دير دياري ~ يوميات

[قصايد غلا]

مزن : مااااشاااء الله وين ما أمشي أشوف الحريم يطحنن ماشا الله يعني صدق صدق القرية حق الأكل هههههههههههه ، فلا تتحرين إنه انتوا جي بس

انتي أكيد تطرين بو فراس "لوحته زرقا" أحلى كنافة برتقالية كنافته لووول

أنا أبـــــــــا فالودة .. القرية الإيرانية من فتحت القرية هالمرة ولا مرة طحناها ، شكلي المرة الياية بسيرها

[بنت الدلع]

قصايد .. شي بو فراس في الشارجه على فكره
بس تعرفين احححححلى كنااااافه كلتهاااا في حيااااااتي
اللي اخوي اييبها من ام قيوين

يااااا الهي والللله انهاااا عذااااااااااااااااب

--------

اليوم: الاثنين
المود: *وحده تحاول تستوعب شو السالفه*

احس اني ضاااايعه وماعرف شو اللي يالس يستوي في الدنيا
حتى ماعرف التواريخ والايام لول
لازم كل شوي اجيك الكلندر مول ما اقبّص

بارحت امس رقدت الساعه 3 ونص فليل ونشيت الساعه 5 ونص الفير حق الصلاه
وتميييييييييت واااااعيه ماقدرت ارقد

*بس استوى لي شي وايد حلو امس الحمدالله يارب* بس صدق صدق حسيت ان ردت لي الروووح *احبهم انا*

رقدت امس العصر ونشيت الساعه 10 فليل !!

بعدين كلهم ساروا يرقدون وتميت بروحي
عالساعه 3 ونص خذت لي حبتين نايتي
وخمدتها ليين اليوم الساعه ثنتين يمكن !!

مادااااني يوم رقادي يخترب ارقد في اوقات غلط و انش في اوقات غلط

واليوم ان شاء الله بسير الجيم
مع ان هالكلاس واااايد يهلّك
الله يعيني


+ في ناس وايد متسيخفين
وما عرف شو سالفتهم بصراحه >.<

[قصايد غلا]

بنت الدلللللع : انتي تطرين الكنافة البيضا ؟

تكون بالقشطة و صغيرونة جي قد جف اليد مرتيييين ، صح ؟


إذا هاي هي ترى فتحوا المحل في الشاااارجة

كم تدفعين عشان أخبرج

[بنت الدلع]

لا تقووووووووولييييييين ؟!!!!

يحطونها في صحن دائري ولونها همممم جيه عالليموني اظن بس مب برتقالي

هااااا بديييينا كم تدفعين لول
بدفعلج يوم بتيبين لي اياها

====

الجيم اليوم كان فظيـــــع
Really worked out so HARD
احلى body pump ever
بناااات اللي تبا تمتن او اللي تبا تقوي عضلاتها سواء عضلات الإيد، البطن، الارداف
تسير هالكلاس صدق صدق وااااايد اوووكي
تحسون انكم صدق سويتو رياضه

بس انا الذكيه يوم سرت ما كنت ماكله عدل فبعدين حسيت ان جسمي بدا يرجف
لان مافي enough suger in my body

والمدربه وااااايد تظحّك سبشلي يوم تسوي faces هاها

بعد مارديت البيت سبحت وصليت وشفت الكتااااكيت كانوا يايبينهم بيتناااا
يا ربي محلااااااهم
بعدين سرنا فستفال يلسنا برع صوب الممشى .. الجو كان وايد حلو
وطبعا الناس السخيفين اللي كانوا وياااااي قالوا لي شي و عصصصبت
بعدين تموا يظحكون خلاص خلاص هدّي

اعرف كيف أأدبهم

===

بس الموقف الي استوى لي ويا بابا !!
ماكنت ابا اتغدى فقلت بسوي لي اندومي
وعاااااد بابا ما يدااااني آكل هالشي
جان يعلّق وانا سايره جيييه ما ادعم الايدار بطرف اصابعي !!!!!
انيرحت وطلع دم
جااان اسير عند بابا و اراويه اصابعي
قلت وانا اشوفه: منو اللي داعي علي ؟؟

[بنت الدلع]

ياااا الهي عالنذاااااله >.<

[قصايد غلا]

يا ربييييه منووو نذذذل


النذااالـــة شي مب زيــــــن


خبريني منو النذل هنــــه



قولي لي هاي هي ؟

[بنت الدلع]

