دير دياري ~ يوميات

[تحفه]

تحفه الدكتور اللي في العياده قالي اشرب لبن وكل عيش وروب تخيلي يومين على عيش وروب ولبن !
بس زين عرفت الحين لشو يستخدمونه ..المرقدوش .. ^_^

ابيه .. شكلها معلوماتي جديمه ,,, وجنه ماصار شي ان شاء الله هاها

[تحفه]

امس :

من 8 لين 4 ونص فالجامعه
5 انا فالبيت هلكانه ورقدت ليييييييييييييييييييين اربع الفير يحليلي اعاني وي دوام الساعه 8 لين اخر التيرم اتوقع اني بكون منتتتتتتتتتتهيه لول اخر مره اخذ هالسكاجول الزفت
الموهيم
نشيت سويت لي سندويجه وجاي حليب طعمه حلو استويت مشهوره بجاي الحليب مالي
الموهيم
بعدين يلست اذاكر الفاينانس البايخ لييييييييين 6 وربع
ويلست اوعي اخواني واعذبهم هاها
وثمان سرت الجامعه داشه ثمان الا دقيقه وانصدمت في البنات بادين الامتحان
الموهيم
حاولت اغشش بس جكانا السير يحليلي على ويهي ماعرف انافق
اخر شي طلعو اشطر ثنينه فالكلاس بعد يغشون لوووول

الموهيم
ثلاث وصلت البيت هلكانه احاول اشتغل .. عندي بروجكت باجر وبعدني مب باديه فيه

جاااو

[مجموعة إنسان]

اليووم مثل ما مهابه قالت .. بداية ويكند بس عندي لين الحين مب شي

كنت راقد الساعه 5 الفجر لان كان عندي شغل شوي وبروجكت وكوز

قمت الساعه 9:43 لاني حاط المنبه على هذا الوقت ,,

وصلت الكلية 10:50
داومت الكلااس الممل

رجعت السكن مره ثانية
الله يخلي الشباب يايبين مندي من مطعم اليحر

بعد المندي تنسدح والمكيف يدق بويهك
احلى شعور في العالم

شغلوا فلم حلو ,, نسيت اسمه

الساعه 3:45 انا عند الكلية
وللأسف اني قاعد اتريا هذا الوقت كله واخر شي الدكتور حاط رسالة انه ما بيداوم
بلف شكله
لو رجعت البيت احسن
كنت بلحق اوصل عالغدا وارقد وانش واسير اتحلق
بس الحين مالي خاطر اسير
الحلاق بعيييييد

هع

شوفوا في بيتنا كيف يفاجئونكم ,,,
من دخلت البيت وسلمت على امي
قالت اسمع ,, باجر العصر سير راس الخيمه
انا قلت : هااااااه ,, بس انا عندي شغل يوم السبت في دبي
قالت : سير راس الخيمه لان من شهر انت مب شايف يدتك

المهم
قلت : وانتوا؟!
قالت : نحن بنسير مع ابوك
قلت : اوكي ,,, احسن عشان محد بيروح معاي ,,
هع هع


بس بعد شوو ,,
بعد ما خربوا كل مخططاتي لباااجر
قلت

[ملاك الروووح]

شوقتي

ياقلبي انتي تسلمين


بس اقري يومياتي اليوم .. عشان تعرفين التتمه

:

اليوم طرشت مسج حق نسيبي كنت أبي أسأله أطرش أوراق الترقيه حق منو ؟

بما انه كان يشتغل في الاتش آر .. سو يعرف منو المسؤول هناك ..

قالي فلان الفلاني .. بس طرشت البروموشن مال الاردنيه .

وانا مالي كان يتريه توقيع الاكتنغ منجر .. سو ما طرشته ..

على اساس انه باجر أطرشه ..


المهم يوم ييت بيتهم اليوم .. قالي ملاك لا يكون ترقيتج اللي بتطرشينها ؟

قلت له احم احم هيه

جان يقولي ما انصحج !!

آي واز لايك وااااااات

قلت له ليش ؟

قالي انا يوم كنت في الاتش آر أول ما يطرشوا لنا ترقيات موظفين يداد كنت أقصهم

وأعقهم ف الزباله .. (وانتوا بكرامه )

قلت له والله ؟

قالي هيه بيخرب الريكورد مالج هاه .. وما بياخذونه ف عين الاعتبار أصلا ..

لأنه من قوانينهم انه لازم تكونين مكمله سنتين عشان اتطالبين بأول ترقيه ..

وانتي توج يديده .. بيحطون عليج اكس كبيره !

