دير دياري ~ يوميات

[طير الغرام]

اليوم : السبــت
المود :

الموضــوع :

برمس عن الويكـ اينــد
وبالتحديــد من ليلة الخميــس
فـ هاليوم اربيعتيــه يــت السكــن أخيــرن وخلصت امتحاناتها والصراحه من زمان ماقعدنا مع بعض ومتولهين ع بعــض
ع السـاعه ٢ ونص فليل قالتلي مافيني ارقاد قومي نتمشى ،، انا ع طول قلتلها اوكي >> وهيه كانت تتوقع اقول لا
المهم يينــا بنظهــر من الشقه سمعنا اصوات وحشــره يوم جيكنـا من البلكونه إنه مطــر وصبييييب ماشاءالله
نزلنا تحت وماشاءالله البنات متيمعــات تمينا اشوي عن خاطرنا ويوم خف المطر تمينا نمشي تحت المطر لين مابردنا وردينا الشقــه ،، وعقــب كملــنا يلســه فـ البلكونه اشوي اسميــه غــرق السكــن ليتها الجامعــه بعــد




المهم انا واربيعتــه عندنا مخططــات إلا ونظهــر لنه من زمان ماظهرنا والقهر يوم الخميس بنرد البيت [ بوظبي ]
بس منوو يقول إنه ما بنظهــر هههه ،، والله من صباح الله خيــر يوم العرب يروحون الدوامات انا وهيه ناشات غصب >> شو حادنكن هههه
المهم نشينا ٨ وشي لين ما اربيعتنا اللي من دبي يــت مع ادريولهم ووصلهــا الدوام
وعقب مــر علينا >> عادي عندنا تصريح معاها ،، يانا تقريباً ع التسع [ وحليلها اربيعتنا تبا اتروح معانا بس قلنالها انتي عندج دوام ماشي ]
وماشاءالله الجو كان رهيـــب وعيمــان غرقانه !




اونه اربيعتيــه اتقولي قومي بنغيــر وانروح حمــدان سنتــر اتقول اهناك فيه كوفي وبنتريــق >> احنا مشكلتنا ما اندل شي فـ عيمان غير السيتي
المهم سرنا حمدان سنتــر >> الصراحه ما جفت غير محلات عبي
وحصلنا الكوفي امسكر ،، ويوم سألنا حد من اللي يشتغلون اهناك قالولنا اليوم اتأخروا وشكلهم بيبطــون عشان الامطار
>> احنا اللي مستعيلين ويايات من صباح الله خير هههه
المهم غيرنــا الوجهـه وسرنا صوب السيتــي قلنا ابركـ من انه يضيع يومنــا

سرنا اهناك وماشاءالله نص بنات الجامعه اهناك وبـ اللاب كوت يايين بعد ماعندهن سالفه
عاده انا واربيعتيه يعنـا من متى نبى نتريق قلنا بنسير ستاربكس بس الصراحه كان فيه وايد شباب
آخر شي قلتلها قومي انسير ناكل سينابون أبركـ والمكان فاضي اهناكـ



والصراحه شبعنــا

اتمشينا اشوي ف المحلات وعقب اتريينا وحده من ربعنا تمينا معاها اشوي فـ السيتي وبعديــن ظهرنــا معاها وردينا السكــن

وبس باقي احداث هاليوم كانت عاديــه

واليوم الثاني اليمعــه
ظهرنــا مع خالتيه سرنا المول منه انه انظهر العيال يلعبون ومنه انه انروح نتشــرى
حيــاتي سيف كان مريــض





وروضــه ههههه وحليلها عندها ضرس يرتقل وهب طايع يطيــح حاولت امطــه بس حسيت بيعورها قلتلهم ودوها عند دكتور اسنان احسن



لعبنــا اليهال ،، وعقب خلينا البشاكير معاهـم واحنا سرنا نتشــرى



عقب ماخلصنــا شوبينــج سرنا نتعــشى




الصراحه ماحصلنا مكان حيذا الويــه زحمــه !

