دير دياري ~ يوميات

[المزوحي]

اليوم: الثلاثا

الموضوع : روتين ممل وقاتل


من فتره كنت مستانس الحمدلله ...

بس من ايام احس بشي كاتم على صدري، ورغم هذا امشي الموضوع، اقول تهيؤات .. دقايق وبيخوز الشعور

قررت ابتدي امشي، بس عاد جسمي استوى مب شي ... صدق مب حلو يوم الشي يتأجل !

أبغي اكون فرفووش مع ربعي مره ثانيه .. صح فرفووش لكن مب ذاك الزود .. صح مابقولكم اعيش حالة مهرج

اخ ..

لكن وين طبايعي السنعه .. ماعرف شو صار لي ...

ابغي اتغير ابغي اتغير ابغي اتغير

والحينه ابغي اكون طيب

يا اخي غصب

هيه تعبااان

وبرد الاولاني

لأنه ياني انتقاد من المسؤول ...

سكت باجي اليوم ...

الحينه ناش من الرقاد، منو قال لي ارقد اصلا .. يالله ما احب ارقد عقب العصر ..

هممم

تدرون احس ريحة باستا في خشمي .. صدق .. يم يمي

لو حد يعزمني على مطعم ايطالي بس .. صدق غييييييييير

يعت يا جماعه

[مايهزك ريح]

المزوحي .. حالتك صعبه ياخي ..
الله يبعد عنك الملل .. ^_^

[المزوحي]

تسلم مايهزك ريح

اليوم : الخميس

المود : عادي

اليوم قمت من وقت، مادري .. يمكن عسب الويك انك ، وإنه يالله سير الدوام، وباجر إجازة ..

متى بيفتتحون جسر القرهود .. أرفونا الاوادم ...

طلبيت مناقيش جبن حق الريوووق، من زمان ما كلت مناقيش جبن، كله زعتر أو شغلات ثانيه ..

اليوم الشغل خفيف الحمدلله ...

رديت البيت، لكن ما اشتهي اتغدى ...

في بالي عدة شغلات في الويك اسويها ...

همم تعالوا .. ياني عرض وظيفه في بنك ،، وايدين يقولون لا .. لا تسير .. شو رايكم ؟؟

الاستخارة أولا

لكن في أشياء الواحد يرفضها من الأساس ...

[مجموعة إنسان]

انا متخبل هاليومين
ماعرف شو صابني
لا يكون أحب!!
لا وييين .. بعدي صغير على هذي السوالف

بس صدق يعني
من يوم الأربعا لين الحين انا ما رقدت غير ساعه

صدق صدق
حالتي ميؤوس منها


دعواتكم بس !!

[مــهــابه]

^
الله يعينك ، مريـت بنفس اللي مريـت به ، صدق معـــاناه . .


اليوم :
~ اليمـــعه

المزاج :

~ عـــادي جداً

الموضوع :

بإختصــار ، سوالفي انا وابويه اليوم فالسياره كانت بتودينا بـداهية
وعلى قولة ختيه " مجلس وطني مصغر " لوول

نسولف ومندمجين وجان تنقز السياره ع الرصيف بسبتنا


~ مم البيـت بدون امايه مب حلو ، رغم انها ماصار لها ساعتين من راحت بس ! يمكن دقيـت لها اكثر من 4 مرات



وآخيــراً :

تقسـى الليالي ولـكن ! مـاتقسينا

[المزوحي]

اليوم: الجمعه

المود : cool

الموضوع: لمه حلوه - في شي بعد !

اليوم اصبحت متكسر، لأني ضاري على النشة كل يوم حق الدوام، فـ الاجازة عندي تكون متعبه، جسمي

متكسر ... وعقب السبوح والصلاة، تميت في البيت، لأنه معزومين اليوم ... وعقب المغرب بدينا نتيمع

واليلسه حلوه وخفيفه ..

بس في شي مب عايبني

[رمــش الغـــلا]

اليوم

الجمعهـ


كنا حاسين بملل فظييييع

انا وخواتي ومرت اخوي

اختي وريلها مسافرين سويسرا وفرنسا

واخوي وحرمته مسافرين بعد شرق آسيا



........

