اليوم: الجمعه
المود: رايقه على مصدعه
الموضوع:
اليوم ناشه من وقت
الساعه 9:00 shaaarp
نشيت اتريقت وذاكرت وحليت واجباتي
الضحى كنت بتخبل على واجب الماث
يمين يساااار احاول اطلع الفورميلا مارممممت
كل الطرق جربتها
واخر شي اختي فديتها ساعدتني
بس في النهايه يطلع لنا الجواب الصح بس الفورميلا ما تضبط
لين ما لاعت جبدي وطرشت مسج لربيعتي
عالعصر اتصلت وقالتلي شو الي لازم اسويه
شي سخييييييييييييييييييييييي يييييييييييييييييييف !!!

تعرفون يوم تكتبون الرقم وبعده تكون علامة استفهام !
جيه هالشي بس انا صدق كنت نااااستنه لان من سنتيييين او ثلاث ماخذت هالشي

اني وييييز
بعد صلاة العشا انا وبنت اختي سرنا باسكن وخذنا ايس كريييم في هالبرد
وقفنا وتمينا ناكل وبعدين تمينا نتحوط في السياره
امشي على 20 وموطيه على صوت الاف ام
حلوووو هالشعووور
والأحلى ان الاماكن الي عدال بيتنا هاااااااديه
والجو حلوووو ومافي حد يسرع او متهور

وانا الحين في الواحات
وبعد شوي يمكن نسير السينما على اخر عرض او نسير جدى شارع السيف