أنا حبيــت هالشي وااايــد




أسكريم جيــز كيكـ


المهم فـ المكان اللي قعدنا فيه كان جدامنا بنيه ومعاها ياهل >> انا من النوع اللي ما احب اطالع الناس !
وفـ نفس الويه اتم اتلفت يمين يسار عشان ما احب حد يطالعني وانا آكل
جان اتقولي ختيه جوفي جوفي هاي اللي جدامنا هب جنها تشبه فلانه اربيعتــج
انا لفيت اشوي جفتها ع ينب بس وقلت مادري يخلق من الشبه اربعين وختيه مصره هيه يعني هيه
وعقب يوم قامت البنيه جنه سارت تييب الطلبيه انا جفتها وقلت هيه والله وايد تشبهها
جان اروح واطرش مسج حق اربيعتيه وقلتلها هلا ،، اشحالج ؟ اقولج انا امشبهه ع وحده فـ المول ليكون انتي
[ للعلم هاي اربيعتيه من ايام المدرسه وماجفتها من اسنيييييين وبينا بس مسجات ]
دقايق ويت البنيه وخالتيه وخواتي يالسين يجوفونها قالولي ها ها اكيه يت ،، مسكت التيلفون ،، تقرا المســج ،، ها ها اكيه يالسه اتجوفج ههههه ضحكوني والله

وسبحان الله ظهرت اربيعتيه وحليلها جافتني قبل وعرفتني بس استحت اتحرتني اتجاهلها افاا والله افاا انا هب من هالنوع

ردينا البيت ع الـ ١٢ امايه اشوي احتشرت علينا عن خاطرها ههه >> خواتيه اللي كانن يسوقن سرنا بـ سيارتين
واستوالنا موقف عند خدمه صف السيايير احتشروا علينا العرب لنه اتأخرنا اشوي وعرقلنا السير >> مافيهم صبر
+ وحده من خواتيه انشحفت سيارتها واتقول انه اكيد اللي ساقها هو اللي شحفها تمت محتشره بس يله شو بنقول ،، مكتوب !

:

واليــوم سوينا سربرايز حق اخويه [ اصغر واحد ،، بس هو ثانويه عامه ]
عيدميلاده



واحنا مشتطين وانولع شموع آخر شي ظهــر راقــد
وعقب سارت ختيه اتوعيــه واتقوله تعال ابســرعــــــه ،، وإلحـــق شو مستوي
الولد زاغ وفز من ارقاده

ويوم جاف الكيكــه ،، جان يعطينا ذيج النظــره ورد كمل ارقاده ولا جنه شي
>> هذي يزاتنــا الله يسامحكـ لا وعقب يوم نش قال انا اصلن ما احب هالكيكه
اصلن الحرمه اللي سوينا عندها الاوردر كانت امخرفه قلنالها ماربل ،، وسوتلنا جوكلت

وبــس هاي أهم الاحداث فـ الويكـ اينـد
والحينــه الجو يخوفـ الصراحه وانا روحي اربيعتــه محــد ،، الله كريـــم

>> ادري واااايد رمســـت

[مــهــابه]

اليـوم :

الآحـد


المـزاج :

فـآيـن

المـوضـوع :

الجـو مسـتوي غـرآم ، واللـه مب جـو دارسـة أبـد ، جـو حواطــه وبس ! . . .

حظهـم هـل التقـنيه أجـزوا فـهالأجـوا الحـلوه ..


امس وآنـآ يـآيه من العـين ، جآن اتذكر مـزن ، فقـلت لآزم اصور لـهـآ صوره



بدع بنت مسعـود كان زحمـه بـكل ماتحمله الكلمة من معـنى ، مافي جانس نـآخذ راحتنا فيـه ، بس كـآن وايـد وناسـه

والاجواء حلـوه ، خبـآل ، لكن اكتفينـآ بالمطالعه من بعيد بس :(

[أنامل قلب]

~

اليوم : عساس الأحد ..
المود : جدا .... .. ...... ~ !
الموضوع :

قمت اليوم عـ حشرة اختي واهي تقولي بإن أخوي اللي مر عليها اليوم ، يعني ما بنقدر نلبي طلب اختي الثانيه !
بغت نمر عـ أي مركز ونتشرالها لـ شغله محتاجتها بس شكلها بتنطر زياده ^^"

