دير دياري ~ يوميات

[أنامل قلب]

السلام عليكم ورحمة الله وبركاته ..

اليوم : السبت ..
المود : .....
الموضوع :

لو بيدي أشطب على حياتي كلها طول بعرض جان ما قصرت ..
نظامي من الخاطر مخترب .. وكلمة مخترب جدا صغيره وما توفي محل الكلمه ..
كلي على بعضي مستوية غلط بغلط ..

مو قادره أستوعب نفسي بنفسي .. !

تدرون شنو ..
أتمنى يكون لي ماجيك بوك أكتب وارسم به كل الشغلات اللي اباها تكون بي كـ شخص ..
بـ أيامي كـ عمر أقضيه .. وأشوفها تترجم لواقع أعيشه تالي .. !

أستغفر الله .. !!

دومه الانسان ينظر للبعيد وينسى تتبع سير قدميه خطوه بخطوه ..
يتأمله ويتبعه خطوه بخطوه .. ليمن يوصل لمناه .. !

تلاقي دربك بعيد المدى .. بمنظار بعيد الأفق ..
والمنظر السرابي يثير أعصابك .. يشتت فكرك .. !

تحس بجمود أطرافك .. مو لسبب ولا علة حاشتك ..
لكن لكونك رضيت لها الجمود وحسب .. !

المشكله ..
ان مو أنامل قلب اللي تقعد ..
بدون أثر لحراك يسد رغبة الخاطر عندها ..

باذن الرحمن ..

ولو إن في طوق غريب عني وبي ..
مو قادره أترجمه بشخصي ..
أبد مو قادره ..

ولا عارفه له من محل يسد معناه .. !!!

:

.....

[حلم الطفوله]

اليوم : السبت

المزاج : متقلب من الزجمه

الموضوع : أشياء وأحداث واااايد صارتلي اليوم ....

أحس إني مب أنا !!!

مهما يتكلمون جدامي ما أعلق ولا أشاركهم بالراي

أتحرطم بيني وبين نفسي بس مسويه نفسي كوووووول جدامهم

لأول مره أكتشف إنه فيني نسبة وغاده مب طبيعيه

ولآخر مره أتمنى إنهم ما يكلموني بموضوع أكرهه لحد الكره نفسه

لأول مره أحس إنه هالموضوع بيخليني أطيح بنفسي وأنا مب بكامل قواي العقليه (امدوخه )

[تحفه]

^hug u so tight

و سلمي على الشمس شوق القلوب

[عافك الخاطر]

اليوم: السبت
المزاج: حزينة على ندمانه
الموضوع:
- اليوم كان هو آخر يوم في أتعس و أبيخ و أبرد اجازة في حياتي ..
و الأدهى والأمر انهم في آخر يوم قبل الاجازة عطونا اسايمنت نسلمه في اول يوم .. وانا اليوم بس اتفيجت اطالعه .! > ياني احساس بايخ بالاهمال .. وطلع الاسايمنت سم و دمه ثجيل جداً ..خاصة الاسئلة اللي حاطها العميد .! > شو خلاه يتفيج و يحط اسئلة يبالها خمس ست سبع سطور عشان الواحد يجاوب عليها ..

اتمنى اليوم يكون 48 ساعة عشان يمديني اكمل الاسايمنت و ارقد ..!

- ما حبيت طريقة ردي عليهم ..صح اني فجرت اشيا كاتمتها من سنتين بس كنت ابي اكون أقوى ..!

- كنت محتاجه - نفسياً- لإجازة تغير حالتي النفسية وتطلعني من رتابة الدراسة واحباطاتها اللي ما تخلص بس تجري الرياح بما لا تشتهي السفن ..
الله كريم ..
- الايام الياية بتكون اصعب ومحتاجة أكون اقوى ..
- محتاجة ارتب مفاهيم الاولويات في الاهتمام بالاشخاص وبالاشيا ..
ابوي وامي > دراستي > أنا (محتاجة اهتم فيها أكثر .! )
قرار فيه انانيه يمكن ..بس انا تعبت وانا احاول وياهم من سنين .. بس يا الوقت اللي اتمسك بالاشيا اللي اؤمن فيها و احقق احلامي بعيد عن كلامهم اللي يغث.. ولا عليّ من الشعب

.
.
شكـراً تحفه على هذا المتنفس :)