ف أنا من رايي تتريين عالاقل لين تكملين سنه .. وعقب خل يطلبوا لج ..

لأنه شي استثناءات .. سو يمكن يوافقون عليج قبل ما تكونين مكمله السنه الثانيه

سوووووووووو اتخيلوا باجر بايدي بقص ورقة ترقيتي

:

ولا أجازف وأطرشها ؟

مادري مادري

يصير خير باجر بشوف التيم ليدر ..

:

والله هالايام اشتغلت من خاااااااااااااااطري

لعنوا بو خامسي اليوم في الدوام ..

زين ما أغمى علي من ضغط الشغل !!

أسوي شغلي وشغل غيري .. وبعده الشغل متكود

باجر لازم أروح من وقت وأسويه لأنه اييييييييييييييرجنت ..!!!

أفففففففف

يبالي اخون فيهم وارقد وأسوي طاف



أسمييييييييييهم بيتوهقون !!

[ملاك الروووح]

:

المود : مستااااااااااااااااااانسه





طرشت مسج حق التيم ليدر أقولها اني باخذ ساعاتي الاوفر تايم باجر

لأنه أبي أسير الصالون وأتحنى ..


جان تتصل فيني وجيه أحسها حايسه بوزها

قالت لي هاه ملاك شو السالفه ؟

قلت لها جيه جيه .. باخذ هالكمن ساعه اخر الدوام

قالت لي اهاااا يعني بتداومين ؟

قلت لها هيه

جان تقول خلاص اووووووووكي لأنه عندي شغل ايرجنت وانا واعدتنها اخلصه اول الصبح


وعقب قلت لها نسيبي شو قال

جان تقولي هيه انا ادري عن الاستثناءات وان شاءالله انتي تكونين منهم

قالت انا اوردي كاتبه ركمنديشن لتر .. انج هارد ووركر .. وحطيناج ف اكثر من بوزشن ف فتره

قصيره ويو هاندل ات بروفشنلي .. وانج اكتنغ مكان اثنين .. ومن هالكلام

وجاااااااااان أستانس ..

قالت نحن بنسوي اللي علينا وان شاءالله ان شاءالله خيييييييييييييير



الله يوفقني ..


أصلا يوم بظهر من هنيه .. وبقدم مكان ثاني ..

بيكون شي زين حقي انه ترقيت يعني ف فتره قصيره ..

عشان جيه اتمنى يوافقون عليها ..

[شمعة أمل]

اليوم الاربعا
المود متضايجه
الموضوع

(1)
ملاااك
ترا كنا ندور بيووت وهالناس يبيعون بيوت وودونا عند البيت.. انا من شفت البيت من برع اع قلت حق امي خلنا نروح بس قالت لا عيب
وعلى حظي الاسبوع الى قبل فتحت موضوع انه وحده حطت صور اوراق حصلتهم في بيتهم ويا واحد وقالها هذا من الجنون ومادري شو
ف دخلنا هالبيت اقولج حمام عود.. من الارض لين السقف كاشي!! >_< والحوض في القراج .. كل شي اع في اع
ويوم سرنا فوق شفت ورقه عوووده نفس الورقه الى هالبـنت حطتها في النت!!!
جي كتابه بالعربي بس مخج مايروم يقراه ومكتوب ويا شي جي اصفر غريب
انا من جفت وسحبت ايد امي وركضضضضضضضضضضضضضضضضضضضضضض ضضضضضتتتتتت عقب يوم سألتني شو السالفه قلتلها هالبييت مسكون فييه جنون جان تركض ويايه لين السياره وروّحناااااااااا
بعدين تخيلي يوم خبرنا ووحده ربيعة امي مطوعه قالت انه هالبيت معرووف لانه العايله الى تملكه تتعامل ويا الجنون ونحن آخر من يعلم!!!!!!!!!!!!


(2)
اليوم ماسـرت الجممممم اوني برقد بعدين ابويه حس اني راقده ف قبل لايطلع دق ع بابي .. بس بعدين طلعت أتريق وشليت خواتي وعقبه سوينا ورد حق عمي عشان ترقى وسرت عند يدوتي
يبالي حد يصفعني.. من زمان ماشفت يدوتيييييي.. استانست علييه يحليلها

وكان عندي ميتينغ اليوم.. اول مره اشوف الولد الى ويانا في القروب.. تصدقون طلع فنان يعني يشتغل ويقولنا راييه.. كان أول ميتينغ اسـيرله وصدق صدق صدق استفدت وسوينا شغل وdebate وذكي بعد.. مع انه انا دايما لو يكون وياي ولد يكون اوكي بس اول مره يطلعلي واحد ذكيييي!!
الميتينغ ويا الشركه الاسبوع الياي >_< زياااااااااااااااااااغ!!!!!! !!!!!!

