بنت الدلع: قصايد اتفقت وياج على الربيه،شي زين عشان روبيه هنديه مب ((( درهم))) اماراتي
قصايد: لازم اتكونين دقييييييقه في شروطج وعيبني تقريرج BTY
بنت الدلع: قصايد اتفقت وياج على الربيه،شي زين عشان روبيه هنديه مب ((( درهم))) اماراتي
قصايد: لازم اتكونين دقييييييقه في شروطج وعيبني تقريرج BTY
الكنافه تنباع في مطعم، وإلا محل مخصوص للحلويات ؟
بنت الدلع : يا أميه الدنيا كلللها نهب أحييينه
سيري دام عندج إجازة ، ريحي عمرررج
وايد أحب النادي وكلللل شــي فيه
أووووكــي ، إن شا الله أتذكر و أخبرج قبل لا أسير
=========================
خليجية : شسوي بـ بنت الدلع تباني أدلّيها و عقب تسألني يمين ولاّ ؟
و عقب تقول لي في أي شارع ........إلخ
=========================
المزوحي : هو محل بس لهاي الكنافة :)
لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}
اليوم :
~ الآربعـآ
المزآج :
عـآدي بس كسـلآنه شوي
المـوضوع :
جسـمي متكسررر ، تـّوني ناشه من الرقـآد ، مـدري شفـيني اليوم ، بس آنش وآرقد ..
قمت الساعه 10 وشويه ، روحت ايلس عند ختيه ام خليفه ، اليوم روحت عـنّــا وآفديـت خلـآآآفي أنــاا ، بفتقده محد بيخبل به
يلسـنـا مع بعض يلين الساعه 2 ، وعـقب الغدا حطيت راسي ورقدت يلين عقب صلاه المغرب ، والله محد تخبر عـني
حّيـه ، صـاحيه ، مريضه ، آصـلاً مافي حد ف البيـت ، غيري انا وتـيمون وبـومبـا ، آميه وابويه طالعين ، والبشاكير محد
نّشيت واحس جسمي متكسر من حواااطه امس ، اول مره احس اني امشي هالكثر ، على كثر ماكنت تعبانه ومالي بارض للسوق ، لكن ماتم محل ف دبي مول مادخلته ، مدري شو صار فيه امس ياني " هوس تسوق "
طلـعت من البيـت 10 الصبح مـارجعت يلين 9 المســا =p
اول شي روحت آشـتري للجامعه ، وماخذه تـيمون والهنوف بنت ختيه ويايه ، حنـــانه شرات امهــا، وروحت الغـرير اشتري لامي قطع حق عرس بنت عمي ،خبلت ب راعي المحل ، والله حسيت شويه وبيصيح ، يقـول انتي شوو ؟ هالكثر ماحصلتي شي يعيبج ؟ يعني احنــا معروفين بانه خاماتنا حلوووه ومدري كيف ، قلـت له شسوي يعني ؟ ماحصلت شي حلــوو ، واللي عيبـوني في منهم 1 بس ، اونا ابى للوالده ولعـمووه بعد ، وآخر شي يأس الريـال وزين اني حصلت ، لاني كل ما ادق لاميه ، تـقول دقي ل عمـتج ، وكل ما ادق لعمتي " خقااااااقه وايد ومايعيبها شي لوول " تـقول مابي هاللون ، وماادري شوو
قلـت لها مسـوتلكم سالفه وايد ، جـان مالبسكم ف عرسي فـستان ع بـرقع =p ، قـولـوا مهــابه قالت
لعـوزوووني والله ، كرهـت عمريه امس
بـآجي آسبوع من اجازتـنا وانا للحين ماسويت عـبي للجامعه ، وماخصلت باجي اغراضي ، وماخذت فسـتان للـعرس ، بـرودي مش طبيعـي هالآيـاااام
والحسـاسيه رجعت لي ف عـيني ، " تحرقني " =( ، انا احس هاك الايام يوم يقول الدكتور فيج رمد ، هذا مش رمد ، بس هالدكتور مخرف
آبـى أطلع من خـآلي بس هو ف الدوام الحين ، آحس يبـالنـا كررك ونتحوط انا وياه ، عجيييب هالانســااان (L)
همسه :
وصَلتْ حٍــديْ
بالَغلاَ كَيفَ ابّغلَيّكَ؟!