[شمعة أمل]

اليوم : السبت
المود:
السبب:

اليوم يوم وايد حلووووووو أحلى شي اني رقدت من الخاطر.. اظني 13 ساعه
& اليوم لندن وايد وايد زحمه.. في الصيف ماحس بالزحمه لانه دوم زحمه بس في الشتا لندن نت باااد .. بس اليوم الزحمه فضيعه.. انا عبالي لانه ويك اند.. بس طلع لانه آخر يوم للتنزيلااااااااات SAD.. هني يتخبلون على شي اسمه تنزيلات ويعدون الايام والسااعات ويخيّمون برع المحلات.. وعندنا نحن اكبر طاف

&&&&&
رمست ابويه وخواتي & مريم ومها و *س* وندى وامل مها قررت تيي ويايه ايطاليا يوم نعيّز ونتقاعد هناك وناكل باستا وبيزا وجيلاتو كل يوم على قولتها hopefully we still have teeth!

&&&&&
الياااااااااه مس يوووو وgood luck في الجامعه

[المزوحي]

اليوم: الاحد

بداية السبوع ومن اصبحت امبوز .. ماعرف شو بلايه .. مودي مب شي ..

ياني اتصال خبر وفاة .. يرانا ( يدتهم اتوفت ) الله يرحمها ... وفي شي مب عايبني مستوي في الدوام ..

بس شو اسوي يوم الغير مايفهم ..

ظهرت من الدوام الدنيا تمطر وإن شاء الله خير ...

رديت البيت ... اتغديت، والحينه صليت المغرب وبسير العزا ..

اقوول شمعة سلمي على اهلنا في لندن ... وحد من الشيخات وياهم ...

[العجيبة]

اليوم : الاحد > سألت عشان أعرف :/ مشكلة البطالة تنسينا الايام ..!

الموود : عادي على أوكييي

الموضوع :

اليوم كان اوكييي وطلعت ويا الوالدة عند نااااس ... وهالناس يو عندهم ثنتين مصريات ..

بس شووووووو عجـيـــــــب ... وشو ونااااااسة .. والله من سوالفهم حسيت جنه داخلين في مسلسل مصري ههه

أحلى شي ... يوم بغينا نطلع .. يسألوني انتي صف كم

قلتلهم انا في الجامعة سنة أولى

قالوا ايوااا ما شاء الله اعزمينا على عرسج لا تنسينا



خخخخ والله انهم تحـــــف ...



امممم

على الصعيد الاخــر

مازلـت أفكــر بجدوولي اللي مب راضي يكتمـل لين الحين :/

[ايه احبك]

اليوم هو الأثنين
والساعه تسع وثلاث وعشرين دقيقة
بتاريخ ثمانيه وعشرين الشهر
---
راحت على المقابله لني سهرت طول الليل
راحت علي المشيه لني ما نشيت من الرقاد
في احتمال شديد انه اشتغل وانا ما ابي
في احتمال اني اسوي عباه تستغرق شهر
في احتمال اني اصيح من ويع الراس
في قابليه اني انفجر على الأتصالات
في تأكيد على موتي بسبت الملل
>_<
دير ديري انا انتهيت

[مــهــابه]

^
هـونيهـا وتــهون . . .



اليوم :


الأثنين


المزاج :


زين بس الزجمه ملعوزتني



المووضوع :


~ اليوم انا نشيطة ، الله يسامح اللي حط تلفون امايه عند راسيه ، كل شوي ويدق ، طلعوني من طوري
يحليلها اختيه تتصل فيَه عسب أتوديني أتشرى للجامعه وانا تلفوني سايلنت ، وخلاف دقت ع موبايلي اميه ، وجان احطه سايلنت وأرقد ، ليـما شفتها واقفه عند راسي ، طالعه من المدرسه ومتعبله بس عشاني لوول


ممم هالأنسـانه ما احب اروح معـاها ، تـدرون ليـش ؟!

لأنه كل ما اروح انا وياها ارواحنا ، لازم يستوي بنا شي ، وآخرتها قبل أسبوعين يمكن ، دعمنا سيارة جدام الصالون وجان نشرد ، لوول فذمتـها انا مايخصنيه . . .


رحـت ، وخلصت بيزاتي بس ! ماخصلت أغراضي . . .