ونحن فالبيييييتـ <<< ملللل من الخاااااطر بدونهمـ

...

وجان انقرر العصر انسير بيت قوم خالي

قلنا ببناخذ اشيا للشوي

وبنسير..


وسرنا

واخوي وخالي سووا لنا باربكيو عجييييييب << واتعشينا برع

بس قبل لا نتعشى

كنا انا وبنت عمي يالسين ع طرف الحوض


وطبعا يلسنا نتفنتك ونتصور

صور عبط شوي..

ويوم ييت بنش

اللهـ يرحمهـ فوني العزيز

شتهـ يغرق جدامي وانا مب قادرة اسوي شي

لين شفته وصل لقاع الحوض

وانا خلاص بصيييييح



اهئ

خلاص رااااح فوني

مع انهـ ما تم فترة طويلة معاااي

متغصصة كيف بتم بدون فووون

اهئ

!!!


وجان ازاعج واصارخ

ويت امي ومرت عمي

يقولون خلى حد ينقز

زين ان كان صوب الحوض مال اليهال مش الغزير والا جان ما رمنا انيبهـ!!

وعقب جان انيب الشبك مال الحشرات

وامي رامت اتيبه

ويلست انشفهـ

واستشورهـ

ماشي فاايدة

باااااي فوووووووني العزيز

والله مضاااايجة اليوم

مع انهـ اليوم صدق غيرنا جو واستانسنا

بس مااااعرف فوني غيييير احس اني ناقصة شي!!

[مزن هتان]

اليوم: السبت
المزاج: معصبه

الموضوع:
هـ الويكند كنت حاطه ابالي اني أشارك
بس أميه ما خلتني، زعلت منها ما سوت
لي سالفه، أونه الشارجه لأ بعيده،الا هي
فرت حصى.

نوّرت الكويت :)
أبي أنزل الكويت اشتقت لهم !!

[شمعة أمل]

اليوم السبت
المود مضغوطه
الموضوع

الاسبوع الى طاف كان متعب.. كان عندي اجتماع ورا اجتمـاع .. غير هذا يالسـه اشتغل على بروجكت اختي للكرنفال مالهم حلو كيف لازم يفتحون بوث ومادري شو.. عكس بروجكتي في الجامـعه ..

وصلتني اخبـار حلوه هالاسبوع.. الحمدالله

الشي الى مخلني سترسسسسسسسد اني لازم اسلم اساينمنت باجر.. مب رايمه اكتبه احس مخي مايشتغل مع اني وصلت ألف وشي بس بعدنيييي >_< والمشكلـه كل ما افكر في هالورقه احس اني ابا ارقد
ابا اخلصه اليوم.. اذا ماخلصه اليوم اعرف اني مابرقد عدل >_<

[المزوحي]

اليوم : السبت

المود : عادي

الموضوع : مرهق

من اصبحت ما احس بنشاط، ومع هذا قلت بظهر، عن يزيد الكسل، سرت ميركاتو، واشتريت موبايل بدون تخطيط

مسبق عن موديل الجهاز ... وخلاف رديت تغديت في البيت



والعصر مريت بلج انس ...

في الليل قلت بمر على جسر القرهووود .. بما إنه افتتحوا الجسر وخلاااااص ... عبرت الجسر ومريت وافي ..

خذت كذا شغله ... رديت البيت اتسبحت وتعشيت .. وووو

تعبااااااان جسمي متكسر

بس تدرون ؟؟ صدق أرف الدوام

[ملاك الروووح]

::

فديييييييييت اللي شفتها في السوق تاخذ لها موبايل يديد

شو رايج في الاهداء اللي طرشته لج ع المسن !

عجيب هاه لوووووووول

:


اليوم .. ضحكت ضحك على عمري في الدوام ..

المنجر اتصل فيني وقالي انه يبيني .. كان راد من السفر يعني

وتحمدت له بالسلامه أول شي وجيه وعقب سألته عن ألمانيا ..

جان أقوله عقب : يالله ولكم باك .. منور الواحات !!!



لوووووووووووووووووووووووو ووووووول

وهو مشى وياي .. ماانتبه .. اونه تسلمين ملاك ..

