دير دياري ~ يوميات

[تحفه]

اول شي كان عوار هالخبصه الي اكلتها ويا تحفووه يعني الأكل لا يرتفع ولا ينزل في المعده .. بطني اترقص لين ما قال بس مع اني نزلت كوستا من الفجر عشان اشرب لي قرين تي ولا فاد وتميت طول اليوم لين الحين مب قادره ارقد ولا اتنفس احس بشي ثجيل في جسمي لا حول ولا قوة الا بالله

انا بعد!! حتى فليل مارمت ارقد!! واليوم الي عقبه تميت اشرب سوائل بس
حتى كنت افكر اغيب لول بس يودت عمري


سلامات حبيبتيي

[شمعة أمل]

اليوم الاثنين
المود متضايجه
الموضوع


من البارحه وانا متضايجه..=( اففف
حتى حجرتي الى حجرتي تقولون كم من قنبله منفجره فيهاا .. لدرجه انه ربيعة اختي اطوعت تي بيتنا عشان تنظف حجرتي.. ماظني حجرتي بتكون نظيفه لين ما مودي يتعدل >_<

وبعد

انا وايد احب انه عندي ربع من جنسيات مختلفه.. بس مرات صدق صدق صدق صدق اتوهق..
ربيعتي البكستانيه متصله فييه اليوم تقولي شمعووه بشترييلج هديه!!! بشتريلج لبس بكستاني!! .. وانا: < لا بعد صديقتي الصدوقه يوم درت قالتلي يوم هالبنت تيبلج لبس بكستانس لبسيه وتعالي بيتنا

وربيعتي الايرانيه يت عندي : شمعوووه عمتي بتي من ايران قلتلها تيبلج هذا وهذا وهذا وهذا وتدرين انه هذاا وايد حاااااامض انا وايد احبه .. الخ.. وانا: انا الى مخوفني انه هالاشياء جي يكونون اكلات غريبه.. وانا من نوعية البشر الى ماياكلون اي شيي >_<


مودي خايس

[دمعة شوق]

الـيـوم
الأثـنـيـن

التـاريـخ
25\2\2008

الـمـزاج
لا بــاس

نـشـيت اليوم متأخـرة تقريبا 6 و 35 وكـنـت حـاطـه المنبـه الكبـير ولاااا دريـتـبـه وحاطه منبه التلفون ولاسمعته من التعب ، الحمدالله ظهـرنـا صوب الجامعة ولا تأخـرت على الكـلاس كان عندي انجلش ، فـ نـص الكـلاس يانـا المرشـد الاكـاديـمــي مادل يسويلنـا محــاضـرة << الموهيـم

رحممممممته من خاطريه زين ماصـحت خخخ تخيـلوا قـعـد يعرفنا على نفسـه ويكـتب على البورد البطاقة الشخصـيـة بس قسسسمن بالله انيه ماازيـد عليـكم وعلى فكـرة هو عــربــي

المـرشـد القديما
أنا اسم محمد المهنــا عندي واحد ولد اسم ***** ولد تاني اسم كذا
نحـن استوينا جي

ونضضحك نتحسبه يتمصـخـر وظهر صدق<< فششششله
يااالله كيف رحمـتـه يلس يقولنا ع قصة حياته انه هو انولد في استراليا وعاش هناك ولايعرف عربي اصـله من لبنــان وعلى قولتـه ( الحــق على بـيـئ )

وقـال انه يحب السياسه ويشوف شريط الجزيرة اللي تحت بس مايواحي يقراه بسرعه يخطف وهو يالله يالله يهجـئ الأحــرف

:
ووحـده من بنات الكلاس شافتنـي داشه واحات بن دبي قاالتلي بعدها معمره خخخ
قتلها بالمره انتي مشتركه قالت لا بس قبل ادش واقرا فقط، قلت يحيج
\\
الموهيـم عقـب هذا الكلاس كان بعد عندي انجلش لين 12 وخلصـت دوام
بس رحت ولاقيت ربيعـتـي ووديتهـا كلاسـهــا
//

