دير دياري ~ يوميات

[الساحره]

اليوم : السبت

الساعه : 12:50 ..

المزاج : فيني رقاد

لاني ناشة من وقت كان عندي امتحان انجليزي في اتصالاات
ان شاء الله يقبلوني حق الوظيفة مليت وانا بطالية

>.<

[الخنساء]

اليوم : الأحد

المود:


الموضوع: آخر أحد



لا يسير فكركم بعيد وتتحسبوني قررات انتحر ... وهذا آخر أحد في حياتي ... كنت اقصد آخر أحد لي في هالدوام ... وبفتك ... اسميهم متنيذلين عليه من الخاطر .. انزين خلوني احتفظ بذكريات حلوه وياكم ... مطرشيلي ايميل أول الصبح Salary for the month of Feb 08

Date : 29-FEB-2008


Total Earnings 0.00
Total Deductions 0.00
________________________
Net Salary 0.00


انزين أدري ماشيء راتب هالشهر ..لازم تذكروني من الصبح



ملاك ..اولاً تولهت عليج وعلى الديري اللي يكون مشابهه للدري مالي تقريباً أو يومي ويا التيم ليدر ..عاد هاااي هالأيام مستوغده عليه من الخاطر وأنا مستهبله من الخاطر .. وكله تسب المكان اليديد اللي أنا بسير له ... وانا اكبر طاف وحياتج ..في ناس لازم تلبيسنهم لأنه الرد عليهم معناته تنزلين من مستواج ...


اليوم في خاطري اسير السوق ... واشوف الناس وايلس في مكان مفتوح ...

[رمــش الغـــلا]

اليوم

الاحد

اول يوم فالويكـ

وانا ما داومت مرييضة من أمس وتعبااانة << زجام وكحة وبلاعيم وكل شي

ومتغصصة بعد لاني ما سرت عرس اخو ربيعتي << لان كان فراس الخيمه

كان فخاطري والله اسير

لانها ربيعتي الكلوووز واااايد




وامس استوالي شي

خلاني افكر وااايد وآآآخذ اجازة من التفكير من اشيا وايد

واحصر تفكيري في هالشي وبس

لانه فيه شي يتعلق بمستقبلي

ادعووولي ان كان لي خير يستوي والله يوفقني ^^

[ملاك الروووح]

الخنسا ..

حبيبتي مي تو تولهت عليج !



يااااااااااااااحيج

وأخيراً تم الافراج عنج ..

مبروووووووووووووووووك .. عالوظيفه اليديده

الله يوفقج حبيبتي ..

ويارب ترتاحين فيه .. ويكونون الستف كلهم أوكي وياج ..



هيه والله معاناتنا متشابهة أنا وانتي ..

بس انتي خلاص انحلت مشكلتج وأنا بعدني عالقه مع هالمرضى !

بس مافي حد مرتاح ف شغله صدقيني ..!

أهم شي انه نتاقلم عالتغيير وعالوضع اللي نحطينا فيه

ونحاول قد ما نقدر ندهن سيرهم

لأني اكتشفت انه ما ينفع الواحد يكون صريح و واقعي .. معاهم ..!

وكلمة الحق هالايام صارت تزعل وايد .. !

::

رمشوه

ما تشوفين شر حبيبتي ..

هاه لا يكون الشي هو اللي ف بالي ..

خبريني خبريني .. ما بقول حق حد ..


الله يوفقج حبيبتي .. ويكتب لج اللي فيه الخير ..

:

اليوم الأحد ..

أول يوم من أيام الاسبوع ..

اتفاجأنا البارحه انه منزلين رواتبنا

حسيت انه وايد من وقت يعني !

أني ويي .. كنت أبي أسير أتريق ..

وما كان عندي جينج .. سو رحت أسحب من الاي تي إم .. وطلع خربان !