قصااااااااااااايد
مااااا حبج للأبببببد

لوول
هيييييه وااااايد تشبهها



ما غمضتج ؟

[قصايد غلا]

لالا تحبّيني امبلااااا متأكدةةةةةة


شو ما أحبج للأبببببد بعد



لالا غمضتيني حراااام


اممممم تعرفين الدوار اللي مجابل راديسون ساس ؟

لو كنتي ياية من صوب المجرة .. من عقب الدوار خذي يمين


و امشي شوي شوي

بتشوفين اممممم محل العصاير و محل شيخ الكنافة حذاله

[بنت الدلع]

منو قال ما حبج ؟

اوني اتغلى هاهاا

ايوااااااا صوب المحلات اللي يسوون شوارماااا
اعتقد عرفت وين تقصدين

فور اكزامبل قولي انا يايه من نادي السيدات
وين دوار راديسون ساس اخذ يسار بعدين صح ؟ واكمل سيده

[مزن هتان]

مادري فراس و الا ابو فراس المهم مكتوب عليه الشارجه

نسيبي كان يطري كنافه من أم القيوين
يعني أنا ماني فالحه في دبي شلون بوصل هالمكان فالشارجه
ماشي الا الوالد يوديني أو خالاتي =)
أحب الكنافه و خاصه يوم أقعد أكلها و هي تووووها حاره تهلع
و اقعد اتلذذ بالجبن واااااي
أنا احب كنافه بالقشطه بس ماكو من يسوها لذيذه زي اول احيد
بابا كان ياخذ لي اياها من واحد عالرقه احيد اسمه حلويات و بوظة دمشق
و هيه صح ماحب الكنافه تكون فيها شيره وايد بس شويه شويه

تعذيب الصوره اللي حاطتها قصايد

[قصايد غلا]

بنت الدلـــع : علييج نوووور .. هذا دربنا نحن بس مادري ليش تفلسفت و دلّيتج المحل من صوب المجرة


======================


مزززززن : مال فراس حلللوةةة بس اتحزي ، يعني لو ما بتاكلين شي كليها و أحلى شي في رمضان لوووول

بس هاي الكنافة مال ام قيوين .. لذييييييييذذذذذذةةةة و خفيييييييفة و موووول مول ما فيها شيرة

بس تحسين بطعم حلاوتها =D

[بنت الدلع]

انزين قصايد كملي جميييييلج وقولي المحل بيكون عالسيد اليمين و لا اليسار ؟؟ لول
*وحده تحب الديتيييلز*

------

اليوم: الثلاثاء
المود: نورمال

تميت يالسه في البيت مول ما طلعت
ولا سرت الجيم + ولا حتى مريت على ماي كزن الدبه اللي يت من قططططررر
كان يوم مااااافيه اي اكشن
لين فليل بعد العشا
سرنا الصالون
ونحن طالعين و راكبين السياره وصلني فيديو
ياااااا الهي

نقعتتتت من الخااااااااطر
احس من زمااااااااااان ما ضحكت جيه

واللي وياي تحمست تبا تعرف شو السالفه يوم راويتها الفيديو هلللكت من الظحك

كان شي فظييع لول
عن واحد هندي يمشي و جـــيه مايدعم ما دري ينشب في ذاك الحاجز
يحليله والله
يمكن وصلكم بعد

[قصايد غلا]

شوفي كل معلومة بـ 10 ربيات

امممم على اليمين = 10 ربيات

و أول شي بتيج براحة = 10 ربيات

بتيج أول بناية فيها محل أسمه شيتا كونغ = 10 ربيات

أوقفي عنه = 10 ربيات

و بيكون على يميييينه مال الكنافة = 10 ربيات

شوفي كم كلللللللله و خبريني و طرشي لي الجيك ===> يا ربيييه كيف أنا مستوية سخيفة وياج

==============================

اليوم : كاااان الثلاثا

المود : مرتاحة الحمدلله

الموضوع : بقول كل شييي بالتفصيل استوا اليوم لووول "كيفــــي" ، عشان اييني الرقاد بسرعة عقب هالرد

نشيت الصبح الساعة 8 و مااااااااااااااااااا ودّي أفارق شبريتيييي الجميييلللللةةةةةة و لحافــــي الحلوووو لكن غصبًاااا عنّي نشيت