جان ماروحنا القريه العالميه العصر ، بخلي خاليه يخطف عليه وبروح أكمل لوول . .


فيَه رقااد ، بس بـقــاوم لأني أبا اعدل رقادي ، دوامنا عقب جم من يوم

[مايهزك ريح]

اليوم : الأثنين
المزاج : عال العال .. ^_^!!


اتكشت في ربوع ماليزيا .. وما خليت شي ما صورته ..
احس اني ما ابغي ارد للدوام >_<

[الخنساء]

اليوم الأثنين

المزاج: محتارة واااااايد


كنت اتريا اللحظه اللي اغير فيها دوامي واتصلوا فيه اليوم عرضوا عليه الoffer >> بس راتب اقل ... ساعات دوام أقل ... شيء يديد عليه مب في مجالي الحالي ولا مجال دراستي ... يعني لازم ابدأ من الصفر .. تحدي حلو ..وخطوة كبيره .. ما اعرف إذا اتخذها أو اتريا فرصه ثانيه ... جد محتاره وايد ومب عارفة اقرر ... شو رايكم ؟؟




اخويه ما يهزك ريح ..الحمدلله على السلامة .... ماليزيا من اكثر الأماكن اللي احبها ...

[بنت الدلع]

اليوم: الاثنين

المود: مستااانسه على تعباااانه وهلكااانه

البارحه اخويا ومرته وعياله وصلوا من السفر
فدييييتهم والله ولهت علييييهم كلللهم
من شهر ونص مب شايفتنهم

واليوم كان يوم حلو الصبح ظهرنا ويا الاهل

بس بعد شوي بنسير نعزي وحده
يحليلها البارحه حالتها كانت تعبانه هي وخواتها
الله يصبرهم يارب

وفليل ماي كزنز من الدوحه بيوووون
وبيتمون اسبوعين لين ماتخلص اجازتي
يعني هالاسبوع والي بعده بيكون فلللل
بس وااايد بتعب هالاسبووع ادري
وشي وحده وااااااااااايد ترمس
صدق صدق الله يعيني على هذربانها
بس الحمدالله اني ما اجامل واايد
وهالشي الي احبه فيني

اوروفوا

[بنت الدلع]

اليوم: الاثنين

المود: Happy

تغير الجدول من بعد ماسرنا العزا
i really enjoyed my tiiiime with my cutieee friends
They are the best

وسويت طاف لماي كزنز
لول مب عن قصد بس هم ظهر لهم مشوار وباجر بمر عليهم وبحوطهم اوني كبرت الحين

واستوى موقف فظييييييييييع لأخوووويا
صدق صدق انحرج
بس بعدني مارمسته بعد الموقف لووووول

اتخيل شو بيكون رده
ههههه اول مره اشوفه جييييه so cute

---

مايهزك ريح
the best thing سويته انك سافرت
ترد بالسلامه ان شاء الله

[المزوحي]

اليوم : الاثنين

المزاج : عادي

تعبت من رديت من الدوام، يادوب صليت العصر وسرت الشارجه، صدق ماعندي سالفه

تميت ساعه ونص لين ماوصلت .. جان الحينه انا في البحرين ملل ملل شوارعهم وكل شي

السموحه لأهل الشارجه يادوووب وصلت البيت الساعه 9:30 قلت خلني اسير الفستفال

اتعشى، وكلت الحمدلله يم يمي ..

ورديت البيت .. اتسبحت ودخلت الواحات، قلت قبل ما ارقد ..

مايهزك ريح صدق اتريا الصور من ماليزيا .. تراني اقول الولد مختفي ...

حلو بين فتره والثانيه الواحد ياخذ إجازه .. تغيير الله يعطيك العافيه ..

ابغي اتمدد من التعب ...

[بنت الدلع]

اليوم: بعد دقايق بيستوي يوم الثلاثا لول

اليوم استوى موقف غبي لربيعتي لوووول
يحليلها سايره العزا نزلت وسلمت عليهم
سئلتهم وين فلانه ؟

ردوا عليها هذا مب عزا فلانه

يحليييييلها ما اتخيييييل موقفها كييييف كااان

كانت مغلطه بالبيت
وثنيناتهم عندهم عزا

الشرهه على الي دلاها لول

الله يرحم موتانا جميعا ان شاء الله