دير دياري ~ يوميات

[مزن هتان]

اليوم : 23 - April
المزاج : ....

الموضوع
همسات و نظرات
اذا اقرب الناس يغبون عليه، شـ انتظر من البعيد ؟!

ابي اتحجى
غصه ميودتني، ماني قادره
" اللهم هون عليها، اللهم لا تشغلها بـ غيرك
اللهم اهديها و تبّ عليها انك انت التواب الرحيم "


شمعة أمل وين ؟ لها وحشه

[قصايد غلا]

اليوم : السبت


المود : محتارة شوية


الموضوع : برمس عن يوم الخميس "يوم النحاسة العالمي"


يوم الخميس غبت عن الجامعة لأن أول كلاسين تكنسلوا لأننا مخلصين الكتب و آخر كلاس طنشته لأنهم بيعرضون برزنتيشنات و أنا مب وياهم ، بعده ما يا دوري


و سرنا أنا و ربيعتي الشركة لأنه عندن شغل وياهم ، و كاان موعدنا على الساعة 11

وصلنا لهم على الـ11 بالضببببببببط الحمدلله ما تأخرنا


حسبي الله على بليسها من حرمة ما خبرتنا عن كل شي نباه ، تمت تلف و تدور و تطلعنا من الموضوع ويا ويهها


بس استمتعنا وياها حليلها لوووول تمت ترمسنا عن الكتب المفيدة و عن الروايات و تمت تقول إنه لازم نقرا لأن القراية بتفيدنا واااااااااااايد و خبرتنا عن خبرتها في الشغل



المهم ظهرنا عنها على الـ12 و شي .. 1 نحن في بيت ربيعتي

يلسنا ويا أمها شوية و خلاف سرنا حجرة التلفزيون عشان نفكررررررر كيف نسوي البحوث عشان نفتك منهم


تغدينا و ردينا يلسنا أنا و ربيعتي و أختها الصغيرة رباعة ليييييين العصر ، قلنا نبا آيس كريم

قالت ربيعتي : قوموا ، أنا بودييييكم الدكااااااااان .. تميت أفكرررررررر ، قلت لها : لالا مابا ، أول شاوري أمج

قالت : عادي .. أميه عادي عندها لأن الدكان وااايد جريب لكن لو المحطة بتخاف علينا و لازم أختي العودة تكون ويانا أو هي

تمينا نفكر و كنّا متردّدييييييين و نسينا السالفة ، و عقب ساعة قالت : قوموا بنسييييييييييير

و بسرعة بسرعة تزهبنا و سرناااااااااااا و ياااااااااا ليتنا ما سرنا ههههههههههههههه


سرنا و ردينا بالسلامة



لكن ربيعتي الفيلسوفة ، قالت بتدخل السيارة و بتردها مثل ما كاااااانت في الكراااااااج و بتدخلها بالريوس


أنا أطالع ورا .. جان أقول لها : حاسبي لأن العمود ورااااااااج ، بس لا حياااااااة لمن تنااااادي

شوية و سمعنا "طااااااااااااااااااااااا� �ااااااااااااااااخ"

و يت أختهم اللي أكبر منا تركضضضضضض و كانت زااااااايغة هههههههههههههههههه واكتشفت إن الدريولية الفنانة دعمت العموووود


جان أقول لأختها اللي أكبر منّا : الحمدلله في العمووود و مب فيج ، لأنه شعره بيننا و بين حجرة التلفزيون ولا جان طاااااااحوا اليدار و التلفزيون رباعه و انتي داخل تتابعين التلفزيون


بس المصيبة إن أم ربيعتي ما تدري .. بتنصدددددم و يمكن تحرّج عليها

تمينا زاااااااااايغاااااااااااا ات و مب عارفات كيف نتصرف


العمووووود دورنا له دبرة .. و حصلنا قوطي صبغ و بنصبغه








لكن السياااااااااارة شو بنسوي بها ..