وهيه اليوم بعد سرت امشي عند حديقة الصفاا< عايبتني السالفه

[ملاك الروووح]

::

يممممممممممممممممه شمعوه خوفتيني !!!




جيه حسيت بشعور غريب ..!

زغت ..!!!!



شو حياتكم !!

زين انج تلاحقتي على عمرج وشردتي !

:

مبرووووووووووك ع ترقية عمج ..

والله يحفظ لكم يدتج ..


أنا كان خاطري أيرب هالشعور .. انه يكون عندي يده !!!

الله يرحمهم ..

خاطري اعرف كيف شكلهم !

:

المود : شبعانه

أووووووووووووووووووول مره ف حياتي .. آكل 3 سندويجات !!

أحس مغفي ع بطني

مب قادره أتحرك .. لوووول

أول مره أحس بيوع جيه فظيع !!

نازله 2 كيلوووووووووو @@

احس ابا أمتن .. بس خلاص فقدت الأمل نهائياً ..

يمكن يوم أشترك ف كاريزما .. يشوفون لي حل

قايلين بيحطون لي نظام غذائي .. ان شاءالله يفيييييييييييييد

:

شبعانه رقاد اليوم ..

شكلي صباااااااااااحي

[المزوحي]

اليوم: الخميس

المود : مب شي - بعدني تعبببببان


يتني حمى الصراحه، بديت بالتهاب الاذن ومريت بالزجام والحينه تعباان ... اتدهن بفكس وخفت الكحه وسرت

الدوام متأخر، ورديت البيت من وقت، ماقدرت اتحمل ، مافيّه طاقه، خذت الحينه حبه عن الزجام وبسير ارتاح

وإن شاء الله اقوم خلاف مودي coool يارب .. ويخوز المرض عني ...

[ملاك الروووح]

:

المزوحي

ألف لاباس عليك ..

ما تشوف شر ان شاءلله



:

المود : كارهة عمري ..!


اليوم ضغطي ارتففففففففففففففع من وحده ويانا

السالفه طويله ما بكتبها هنيه ..

بس صج صج قهرتني .. ما عرفت شو أسوي

جان أتصل فيها .. وقلت لها أبي أكلمج ..

عاد ملاكوه معصبه .. محد يرمسها

كلهم مستغربين اونه شو بلاج !!

قلت لهم نرفزتننننننننننننننننننني

تتفلسف وايد .. أنا ما يخصني .. بالعكس ساعدتها أصلاً ..

وهي تتحرطم ويالسه ترمس من وراي اونه ملاكوه ما تعرف تشتغل وفرق بينها

وبين االسكرتيره .. ومادري شو ..


( يبوني أتعلم شغل السكرتيره ف يومين !! )

لا والقهر .. انه اليوم الستف 2 منهم سك و وحده أف !!

يعني ماشي غير وحده عشان جيه خلوني ايلس ع الكاونتر

وشغلي متراكم .. ما مداني أخلص شي !!!




لا والسكرتيره طرشت لي مسج .. اونه بمدد اجازتي اسبوع !!!

اتصلت فيها قلت لها مابااااااااااااااااااا تردين باجر ما يخصني

والله تعقدت .. يتني حاله نفسيه .. والستف يقهرون ..


كلهم يقولون لي اني ضعفانه !


والله تعب تعب تعب ..

أحس لاعنين خيري يعني ..

وانا وايد ساكته عنهم

واخر شي اتي وحده شرات هاي تتفلسف وتقول اني ما أعرف أشتغل !!


قلت لها مب انتي اللي تقيميني .. أنا عندي مسؤوله ومدير يقيموني ..

انتي شو تطلعين عشان تقولين هالرمسه ..

ولو ما كنت كفوووو جان ما طلبت لي ترقيه التيم ليدر << ذليتهم ع السالفه

واذا عندج شي تعالي وارمسي جدامي .. مب تسيرين تيودين الموظفات وحده وحده

وتحشين .. وترمسين وايد !!

واذا عندج شي .. روحي وراجعي مسؤولج ..

وانا الغلطانه اني رتبت لج السالفه أصلاً ..

طحت فيها وهي زاغت .. والله وايد نرفزتني

بس حسيت عمري صج كريهة

بس دواها عشان تصطلب ..




