دير دياري ~ يوميات

[المزوحي]

اليوم : الجمعه

المزاج : عادي

الوقت : 9 المسا

تدرون انا سبب نفسي بنفسي ( مب اغنية بوبكر )

ماعرف اتكلم عن نفسي شخص مب فضولي مب لحوح ولا اتدخل ولا أسأل .. يعني جيه

بس اظن هذا ماينفع في هالزمن عيل ما اشوف عمري اوكي واللي يسأل اشوف الناس

مسوين لهم قدر أكثر .. يعني هل اغير من طبعي عسب ارضي نفسي ؟؟

ما احب أكون ثجيل .. اي شي يستوي اكون بعيد .. ما أسال ربعي عن سعر الشي الفلاني ..

سيارة .. او اشي يمتلكونه .. كله عادي عندي ...

اتحرى جيه كشخه ..

مب عن يسألوني في المقابل .. لا ..

شو رايكم الحينه ...

.....

[شمعة أمل]

اليوم 29-2-08
المود الحمدالله
الموضوع: It's a leap year!!!!!!!

أحس اني وايد هبله >_< كل ويك اند عندي روتيين لازم انش من الرقاد وانزل تحت اسير ايبلي دبة ماي عوده واسير ايبلي لحاف صغير واسير الصاله وأكمل رقادي هناك لـ ساعه او ساعتين بعدين انش من الرقاد مادري ليش؟ مع انه يوم انش من الرقاد اول شي اكون شبعانه رقاد بس يوم انزل من الدري اييني رقاد (وهالشي يستوي بس في كم من ثانيه يعني)
في حد جي ولا بس انا؟


اليوم كان وايد ملل بس حق العشا خواتي طلعوني وودوني الستييك هاوس في فندق كراون بلازا لانه وايد احب الستيييييييييك وايد مفتخره في اختي الصغيره لانه هي الى حجرت
وسويت شي وايد غبي.. في الرده ابويه اتصل ويوم اختي عطتني التليفون انا شليت التليفون بالجلب ويلست ارمسه واقوله ابويه بلاااه صوتك ماينسمععععععععع واتحرطم على اختي واقوللها تليفونج كجره.. آخر شي استوعبت اني انا شاله التليفوون بالجلب



الحين نتريا ربيعة اختي تي بيتنا.. بتبات عندنااا باجر بوعيهم عشان يطلعوني اتريق.. بعدين ربيعتي بطلعنيييييييي بعدين ماعرف شو بيسون

مب تنسون.. باجر عيدميلادي يعني عقب 55 دقيقه



تصبحون على خيرررر





ملالالالاك الروووووووووح
ترا على قولتهم يبون يعطوني الهدايا فيس توو فيس