كلَ الكَلاّمَ مقصّرٍ
.. مآيطٌولَكَ
مَنْ كَثَر/ مآآحبَكَ .. وآعاندَك
وارضَيّك
آغَارَ مَنْ ناسٍ تعَزك
وحٌولّ
مؤمنه بّ / آن اللہَ سيمنحني أجمل مَمآ آريد ♥'
اليوم الأربع
كااان دوامي 8 بس انش 6
خااصه اني رااقد من وقت البارحه ,, لاني مريييييييز
\مزجججججججم الله ياخذ هالزجااام ملعوزني
المهم
سرت داومت ورجعت البيت الساعه 2
مافي حد اببد
اترييتهم ليين الساعه 3
تغديت والساعه 4 طلعت سرت بوظبي مول اشتريت كم غرض عقب سرت تحلقت
والحين في البيت
ملل
مافي حد
امي مسويه حفله لربيعاتها بمناسبة عرس خالتي يوم الجمعه
وابوي واخواني في راس الخيمه
طبعاا انااا ما سرت لان مابي اغييب
ههههه
شفتوا كييف احب الدوام
المهم ان بعد الدوام ان شاء الله بسير رااك
عااد بااجر وايد ناس بيووون
وابااا اشووف مبااراااة مصر والجزائر
طبعاا جزاائري باجر ههههههه
وشووو بعد
الحييين بتريا حد يرأف بحالي واييبلي عشا ههههه
يا رب أنت المرتجي سيدي
أنر لخطوتي سواء السبيل
غازي القصيبي
مهابتي : فديييته بيبي خليفة
أحينه بيفتقد بعض الناس اللي يلعوزونه و يستوون خبراء تجميل على حساب حيّاته و عيونه "الكلام لج يا جاااارة"
============================
اليوم : الأربعا
المزاج : نص و نص
الموضوع :
اليوم ناشة من وقت عشان دوامي 8 و حضرة جنابــي راقدة على الساعة 2 و شي لووول
أول كلاس حلو كلللله عملي و ماشي شرح و إنتباه
يشرح الدكتور نقطة و عقب نطبّق و يجيّك على شغلنا وحدة وحــــدة يعني حلو يوم تخلصون أول شــي و عقب تسولفون ويااللي حذالكم تخوّزون الرقاد عنكم =D
الكلاس الثاني عااااااد الدكتور فنّـاااااااان هههههه والله يهلّكنييييييي من الضحك .. أووول مرة أستانس على دكتور
جي يحاول قد ما يقدر يكون دمّه خفيف عشان نضحك وما تكون المحاضرة مملّـــــة
الكلاس الأخير بعد غيييير الحمدلله لأن هالدكتورة وايد طيبـــــة حليلها "صدق إنه غيييييييير عيال البلاد"
الظهر رديت البيت و ما تغديت لأنه مسوين قابط مشواي
و جان أرقد لييييييين العصر
بعدين لقيتهم يايبين لي غدا و أبويه فديته كم مرة وعاني بس أنا الرقاد غالبنّي لووول
و بسسس هذا كل اللي استوا اليــــوم
باجــــــــر عندي شي مهم .. واااااااااااايـــــــد خايفة والله
يااااااااااا رب إنه كل شي يكون هيّن
لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}
^
قصـوودتي :
آنـآ شسمه يعني آبـآه يطلع حليــووو =p
مؤمنه بّ / آن اللہَ سيمنحني أجمل مَمآ آريد ♥'
^ يا أمييييه .. خليفة الله يحفظه جماله ربّـــاني
لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}
اليوم : الخميس
المود : كنت و أحينه اعتدل شوية مزاجي
الموضوع : الصبح سرت المستشفى و عقب طلعت سرت الجامعة عندي كلاس واحد بس
حضرته
رديت رقـدت من الساعة 11 و شي لييييين 4 و نص العصر .. من كثر ما رقدت تحريت إنه يوم يديد
عقب سرت يلست في الصالة ويا أميه ، جان تقول لي ربيعتج "ب" يت قبل شوية و قلنا لها إنج راقدة
و عرسها الأسبوع الياي
و أنا جــــــي لووووول بس صدق صدق استغرررررربت
