دير دياري ~ يوميات

[شمعة أمل]

اليوم: السبت
المزاج: ابا أرقد!
الموضوع

اظني حد داعي علي من رديت من المطار سيده جيكت الكلاسات وحطيت كلاساتي في جدول وجي ولا جي دوامي خايس.. بس أداوم يومين في الأسبوع بس القهر انه عندي كلاسات من الصبح لين وقت الغدا بعدين من المغرب لين الساعه 10 الفليل

والقهـر انه يوم من هاليومين يوم الخميس كلهم بيطلعون يتعشون ويسيرون السينما وانا بكون في الجامعه أدرس أصلن مادري كيف مخي بيشتغل الفليل


اففف قهـر


انيويز
بسير اسويلي كوفي ولا شي لازم مارقد ولا رقادي مابيتعدل.. باجر وراي نشه من الساعه 8 الصبح

[العجيبة]

اليوم : السبت

المود : ( :/ )


الموضوع :

اليوووووم من غبشة رحنــا نخطط الجامعة سايــر ياي ....
وياريـــت طلعنا بنتيجـــة ....

باقـي باجـر أو نهاية هالاسبوع الأرف .. أمر على مستشفى الجامعة عشان أصفي النيـة خخخ

واحتمــال احتمــال أعلــن انـي اتخـبـلت رسـميــاً


الله المستعـان

ويارب يعدي هالاسبوع على خيــر ...

[رمــش الغـــلا]

اليوم :
السبت

المود:
Boring
الله يرحم الموتى

أحس وايد ناس يتوفون هالفترة
الله يرحمـ الجميع

أمي وأبويه من عزا لي عزا ثاني

امممم مستوية امهم فالبيت لول

انا اشوف البشاكير شو سووا عشا

وأقولهم متى يحطون العشا

اوني عاد اعشيهم من وقت

واذاكر لاختي الصغيرة

ذبحتني عشرين مرة أراجعلها الامتحان

>>> btw
اشتقت لربيعاتي فالكوووولج واااااايد
وا ل غ ل ا
وحدة منهم

بس قبل أبا اسير أخلص الشوبينق من الاشيا اللي باقتلي

ل semester 2

[ملاك الروووح]

::

تحفتي الله يسلمج حبيبتي ..

الحمدلله بس طلع فيه التهاب


لوووووووووووول

عيل مب برتقالي !

صدقج والله .. فظيع الجو !



:

اليوم : السبت ..

المود .. لا باس ..


داومت اليوم .. و واحد من زملاء العمل الكرام قهرني ..

حرج علي !!

مع اني مب غلطانه ..

يبت اوراق هو كان طالبنها عشان يخلصون شغل الكستمر ..

و ربيعتي قالت لي ملاكوه ييبيهم عندي الكستمر عندي الحين ..

سو عطيتها .. لانه كان ضغط علينا اليوم ..

عقب شوي .. قالي ملاك وين الأوراق !!

قلت له عطيتها حق فلانه !

جان يحرج أونه لو سمحتي مره ثانيه يوم بقولج ييبي الاوراق ييبيهم حقي

مب تودينهم حق أي حد ثاني @@ آي واز لايك وااااات !

أول مره جيه يعلي صوته يعني

والمشكله جدام الخلق .. كستمر مواطنين

فضيحه

قهرررررررررررررني

بس أنا براويه من اليوم ورايح مول ما بسوي له سالفه ولا بسلم عليه حتى

:

7 Dayz Left !!

[المزوحي]

اليوم : الأحد

المزاج : مصنف

الصراحة من أمس وأنا مب طايق عمري، من الموقف اللي استوى بالخميس

وتميت متكدر في الويك اند، مع إنه مافي شي يسوى بس ماعرفت كيف أوصل المعلومه

اللي مب عايبتني ... ولأني اليوم موووووووول مب حلو شكلي وينعرف إنه في شي

حاول الطرف الثاني يعرف شو بلايه، لنهاية اليوم ،، شرحت السبب .. والحمدلله إني وضحت الأمر

بس صدق زين سويت

.. والحينه احس بسعاده لاني من بينكم في الواحات

[الخنساء]

صباح الخير


اليوم: الأثنين
المزاج: واااااااايد متردده



هاليومين لازم اوقع العقد في شغلي اليديد ..وبعدني متردده وايد مع إنه مكان زين .. وعطوني أكثر عن راتبي الحالي.. ومكان في مجال للتطوير .. لكن المشكلة ... دوامي الحالي بدوا في الإغراءات ... تمي وبنرقيج .. !!! وينكم من زمان الترقيه اللي كنت اترياها من سنتين الحين يكل سهوله خلال اسبوع واحد بنعطيج إياها ... !! صدق قهر يعني ليش تخلون الواحد يساومكم من البدايه ..