تزهبت و سرت الجامعة و عيونــي مفتوحـة عشان أشوف الدرب بس لووول

حضرت أول كلاس و كان زويييين ماشي حالــه

من عقب هالكلاس عندي بريك ساعـــة كاملة أتم ملاااانــــة روحي

عقب بدا الكلاس الثاني .. و أنا من الملل واقفة عند الباب قبل بنص ساعة
و الدكتور فرّحنا شوي .. قال بنمدد وقت المحاضرة ( 15 دقيقة زيادة) و بنكنسل كلاس الخميس و استاااانسسسسنااا

يلست حذالي بنت مادري كيف أوصفها .. أستغفر الله مابا أحش فيها

بس صدق تنرفز .. أول شي يوم شافتني نشيت عن كرسيّه قامت و فرت كتبي و شلتهم من على الدرج الثاني بدون أذن

ثاني شي يلست حذالي و كل شوي تمــــــد ايدها تحطها على درجي "انزيييين ليييش ها كلّه ، مب مكفنّج درجج" و كل شوية تكفخني و أنا جي تــااااامة يااا ربيييه شو أقول لها ، قلت أسكت أحسسسن ، و كفّك الله يا لساني

خلللص كلاسي و قالت أميه : بودّيج أحين عند الدكتورة عشان ويهج .. قلت لها أوكي

ودتني و طلعت العياادة زححححممممممة و أنا أصلاً ما عندي موعد بس كيفيييي بسير دام الدكتورة قايلة لي متى ما بغيتي تين تعالي و قولي لهم عندي شي ضروري و بيدخلونج

المهمممممم

وايد رياييل واقفين عند باب الدكتورة و الحريم كلم يلوس إلا أنـــــا واقفة طول الوقت محتلّين كل الكراسي

طفرررررت و كل شوية أقول حق أميه خلااااااااااص بروّح مابا أتـــم أتريا و هاي الممرضة ذالّتني مب طايعة تقول إذا بدخل عند الدكتورة ولاّ لااااء

طاف الوقت و استوت 1 و شوي .. تخبّلت عشان عندي موعد للمانكير وباديكير الساعة 2 ، تميييييت أترجّا أميييه أقول لها : الله يخلّيييييج بنروّح مابا موعدي هذاك يطوووف
قالت : لاااااااااء يا أميه ، الله يرضى عليج ويهج مب متحمّل متحسّس وايد

اتصلي النادي و أجلي الموعد لبعد ساعة
قلت لها : مب نااااادي أبويه ، و أنا عقب موووت حصلت الموعد هذاااا أبااااااااااااه
بس ما طاااعت و قصّت عليّــه تمت تسولف ويايه هي و الحرمة اللي مجابلتنّا لييين طاف الوقت و دخلت عند الدكتورة

فديييييييت الدكتورة والله .. أول ما دخلت قالت : قصاااااااااايد انتي فين ؟ أنا من شهر 8 بؤول فين البنت دي ؟
يعني عشان بئينا في سنة تالتة مش حنشوفك إلا بمواعيد
دة انتي فوء القانون .. لمّا شفت اسمك و آلوا لي قايّــة من غير موعد ، ألت لهم دخلّوهااااا

حراااااام والله يخلص دوامها 2 بس تمّت ويايه لين عقب الـ2 حتى الممرضات طلعن

ظهرنا عنها سرنا وصلنا بنت خالوه وعيالها بيت خالوه

عقب سرنا النادي سويت مانيكير وباديكير

ردينا البيت الساعة 4 و شــي

و تذكرت إني واعدة ربيعتي انه نسير رباعة عشان تبا تفصل مثل عبيّه

و عقب صلاة المغرب ردينا ظهرنا و فصلت لي 3 عبي ناعمات حق كل يــوم

و ردينا بيتنا عشان أعطي ربيعتي لوشن و كانت هاي أول مررررررة تدخل فيها بيتنا هذا اليديد .. و استااااااانسنا وااايد

بس كااااااان يوم متعب لأميه فدييييييييتها والله .. الله يحفظها لي هي و أبويه و أخويه و كل الناس اللي أحبهم

و يحفظ لكم ربي كل غالي على قلوبكم =)

و تصبحووون على خير

[بنت الدلع]

مزن لو اتجربين هالكنافه كل يوم تبين تاكلينها

[بنت الدلع]

هاااي استوت 50 تومان p= قصدي ربيه
اسميييج نهّااابه

لول خلاص ان شاء الله وانا طالعه من النادي بمر

آآآه لا تذكيرني من متى ابا اخذ موعد وكل شوي شي يطلع لي
واايد محتااااجه اسوي بدكير ومنكير
مره ثانيه يوم بتسيرين خبريني عشان اتشجّع واسير لول
اهم شي نعيماااان ^^