و هاااااااي ثاني وحدة من ربع المدرسة تعرّررررررس ==> الله يسعدهن و يوفّقهن =)
سبحان الله كيف الدنيا فرّقتناااا لسبب تااااااافــه بس هي ما تهنت بالشي اللي تغيرت عليه بسبّته ، يعني جنه الله رايد تستوي بيننا مشكلة عشان نفترق لأنها ما تصلح تكون ربيعتي أبداااااااً =)
و هاي ثاني مرة تي بيتنا و أهلي يتحرّوني راقدة مع إني مب راقدة
قلت لأميه : الله مب كاتب أشوفها .. و بيني و بينج أحسن يوم ما شفتها لأني ما بفرح بشوفتها ولا بقدر أعاملها مثل ما كنت أعتبرها أختي
بس بحضر عرسها لأنها قدّرت مني و يت لين البيت يابت الكرت
على المغرب حسيت يضييييييجة و ملللللل ، قلت مالي غير النااااااادي
أبويه و أميه ساروا العيادة و ودّوني
سرت بروحي جابلت البحرررررر و شربت كوفي و عقب تعشيييييت و غيرت جـــو و ارتحت نفسيًّـــــــــا الحمدلله و ردّيييييت
لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}
اليوم: الخميس
المود: نورمال
نشيت اليوم متأخر
اختي كانت يايه بيتنا وجان تقول بسير امر على اهل الكهف
لول تقصدني انا
عاد انا سمعتها لانها كانت واقفه صوب حجرتي
ونشيت وقمت وصليت ويلست وياهم
وعالغدا اخوي قطعني من الخاااااطر لول
اني ويز
العصر يتني ضييييجه اعوذ بالله منها والله ان كرهت كلللل شي
وحسيت كل شي استوى اسود في عيوني
لين ما الله هوّنها وفرجها وعالفليل الحمدالله ردت المياه لمجاريها
بس خلاص ماريد افكر زياده
بتوكل على الله
واللي فيه الخير بيصير
Somewhere over the rainbow bluebirds fly
مهابــــه
=====
اليوم: الجمعه
المود: ليش كل الناس عندي وانته ~ لا ؟
اليوم كنت صايمه ونشيت متأخر
سبحت وصليت والاهل ماشالله كانوا متيمعين
بعد الغدى يلست وياهم
وكنت حااااسه بكسل اعوذ بالله منه
وموول ماكان عندي شي اسويه
وبعد القايله يو هلي من قطر وبرزوا ويانا وتموا لين العشا
وانا طول الوقت ملانه مع ان كلهم موجودين
اسير الغرفه و ارد اطلع في الحوي وعقب ايلس وياهم شوي
ليين جيه من بعد الساعه 10 خلاص ما استحملت ايلس في البيت زياده >.<
طلعت لي بحجه اني ابا اخذ شي وارجع
طبعا مارضوا يخلوني فليل وشو يوديج روحج وحيده
وانا
بس ابا اشم شوية هوا
كانت جايستني ضيجه ماعرف ليش بس جي من الله
و هم كل شوي يطرشون لي شي .. فديتهم والله يعلني ما خلى منهم
شوي وربيعتي تتصل خيير فلانه شوو فيييج قوليلي شو مستوي
وانا ماشي .. تبين شي من باسكن ؟ *وايد متفيجه*
اني ويز ماروم ارمس اسوق وآكل و ماسكه الفون بايدي
فلانه: هيييه اوكي خلاص خلاص بخليج
طبعا مستحيل اتسكر لووول كل ما تبا تخلص تبدا بسالفه ثانيه
بعد ماقلت لها بخليج يمكن تمت تسولف مال 3، 4 دقاايق
انزين تعالي مري بيتنا
فلااااااااااانه انا عالدوار لوول
فديتها والله
بس صدق ليش كل الناس عندي وانته لا ؟
Somewhere over the rainbow bluebirds fly
اليوم :~ اخـر آيـآم الآسبوع
المزآج :
زعـلآنه
الموضوع :
~ خلاص
بـْتِـسَـاْفِـرٌ .. ؟!
زين ألتفت لحظـه ..!!
عطني [ جروحك ] بس
خلها تسليني.. بـ / غيابك ..
وأخذ النظر مني .. و خبـه مع أشيائك !
ما أبي أشوف الناس ..و
شلون أشوف الناس ..
وشوفي معك سافـر !!