عقـب يأ بويـه شــلنـي بالكـروووزر وقتله خطفني العيادة صارلي شهرين مسويه فحص دم ولارحت اشوووفه وتوني اتفيجـت خخ
\\
عقـب مااخلصـت رحت انا وبويه نتغـدا في الخـروف الذهــبي
وهناك الله لايرويـكم تخيلوا شلة بنات (وافدات ) وكمن مواطنه عندهن ،، شو السيجااره افففففف يالخياس خيسنــا الله يخسـهـن ،والحشره والعفسـه جنه محد سوا عيدميلاد غيـرهـن
//
عقـب رديـنا البيت ورقدت لين 6 ونشيت وقعدت عند خوانيه وحليت واجباتي وعقب ساعه 8 رحت اوني بسوي بطاقة الهوية تعنـيت لين هنااك ولقيتهم مسكــريـن ، عقب رحت اسجل في النــادي ومن باكــر ببدا ،
\\

صصصصصصصصصح اللي زادنــي وناسه وقلق وتفكــير
عــرس خويه فـ 27\3
وف هـ الـيوم بيـكون عندي امتحان مد تيـرم
تخيـلوا لو كان المغرررررررب اففففففففففف نحيييييسه
وبسسسسسسسس
والحينه بسير ارققققققد ورايه كراف من 8 لين 4

تصبحون على خيـرر

[بنت الدلع]

اليوم: استوى الاثنين
المود: calm
الموضوع:
اليوم في البريك سرت زرت اختي لان من يومين ظهرت من المستشفى
فديتها يابت بيبي صغيروووووون
وااااايد تااااايني وكتكوووووت
يلست عندها ساعه ونص
وعمتها مارضت اظهر بدون غدا
واقولها والله مشكوره مابا لاني بسطل في الكلاس
وهي: مابتظهرين من بيتي بدون غدا لول
ماشالله عليهم كيف هالناس طيبين ويدشون القلب

اني ويز سرت الجامعه وخلصت ورديت البيت
وكنت ميييييييته من التعـــــــــــــــــــــ ــــــــــب
قلت لهم يسوون لي اندومي لاني مب متفيجه اكل
ويلست اشوف الامبراطوره ويا ماما وحريم اخواني
الساعه 5 وعشر انا في الحجره
يمكن عالساعه 5 وثلث رقدت
لــــــــــــــــــــــــ ـــــــــــــــــــــــــ ـــــــــــــــين 10 الا شي
حلوووووو رقاااااااد العصر

والحين لازم اسير عندي ريدنق
واحد بو 3 صفحات
والثاني بو 12 صفحه

wish me a good luck

[رمــش الغـــلا]

ملاكوووه

فديتج << مس يو من الخاااااطر

انشاللهـ نشوفكم قريب

باي ذا وي << كزنتي فاليني مع مرت أخوج اتقولي ان دوم وياها

سوالف وكووول وجيهـ

اليوم

سرت الكلية دوامي من 8 لي 10 مادري شو اللي جابرني اداوم

وانا مووووووووول ما فيني حيل

وتعبااانة مب رايمة أرفع راسي من عالطاولة

وجان اتصل فاختي حاشرتنا عسب اتمرني ساعة ادقلها

والاخت راقدة

وانا شوي وبصيييييح

وامي حليلها اتحاتي

كل شوي متصلة

واقولها اختي ما اترد اتقول لا !!!

...

آخر شي ربيعتي قالت انا رادة عيمان قلتلها طوفيني بيت اختي عالدرب

وجان ارد وياها

واختي سوتلي قالت خلاص اترياج

توها اكتشفت اني اباها تمر علي

[ملاك الروووح]

:

حبيبتي رمشووووووووه

فديت روحج أنا



:

هيه اتقولي مرت أخوي انه شافتها في الجامعه ..

وسوالف وياها وجيه .. دوم ويا بعض

كله ولا فستانها الأحمر العجيب

ما قلت لج انه شفناها هاك اليوم في القريه ؟

بس غريبه ما كنتي وياها .. توقعت اشوفج ..


ان شاءالله نتلاقى جريب حبيبتي ..

ترى عرس كزنتي تاريخ 11-4 .. من الحين اقولج هاه ..

:

اليوم كنت صج ملااااااااااااااااااااااا ااااااااانه

من الساعه 11 لين 3 وانا فاضيه ماعندي شغل ..

