دير دياري ~ يوميات

[عفاريتووو]

اليوم : الجمعة


اليوم يو يصورون دعاية فبيتنا
كان فخاطري اجوف
بس بابا ما خلاااني

و اتمنى ان باقي اليوم يكون احسن
و يغير لي مزاجي

[الشيـــن]

اليوم \ الحين لول
المزاج \ زين
الموضوع . .

سبحان الله صدق يوم يقولون المصايب اتي ورا بعض !

توفى ابويه واثنين من اهلي وبين موتة كل واحد والثاني شهر بالظبط !
الله يرحمهم يميع !

\
/
\

همسـات :

{1}
الفشل كان النتيجه
واعتقد آااان الأوان
أبني مستقبل حياتي
وانسى قصتنا الحزينه !
وخطوتي الأولى غيابك
وراح اطبقها عشان
يبكي قلبك لا فقدني
والندم يملي سنينه


{2}
ليش يا انته \ كذبت !!
لو صدقت . . آااه يا ليتك صدقت . . .
كنت [ وافي ] ما اظن يهون عندي لك طلب
لو طلبت [ الوداااع ] كااان اهون
كنت [ طيب ] قبل أعرفك .. والله طيب يا الحبيب !

{3}
امضـي فـي حياتكـ . . .
فـ صعب أن نكمل قصتنـا هكذا !
فلنحـاافظ على ما تبقى فينـا \ فينـا
ولكن
حين تكمل [ وعدك ] . . .
تعرفه \ مكاني
سأكون بانتظااارك
صدقني
سأكووون هناااك

[بنت الدلع]

اليوم: الثلاثاء
المود: كوول على تعب

الموضوع:

اليوم خلصت الساعه 12 وناااسه كلاس الماث تكنسل لان السير غايب
فسرنا كوستا الي جدام جامعتنا ويا البنات
وعقب رديت بنتين على دربي "اصلا مب على دربي بس ماحب حد يطلب مني شي واقول لاا" المشكله لو ربيعاتي عاااادي وناااسه بس وحده my classmateو الثانيه ربيعتها وماااا اواااااطنهاااا ابدااااااا
والله قهرتني
كنت اكلم ربيعتي اقولها هاا تبين تسيرين مكان
قالت I don't mind
تمينا نفكر شوي
وقلنا خلاص بنسير كوستا
شوي الا اسمع ماي كلاس ميت الي هيه ربيعت ربيعي
قالت بتوصليني انا بعد البيت (( شو ارد عليهاا يعني ))
قلت لها هاا .. ! هي اوكي

شوي الا اشوفها اتقول فلانه بتي ويانا !!!!!!!!!
انتي منو عزمج
وفلااانه ربيعتج منو عزمهااا !!!!!
قلت لها وعقب اردها الجامعه
قالت لا بتي بيتنا

نعم !!!
يعني بتكون وياي في الدرب
مادااااااااااااااني هالبنت
واقفتلي هنه

اني وي
ما كملنا شوي الا اشوف ماي كلاس ميت تتصل في ربيعتها تقولها وينج
وهاذيج تتريانا برع !!

المهم سرنا واستانسنا مادري يمكن
وكل شوي ربيعتي تغايضني وتقولي "ur friend" بتكون وياج
واناااا
she's not my friend
اونه ماعليه احاول اخلي الموضوع يكون كول بالنسبه لج لازم تتعودين
daaa اتعود على شووو
ماحبهاااااا

اتخيلو انا عند بيتنا الساعه 1 وربع
ولازم امر على بيتنا اول لان على دربي وعقب انزلهن
لين ماوصلت هالنتين ورديت
الساعه كم انا واصله البيت !!
الساعه 2
صددددعت في السيااااره
وحسيت بضربة شمس

اني ويييييييييييييييز

الحين ..