وووو تأخرنا اليوم عالوالده ، بس ان شاء الله باجر اهي بتينا ، ووووووووووو باذن الله يستوي اللي ابـ بالي ~
كانت قعدتنا اليوم غريبه ، سوالف الحريم صدق غير لول ^^" / تمو يدخلون بنقاشات مادري كيف وصلولها =/

مره عن زواج أصحاب البشرة المتناقضه ، وكلن يطرح رايه ، وعني أنا تفاجأت ابـ بعض الآراء صـــــــــــدق !!!!!!!!!!!؟
حتى من الحماس الزايد خاصه لمن اشوف راي موووول ما أأيده ، تميت أطرح شوي من آرائي بكل ثقه
وعقب انتبهت على عمري و استحيت عـ ويهي لول / صدق قفطه =#

وبعديييـــــــن يابو طاري جامعة العين والانتقادات اللي اسمعها دوم !
مادري اشمعنا جامعة العين بالذات ، وايد وايد وايد يحطون عليها ، حتى أهلنا بالكويت صدموني =$

,

اممم ، من يومين أحس نظامي بدا يتخربط فوق ماهو مخربط / ابـ شغله بالذات ..

,

قبل أكثر من نص ساعه مسكره عن رفيجتي اللي تمت بالأخير تحن علي ليمن أكدتلها إني بردلها خبر بعد ربع ساعه !
احليلها والله ، صدق صدق صدق وايد أحب لمن أقعد أناقشها بشغلات وشغلات وشغلات / جدا نستفيد ~
وعقب كلمت الوالد عساس اني بروحلها جامعة الشارجه باذن الله ، وأكدتلها بعد ما بطت جبدي بالحنه لول

بس وربي أحبــــهم كلهم ^__________^ ..

وووو صح نسيت أقول ، من كمن يوم باباتي ملزم إن اهو اللي يطبخلنا الغدا ،
يعني متهنين بطباخ أبوي ما شاء الله من كمن يوم ، صدق طباخه حلو ما شاء الله ..
الشغله الوحيده اللي ماحبها باللي يحضره ، إنه يحب يقطع الخضروات بأحجام كبيره ،
حتى مره وأهو يحطلي "أونه يبي يوزعلنا عـ كيفه" أقعد أتحرطم أونه مابي هذا
حجمه عود ابي ذاك والخ الخ / ليمن عصب ^^"

وهيييـــــــك ~

[طير الغرام]

^

يحيـــكم

:

اليوم : الاحــد
المود :

الموضــوع :

اليــوم كــان يـــوم حلــو من بــدايتــه ،، وماشاءالله أمطــار الخيــر كانت تفتــح النفــس
>> بس ماكان جــو دراســـه

و جفــت شي حلــو
وزين لحقــت عليــه وصورتــه بس هــب لين اهنــاكـ الصــوره



قوس قزح Rainbow

[دمعة شوق]

طيـرآلغـرآم

جـدا ً ممتعـه يـوميـآتـج
^^
آستمتعت وانا آقـرآ عيشتيني آلجـو
:)

[طير الغرام]

^

تسلميــن والله ^ـ^

[بنت الدلع]

TO Dear diary
Someone is dead exhausted from the uni pressure

[مــهــابه]

اليوم :


~ الخميس

بـدآيـه ويك إنـد حلـوه

المـزآج :

عـآل العـآل


المـوضـوع :


اليـوم يـآيـه ومـزآجي آلعـب مع اليـهـآل وبس ، اتصلـت ف ختيه ، ظهري عيـآلج بمر عـليهم ،قـآلت لآ

ومب لآبسين ومـآ آدري شـو ، قلـت لهـآ برآيـهم ، آمـر عليهم يـعني آمر مايخصني

مريـت عـليهم وسحبت حـمآده من عـند آمه وهـجوم عـبقـري فـ الحوش ، سـوينـآ حشره مابعـدهـآ حشره




قـآعده آقـول لـهم يالله بصوركم ، وشـوفوا عـبودي ~ شو قـآعد يسوي



حمـآده قـلبي بـآجر بيكمل سنه ، آو خلـونا انقول بآنه كمل بمـآ انه دخلـنا فـ يوم اليمعه