خلصت شغلي كله .. وماعرفت شو أسوي ف عمري

والتيم ليدر الله هادنها اليوم ويالسه تسولف وياي وتضحك ..

وعطتني عقب شي مغبرررررررررررر من الخاطر ..

بسكوت غلوكوز .. جان اقول حق الاوفيس بوي سولي شاي سليماني ..

ويلست أغمس البسكوت فيه وآكله ..

ع كيفي جني يالسه ف بيتنا ..

والمدير يطالعني بكيمرته اللي حاطنها في الغرفه .. ويوم شافني عقب تم يضحك

اونه هاه خلصتي أكلج ؟ قلت له هيه خلصت ..


جكيناه اليوم الحبيب .. شكله كان مواعد

ماسك ورده وخطف من برع جيه ما انتبه لنا انا وربيعتي كنا نتريق ..

وعقب جيه 5 دقايق رد وهو مستانس

مليون بالميه كان مواعد !

انا ما قلت شي هاه ومحد سمع شي !


استغفر الله :


وربيعتي تقولي اللللللله انا ابي حد اييب لي ورد بعد ..


جان اطلع عقب شوي بما اني فاضيه وشريت لها ورده حمره ..

وطرشتها مع صاحب المحل .. نقعنااااااااااااااا من الضحك

طبعاً على طول عرفت انها مني
::

باجر بيبدا الكووووووووووووووورس

حمااااااااااااااااااس



يالسه أوصي السي آر ام عالستاف وعلى الستوك ..

فريخاتي خايفه عليهم

أحس بتوله عليهم والله !

مابشوفهم لين يوم الأحد .. شو هاه !!

:

[رمــش الغـــلا]

ملاكوووووووووه

يب يب

خبرتني انج شفتيها فالقرية

نحن اصلا البلان مالنا كان ان اليوم اللي قبلهـ انسير القرية

بس من وصلت دبي غيرنا راينا وسرنا امرتس مول

وقلنا ثاني يوم لان خواتي كلهم بيون

بس عقب ما استوا ثاني يوم

لانهـ محد ودانا

وماسرنا

والا جان شفتيني وياها

للأسف

......

انشاللهـ خير لي العرس

هع

اهم شي ما تفوتني كشختج حبيبتي

اليوم ..

لي الحين مزاجي بين البين

الشي اللي استوالي خلى ربيعتي تتغير !!

ماعرف ليش ما توقعت هاي تكون ردة فعلها

المهم رمست ربيعتي الثانية فديتها

يلست اطمني

مع اني وايد متوترة ما عرف ليش

خايفة من الفيوتشر وااايد

ادعوولي

[المزوحي]

اليوم : الاثنين

المود : cool

الوقت 11 المساء

الصبح سرت الدوام ... وانا رايق .. الحمدلله وبدينا الشغل مع مواقف فكاهيه وحلوه

احس اتعودت على ربع الدوام ولو إني مرات اطفر منهم

عقب الدوام أكيييييييد البيت ... وعقب صلاة العصر سرت القرية زحممممممممممة

زحممممممممة ... حتى وقفنا خدمة صف السيارات مايسوى 35 درهم

هههه مب راضين يفتحون المواقف المجابله ..

وبرد ... رديت البيت اتسبحت وصليت وتعشيت وخلصت كل شي وقلت آخذ لفه عندكم

ياااااااا حلو هالشعور

[مايهزك ريح]

اليوم الثلاثاء ..
المزاج .. نص ونص ..
من اصبحت وانا بطني يعورني .. مب رايم ايلس على الكرسي في الدوام >_< ..
مادري شو كلت البارحه وجلب لي بطني.. واليوم احس اني بموت من الويع ..

ما اعرف شو اسوي عشان يخف الويع .. !

[مــهــابه]

سـلامات مايهزك ريح ، انزين أستأذن ورَوح البيت . . .



اليوم :

~ الثــلاثـا . .


المزاج :

اوكي بـس خايفـه طشونه ~ ~

الموضوع :

~ حلمت حـلم أعـوذ بالله منه ، أول مره احلم بـه فـ حيـاتي / وتفسيره يـخوف
والمشكله مب اهنيه ، المشكله انه احلامي تتحقق معظم الأحيان . .