وااااااايد عندي اسااااايمنتس حق باااجر
بمووت من ضغط الشغل
عندي اول شي كتابة براقراف للميديا في حدود 50 كلمه لول لعب يهال
وعندي قراية اوديبس من بارت 2 لين بارت 6 بصيح
ولازم اقرا 7 صفحات عن وحده مادري شو سالفتها راهبه وتعيش في ديلفي
وشي اسئله عن مادري شو لازم احلهم
واسلّم ورقتين لسير الانجليزي

وبعد صلاة المغرب بنسير القريه
بس انا بعدني مارقدت وتعبااانه
وابا ارقد وابا اسوي واجباتي وابا اسير القريه
so
خذت بندول نايت من نص ساعه الحين بدا يأثر مفعوله فـ ان شاء الله ايني رقاااد على الاقل ارقد ساعه

وبس

ادعووووولي
كلكم لازم تدعووون لي
لول غصب

[مــهــابه]

اليوم :

~ الأربــعـا

المزاج :

نـص / ونص


الموضوع :

وبإخـتصــاار

~ الله لايبلي مؤمن بـ [ عـوق الضرس ] . .

الله يسامح لي كان السبب

البارحة بلييل مارمت أرقد من زود الألم ، رقدت السـاعه 3 . .

مـدري كيف عـَورني أصلاً

كـنت أطـالع شـاعر المليون ، والحال أوكي ، واستانست وااااايد بـ قصيدة بن نوه

وعقب يوم حطيت راسيه برقد ، جان يجيسني الألم

وغير المسج اللي وصلني وغثني

واحس اني مول مارقدت ، لدرجة انه دوامي 10 وانا واعيه 9 ونص بالظبط . . .



~ بقـلمي :

/
/
كـيف أقـدر [ أقــنعه ؟! . . .
بأني راح أصبح لــ ~ غـــيره ؟ . . .

[ملاك الروووح]

اليوم الأربع ..

المود .. مستانسه

التيم ليدر مالنا كان عندها ميتنغ اليوم ..

والحبيبه أونها اونها يعني كاشخه !


عباتها عررررررررررررس .. تو متش تو متش يعني ..

واونه الشنطه ماتشنغ مع العباه واللبس ..

بس فظيعه العباه .. مول ما تنفع حق الدوام !!

والمشكله انها مستانسه على عمرها يعني .. واتي عندنا وتسوي حركات جيه بايدها

لووووووووووووول اتذكرت يوم اتسويها

اونه هاه شو رايكم ف كشختي ..!!

لا وتسير عند الشباب بعد ..

صج ما تستحي .. بس عيبني واحد قالها والله يبالج تسيرين مسرحيه ولا تشاركين ف سيرك!!!

قووووووووووووووويه

أنا مادري كيف يودت عمري وما ضحكت عليها !

لأنها تستاهل بصراحه .. وايد قاهرتني هالكمن يوم !!

:

المهم

عالساعه 12 قالت لنا انها بتروح .

وطبعاً نحن نهيت ونصيع ع كيف كيفنا يوم ما تكون موجوده

منو يقول انه ملاكوه يالسه ف المكتب ..

أول شي رحت الصالون وسويت ماي نيلز .. جيه خذت لي مال ساعه

ومحد سأل عني ..

عقب رحت وقصيت شعري ..


وعقب رحت خذت لصق جروح من الصيدليه لأنه صبعي انقص ..

وعقب وين رحت بعد !!

هيه سرت خلصت شغلي في الدايره الاقتصاديه ..

وبعدين سرت الرست روم ضبطت عمري ورديت ..

سولف شوي ويا ربيعتي .. وشليت شنطتي ورديت البيت

ولا من شاف ولا من دري هع هع هع

والله وناسه .. جان زين لو كل يوم عندهم ميتنغ !!

:

ما أحب جيه ..

ربيع اخوي ويانا في الدوام ..

وأحس مادري .. غير .. مب شي !!

[شمعة أمل]

اليوم الاربعاء
المود مستانسه الحمدالله
الموضوع:-

أبويه من شوي راد من الشغل وياب هدية عيدميلادي اخترتهاا اليووم بس قلتله ماباه الحينننن اباه يوم ميلادي ويا كرت.. ويمكن ورد وكيك بعدp= وايد مصدقه عمري..اصلن انا استاهل.. امي بتسافر ف مابتكون هني يوم ميلادي ف لازم يدلعوني زياده اليوم حشرت امييي وقلتلها اني اتوقع سبرايز ولا شي يوم ميلادي