رحت مصرف بوظبي الاسلامي .. بعد الاي تي ام مالهم خربان

وأنا ميته من اليوووووووووع .. وما عندي إلا 15 درهم ونص ف بوكي

ورحت أشوف الفطاير .. يالسه أحسب كل فطيره بكم بتطلع

لوووووووووول أحس اشفقت على عمري وايد شكلي كان فقيروه !

والحين متوهقه ماعندي كاش .. ولازم أدفع عربون حق اللي بتسوي لنا الميك أب حق


عرس بنت عمي لازم ندفع لها اليوم !!


عندي ستين ألف التزام هالشهر .. وأحس مابيتم شي من راتبي

من الحين يالسه أحاتي والله ..

الله يستر بس ..

::

[ملاك الروووح]

حتى أنا حسيت اليوم انه ربيعتي زعلانه لأنه ما حضرنا عرس أخوها

المشكله انه كان في العين سو احس وايد صعبه !

وأوردي كان عندنا شغل في الفجيره .. ف ما قدرت أسير .


بس عيبتني وايد متغير شكلها


جنها هي العروس !!



:

ياحليلهم كل ما حد يعرس .. كل وحده فيهم تيلس ترمس عن معاناتها ..

ويقولون انهم يبون يعرسون وجيه .. وايد يغمضوني والله

وأخاف اني اعنس وأيلس ف بيت أبوي أخر شي يوم أشوف حالتهم !


أني ويي

أنا سويت شي من يومين ..

ويااااااااارب أطلع بنتيجه حلوه من ورا هالشي ..

أسميني بستانس وبفرح وايد ناس غيري !

وبيدعون لي ليل ونهار

يااااااارب يتحقق !!

[شمعة أمل]

اليوووووم الأحد
المود حلووو
الموضوع:

مستانسه لاني داومت اليوم .. لانه الاسبوع الى طاف نسيت أنش من الرقاد وماداومت.. مع انه ماشي فرق لو اداوم ولا لا لاني مافهم شي في هالكلاس بس يله ماعليه

يوم خلصت سرت وديت اختي امرتس مول.. حظها عندها اجازه!!!!!!! شفت وحده أعرفها..احس اني منحوسه.. ماروم اطلع من البيت بدون ماشوف حد

البارحه كان عيدميلاد صديقتييي من الطفووله.. وفي نفس الوقت امي سافرت .. الشي الوحيد الى مونسني انه ربيعتيي يت بيتناااااااااا اصلن ماتمت في بيتنا الا يمكن عشر دقايق.. طول الوقت كنا برععع ووحده ثانيه بعد يتت وهي معرسه.. قلتلها تراويني بيتهم بس فضيحه يوم وصلنا عند فريجهم ريلها طلع في ويههنا لا بعد اونه تقولي دقييله هرن.. هاللي ناقص..قلتلها مافييه يبلغ علييه الشرطه ولا بعد يوم كنا طالعين بعد شفت وحده أعرفهاا قهر.. خاطري اطلع من بيتنا بدون ماشوف حد او حد يشوفني < اقصد حد اعرفه مب اي حد لول



لازم اسير أطلب أكل حق العزيمه يوم الثلاثاا.. مول مب متفيجه! غير انه وراي كلاس مسائي ماداني هالكلاس لانه معظم الناس freaks & weridoOos فييه

[عفاريتووو]

اليوم : الاحد

الحمدالله الحمدالله انه ما عندي دوام اليوم
لانه اعصابي صدق منهارة
و قلت بذاكر ما قدرت
مووول ما توقعت هالحركة منهم .. الله يسامحهم
وانا اوني اخطط اني اسوي شي يفرحهم و اترياهم
و هم يتعمدون يجرحوني
الله يسامحهم
بس لو كل حد يعامل الناس مثل ما يبونهم هم يعاملونهم جان الدنيا بخير
الله كريم

[شمعة أمل]

لو كل حد يعامل الناس مثل ما يبونهم هم يعاملونهم جان الدنيا بخير
الله كريم

So Trueee!!!