خاست السيارة بصبغ العمود .. بس خوّزنااااااه بالأسيتون + شي طلع على برع و تمن يدزنه على داخل ليييين اعتدل بس بقى الليـــــــــــت لأن الكفر ماله مكسووور



و المشكلة إن هالسيارة ماشي منها هنه


جان اتصل بأخويه و خبرته و ما قصّــــــــر في الشماتة و الطنااااااازة ، قلت له : دور لناااااا ايااااه ، قال لي الوكالة مبندة أحينه بس بدور لكم لكنه ما حصّـــل


آخر شي تذكرت ربيعتي محل أبوها .. و خبرت أختهم العودة بالغلط و حرّجت على ربيعتي بس عقب فهمناها و هــدت
و قالت بتخلي حد من المحل يشلها و يبدل الكفر و يردونها بدون لا حد يدري (لا أبوهم ولا أمهم)\

وعقب ما تتصلح السيارة بيعترفون هههههههههههههههه بالجرييييييييمة

[مزن هتان]

اليوم : الاحد
المزاج : تمام و لله الحمد

الموضوع : خدمة المجتمع
البارحه اقنعت ثنتين ( عـ الاقل يملون وقتهم بشي طيب ) يجون معي
لـ اجتماع الجمعيه ( لقاء تعريفي للمتطوعين الجدد و تسجيلهم )
بعد ما طلعنا يقولوا لي مزن نحن متحمسين لـ المشاركه بـ الملتقى.
و ان شاء الله ما يخيبوا ظني فيهم

[العجيبة]

الاحد


المود : معتفس تقريبا


والله اتوقعت انه الشغل ويا الشباب معنااااته بحصل كل شي جاااهــز واللي بسويه بيكون شي بسيط عشان احلل درجاتي
طلع العكس ... يبوني انا اسويلهم كل شي !!! طفـرت والله وهالسمستر ما ادري شو ياااه طويل بزيااادة !!!


مب متعــاونيــن بتــاتـــــاً !

:(

[قصايد غلا]

اليوم : كااااان الأحد و استوا الاثنين و بعدني وااااعية

المود : مستانسة لأني مخلصة امتحاناااااااتي بس تعبانة لأن شغل الجامعة ما يخللللللللللللص


الموضوع :

نشيت اليوم الساعة 8 إلا شي ، وصلت الجامعة على الساعة 9 و10 تقريبا .. حمدت الله لأنه ماااااا وصل الدكتور قبلي لووول

افتكييييت و سلمت له البحث و ارتحت نفسيًـــــااااا


رديت البيت الساعة 1 ، يلست شوية على النت و سطلللللت على الساعة 3

نشيت رقدت من 4 ليييين 5 إلا ربع ==> بس مخي شغّااااااااااال ، أفكر بالبحث الثاني اللي لازم يتسلّم بااجر

و من الساعة 5 يالسة أشتغل علييييييييييه لين أحينه و إن شااااااااااء الله أطلع بنتايج حلوة لأني أحس بعمري أبدعـــــــت في التأليييييييييف و التخرييييييييييييف



و من الساعة 11 معلقة على أغنية يا حظ عينك بسبة اليـــــــااااااااااااااا ااااااااااهـ لووول


و ياااااااااااا رب أخلص هالعلة عشان أرقـــــد قريرة العييييييين =p


أحس بعمري بزجّـــــــم .. راسي يعورني و كل شوية أعطس =S روحي مب ناقصة ، لكن برايه كفاااارة عن الذنوب و الخطايا =)



==========================


الله يعييييينج يالعجيبة لأني أعاني مثلج .. البحث اللي أسويه لازم تسويه ويايه بنت ، بس أنا يالسة أشتغل بروحي

قلت أنا عليّــه من نفسي ، مب مستعدة أعاند حــد ما تهمه درجته ، و مستحيييييييل الله يساويني بها

[بنت الدلع]

مزاااجي مزاااج استرخاااء


واخيرا سرنا شفنا الفلم (fast & furoius)
عاد كله ولا الاسباب العجيبه الي ظهرناها وطبعا النتييييجه

لول

انا و H اذا تيمعنا مصييبه

the last updates

رتتتتبت غرفتييي
سرت وظهرت كللللل شي برررررع
ومسحت الغرفه وخليتها تلامع وغيرت الشراشف كلها والكفر وغيرت اماكن الاثاث
الحين يوم ادخل الغرفه احسها فرررررش وتلللق لول
التغيير وااايد يأثر عالنفسيّه ويخلي الانسان more productive



كله ولا المواقف الي صارت في ايكيا
وانا بكل بروووود: وين محفظتي ؟!!
يحليلها اختي

وبعدها الاخت متصله
اقولج
ماعرف وين بركنت سيارتي !!!