ابويه وايد كيووت.. كسرت خاطره البارحه من كثر ماقوله ودني السينما ودني كوفيي وومايقدرر.. ف البارحه الفليل وداني باسكننننن وكانوو يصوروون فلم هناك بعدين يوم ردينا البيت خلاني ايلس وياه واشوف فلم ويوم بغيت اسير ارقد ماخلاني.. تم يقول لو شمعه تسير ترقد انا بسير ارقد ف ممنوع تسير ترقد لين نخلص هالفلم الممّل.. عذااب الفلم صدق ملل وروحه ابويه ملان بس ماخلاني ارقد بس استانست لاني مايلست وياه من زماااان



اووووو لازم اكتب هالشي عشان مانسااااااه
اليوم شفت شي كشخه
عيوووووز يمكن عمرها جي 80 لابسه برقع تسوق سياره بدون مخفي وترمس على الموبايل شكله كشخه وخطيييييره

[المزوحي]

اليوم : الاربعاء

المود : أوكي

الدوام كالمعتاد، وابغي اكون كووول على طووول وابتسامه مني وابتسامه مناك ... وسوينا

هاك الكرك وبدنيا سوالف على السريع ( اللي استوى البارحه ) وعقب ماطلبنا الريوق

كل واحد سار المكتب وبدينا الشغل، ووصل الريووق وكلنا وتمينا نسوولف ..


ظهرت وسرت برجمان .... ورديت بس كل شي تمام ووووووووو

في شي كان ناقص اليوم، بس مابقولكم شو هو

رديت البيت اليوم عيبني الغدا ... وسرت القرية ... وبسسسسسس

[تحفه]

5:59 am الارم رقم 1 يرن واطبعا صكيته ورديت رقدت
6:10 الارم موبايلي رن وسويتله سنوز وسنوز وسنوز ( كنت ميته تعب )
6:20 الارم مبايلي الثاني رن وصكرته ورقدت لول
بعدين نشيت سبع وشي انصدمت من الوقت لان كلاسي ثمان فكرت في السالفه وحسيت عمري مب متفيجه افكر جان اضرب الوضع طاف ورديت رقدت XP
8:00 فتحت عيوني نفس الناس والاوادم جان اقول لازم اداوم علشان اتم لي غيابات حق اخر الكورس D:
تلبست وجيه
9:15 ربيعتي دقتلي تقولي ويني جان اقولها الحين ظاهره و طلعت عل درب اسمع بونوره 3>
40 :9وصلت الجامعه دقيت حق ربيعتي اقولها بدخل كلاس الساعه 10 بدال الكلاس الي طوفته مافيني علغياب وبشوفها 11
الكلاس عبط و وحده ماعرفها يلست حذالي وقعدنا نهذرب علشان مانحس بطول الكلاس الممل!! لول
استوت 11 وعلىىىى طووول سرت اشوف ربيعتي وتريقنا فالكوفي بين وبعدين ردينا نخلص شغلنا ونسولف 3>
بعدين يتنا ربيعتي الثانيه وردت روحت لان دوامها خلص ..
الموهيم
1 طلعنا على كلساتنا
2 خلصت كلاس الماركتنغ وي الاستاذ الي ما اروم ابلعه اففت
الموهيم
3 دشيت كلاس العربي تميت اسولف وي وحده مب شايفتنها من الف قرن لول.. الناس تعرض برزينتيشنها ونحن يالسين نشوف صور عرسها لوووووووول ..
كان الكلاس ساعتين وحسيت نفسي بنهااااااااار .. جان اطلع برع يلست احوط ورديت بعد ربع ساعه لول
اول مارديت خلص الكلاس
4:15 ماما ادق تقولي يله وينج قلتلها يالله يايه لول
5:40 وصلت البيت تغديت لول
وبعدين شفت تلفزيون ويلست وياهم وسولف وي ربيعتي وبس :>

كان يوم عادي <.<

[بنت الدلع]

اليوم: الاربعاء
المود: sleepy

الموضوع:
اليوم الساعه 5 الصبح حاطه المنبه
ويرن ويرن وكل شوي سنوز
لين ما اخر شي تفيجت ونشيت الساعه ست
يلست اسوي اسايمنت الميديا "يوم سلمته وايد عيبه والبنات يرمسونه وهو مسوي طاف ويالس يطالع ورقتي جان استانس، ربيعاتي قالوا وايد كيوت الي سويته وارتحت نفسيا لان النشه من وقت يابت نتيجه"