سـفرهم مـآ كـآن ف الحسبـآن ، آحس اني صدق زعـلت رغم انه هالشي مايزعـل ، بس هذي أول مررررره في حيـاتي ومن عـرفتهم يـفكروون يخلـوني الـروحي ، وصـار مزاجي زفـت بسبة هالشي ، من امس وانا مش ع بعضي ، وكل حد يسألني بلاج داقه حـزن جنج ريلج ميت " بسم الله عليه لوول " ، مب متـحمله آي شي ~ ! ..
هـو عــااادي بس أنــا ماعـرف كيف ، لصصصقه ، كنـت ناويه آروح اخذ فستـان ومتفقه مع ختيه العوده انه اليمعه بتي تتغدى بيـتنا والعصـر بيوديـنا ولـد عـمي اللي هو ريـلهــا نشتري ، ومن زود ماكنت متغصصه العصر ، قلـت لهــا روحي الروحج مابــروح
وجان احصل هـزبه خفيـفه ، امبـوني كنت متضايجه ، وماروحت ، يـت المغـرب أمايه كـانت تـوزع كروت العـرس ، وشـافـتني يـالسه ع الدجه الـروحي صوب الملحق قـالت لي : فـــلانه بلاج زعلانه مني وامبوزه ؟
أنــا مش زعـلانه منهـا ، ومستحيييييل ازعل على احن واطهر قلب ف هالدنيـــا كلهـــا
من قـالت لي جيه الدموع أربع أربع ، ومااشي ماطاعـت تروح عني يلين اخبـرها ليش انا متـضايـجه
وانـا ما احب يوم اكون متضـايجه حد يسألني شفيني ، وخصـوصـاً لو حد أحبه
روحت ع طـول غـرفـتي ، 5 دقـايق واشـوف ختيه أم خليفه ، وامايه ، مسـوين لي اجتماع مغـلق " يسوون من الحبه أبه ع قولة المصرييين "
وبـعـدين يـاني أخويه ، وكلـمني ف الموضوع ، انزييييين انا ما اصيح عشان هالشي ، انا زعـلانه لانهم بيسافرون عني
بس اسـتغليت هالشي لصـالحي ، قـال شو تـبيني اسوي ؟
قلت له : ادخيييلك ، روح رمس ابـويه ، قـول له خــلاص
~ له مصيره / ولي مصيري
~ { لايعـلقني } بـدربه
ويـافرحه نـاس =p
.
.
آنـا مايهمني شي ف هالحياه كثر الــلي ف ، صح مزعـليني ، وصح انهم بيروحون وبيخلـوني ، بس احسن عسب آشـتااااق لهـم ، وعسب ايبون لي هدايا وااااااااااااايد من هناك =p
الله يحفظهم ويـردهم بالســـلاااامه حقي
بـتوحشهـــم واااااااايد
وعن جد بتكون :
الدآر من عقبهم ماهي بمـرغوبه
مؤمنه بّ / آن اللہَ سيمنحني أجمل مَمآ آريد ♥'
بنت الدلع :
اليوم :
السـبت
المزاج :
=)
الموضوع :
آمس بـليل تـميت الـروحي ، في نـآس طفـرآنين وظهروو حرتهم فـيّه انا المسجينه ، وانا الذكيه روحت وخبرتهم بموضوع المفروض اني ما اخبرهم اياه يلين انهيه ، عقب سكرت اللاب توب وكل شي ع آساس اني بـريح وبنـام ، لكـن هيهــات اني انام ، رقدت ع السـآعه 3 تقـريبـاً وانتبهت ع ال4 وشوي ، عـيوني مب رااااايمه افتحهــا
مـآ آعرف هل هي حساسيه ؟ أو شو ، حسيت اني بصعوبه فتحتها وتحررررقني ، وتدمع والحال لله ، انتبهت ورديت رقدت بلا حـاسيه رغم اني ماكنت اريد ارقد ، نشيت جريب ال 6 و رديت كملت رقـادي للـ 1 ونص
نزلت تحت اتغداا ، والغدا بــارد ، وجاااان انش ، بس جيه مزااااااج ، ناشه مالي بارض ل شي وحصلت الغدا بارد وماطعت آآآكل
وآخيراً وليس آخيييييييراً ، خذت فســتآآآن ، آحم ، بيستوي دربي خَضـر ف العرس انا ، انا ماكنت مقتنعه فيه 100% بس ختيه ام عبدالله طفرررتني وكانت تبا الفكه مني ـ ادريبها انا
آسـبوع وبنفرح فـ بنت عمي ، عـآد هذي البجر ،وأول عرس يصير ف بيـتهم ، بس بعد احسهـا صغيييره ، تـونااا صغـآر 21 ، ماعشـنـآ حياتنا صح =p
بس الشي اللي يقهر انه العـرس بيكون بالسبت وانا لاااااااازم الاحد اروح العين
ع السـآعه 9 بطلع ويـا خالي ، بروح اييب صوّري ، الله يسستر ، خبل بي خالي وانا اصور ، واقف جدامي ويسويلي حركات وانا اضضضضحك ، آخرته عصب عليه الهندي وقال له روح برع ، ادري الصور بتكوون ك العـاده ، انـا ليش ف الصور مب حلوه ؟
وباجر ان شاء الله بعد لازم انش بدري ، عسب اروح عياده العـيون واشوف شو مشكلتها ف الحياه هذي
همسه :
عسى حكم القدر يرفق بقلب ما بغى فرقاك
و عسى الأيام تجمعنا و أحطك داخل عيوني
مؤمنه بّ / آن اللہَ سيمنحني أجمل مَمآ آريد ♥'
اليوم : الويك اند
المزاج : أعوذ بالله منه
الموضوع : ....