وانا ميوده عمرررررررررررررري أبي أضحك !!

مادري كيف يودت عمري وما ضحكت ف ويهه ..

وايد ف بالي الواحات !

::

استلمت بيزاتي اليوم

وصرفت نصها .. ما تم لي شي منهم !!

وباجر أبي أسير أسوي شوبنغ بعد ..

يعني عز الله بنصفى ع الحديده

:

عايبني الاريكسون اليديد الذهبي والوردي

والموتو الأسود والذهبي ..

محتاره بينهم !! ما أعرف شو آخذ لي !!

::

الشغاله غسلت عباتي .. والطربوشه الصغيرونه اللي فيها اختربببببببببببت

مقهوووووووووووووره ما لبستها ولايوم !!



شكلي بقصها وبلبسها جيه باجر ..!



::

اللي وياي في الدوام صج فنااااااااااااااااتك !!



والله لو أخبركم عن سوالفهم بتتخبلون !!

أحس صج عايشين ف أمريكا !!

[المزوحي]

اليوم : الاحد

حضرت المزوحي ناش متاخر، يالله عاد كل بداية سبوع، تلقوني اظهر بــ هالحركات

المهم وصلنا بالسلامه، وبدينا نتمتح في الدوام ( شكلي مب مستوعب )

وبعد ما لميت الاوراق وبديت في الشغل ترن ترن ترن ترن هذا تيلفون المكتب يرن

ألووو ياهلا وينك انته اليوم ، أنا ييت متأخر .. تعال تعال ... زورنا المكتب خخخ

شويه وسرت المكتب الثاني .. الواحد يبغي يتنصخ طشونه



العصر سرت برجمان، فيه حركه عجيبه، تقولون ويك اند .. ماشاء الله دبي ماعادت فيها بداية السبوع

وإلا ويك اند

على فكره ملااااااااك تراني خذت سوني اريكسون W890 وسعره 1495

هممم ابغي آخذ لي هديه، ذكرتيني بفلوسج .. لازم آخذ لي شي .. مع إني امسات

ساير وشاري لبس بس في شي ناقصني

[شمعة أمل]

اليوم الأحد
المود الحمدالله
الموضوع

اليوم يوم غرييييييييييييييييييييييي ييييب

من الساعه سبع وانا ناشه مع انه المفروض انش 8:20 بس كنت أحاتي الربورت لاني ماخلصته.. بس طبعا ماقمت من شبريتي الا يوم استوت الساعه 8وربع

مادري اذا بس انا.. لكن شارع الشيخ زايد كان فاااااااااااااااضيييييييي يييييييييييييييي بس كنا كم من سيـاره عليه.. ونـاسه
وبعدين يوم اوصل قريب للنولدج فلج ولا اكتشف انه مغيرين الشوراع ومادري هالشارع وين وداني عقب المهم وصلت لول
عقب داومت وفي البريك سرت عند فطوم ربيعتي.. جان تقولي.. شمعوووه!! تدرين انج مسيفه صورج ويا ربيعتج وهلج على السي دي الى عطيتيني اياه... وانا هااااااااااااه.. اونه هييه شفت صورج ويا ربيعتج وبعدين صوره ويا ابوج وصوره في البر.. وانا بعدنييي مصدومه ماعرف شو السالفه O_o
رديت للكلاس وطرشت مسج للبنتين الثانيات جان اقوللهم السي دي الى عطيتكم اياه فييه صوري ويا اهلي؟.. وكلهم قالولي هيه
حسـيت انه بيغمى علي لدرجه اني مارمت اتحمل وطلعت من الكلاس واتصلت في كل وحده جان وحده تقوللي اونه مايا عبالي اخبرج.. قلت كيووووت شمعوه حاطتلنا صورها لول
وانا بنذبح
سيده رديت البيت وخبرت امي جان تهديني وتقولي ماعليه .. لانه تعرف انه ربيعاتي زينات ومابيسون شي غير انه بيردولي السي دي باجر وبقصه لول
أو صح وانا راده البيت وجان اجوف حرمه ودخان يطلع من سيارتها جنه فلم يحليلها زاغت ووقفت في نص الشارع في فريجنا
المهم
بعدين سرت سبينز
بعدين رديت البيت واشتغلت على الربورت
بعدين رديت الجامعه ويوم عطيت الريال شغلي جان يقولي إمتى الديدلاين؟ وعطيته نظره بايخه لول جان اقوله الحين!!!.. عقب مادري شو جيك على الكمبيوتر جان يقولي مزبوووط .. عبيط
عقب سلمت على وحده
عقب رديت البيت
عقب سرت بيتنا الجديم.. أول بيت عشت فيه.. عشت فيه يمكن لين كان عمري 8 بيهدمونه قرييب ف سرت اصوره ذكريات!
عقب رديت الجامعه للكلاس المسائي ومادري شو سالفة الابله كله حاطه علي كل شوي تزقر اسمي.. وبنات الكلاس ماعرف شو بلاهم.. كل وحده مشتطه وحاطين على الشباب شوي وبيفلعونهم وانا يالسه وأضحك.. وماشي ضحكني كثثثثثثثثثثثثثر انه بنات مسويت برزنتيشن عن دياي