بعد ماخلصت يلست اقرا عن pythia الي هي القدّيسه مال يونان سابقا "يعلمونا اشيااا غبيه"
المهم في الجامعه على اخر كلاس كان عندنا تور في اللايبراري لول
حسيت عمري فرشمن لول
وشفت تحفه بس هي ماشافتني

خلصنا وانا وربيعتي كنا نتمشى سايرين صوب البوابه
فتمت تقول سوالف عن البنت الي ماحبها وانا جيييييييييييه
بعد ماخلصت قالت what do u think now !!! وانا صدق جييييه نووو كمنت
استغفر الله في ناس جيه

رديت البيت وانا مسسسسطله
حتى ماتغديت رقدت على طول
يوم نشيت ماشفت ماما ولا بابا ماداني جيه
تميت عالنت لين ما وصلوا
فديتهم البيت يكون حيوي وفيه حركه يوم يكونون موجودين
والحين يالسه اقرا عن Helios the god of sun هههه يضحكوني ويا معتقداتهم
ومصدعه العجيبه وياي
اسوي رفرش للمعلومات عليها لول

ابا ارد ارقد
حلوو الرقاد يوم يكون عندكم وايد اشغال لول

[تحفه]

اويه كنت اتحراكم من مدارس يايين ايحوطونكم لول ووحليلها ربيعتي تحاول تقنعني انكم من جامعتنا تدرسون انفايرمنتل ساينس لووول

على فكره انا ماحفظ الويوه "أ بـ د ن" لان دوم اشوف ويوه يديده ومحد يثبت فمخي >.< فلاتزعلين اذا مشفتج وماعرفتج لول!

[بنت الدلع]

ههههههه
كل مانمر على قروب يصدووووون صوبنا
جنه غرباااااء لووول
لا هذا تور عشان الميديا communication & media
اونه عشان نحس كومفورتابل ونعرف اماكن السكشنز وهالاشياء


لول عادي
لان السمستر الي طاف
كل اسبوع كنت امر عدالج وانتي تشوفيني
بس استحي ابتسم لج
احسج تكونين مشغوله بالتفكير في شي ومابا اقطع حبل افكارج لول
فقلت اكييييد ماتذكرين شكلي
خلاص مره ثانيه بسلم عليج عشان ترد ملامحي في بالج

[تحفه]

تدرين انا اسامي بنات الي وياي من كمن كورس مب حافظتنهم! لول!!

[مجموعة إنسان]

قمت الساعه 10 الصبح
سرت الكلية
رجعت الساعه 1
تغديييت وشفنا فلم مع الشباب
الساعه 4 عندي كلاس
الساعه 6:30 انا طالع من العين ويااي بوظبي
الساعه 7 وماعرف كم انا عند محل في شعبيتنا
وبالحظ اشوف سيارة عمي واقفه عدال محل ثاني
والزلمه الكلب ماسك شي ويبي يضرب عمي
ومن يقووووووول
ركضت لين الزلمه وعطييييته بكس من خاااااااطر خااااااطر خاطري
وانسدح
وقااام مره ثانية
وامسكه مره ثااانية وادوووووسه دووووس
اللا اسمع ضرب بعصاا
اشوف عمي مكسر العصا على ظهره الكلب

الساعه 8 انا في مركز الشرطه
الساعه 3 الفجر طلعنا
ورفع قضية هع هع
استوييييت حدث اليوم
وصايع وخريج مراكز

[مــهــابه]

^
يحـليلك ، ويستاهل الزلمه لوول

اول مره احس بك انك عصبي ، شكلي انا الحين لي بحصل بوكس




~ اليوم :

الخميس

المزاج :



الموضوع :

~ الله يسامح نـاس / وعَونا من رقـادنا بسبة شخيرهم

واللي كان بسبة السهر

[بنت الدلع]

ركضت لين الزلمه وعطييييته بكس من خاااااااطر خااااااطر خاطري
وانسدح
وقااام مره ثانية
وامسكه مره ثااانية وادوووووسه دووووس

الله اكشــــــــــــــــــــــ ن