[رمــش الغـــلا]

اليوم ... 28

الثلاثا =)

.
.

اليوم كـآنت التحضيرآت الاخيرة لكونفرنس يوم الخميس ...

وفي نفس الوقت تقسيم شغلنا والـ Duties لكونفرنس بــآجر =)

.
.


طبعــآ اول شي شغالين فالطباعة وترتيب الفايلات وانسوي كفرات السيديات .. وونسخ الفايلات عالسيديات ..

و واااااااااااااااااايد اشيبا غير هذا كله >_<





هاي كفرات السي دي سوتهم ربيعتي وطبعناهم ويلسنا انقصصهم ...

وعقب ما خصلنا ال 60 سي دي =)




وعقب بدينا نرتب الفايلات

قسمناهم 3 الوان وردي واصفر واخضر 20 لكل لون .. طبعا من كل شي انسوي 60 مرة لووول ...!



عقب بديناا نحط السيديات والاوراق والاقسام اللي في كل فايل .. وهاي روحها قصة ><





وآخر شي احلللللللللللللللللللللى شي شفنا ال 60 فايل جاهزييييييييييييييييييييي ن =)





وهـ التعب كله كان من 8 ونص الصبح لي 3 ><

^__^

والله يعين كونفرنس بــآجر لول ..!

[رمــش الغـــلا]

اسمحولي عـ كواليتي الصور .. لانهم بالفون وعالسريع =)

[طير الغرام]

اليـوم : الخميــس
المــود :

الموضــوع :

من أصبحـــت الصراحه ماسويت اشيا انتريستنـج
يلست مع الوالـده واتريقـــت ،، تميت اجوف التلفزيون اشوي
وعقب قعـدت ع النــت أخلص البروجكـت اللي عليه [ بس بعد ماخلصتــه ] وفـ نفس الوقت كنت انزل برنامج
مــر الوقــت وعقب ردن خواتيه من الدوام اتغديت معــاهن ،، وعقب كل وحده ع حجرتهـا سارت ترقــد
وانا الفقيره المسكينه بـرد اقعــد روحــي !

وأمايه ويدتيــه روحــوا المستشفى
لنه يـدي اليــوم تعـب علينــا اشوي وودوه المستشفـى ،، قالوا بيخلونه تحت المراقبــه كم يوم
[ ربي يعطيــه طولت العمــر والصحــه والعافيــه آميـــن ]


المهم ع العصـــر تميــت روحي فـ البيت [ طبعاً الموجودين غيري ارقــود ] فـ من الملل سرت سويـــت كيكه وخليت البشكاره اتحط الفواله واتسوي جاهي
تميت اتريــا واتريــــا >> جان اتفاول روحــي [ غمضـــت عمــري الصراحه ]

اشوي وجان يـرن فون البيــت كان ولد خالتيه سألني وين أمايه قلتله روحــت جان يقول اوكي خلاص ،، قلتله ويت ويت وأمك متى بتروح
قالي الحينه جان اقوله خلها اتمــر عليــه عيل ،، انا بروح
وجان اربـع الحجــره بسرعــه بســرعه وبالمره وعيت ختيه كانت تبى اتروح !

