دير دياري ~ يوميات

**بنت الدلع** · 30-03-08 ||, 09:11 AM

هيه يحليلها الغلا قالت لتنينه انها تبا تشوفني
طبعا تنينه على كيفها اتظهّر اشاعات قالت لها ان بنت الدلع ردت البيت
لول وانا يالسه
عقب يوم شافتني قالت اوييييه حرااام الغلا كانت هنه تبا تشوفج

خيرها في غيرها ^_^

**شمعة أمل** · 30-03-08 ||, 11:48 AM

بنت الدلع
كان وناس لكن الخساره انه بس كان ليوم لول

رمش الغلا
ماكنا نعرف شو السالفه في البدايه بس البارحه ابويه فهّمنا كل شي لانه كان باين على ويوههنا انه صدق clueless لول
لانه ماكان عندنا حد يشرحلنا شي.. لانه فرقوونا.. ف انا وخواتي ويا حريم وكم من ريال مودينا المدينه وقم ابويه والباقيين مانعرف وين ودوهم

ضايعين في الهند هاها

اليوم الاحد
المود الحمدالله
الموضوع

البارحه الفليل طلعت من النت وجان اسير فوق اونه بدرس.. جان اقول خلني اتصل في هالبنت من الجامعه لانه آخر مره شفتها ماطعت أرمسها لاني كنت مغيضه.. ويوم اتصلت فيها يلست تصيح

وانا ويحليلي ماعرف ليش يالسه تصيح

آخر شي طلع لاني مارمستها

سخافه.. يوم بندت التليفون يلست أضحك

ادري يوم تقرون هالشي تقولون بلاها هاي عديمة احساس.. لكن لااا مايخصه يعني مادري كيف ماتوقعت انها تصيح.. يعني انا مول ماخذت الموضوع بجديه .. مابغيت ارمسها وكنت ابا بريك مايا عبالي البنت بتصيح

حتى قلتلها مايا عبالي انتي جي حساسه O_o عبط

واليوم دخلت الجامعه وجان ارمس وحده من البنات وحليلها زايغه من الامتحان وانا سيده دخلت ولا جنه شي < بس درست أول جابتر والامتحان 6 مادري 7 جابترززز

بس ماهتميت وايد لانه ماينحسب..

عقب سرت اشتريتلي ريوق ورديت البيت

**الخنساء** · 30-03-08 ||, 12:17 PM

شمعة أمل الحمدلله على السلامه ...

اليوم: الأحد
الموضوع: ملل

أول ديري لي بعد ما داومت في مكاني اليديد ..

لين الحين ما استقرت اموري بس الحمدلله احس اني تعلمت اشياء وايد خلال ال3 اسابيع اللي طافت ....

ناس وايد ... واحس اني ضايعه ..بس في شيء تعلمته من شغلي اللي طاف ...

ما احتك فيهم وايد ...اسلم واصبح على الكل .. اخلي علاقتي في الحديد الشغل وبس

وابعد حسن النيه في الكل ...بس هالشيء خلاني اشكل في اي ينقال او اقل حركه .... ما ادي اذا هالشيء زين او لا ..

المهم اني وايد حذره ....

تولهت عليكم وايد