[تحفه]

5:59 الارم 1 يرن .. ارد اصكه
6:10 الارم 2 ارد اصكه
6:20 الارم 3 ماحسيت فيه
6:30 ماما دقتلي اتوعيني .. اتلبست وجيه
7:30 طلعت فالدرب سايره الجامعه
7:45 فالجامعه طلعت ناسيه نوتبكي وطلعا مب حافظه رقم كلاسي وتميت احوط لين ماحصلت الكلاس
8:00 فالكلاس الاستاذ ياخذ الغياب والحمدلله والشكر اني مش متاخر لان اسمي دوم اول اسم شو هالكلاس الي كلهم قوم ز/ش/ج
انيويز انا فالكلاس لين 9:44
9:44 الكوفي بين اخذ ماي لقلر درنك chai latte with extra vanillia
10:00 ادق حق ربعي وكلهم عندهم كلسات
قلت بتفلسف بسوي برنتغ وجي والطابعه ماطاعت تطبعلي
11:00 تيمعنا وتمينا نسولف نسولف نسولف وبعدين سرنا نتغدا
1:00 سرنا كلساتنا انا وربيعتي
الساعه 2 خلصت
بعدين سرت اخلص كذا شي
3:00 سرت الكلاس
4:00 خلصنا من وقت اليوم
ونحنا فالدرب انصدمنا من شارع الخيل مادري النخيل مادري شو يسمونه كان واااااااااااااااااااااااا ااااايد زحمه
5:45 فالبيت صليت وغيرت وشربت جاي بالزنجبيل لان احس بترد تستويلي بلاعيم
6:00 يابلت التلفزيون اطالع غريس انتمي الي ما امل منه
والحين صليت المغرب و يالسه علنت

[رمــش الغـــلا]

ملاكوووه

هع هع بخبرج عقب مب الحين

يوم بشوفج انشاللهـ

....

هي والله أنا صدق كان فخاطري أسير عرس أخوها

وهي كانت واااايد كيوت عيبتني

اقولها جنه ملجتج مب عرس اخوج

...

حبيبتي عاد انتي كيوووت اكيد بيدقون باب بيتكم قريب >> ع كيفي انا

لاتقولين بعنس

بسم اللهـ عليج من هالطاري

ومل وحدة تاخذ نصيبها فهالدنيا فالنهاية

[ملاك الروووح]

::

حبيبتي رمشوه ..

تسلمين والله ..

الله يسمع منج



وخلاص بترياج تخبريني عيل ..

يبالنا نزوركم .. لكم وحشه والله

::

توني راده من الدوام ..

تعبااااااااانه ..



أبي أرقد .. بس متحمسه وايد بعد .. عشان شي

الله يعديه على خير ..



كنت يالسه في الدوام اليوم .. جان ايي واحد وسمعته يقول حق ربيعتي

لو سمحتي أنا أبي الاخت ملاكوه .. وين أحصلها !

قلت هاه جنه قال اسمي

وسرت له قلت له نعم أخوي ..

قالي وين الاخت ملاك ؟

قلت له أنا ملاك ..

أحس شكله جيه استوى ! و و !

قلت له آمر .. جان يعطيني ظرف وقالي هذا حق الاخت أم عمر << اختي ..

وسار .. عقب شوي اتصلت فيها أسألها شو السالفه قالت لي انه هذا الموظف

اللي كان يداوم عندهم ف دوامها الجديم من كمن سننننننننننننننه ..


ويايب لهم أوراق الدوام أو شي جيه ..


قلت لها نو وييييييييييييي !!

أحيد يوم كنت صغيره كله كنت أسير وياها الدوام .. وكنت أشوفه هناك ..

وكان يقولي انه بيتزوجني

ف عشان جيه حليله انصدم يوم شافني كبرت .. وشكلي تغير !


هو روحه وايد متغير .. ما عرفته والله !

بس ات واز نايس تو سي هيم ..



::

اليوم ربيعتي تقولي انه المدير مطرش اسمي عشان الترقيه !