سرنــا اتطمنــا ع يــدي والحمدالله صحتــه احســن بس بعــده اشوي تعبـــان ! [ ما اتجــوف شــر يالغالـــي ]
وردينــا البيت ع العشـــا ،، وبس هاي أهم أحداث اليــوم

[عنــود المهـا]

اليوم ::

اليمعه بما ان الساعه 2:40ص
بس آنا برمس عن الخميس

المزاج ::


عال العال

الموضوع ::

من يوم السبت عميمه وبناتها وريلها يايين من قطر
وما صارت فرصه اييونا ولا نسير لهم لأنه ريلها عنده دوره ,, ولأنهم نازلين فـ بوظبي
عاد اليوم تواعدنا فـ دبي وتلاقينا

ع الساعه 7 المغرب طلعنا م البيت صوب دبي مول

التقينا وسلمنا وتوزعنا

الرياييل روحهم ،، امايه وعميمه روحهم ،، خواتيه روحهم
وانا وريماني ولولو رواحنا

سوينا شوبنق وخلصنا ويلسنا فـ ستار بوكس نسولف
والله كنا شالين البقعه ع روسنا ضحك وسوالف وتصوير وعبط وجنان وربشه
فديتهن والله كنت متولهه عليهن واايد

المهم
خلاف سرنا جدى المطاعم << الطلعه اكل فـ اكل
واتيمعنا كلنا وطلبنا عشا ويلسنا
عاد نحن الثلاث شو اللي يخلينا نسكت بعد ما التقينا
الاوادم يتعشون ونحن من الضحك مب قادرات انكمل اكلنا
لـكن الحمدلله عدت ع خير ومحد هزبنا وقدروا الموقف اللي نحن فيه
و ع الساعه 12 سلمنا ع بعض وهم ردوا بوظبي لأنهم بسافرون الصبح ونحن ردينا البيت

وبس

[مزن هتان]

اليوم : من الاربعا المسا لين الأحد المسا
المزاج : missing someone

الموضوع : عرس خالي
يوم الحنا كان صعب من نواحي كثير، كل ما اذكر اني شفت هـ الاثنين
واقفين مع بعض احس بـ غصه + اللي زاد الطين بله خالي ( المعرس )
تذكر يمه و كلنا معاه ما قدرنا نيود عمارنا "ربي يرحمها " كان متعلق فيها
لدرجه. يوم العرس الحمدلله انه كان يضحك عكس يوم الحنا و انا معاه
بالغرفه اقوله خالي ابتسم يقول لي مو قادر


نفخوا لي ريشي بـ إطرائاتهم زين بس ما طرت
لون فستاني كان سكري + ذهبي ( غيرانه من العروس )

[مزن هتان]

اليوم : البارحه
المزاج : عادي

الموضوع
من كم يوم حلمانه بحلم استحي اقوله بس لين البارحه ما قدرت
خبرت اختي و مرت أخوي "بنت خالتي" شو قعدوا يضحكون
كنت حلمانه { اني اسوق مرسيدس ابيض و هالمرسيدس كان مال الشيخ
حمدان بن راشد ال مجتوم - ربي يحفظه - و حتى انه بالحلم حد طلبها مني قلت
لهم اسمحوا لي موتر الشيخ } احاول اذكر قبل ارقد بشو كنت افكر مو قادره
عن جد غريب بس والله ضحكت على عمري من الخاطر يوم نشيت


مين يتواصل مع شمعة أمل ؟ طمنونا عليها

[مزن هتان]

اليوم : هـ اليومين
المزاج : كل حين شي !!

الموضوع
أشيا كثيره بـ بالي، تفكيري مشتت مو قادره ايمع حايه
1. خالي محمد مغبي علينا انه راح يستقر مع زوجته و عياله بالكويت، لأنه داري يباه ما راح يخليه .
2. أخوي أشغلنا بزواجه مو قادرين نتنصخ .
3. البارحه نشيت 8:10 و ماكو ابالي الا شمعة أمل و على طول دزيت لها اقولها وحشتيني
الحمدلله ردت عليه انها بخير .
4. البارحه شفت حد من هني، ربي يحرسهم و يخليهم لـ بعض و لأهاليهم .
5. موضوع أختي شاغل بالي بالمره ربي يوفقها

[مزن هتان]

تم تمليك موضوع دير دياري ~ يوميات لـ مزن هتان
=)

[شوق القلوب]

أحب عفويتج يا مزن في هالموضوع.. دايما امتابعه اخبارج .. :)