::

بس زين اني طلعت حرتي ..

وعقب رحت عند ربيعتي ويلست أصيح


وايد أشيا مضايجتني هالفتره .. وهاي اليوم زادتني ..

وأحس وايد مشاكل مستويه ف الستوك .. ومب قادره أحلها ..!

أفففففففففف


لو مب مشتغله وايد أحسن !!



تعببببببببببببببببببببببب ت

[شمعة أمل]

اليوم الخمـيس
المود متنرفزه على تعبانه
الموضوع

البارحه كنت مخططه اسوي كم من شي اليوم لكن ماسويت شي >_< وايد كسولـه هالأيـام
أحس اني ابا ارتب عمري بس ماعرف كيف أرتب عمري >_<

البـارحه سهرت على النت.. من زمااااااااااااان وانا ماسهرت على النت.. مادري اذا يعتبر سهر بس طلعت الساعه 12 ونص
تميـت أرمس ربيعتي في آيرلنداا.. تمينـا نترحطم ونتحرطم.. من زمان مارمستها ..صدق استانسـت..
تمت تقولي افتحي blog وانا اقوللها لاااااا تقول انه لو فتحت واحد بيكون كشخه لانه حياتي وايد انترستينغ استانست.. بس صدقها احس حياتي غيـر يعني عندي حدود نفس اني نااادراااا اطلع الفليل وجي بس بعد احس حياتي غيـر ... كله عزايم ولا سفر وغير انه الجامعه انترستنغ لانه 99.9% من المواطنين مايعرفون جامعتنا بس آي دونت ثنك اني بفتح واحد أفضل يوم محد يعرف شي عني

وباجر عندي سبرايز بارتي بس للاسف مابسـير.. مع انه خاطري اسير لانه هالشـله ماشفتهم من سنه ونص..

وشي ثاني وايد قهرني
عندي قروب وكلهم فنانيـن بس في نفس الوقت مادري كيف.. يعني مايقولون يوم شي مايعيبهم انا عطيتهم موعديـن وين نقدر نتلاقى ويا الشركه الموعد الاول كنسلناه لانه ماكنا مستعدين واخترنا الثاني والحين يقولون الثاني وايد متأخر يعني شو يبوني اسوي مثلا؟ (مع انه مب متأخر لانه نحن اولريدي نعرف شو المشكله!) اغبيا.. ولا بعد اونه لازم 4 اجتماعات ويا الشركه.. وين يبون.. المفروض اجتماعييين max.

اشتريت كتاب صغيـر عن الاجتماعات وشو تسون وجي.. بقراه على الويك اند

والى صدقققق قاهرني
انه ابلتنا ماكانت تدري عن الاجازه 20-03 ف معناة الكلاس بيتكنسـل وبدال ما تحطه في يوم ثاني بتجمع كلاسيـن في واحد يعني عادي اكون في الجامعه لين الساعه 11 ولا 12 احس انه هاليوم بطلععع في نص المحاظره افف

[العجيبة]

اليوم : خميس

المود : عادي

اليوم نشيت من الصبح ..

رحت المكتبة الرئيسية .. أول مرة أسير أذاكر هناك ..

رديت الظهر ، صليت وتغديت .. وكملت مذاكرة في غرفتي لين نص العصر ...

قلت برقد لين ما يأذن المغرب ...

أول ما حطيت راسي وصلني مسج يالله نروح ملتقى العائلة

وقمت ولبست ورحت لهم ، يلست في مجمعهم شوي ... وعقب المغرب رحنا الملتقى

كان شي جميل .... وأحلى شي الأكل ... كلينـا أكلات من السودان + الأردن + العراق + ألمانيا + الهند + روسيا + فرنسا !!!

رديييييت السكن عالساعة 9 ، وحسيت اني ما كليت شي... لأن المكان بعيييد وتعبت من المشي ..

رحت المطعم .... خذت أكل ، شفته وما كليت منه !

رديت الغرفة ... واتصلت ربيعتي من الغرفة المجاورة .. عندها ضيوف رحت ويلست وياهم

الحين شغلت النت ... حليت امتحانات تجريبية للامتحان اللي بيكون يوم السبت



مليـت أتريـا الويـك اند الياي ايي بسـرعـة ... لأني أبا أرد البيـت !!