الخميس ما طلعت أم سيف يتنا بس بعد المغرب طلعت معاها رحت فصلت لي طقمين خفاف و عمليات
للدوام "الله يستر" ماحب الطقوم كلش أحس عرس اونه تقول حق الاجتماع الشهري
فضيحه أحس يعني أنا بروحي حرمه و الباقي رجال راح يلفت فسكتت عني =)
اليمعه من الصبح أنا و شوق طلعنا رحنا هايبر بنده نقضي حبيبتي والله يعتمد عليها
تساعدني بس لازم تدلع، اتصلت في عبادي انت وينك كلهم وصلوا الا انت
يونا عالغدا عمامي الاربعه و عمتي ويدي
العصر طلعوا كلهم بس عمتي مستحيل نخليها تظهر حاولت بس ماشي
اونه بلحق على عوافي و مهرجان و مادري شو بس ماما ما خلتها
و زعلت من خالاتي هاليوم صج صج و ولد خالي يقولي امسحيها بويهي.
ماشي خلاص زعلت انا بس بعد رحت البارحه زعلي حق كم ساعه بس
طول الوقت تميت ضايجه طلعت اخذ العشا كنت اكلم ربيعتي افضفض لها و هي بالمثل
شفت شي غير لي مودي شوي و هي عصبت اونه انا اكلمج
و خلص اليوم و استانسنا مع عميمه
السبت سويت كب كيك الصبح و العصر وديته حق خالاتي و طلعنا انا و ماما من عدهم مرينا الورقا
ام سيف مع البنات و الصغاريه لحقونا غير جو و ردينا
هالويك اند احس خربت مود عمي طول الوقت يكلمين عالبيبي انتي شو فيج و ليش ضايجه "انا بروحي ماعرف"
ماما عصبت و بغت تضارب هالاسبوع "لولا" حبيبتي حصل خير
بس من يقول حلفت بالله انها ما راح تسكت !!
اكتشفت اني اتضايج بالويك اند و طول ايام الاسبوع مودي ماكو أحلى منه
أنا و أم سيف و خواتي متحمسين للويك اند الجاي
بنطلع بروحنا و الوجهه لـ بوظبي =) بنضيع هههههه
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
اليوم الاحد ..
اول يوم اجازة =)
شعور حلووووو لول ..~
نشيت وسيدا وعيت خواتي وبنت عمي عسب اروح اشوف بروفة فسااتيناا ..
وطلعنا من عند المصمم ورحنا خذنا لفة فالقصباا واتمشينا واتريقنا في sugar box
بعدهاا رادين البيت بس طبعاا اذكرت اني كنت حاجزة فالسبا من يومين واتعايزت فاتصلت اقولها اني ابا اموعد حقي وكل وحدة طلعتلها شغلة تبا تسويها ورحنااا
وخذناا غدا ورجعناا البيت =)
واحلى شي اني طوفت موعد الابره وما سرتله لووول ..~
الذين يشاهدون الموضوع الآن: 44 (0 من الأعضاء و 44 زائر)
مواقع النشر (المفضلة)