اليوم : في الدوام مودي كان معتفس صج
بس الحين مستانسه عقب ما رمست رمشوه !
::
اتحيدون السالفه اللي كنت مخبرتنكم عن هييج الكريهة اللي كانت قاهرتني
والله صج ما يستاهلون حد يسوي خير فيهم !!
اليوم سايره عند ( راعي المج )
ويالسه تحلف له اونه والله العظييييييم والله اني مب قايله حق ملاك جيه جيه
اونه مادري هي شو الفكره اللي وصلتها لك ..
بس والله اني ما قلت !!
طبعاً ربيعتي مكتبها لاصق ف مكتبه .. سو سمعت وعلى طول خبرتني
وآي واز لايك واااااااااااات
يعني اتخيلوا انها يالسه تحلف بالله .. لا وعلى شي جذب يعني !!!!
صج في ناس جيه !!@
يعني ما يا فبالها انه بيسألني مثلا !!
والله حسيت اني صج بصيييييييييييح
حسيت اني مظلومه والله ..!!
على طول سرت له .. وقلت له بخصوص فلانه ترى جيه جيه السالفه
جان يقولي ملاك انتي حلي الموضوع وياها .. انا ما أهتم ف هالسوالف اونه
قلت له ولا أنا ما اهتم بسوالف اليهال هاي .. بس بغيت أحطك بالصوره !!
قهرني ويا راسه هالثاني ..
عاد كله ولا راعي المج .. مابيه ياخذ عني فكره غلط!
أحس كان لازم يسمعني ويصدقني
أني ويي ..
حسيته عقب حس بالذنب .. ياي يبا يسولف ..
اونه ملاكوه انتي عيناويه ؟
استغربت منه !! جان أقوله هيه ..
اونه هاهاهاها ها فريق تسمينه .. بيعوه أحسن لكم وبيعوا لعيبتكم !
قلت له بس أشجع الشباب حالياً
وتم يسولف ويسولف وانا مب متفيجه له عندي شغل ..
بس لازم أجامله يعني .. ما يستوي نائب المدير
:
اليوم أحس كنت سامته في الدوام .. شكلي كان عايبني
حتى كلهم علقوا .. اونه ملاكوه كاشخه كاشخه .. شو هالنيو لوك !
وجان أصدق عمري..
هالاسبوع بلبس لهم كل يوم عباه ..
بعيش حياتي ياخي خلاص ..!
:
شكلي منحوسه ..
البرومشن بالغلط من فلاحتي مطرشتنه حق حد ثاني
الحين لازم يسوونه مره ثانيه ويردون يطرشونه !
اقولهم بسرعه خلصوا شغلكم قبل لا ايي المدير
عادي يستلعن ومايطرشه !
::
شريت ورد حق السكرتيره .. لأنها راده من العمره
وربيعتي قالت لي عقب انا ابي اشتري لها بعد
سو قلت لها مب مشكله بكتب في الكارد اسمي واسمج
ومنو يقوووووووووووول عاد
البنات ذلونا .. زعلانييييييين اونه ليش ماخبرتونا !!
وليش مسوين احزاب .. وليش هالتفرقه .. وشو هالحركات !!
خيبه مايسوى علينا !!
قلت لهم والله محد ميودنكم .. اتصلوا واطلبوا لها ورد !
عنبوه هالبنات كيف كريهات !!
والله أحسن لكم ما تشتغلون ف بيئه فيها حريم
عنبوه كله مشاكل وحسد .. أحس استغفر الله مادري كيف
ساااااااااااااااايكوووووو ووووووووووووو آند فرييييييييييييييييييييكس !!
الله يعيني ..!
رد مع اقتباس
مواقع النشر (المفضلة)