محتاره أنا .. اسير مكان يديد واتعلم واتطور ...وإلا اتم في مكاني .. واحصل فلوس أكثر

[مايهزك ريح]

اليوم الأثنين ..
المزاج :اوكيه
الساعه : 2 و 22 دقيقه الظهر ..

يالس ارتب الشنطه وارتب الصور عشان انزل آخر رحله ^_^

ما بقى شي كمن يوم ... ورادين لدبي .. اففف ما ابا ارد الدوام >_<

[ملاك الروووح]

::

اليوم الاثنين ..

الساعه 1:35 ..

المود .. نعسانه



مع اني رقدت أكثر من 12 ساعه .. بس بعد أحس ما شبعت رقاد !!

هلكوني في الدوام ..

يوم الخميس دوامي كان المسا .. ومداومه بالسبت والبارحه كنت ايفننغ بعد !

قلت حق التيم ليدر لو سمحتي انا باجر باخذ أف .. ما أقدر أستحمل خلاص .

والله حلوووووووو الشعور بصراحه ..

تولهت على أيام السهر والرقاد

::

الخنسا ..

معروفه الشغله ترى دوم ..

يوم تقولين انج بتظهرين .. يبدا مسلسل الاغراءات ..

يعطونج عقب الامتيازات والترقيات اللي كنتي تتريينها من زمان !

أحسن شي انج تستخيرين .. وشوفي شو أنسب مكان لج ..


عن نفسي اذا في مجال أشتغل في مكان أقدر اني اطور فيه من نفسي ..

ويكون في مجال اني استفيد منه .. بروح بدون ما أفكر ..

وأكيد انهم بيقدرونج هناك .. وبيكون شي ان شاءالله ترقيات ..

واذا ما كان شي على طول قولي لهم انج بتطلعين وبيرقونج ..


الله يوفقج حبيبتي ..

[ا ل غ ل ا]

من متى كل ما أكتب شي ما ينحط

تحطمت >_<

[شمعة أمل]

اليوم الاثنين
المود بخيييييير
الموضووووع..

بشكارتنا وايد تضحكني مادري من وين تييب ال vocab مالها..
يوم عطيتها الهدايا الى يبتلها من السفر جان تقولي "مشكووووريين يالحلووو يالغاالي يا حبيبتي"
واليوم الصبح كنت راده من الجم جان اقولهاا هلااااااا وردت عليه هلا هلا واللللللللللله هلااا .


انيويززز

اليوم اول يوم ارد للجم من بعد اجازه طويله وعاد من دشيت سيده قلتلها تراني متنت واااااااااااايد وماخليتها توزني بعد
ف يوم كنت امشي على الترد مل جان تقولي مثلا كم متنتي؟ عشر كيلوو؟ لا ماظني يمكن 15 كيلو؟؟..
وانا في خاطري اكسسس كيوووز ميييي حسيت اني بطيح من هالمكينه مال مشي جان اجوف نفسي في المنظره واقوللها جوفييييي هذا مب ويهه عشر كيلو اكسترا لو سمحتي يعني هذا ويه ثلاث كيلوو ونص
تخيلو شو قالتلي! اونه ريحتيينييي 3 كيلو شويه
هاي من صدقهااااااا انا بتخبل.. ابا اخسر هالثلاث كيلوو + 5 اكسترااا
& ماعرف كيف ربيعاتي مايسون رياضه.. احسن شي يوم الجسم يكون toned



& سؤال
حد يعرف مكان يسون فيه يوغا ويكون للحريم؟ بس مب نادي دبي للسيدات
ومايكون بعيد.. يكون في هالمستطييل من الضيافه لين نولدج فلج






&
اكرهه شي اسمه كلاسات مسائيـه!! >_< ماعرف كيف بتحمل سمستر كامل!!!

[ذنـيـنـي]

اليوم الاثنين

المزاج "احساس بالانزعاج"

=========

خلال اليومين الي طافن صارتلي اشياء ضايقتني جدا
ظلمت ناس ظلم كبير و اتمنى انه الله يغفرلي و انه هالناس يسامحوني على الي سويته

و امس صادف يوم ذكرى المفروض انها تكون مناسبة سعيده و مفرحه جدا
لكنه للأسف صار يوم للذكريات فقط

امس كان يوم فعلا يوم مؤلم بالنسبة لي
و يوم "يعور القلب"

[وحي القلم]

اليوم : الاثنين ولا يمكن يكون بدا يوم الثلاثا

المزاج : اممم ماعرف

انصدمت بشي كنت متوقعتنه يظهر أحسن عن جيه

ان شا الله أقدر أغيره .. ما عندي غير الاسبوع الياي

لازم أتصرف بسرعه عن أبتلش بعدين

[بنت الدلع]

اليوم: استوى الثلاثا
المود: .........