قـآعد يـرآكض فـ ميلسـته ع طـول الحوش ، خبلـوبي شويه ، آيود مـنوه ولآ منوه ، طلع لـنآ ولد عـميه من بلكـونة غرفـته يوم سمع زعـيجـنـآ ، آقول لـه حيـآك فـ بيـتنـآ ، يقـول آنا مب خبلـه آرآبـع يـهـآلوه

قلـت روووح مب منك يالخقـآق

خلآف يـتني فـكره جهنميه آلا وهي



آنـآ ماسـويت شي بس ركبـته فـوق سيـآره آبويه وخليـته يحبي عـليهـآ ، زين آنه ماشـآفني ابـوه



مـآخذ رآحتـه الآخ واايد

عـقب مالعـبنـآ وعيـزنـآ وقـرب يأذن المغـرب وتـرجع آمايه ، جـآن اسحبهم الملحق ، مافيـَه تشوفني جيه مسوتبهم ، آونه يـهـآل مايقـهرون الله يرحم آيـآم ماكنـآ آنطيح ونـتكسر وننفلـع




وتـبقـى " دوم " ~ متـميز / يـآ ( عـبدالله )
ودآيـم غيــر




آنـا في دآخلي " طفلـه "
~و آمـوت بضحكة " الآطفـآل "



أحبـــــهم


الله لآيحرمنـي منهم ، والله هم الوحيدين اللي لو كـآنت هموم الدنيـآ فوق رآسي ، شوفـتهم تـريحني وتطيب خـآطريه

[دمعة شوق]

اليوم : اليمعه 3 \ 4\ 2009

المزاج : آحـآتي وخآيفـه

بـدآيـة ويك آنـد حزينه

امس كان عندي مدتيرم الحمدالله ظهرت من الامتحان مستانسه ،، خطفت وخذيت ريوق لخواتيه
ومن نحااستيه اندعمت السيارة والدريول يااابرروده افف قهرني

رديت وتريقنا وسولفنا من زمان مايلسنا رباعه ،،
عقب يوا خوانيه ومستانسين لانهم بيروحون العزبه ويا ربعهم وبيلعبون بالبقي والدراجات ،،
تمنيت اروح عنـدهـم

/

وقعدت اطالع مسلسليه لين ساعه 5 وعقب رقدت شويه لين المغرب ،،
جـآن اتي ختيه توعيني وتقوليه اخوج سوا حـآدث ،،
انا ماستوعبت ورديت رقدت وعقب اسمع الحشره وتلفوني احترق ،،

جـآن آنش وادق لبويه وانا مش مصدقه وخبرني بالسالفه وقالي ان اخوج فـ الـعنايـه
:(
وانا خلاص مصدومه متحطمه ،، ابا اشوفه تولهت عليه ابا اطمن عليه
فدييتهم كلهم كانوا رايحين مستانسين وردوا ناقصيين ومهمومين
الحمدالله ياربي هذا ابتلاء من الله بس الله يعافيه ويقومه بالسلامه

\

كـآن آصعب يوم في حياتي
والأسوا من هذا كله أني انا اللي خبرت اميه
:(
الله يعاافيه ياربي دعواتكم

[طير الغرام]

^

الله يعافيـــه ويقــومـه بالســلامـه إن شاءالله !
وربي يفـرج همــكم بإذنه تعالـى

[رمــش الغـــلا]

^ اللهـ يعافيه ان شاء الله

ويقوم لكم شرآت قبل وأحسن أختي =)

اللهم آشفي عـمــر وعافه واعفو عنه اللهم رد اليه عافيته وازل عنه البلا ياسميع الدعاء ،،اللهم انا نسالك له الشفاء العاجل اللهم انت اللطيف بعبادك

[دمعة شوق]

طيـر الغرام و رمش الغلا

يزاكن الله خير خواتي
ومشكـورات
^^
والله يقومه بالسلامه

[مــهــابه]

^
ماعليه بأس ان شاء الله


الله يقومه بالسلامه ، ويرجع لكم شرات قبل واحسن ..

[دمعة شوق]

^
يسلمـج يـ آالغاليه
ويزاج الله خير

[قصايد غلا]

الله يعافي لكم أخوج يا دمعة شوق

والله حاااااااااسة فيــــــج .. حسيت بهالشعور يوم أخويه سوا حادث


الله بيرده لكم مثل ما كان و أحسن إن شااااء الله