انصدمت وايد .. لأنه توني مكمله 8 شهور .. ومسرع ما طلبوا لي ترقيه

ف جان أستانس وااااااااااااايد ..

ان شاء الله خير عاد .. ما يندرى السالفه صج ولا اشاعه !



::

[المزوحي]

الــيوم : الاحد

الوقت : المساء

الساعه : 9:50

الصبح كل مابغي اقوم، أقول 5 دقايق، وثرها هالخمس دقايق شو بتسوي بي ! بشبع رقااد

قمت وخلصت أموري وتوكلت على الله . ياااااا كيف زحمه ... وصلت الدوام متأخر ...

بس يومي كان حلو في الدوام، كانت تستوي شغلات فكاهيه

صدق يومي كان خفيف ...

رديت البيت، بس ماتغديت .. دخلت الواحات .. صليت العصر وطلعت ربع مشواار حلوه

وعقب سرت الفستفال وكلت من عند هو غدا وعشا

ورديت البيت .. كنت بدخل اتسبح .. واستوى موقف ضيج بي الصراحه ...

كنت اتمنى يكمل يومي بدوون مغثه حسبي الله ونعم الوكيل ..

شليت بعمري ودخلت اتسبح وصليت والحينه قلت اشوفكم

[ايه احبك]

اليوم الأحد والساعه 10
تحففففففففففففففففففففففف ففففففففففففففه بطني يعورني موووت من الأكل الي أكلناه البارحه شوية وبصيح توبة والله توبه اخبص واجبر نفسي اكل غصبن عن معدتي حتى لو بسوي رجيم قاسي لمدة قرن =(
والله اليوم يوم العوار العالمي
اول شي كان عوار هالخبصه الي اكلتها ويا تحفووه يعني الأكل لا يرتفع ولا ينزل في المعده .. بطني اترقص لين ما قال بس مع اني نزلت كوستا من الفجر عشان اشرب لي قرين تي ولا فاد وتميت طول اليوم لين الحين مب قادره ارقد ولا اتنفس احس بشي ثجيل في جسمي لا حول ولا قوة الا بالله
والعوار الثاني كان عوا راس دخلوني في الشغل ميتنغ رووم قالوا لي الخلق بيونج لا تتحركين من الساعه 8:ونص لين الساعه 3 ونص يعني انفجار في بؤرة الرأس --> لا حد يسألني وين هاي
المهم السالفه ما مشت حسب ما السبرفيزر بغت وعالساعه حدعشر يو ناس وخذوا الميتنغ قروب فتشتت ومن ديبرتمنت لديبرتمنت حالتي قشره اليوم وغير جي اخر ميتنغ اتحريته انا الذكيه على الساعة 3ونص مادري ليش صدق اني مخ انزين شوفي الساكجول لكن من يقول ايلس على السولتير والعب لين 3 ونص وبعدين مستانسه رايحه عند الأورنتد واقولها يالله نبدا الميتنغ جان يقول اتخرتي بنص ساعه صدق جيه استويت O_O وهبله لا تفجين انزين السكجول جدامه اقولكم فجييته وطالع هو السكجول وقال شفتي متأخره نص ساعه وابتسام ابتسامة نصر مالت عليه .. استغفر الله العوار مأثر في كلامي
يوم بستوي زينه بمسح الرد
بس ما اقدر اكمل شههههههههيقققققق

[دمعة شوق]

الـيـوم
الأثـنـيـن

التـاريـخ
25\2\2008

الـمـزاج
لا بــاس

نـشـيت اليوم متأخـرة تقريبا 6 و 35 وكـنـت حـاطـه المنبـه الكبـير ولاااا دريـتـبـه وحاطه منبه التلفون ولاسمعته من التعب ، الحمدالله ظهـرنـا صوب الجامعة ولا تأخـرت على الكـلاس كان عندي انجلش ، فـ نـص الكـلاس يانـا المرشـد الاكـاديـمــي مادل يسويلنـا محــاضـرة << الموهيـم

