا .. شوب كتير هون عندكووون مابدي اشتغل ودوني ع المكتب .. !!!



يلعن ابو الرمسه ..



وبس جيه ..

بسير أكوي عباتي عشان العزيمه .. حليلي والله ..


عندي دوام باجر .. بسير أزهب ثيابي ..


يالله سي يوووو سون فديتكم ..

[بنت الدلع]

::


بنت الدلع

أوب أوب

صوبنا الحلوين صوبنا

عطنا ويه يالحلووووو

في ناس جيه وايد يتغيرون بالميك أب ..

جنج غلطتي علي
ماحب احط ميك اب واااااااايد
ميك ابي سمممممبل من خاااااطر خااااااطره
بس اونه على قولتهم اني كبرت واحلويت

على طاري الميك اب
بنات القروب الي ويايه
كلهن يقولن بنخربج !!
كنت يالسه في السياره وزززحمه وآرفااانه
ويالسه ورا
والسياره فل مخفي
اوني عاد حطيت لب ستك وردي ولفيت الشيله مادري كيف ولبست نظاره من هذيل الكبار
كلهن جيييه صدن علييي اونه نحن لااااازم نخرررربج بس يبااالج ترفعين الـ clip فوق
هههـ ميانين هذيل
اقولهن بنات الشارجه غير قابلات للتخريب

--

يا الهي ملااااك
ما اتخيييييييييييييل
it's soooo ouuuuch

بس عادي بتتعودين لول
انا نساايبي اظن حاافظين لون شعري وطوله وطبيعته
استغفر الله
احيانا جيييه ادش الصاله وانا ماااا ادري ان فيييي آدمي يالس
وادش وانصدم عاااد
ومن عقبها اقفط قفطه محححترمه و ماروم احط عيني في عينه

[شمعة أمل]

^
سوالفكم تضحك

اليوم السبت
المود بخيير
الموضوع

نشيت الساعه 8 وحلمت حلم وايد غريييييب
طلعت من البيت الساعه 8:27 ووصلت سبنيز الساعه 8:35 واشتريت مجله وبسكوت وايس كريم عقب مشيت لـ ستاربكس وطلع مبند!!
والحين ع الواحات.. لازم اسير ادرس آخر فاينل باجر... أحس انه الامتحان بيكون اوكيه عكس الامتحان الى طاف.. زفتت فيه من الخاطر..

وايد مستانسه
في 24 ساعه بالضبط بخلص جامعه
وبسير السينما كل يوم xD شي 5 افلام ابا اشوفهم