انا أتعـب نفسيـاً يوم أحلم


~ اليوم واعيه من الرقاد فـ الوقـت البدل ضـايع 7.25 بالظبط ، كل شي أسويه وانا مستعيله ، لو تشوفون
شقـايل مرتبه سريري بتضحكون عليه من الخاطر . . .

اسـتانست أكثر يوم اني كلـمت ~ قصـودتي . .

بس الله يسامحه السير ما خلاني آخذ راحتي ، كنت أخاف انه يجكني وانا أرمس بـالكلاس . . .

جت العواقب سليمة . . .

وشي ثاني مخلني أحـتار وايد ، وهو هل انزل وأشارك بخواطري وكتاباتي فـ مجله رسمية بطلب من المجله
ولا ؟!
انا أبـى وما أبـا ، قلت لهم بنزله بـ نك نيم مستعار بس هم قالوا لي حبذا لو تكون بـ أسمج حفـظاً للحقوق ومادري كيـف . . .

شاورت اختيه وماعلقت ، بس بعدني بشاور أخويه إذا طاع بحط ، واذا ماطاع مابنزل . . .

كلمات كتبتها قبل لا أنام ومن وعيت وانا معلجة عليها :


~ من كثر ما منـيت صـبري بـ [ الصـبر
لا قـلت يـا قـلبي أصبر
قـال لي : وبـ ع ــدين ؟!

[مايهزك ريح]

الله يسلمج .. ما اقدر استأذن .. عندي شغل ;_:

مهابه ذكرتيني بأبيات شعر ..
سأصبر ...
حتى يعجز الصبر عن صبري
وأصبر ...
حتى يحكم الله في أمري
وأصبر ...
حتى يعلم الصبر أني صبرت
على شيء أقسى من الصبر

[المزوحي]

خذ لك حبة باسكوبان عن المغص

اليوم الثلاثاء :

المزاج : عااادي

ساير الدوام وإلا اركب الرصيف من العيله والعيله من الشيطان .. عوذ بالله منه ..

وصلت وكان عندي وااااااااااايد شغل اليوم والحمدلله خلصت كل اللي عندي وتريقنا ..

استوى موقف حلو اليوووم ...

ورديت البيت وقلت بدخل الواحات والعصر عندي مشوااار

[مايهزك ريح]

مرحبا المزوحي شكلي يوم برد البيت بحط راسي وبرقد اشويه .. لأنه بعد ظهر يعورني احس اني مدقدق ابكبري ..
مادري شو استوا بي *_*

دامك ظربت الرصيف عيل يباله ميزانيه تواير موترك .. !

[المزوحي]

صح سير ارتااااح

هممم ... اوني بختصر الدرب .. دخلت شارع الخدمات، فظهرت بسرعه قبل المواتر ماتنهد من الشارع العام ..

يوم ظهرت لفيت يمين .. اصلا اولريدي مسوي ميزانية ... كنت بوصل بنت اختي وضرب موتري وانا افتن عليها

يالله عااااد .. تدري ليش ؟؟؟

كل هذا لأني قلت ابغي اشتري اكس فايف ... فموتري زعل ...

[تحفه]

امس :

6:30 نشيت وتلبست وجيه
7:30 سرت الجامعه
8:00 وصلت وسرت الكلاس
2:20 رديت البيت .. wasnt feeling well :<
3:30 طلعت وي ماما مرينا على اختيه
4:20 سرنا امرتس تاورز
6:00 اعتقد .. طلعنا ومرينا علخياط
7:00 وصلت البيت
8:30 رقدت من وقت

اليوم:

6:30 نشيت وتلبست
8:00 فالكلاس
10:00 خلص الكلاس وسرت الكوفي بين وسرت الكلاس الثاني تمينا نشتغل وجيه
12:00 تشاوفت وي ربعي ويلسنا
1:00 كلاس
2:00 خلص كلاسي بس تميت بزي
3:00 سرت كلاسي الاخير الي ما احس فيه ( كله سوالف ) لوول
4:50 طلعت ورديت البيت خمس وشي
والحين انا هني