رحممممممته من خاطريه زين ماصـحت خخخ تخيـلوا قـعـد يعرفنا على نفسـه ويكـتب على البورد البطاقة الشخصـيـة بس قسسسمن بالله انيه ماازيـد عليـكم وعلى فكـرة هو عــربــي

المـرشـد القديما
أنا اسم محمد المهنــا عندي واحد ولد اسم ***** ولد تاني اسم كذا
نحـن استوينا جي

ونضضحك نتحسبه يتمصـخـر وظهر صدق<< فششششله
يااالله كيف رحمـتـه يلس يقولنا ع قصة حياته انه هو انولد في استراليا وعاش هناك ولايعرف عربي اصـله من لبنــان وعلى قولتـه ( الحــق على بـيـئ )

وقـال انه يحب السياسه ويشوف شريط الجزيرة اللي تحت بس مايواحي يقراه بسرعه يخطف وهو يالله يالله يهجـئ الأحــرف

:
ووحـده من بنات الكلاس شافتنـي داشه واحات بن دبي قاالتلي بعدها معمره خخخ
قتلها بالمره انتي مشتركه قالت لا بس قبل ادش واقرا فقط، قلت يحيج
\\
الموهيـم عقـب هذا الكلاس كان بعد عندي انجلش لين 12 وخلصـت دوام
بس رحت ولاقيت ربيعـتـي ووديتهـا كلاسـهــا
//

عقـب يأ بويـه شــلنـي بالكـروووزر وقتله خطفني العيادة صارلي شهرين مسويه فحص دم ولارحت اشوووفه وتوني اتفيجـت خخ
\\
عقـب مااخلصـت رحت انا وبويه نتغـدا في الخـروف الذهــبي
وهناك الله لايرويـكم تخيلوا شلة بنات (وافدات ) وكمن مواطنه عندهن ،، شو السيجااره افففففف يالخياس خيسنــا الله يخسـهـن ،والحشره والعفسـه جنه محد سوا عيدميلاد غيـرهـن
//
عقـب رديـنا البيت ورقدت لين 6 ونشيت وقعدت عند خوانيه وحليت واجباتي وعقب ساعه 8 رحت اوني بسوي بطاقة الهوية تعنـيت لين هنااك ولقيتهم مسكــريـن ، عقب رحت اسجل في النــادي ومن باكــر ببدا ،
\\

صصصصصصصصصح اللي زادنــي وناسه وقلق وتفكــير
عــرس خويه فـ 27\3
وف هـ الـيوم بيـكون عندي امتحان مد تيـرم
تخيـلوا لو كان المغرررررررب اففففففففففف نحيييييسه
وبسسسسسسسس
والحينه بسير ارققققققد ورايه كراف من 8 لين 4

تصبحون على خيـرر

[بنت الدلع]

اليوم: استوى الاثنين
المود: calm
الموضوع:
اليوم في البريك سرت زرت اختي لان من يومين ظهرت من المستشفى
فديتها يابت بيبي صغيروووووون
وااااايد تااااايني وكتكوووووت
يلست عندها ساعه ونص
وعمتها مارضت اظهر بدون غدا
واقولها والله مشكوره مابا لاني بسطل في الكلاس
وهي: مابتظهرين من بيتي بدون غدا لول
ماشالله عليهم كيف هالناس طيبين ويدشون القلب

اني ويز سرت الجامعه وخلصت ورديت البيت
وكنت ميييييييته من التعـــــــــــــــــــــ ــــــــــب
قلت لهم يسوون لي اندومي لاني مب متفيجه اكل
ويلست اشوف الامبراطوره ويا ماما وحريم اخواني
الساعه 5 وعشر انا في الحجره
يمكن عالساعه 5 وثلث رقدت
لــــــــــــــــــــــــ ـــــــــــــــــــــــــ ـــــــــــــــين 10 الا شي
حلوووووو رقاااااااد العصر

والحين لازم اسير عندي ريدنق
واحد بو 3 صفحات
والثاني بو 12 صفحه

wish me a good luck