هالاسبوع كانت حالتي النفسيه تعباانه ومضاايجه
ووايد اتذكر اشياااا
بس اليوم الصبح الحمدالله يوم نشيت
حسيت بهم كبيييير انزاااح من قلبي
الحلم الي حلمته وايد ريحني
وعالمساء ظهرنا جيه ظهره بناتيه عائليه
واااايد استااانست الصراااحه وصدق غيرت جو
والحين حاسه بحالة من الاستقرار والطمأنينه

الله يدوم هالشي =)

[ا ل غ ل ا]

دييييييييير دايرييييييييييي

اليوم : الأثنين 04-02-2008


المكان : القاهرة


الساعة : 8:34 مساءً


الحالة النفسية والمزاج : متكسسسسسسسرة

اليوم من نشيت من النوم على إزعاج الهرنات "الكلكسات" وأنا مقهورة منهم يالله على قولة واحد من أهلنا (الهرن والريس) الشيئين المهمين بس فالسيارة في مصر ..

نزلنا السنتر عقب ركبا تكسي من تكاسي الأفلام الأبيض وأسود وأنا كل شوي أطالع أمي وأبتسم (على فكرة أول مرة أيي مصر) أقولها أحس أني في فلم مصري .. المهم وصلنا جدا النيل دشينا فندق شيراتون القاهرة نبا ناكل كشري والله الكشري زين ،، بس السيرفس خايس !!! أقول حق أبويه ونحن نتغدا ،، ولا تحطلهم قرش زيادة على الفاتورة

المهم عقب تمشينا على النيل والوصخ والإزعاااااااااااج اللهم ياكافي بس يعني


I was living the moment مثل ما نقول ،، يعني أبا أجرب كل شي ،، كنا بنركب الكوبري (المركب) بس كان وايد برد ف ركبنا الحنطور أو الركشة أستانست وايد ههههه


المهم عقب لاعت جبدنا ونحن ندور تكسي يردنا ،، وحصلنا تكسي وقفه لنا الشرطي طبعا طبعا عشان يحصل شي من ورانا الأمور ما تمشي إلا جيه أعوذ بالله .. عقب ركبنا التكسي وكسرنا تكسير والله الشوارع أررررررررف


وزحمة يا دنيا زحمة

ولفينا على واحد وقال حق سواق التكسي مالنا (يا حمار)


والشوارع مافيها سيدات كله مخلوط مع كله مادري كيف الناس ماشية ،، وماشي إشارات والأوادم يتعافدون في الشارع عشان يعبرون للجهة الثانية .. المهم وصلنا وأنا راسي كبر اليحة

قلت بدش الكافية اللي تحت باخذلي كوفي ،، وزحمة !! بسبب أنه اليوم مصر بتلعب في كأس الأمم الأفريقية ،،


قلتله : لو سمحت يا معلم ،، واحد كافيه لاتيه


قالي : إيه !! ما عندناش


قلتله : طب فيه نسكافيه ؟


قال : آه فيه امال !!


قلتله : طب أعملي نسكافيه بالحليب


المهم عقب ما سوالي


قالي : أربعة جنيه فقط لا غير


جان أبطل عيوني الله يرحم كوب الكوفي اللي ب20 فالبلاد خخخ المهم


عطيته يوم ييت بروح


قالي : مش حتحطي سكر !! وإلا حتحطي صباعك فيه ؟


خخخخخخخخخخخخ


قلتله لا ده ولا ده متشكر مع السلامة

وييت طيران على الواحات ^_^

[المزوحي]

اليوم : الثلاثا

الوقت : 3 الظهر

تلمزاج : عادي

صدق ........... شو هالسواقه اللي يسوقونها تخبلو العالم والناس

اصبحنا واصبح الملك لله وسرنا الدوام .. روتين .. الحمدلله على الصحه .. بس

في شغلات تقهرررر وااايد وماعرف كيف اتعامل مع الآدمي اللي يستهبل

وبعدين وياهم ... هاليومين داخل في بالي آخذ لي موتر

زين لو ادخل جمعيات عسب اختصر

عقب صلاة العصر بتلقوني في الفستفال .. واللي بيي هناك

وعندي مشوار ثاني .. بشوف إذا بيتنكسل ...

ووووو


واتمنى النص الثاني من اليوم يكون خفيف ومريح وغييييره ....

حقيقي good luck