وايد مستانسه
اجازتي تبدى قبل كلحد اجازتي تبدى اليوووووووووم!!!!!!!!! كلحد بيأجز لأسبوع وانا بأجز لأسبوعين مع انه لازم اسير الجامعه حق اجتماعات بس يعني ماشي كلاسات

[قصايد غلا]

اليوم : الاثنين

المود : عااااااادي + متضايجة شويه

الموضوع :

اليوم ثاني يوم للاجااااااااااازة ، ملاااااااااااانة لأن أميه و أبويه في الذيد ==> يوم بيردون بسوي لهم حفلة لأنهم ما ودّوني

و أحينه يالسه أشتغل عالبروجكت و العصر بسير أشتري شي حق حرمة ولد خالوه ==> لأنه بالخميس عيد ميلادها

هالاسبوع وااااااااااايد دفّعت اميه بيزات لوووول

و مصّخوها الناس كل خميس يسوون حفلة وعزيمة فقروووووووووووني

اللي ناجح واللي مكمل مادري كمن سنة و اللي و اللي ..........إلخ

بجوا عيال خالوه 2 ما اشتريت لهم شي عشان اعياد ميلادهم
إذا تفيجت العصر بشتري لهم شي


و الحمدلله افتكيت يوم السبت سرت فصلت لي مغربيات حق العيد من احينه لأنه أصلا الخياط ياخذ له كمن شهر لين ايخلصهن "ما فيه اتغربل عقب"


بس صدق في هالاسبوع استوت مواقف هلكتني من الضحك

مرة كنت ويا خالوه وولدها "عمره 4 سنين"

جفنا مصرية متيــــــــــــــــنه جنها ابله عطيات

جان يقول ولد خالوه : ماما هاااااااااااي دبّــــــــــــــــــــــ ة تزيّـــغ ، لا تخلينها تركب ويانا عشان ما يطيح اللفت

أنا فيني طبع خايس "مووووووووووول ماروم أيوّد عمري يوم أشوف او أسمع شي يضحك"

وجان اضحك ، جان تصد المصرية ، قلت في خاطري : عز الله نتّفتنا اليوم

جان تقول المصرية حق خالوه : علّمي ابنك الأدب

أنا هلللللللللللللللللللللللل كـــــــــــــــــــــــت من الضحك على خالوه و ولدها

[رمــش الغـــلا]

هلا ملاكوووه

فديتج والله استاااااانست يوم شفتج ف اكسيوم هاك اليوم

عاد وانا حليلي يالسة ادورلي فون << بعد فوني اللي طاح فالحوض حليلهـ لول

...

انا حتى عيبني البنك والذهبي <<

والموتو بعد اسود وذهبي

عيبوني هالفونين وايد

بس الموتو مافكرت اني آخذه لانه موتو وانا مابا الا اريكسون ^^

...

ها ماشالله ... مسرع ماصرفتي نص البيزات

انتي يبالج ضرب

مول ما تقبضين بيزاتج

اهم شي هدية الوالدة عسب عيد الام

لاتنسينها

ها اول شي تاخذينهـ فديتجـ ^^

سي يو سووووون