شمعة أمل .. إجازة شو ـ20 -3 ؟

[شمعة أمل]

اجازة المولد النبوي الشريف

[الشيـــن]

أونه ! عشرين- 3 !!
ونحن already عدنـا اجازة تاريخ 23 لين 29 -3 .. ! sprinG breaK .. ههااي (B
يعني من الخميس تاريخ عشرين لين السبت تاريخ 29 !! يت في وقتها الصراحه !
بس بعد احس اني مابشبع ..
ربيعاتي يبون ياخذون سمر كورس هالسمستر وانا مابى لان السمر كورس فـ جامعتنا شهرين !
وانا مافيني أأجز بس شهر 8 !! ماتخيل الصراحه !!

المهم ..
المزاج GD
اليوم ..
الموضوع ..
مافي شي انترستنج اليوم صارلي .. ظربت خط من بوظبي لين راك .. تعبS= جني أول مره اضرب خط !
ماعرف ليييش !! ..
أول ماييت ربعت عند اختي اطالع سياارتها اليديده .. هع!
وبعدين يلست ويا خواااتي .. سـوااالف وضحك ..
بعدين شبكنا انا وربيعاتي 3 .. عشان البيرذداي مال ربيعت ربيعتي .. احتشرنا ..
بندت عنهم .. والحين بظهر من النت بروح انخمممد ..!
nighty n8 ..

[بنت الدلع]

اليوم: الخميس "يعني البارحه"
المود:

الموضوع:
كنت واااايد متحمسه لشيي حلووو كان بيستوي
وسرت اتسبحت بسسسرعه عشان ارتب عمري واتجهّز لاني كنت مستااانسه

وبعدين يوم سمعت الرمسه والله جيه كاان شكلي
ابدااااا ماتوقعت اني بسمع هالكلااام من هالشحص !!
تمييييت 10 دقااايق وانا جيه
مووووول مب مستوعبه الساااالفه

عقب يلست جدام المنظره ابا امشط شعري بس بعدني جييييه

كلمت ثلث ساعه وانا بعدني على نفس الحال

بعدين عسولة "بنت اختي" يت حجرتي وشافتني
شلّت المشط ومشطت شعري

قالت: مسويه عمرج اميره,, لازم يمشطون شعرج

يوم قالت لي جيه بديت استوعب
ورديت للواقع

she's sooo sweeeet
فديتها والله

وهي تمشط شعري كنت اشووف برائتهاااا
ونسييت الرمسه الي سمعتها
وحاولت اطنش الموضوع
ولا جني سمعت شي
لاني لو تميت افكر وااايد بقووول اشيااا واشياااا واشياااا
وبنقهر وبتنرفز

وجود اليهال في حياااتي واااايد مهم

احس شعووور واااايد حلووو
خصه يوم ارد من الجامعه واكون تعبااااانه
ادش الصاله واشوفهم يزقروني عموووه ويربعووون صوبي يبوني اشلهم

انسى التعب وابوو التعب

[مــهــابه]

الـــيوم :

~ اليــمعه


المزاج :

رايقـــه . . .


الموضوع :


~ هـ الويـك آنـد طاف بســرعه ، وماحسيت به ، احس اني قـزرته فـ الرقـاد بس . .

حبيـت يوم الأربـعـا واااااايد ، اهليه كلهم كانوا يايين ياخذوني ومب مخبريني ، انا اللي عـرفته انه أختيه وعيالها بس

لكـن !

انصدمت بهم كلهم يايين وناسه

طبـعـا يـوم الأربـعا وصلت البيـت السـاعه 11 بعد حواطه دامت ساعات ومن زود التـعب رقدت بـ الملابس اللي عـليه ، عيال ختيه خبلـوا بي فـ السوق
والله حرمت أروح وياهم مولات ، ماحب جيه ، صح أسـتانس وياهم ، بس كانوا شياطين أكثر عن اللزوم وعصبوبي وخبلـوبي بـعد لـ درجة أني رقـدت علـى طوووول وبدون حاسيه ، غير جيه موعيني من غبشه يبون ريـووق

جـني أنا أمهم الحين ، وانا يحليلي يكسرون خاطريه واسوي لهم لي يبغونه . . .


وعاد الصبح وانا واعيه وجسميه متكسر ومب رايمه أفج عيوني ، بنت اختيه قابضه التلفون وحاطه أغنيه الميدان - يـاهل اليوله

وتقول لي : أنعشي


الحين شو أسوي بها ؟!

ومـاشي

اليـوم أمـونتي كانـت عـنديـه ، ويـالسين من السـاعه 4 لـ 8 ، وناسه ، سوالف وضحك وجيه . . .


وعقب طلعـنا مع أبويه ، واحس انه فيَه رقاد ، بس اخاف خواتي يروغني ، ويقولون انتي ماتسهرين ويانا