اليوم .. الأحـــــد

المود : نعسانه



:

من رديت من الدوام ..

وانا مجابله النت .. أجيك الميل ..

وأعدل الصور .. وأرتب فايلاتي ..

وفيني رقاد الدنيا ..

وللحين ما زهبت ثيابي حق الدوام باجر !!

:

وناااااااااااااااسه الراتب نزل اليوم

وطبعاً بيطير ف غضون كمن يوم ..

أقصد كمن ساعه !!

:


السكرتيره اتصلت فيني اليوم .. اونه ملاكوه ييبي بيزات الجمعيه ..

قلت لها اتريي بسير أجيك اذا منزلين الراتب .. يوم جيكت ..

طلع لي السلب .. وكان بعده مب نازل ..

جان ايي وأعطيها السلب ..

ومكتوب فيه انه رصيد حسابي في البنك هو : 5 و 18 فلس ..

شي واز لايك وااااااااااااااااااااات !!


يلست أضحك على شكلها ..

قلت لها وأبشرج شي بس 5 ف بوكي ..

:

ربيعتي الصبح تقولي ملاكوه فديتج اظهري بريك ..

لا تترييني .. أنا بتأخر بظهر عقب ..


قلت لها حبيبتي عادي بترياج ..

مب ع كيفي أصلاً ..

لأنه مفتقره ولازم انتي تدفعين بيزات الريوق ..

لوووووووووووووووووول


هلكنا من الضحك والله ..


وانا كل يوم مسويه عمري جونغر أدفع عن الريوق واتوهق آخر الشهر ..!

:

لااااااااااااااازم أصطلب من بداية هالشهر ..

ولا بصفى ع الحديده آخر شي !!